25/09/2026
#सांगली नगरीचे उदंड प्रतिसादाबद्दल मनःपूर्वक आभार!!!*
सांगली नगरीत सलग चार दिवस आयोजित करण्यात आलेल्या #ऐतिहासिक_शस्त्रास्त्रे_नाणी_कागदपत्रे व विविध ऐतिहासिक साधनांच्या प्रदर्शनास सांगलीकरांनी दिलेला उत्स्फूर्त आणि अभूतपूर्व प्रतिसाद हा माझ्यासाठी अत्यंत आनंददायी व प्रेरणादायी अनुभव आहे. इतिहास, संस्कृती आणि वारसा यांविषयी समाजमनात असलेली आस्था या प्रदर्शनाच्या माध्यमातून प्रकर्षाने जाणवली.
या प्रदर्शनाचे उद्घाटन श्री शिवप्रतिष्ठान हिंदुस्तानचे प्रमुख * #श्री_संभाजीराव_भिडे_गुरुजी यांच्या शुभहस्ते झाले, तर सांगता समारंभास मिरज संस्थानचे युवराज #श्रीमंत_माधवराजे_पटवर्धन यांची उपस्थिती लाभली.* या दोन्ही मान्यवरांच्या उपस्थितीमुळे प्रदर्शनाला विशेष प्रतिष्ठा आणि ऐतिहासिक संदर्भ प्राप्त झाला.
प्रदर्शनाच्या चारही दिवसांत सांगली, मिरज आणि कुपवाड परिसरातील विविध क्षेत्रांत कार्यरत असलेले लोकप्रतिनिधी, राजकीय पक्षांचे पदाधिकारी, सामाजिक कार्यकर्ते, इतिहासप्रेमी, संशोधक, अभ्यासक, संग्राहक तसेच हजारो गणेशभक्त यांनी प्रदर्शनास आवर्जून भेट दिली. #सांगली_मिरज_कुपवाड महानगरपालिकेचे #महापौर_श्री_धीरज_सूर्यवंशी, राष्ट्रवादी काँग्रेस पक्षाचे सांगली शहराध्यक्ष #प्रा_पद्माकर_जगदाळे, श्रीयुत #अजिंक्यजी_पटवर्धन, #मा_नितीनजी_शिंदे (माजी आमदार, सांगली), भारतीय जनता पक्षाच्या नेत्या #मा_जयश्रीताई_पाटील, #श्री_विज्ञान_माने, #छत्रपती_शासन समूहाचे कार्यकर्ते, विविध माध्यमांचे प्रतिनिधी* तसेच असंख्य इतिहासप्रेमी व गणेशभक्त यांनी दिलेल्या सदिच्छा, प्रोत्साहन आणि प्रतिसादाबद्दल मनःपूर्वक कृतज्ञता व्यक्त करतो.
हे प्रदर्शन यशस्वी करण्यासाठी ओम सम्राट मित्र मंडळ, खण भाग, सांगलीचे अध्यक्ष, उपाध्यक्ष, सर्व पदाधिकारी आणि कार्यकर्ते यांनी घेतलेले परिश्रम व दिलेले सहकार्य अत्यंत मोलाचे आहे. त्यांच्या सक्रिय सहभागाशिवाय या उपक्रमाची यशस्वी सांगता शक्य झाली नसती.
या ऐतिहासिक उपक्रमाची संकल्पना प्रत्यक्षात आणण्यासाठी मंडळाचे श्री. अमोल आरगे, सांगली जिल्ह्यातील युवा इतिहास संशोधक #श्री_महेशजी_कदम, तसेच मंडळाचे सहकारी राजू यांनी केलेले योगदान विशेष उल्लेखनीय आहे. #पर्णाल_इतिहास_संशोधन_मंडळ_पन्हाळा आणि ओम सम्राट मित्र मंडळ, सांगली यांच्यामधील समन्वय साधण्यात श्री. महेशजी कदम यांनी महत्त्वपूर्ण भूमिका बजावली. त्याबद्दल त्यांचे विशेष आभार.
या प्रदर्शनास प्रत्यक्ष अथवा अप्रत्यक्षरीत्या सहकार्य करणाऱ्या असंख्य व्यक्ती, संस्था, माध्यम प्रतिनिधी, इतिहासप्रेमी, अभ्यासक, संग्राहक, कार्यकर्ते आणि सांगलीकर नागरिक यांची नावे विस्ताराच्या मर्यादेमुळे स्वतंत्रपणे नमूद करता येत नाहीत. तथापि, या सर्वांचे ऋण मी मनःपूर्वक स्वीकारतो.
इतिहास हा केवळ भूतकाळाचा दस्तऐवज नसून वर्तमानाला दिशा देणारी आणि भविष्याशी संवाद साधणारी ज्ञानपरंपरा आहे. या प्रदर्शनाच्या निमित्ताने ऐतिहासिक साधनांविषयी निर्माण झालेली जिज्ञासा, अभ्यासाची प्रेरणा आणि जनसहभाग हीच या उपक्रमाची खरी फलश्रुती आहे.
सांगलीकरांनी या उपक्रमावर व्यक्त केलेला विश्वास, प्रेम आणि आपलेपणा आम्ही सदैव स्मरणात ठेवू.
आपल्या सर्वांचे मनःपूर्वक आभार!
– शिवप्रसाद शेवाळे
अध्यक्ष तथा संग्राहक
*पर्णाल इतिहास संशोधन मंडळ, पन्हाळा* 🚩
#ऐतिहासिक_शस्त्रप्रदर्शन #श्री_शिवप्रतिष्ठान_हिंदुस्तान
पर्णाल इतिहास संशोधन मंडळ , पन्हाळा
