http://salakatianchalikcommitteeabsu.com/

सालाकाटि दख'रा, ABSU, Kokrajhar (2026)

15/09/2026

सालाकाटि दख'रानि सिङाव थानाय गासै गामिनि जोलुर हान्जाफोरखौ थाबै मुं थिसननो हांख्रायहरबाय ।
Limited Seat || Opportunity will be given as per queue order i.e, First in first out.

13/09/2026

सालाकाटि दख’रा गाम्बारि फाइखि हान्जाया समाजारि सांग्रांथि मेल खुंदों।

बिरहांगाव, सालाकाटि, क’क्राझार 13 सेप्तेम्बर, 2026:

दख’रानि बेन्दोङाव थानाय बिरहांगाव गामियाव सालाकाटि दख’रा गाम्बारि फाइखि हान्जानि लिंथुमनाय समाजारि सांग्रांथि मेलाव सालाकाटि दख’रा एबसुआ बाहागो लादों।
मख’नो गोनांदि, सालाकाटि दख’रा गाम्बारि फाइखि हान्जानि मानिजाथाव आफादगिरि मुश्रीमा जमुना बसुमतारीनि आफादगिरिनि मासि लानानै दैदेननाय समाजारि सांग्रांथि मेलाव सालाकाटि दख’रा एबसुनि मानिजाथाव आफादगिरि मुश्री दनेन नार्जारिया बाहागो लानानै थांनाय समाव ओनसोलाव जोबनो गैयै जेंना-जेंसिजों समाजा गुबुंग्ले जाबोनायखौ नुनो मोननाय जादों, बे गासैखौबो बिथा खालामनानै राज्यो-राजाफोरखौ सांग्रांथि होनायजों लोगोसे समाजखौ गोग्गो खालामनायाव गोख्रों थांखि लानो खावलायो।
बे हाबाफारियाव क’क्राझार जिल्ला बर’ बिमा गौथुमनि सोद्रोमा मुश्रीमा कबिता ब्रह्म, सालाकाटि गुदि बर’ थुनलाइ आफादनि आफादगिरि मुश्री दैथुन कु. ब्रह्म, सालाकाटि दख’रा बर’ समाजनि आफादगिरि मुश्री महथ बसुमतारी, सालाकाटि दख’रा एबसुनि लोगो आफादगिरि ड० खोमथा नार्जारि, गाहाय नेहाथारि मुश्री जांगिला बसुमतारी आरो सालाकाटि दख’रा गाम्बारि फाइखि हान्जानि गुबुन गुबुन बिबानाव थानाय मावथिफारिया लोगोसे बिरहांगाव गामिनि साननो हनो गोरों राज्यो-राजाफोरा बाहागो लायो।

09/09/2026

फैगौ 23 सेप्तेम्बरनिफ्राय खुंजागोन रैखाथिनि फाइखि ट्रपि- 2026 गामियारि जोलुर बादायलायनाय।

सालाकाटि, क’क्राझार, 09 सेप्तेम्बर, 2026 इं:

सालाकाटि दख’रा एबसुनि बान्जायनायाव बोसोरफ्रोमबो खुंबोनाय बायदिनो देग्लायबो 6थि खेबनि थाखाय रैखाथिनि फाइखि ट्रपि- 2026 गामियारि जोलुर बादायलायनायखौ खुंनो थाखाय बान्जाय आफाद दाफुंनानै लानाय जायो।
मख’नो गोनांदि, सालाकाटि दख’रा एबसुनि आफादगिरि मुश्री दनेन नार्जारिनि आफादनि मासि लानानै सामलायनाय सावराय मेल बायदियै कान्थालगुरि गामिनि गुदि फरायसालियाव ओनसोलनि माखासे सानसुमै मेलेमजिबिफोरखौ लिंथुमना सावरायलायनायनि गेजेरजों रैखाथिनि फाइखि ट्रपि- 2026 गामियारि जोलुर बादायलायनायखौ 6थि खेबनि थाखाय खुंफुंनो बान्जाय आफाद दाफुंनानै लानाय जायो आरो बोहैथि दाननि 23 सेप्तेम्बरनिफ्राय कान्थालगुरि बारग्लां आफादनि गेलेग्रा फोथाराव खुंफुंनो थाखाय थि खालामनाय जाबाय।
बान्जाय आफादनि मासिगिरि महरै मुश्री सनेश्वर बसुमतारी आरो लिंथुमगिरि महरै मुश्री कृपामय ब्रह्म बिथांमोननो बिबान गथायनाय जायो।

29/08/2026

सालाकाटि दख’रा सिंनि बर'नि माहारियारि आफादफोरा Anti Social Activities नि हेंथायै क’क्राझार जिल्ला बेंगिरिनो गोसोखांलाइ गथायदों।

सालाकाटि दख'रा, ABSU 29: दिनै सालाकाटि ओनसोलनि बर’नि माहारियारि आफाद फारियै- सालाकाटि दख’रा एबसु, सालाकाटि गुदि बर’ थुनलाइ आफाद, सालाकाटि दख’रा बर’ समाज, सालाकाटि गुदि ट्राइबेल संघ’ आरो सालाकाटि दख’रा गाम्बारि फाइखि हान्जानि जुथायै समाज बेरेखा हाबाफोरनि हेंथायै क’क्राझार जिल्ला बेंगिरि मुश्री पंकज चक्रबर्तीनिसिम गांसे गोसोखांलाइ गथायो।
मुंख’नो गोनांदि बे गोसोखांलाइनि गेजेरजों जिल्ला बेंगिरिनिसिम बेखौनो खावलायनाय जायोदि, फैबाय थानाय फुजा फोर्बोफोराव जाहाथे जेबो रोखोम जुवानि मेला आरो जोबनो गैयै मेला, जुवा जानायखौ सालाकाटि ओनसोलाव बन्द’ खालामनांगौनि दाबि दैखांनाय जायो। बेजों लोगोसे आथिखालाव सोलिबाय थानाय जोलुर बादायलायनायनि मुङाव दाउ-अमा, बोरमा, हांसोफोरनि खेलाजों रोखोमसे जुवा खेला होनाय आरो हाथाइ बाजाराव अनलाइन जुवा इन्दिं, टिर बायदि रोखोमसे जुवाफोरखौबो बन्द’ खालामनो गोख्रोङै खावलायनाय जायो।

15/08/2026

सालाकाटि दख’रा एबसुआ सानसुमै मेलेमजिबि लोगोसे गामिनि दैदेनगिरिफोरजों गोथौयै सावरायलायदों।

1 नं मुराबारि, सालाकाटि, क’क्राझार 15 आगष्ट, 2026 इं:

सालाकाटि दख’रानि सिङाव थानाय 1 नं मुराबारि गामिनि गुदि फरायसालिनि लांगोनायाव सालाकाटि दख’रा एबसुनि लिंथुमनायाव आथिखालनि थासारि आरो गुबुन गुबुन बिथिंनि सायाव गोथौ आरो गुवारै सावरायलायनाय जायो।
मख’नो गोनांदि, सालाकाटि दख’रा एबसुनि मानिजाथाव आफादगिरि मुश्री दनेन नार्जारि बिथांनि आफादनि मासि लानानै दैदेननाय मेलेमजिबि जथुमाव सालाकाटि ओनसोलाव माखासे थांनाय समफोरनिफ्रायनो थाद’नाय गैयै गोबां जेंना-जेंगोनांजों जोंनि समाजआ गुबुंग्ले जाबोनायखौ नुनो मोनदों। बेफोर जेंनानि सायाव सुंस्रांजानायखौ नागिरनानै सालाकाटि दख’रा एबसुआ ओनसोलनि गासै बर'नि माहारियारि आफाद, गामि दैदेनगिरिफोरजों लोगोसे मेलेमजिबि सानसुमैफोरजों जुथायै जेंनाफोरनि सायाव गुवारै आरो गोथौयै सावरायलायनाय हाबाफारि लानाय जायो‌।
बे सावरायलायनाय हाबाफारियाव सालाकाटि गुदि बर’ थुनलाइ आफाद, सालाकाटि दख’रा बर’ समाज, सालाकाटि गुदि बर’ ट्राइबेल संघ आरो सालाकाटि दख’रा गाम्बारि फाइखि हान्जानि दैदेनगिरि बिथांमोनहा बाहागो लायो।

18/07/2026

13 बोसोर बैसोनि सिंनि गोलोम बोथोरनि जोलुर फोरोंथाइ मावबादाखौ फोजोब्बाय।

सालाकाटि, कान्थालगुरि, क’क्राझार 18 जुलाई, 2026 इं:

सालाकाटि दख’रा एबसुनि बान्जायनायाव “बड’फा गोजोरथियारि सोलायनाय मावथांखि” बायदियै 13 बोसोर बैसोनि सिंनि हिन्जावसा आरो हौवासाफोरनि थाखाय गोलोम बोथोरनि बेसेन नाङै जोलुर फोरोंथाइ मावबादा होनायखौ कान्थालगुरि बारग्लां आफादनि गेलेग्रा फोथाराव फोजोबनाय जायो।
मख’नो गोनांदि, सालाकाटि दख’रा एबसुनि मानिजाथाव आफादगिरि मुश्री दनेन नार्जारीनि मासि लानानै दैदेननाय फोजोबनाय हाबाफारियाव मिरु एबसुनि मानाव गेदेद गाहाइ नेहाथारी मुश्री खनिन्द्र बसुमतारी बिथाङा गाहाइ आलासि महरै बाहागो लानानै जोलुर गेलेनाया बर’ हारिखौ गेरेमसा बर’ माहारि दानायनिबो मोनसे गोख्रों थांखि आरो बाहागो होनना सुबुरुन होलाङो। लोगोसेनो गेलेनायखौ Kickoff खालामनानै होयो।
बे हाबाफारियाव चिरां जिल्ला एबसुनि मानिजाथाव लोगो आफादगिरि मुश्री रैरुब बसुमतारी, क’क्राझार जिल्ला बर’ थुनलाइ आफादनि नेहाथारि मुश्री दिनेस बरगयारि, क’क्राझार जिल्ला बर’ बिमा गौथुमनि सोद्रोमा मुश्रीमा कबिता ब्रह्म, सालाकाटि दख’रा एबसुनि बोसोनगिरि मुश्री मानिक नार्जारि, लोगो आफादगिरि ड० खोमथा नार्जारि, खोला क’क्राझार दख’रा एबसुनि आफादगिरि मुश्री हरबिलास बसुमतारी, सालाकाटि दख’रा बर’ समाजनि आफादगिरि मुश्री महथ बसुमतारी, सालाकाटि गुदि बर’ ट्राइबेल संघनि आफादगिरि मुश्री जोंलारि बसुमतारी, सालाकाटि स्पर्टस प्रमटार ससाइटिनि नेहाथारि मुश्री सुद्धादन बसुमतारी, सालाकाटि दख’रा गाम्बारि फाइखि हान्जानि आफादगिरि मुश्रीमा जमुना बसुमतारी आरो सालाकाटि एन.टि.पि.चि साख्रिआवला आफादनि आफादगिरि मुश्री फिन्सु दैमारि लोगोसे क’क्राझार चिटि एप.चिनि जोलुर गेलेनाय फोरोंगिरि मुश्री बिरबल ब्रह्म बिथांमोनजों लोगोसे ओनसोलनि राज्यो-राजाफोरा बाहागो लायो।
मावबादा फोजोबनाय हाबाफारिजों लोब्बा लाखिनानै सालाकाटि दख’रा U-13 FC आरो खोला क’क्राझार दख’रा U-13 FC नि गेजेराव लोगोआरि जोलुर गेलेहोनाय दिन्थिफुंनायाव खोला क’क्राझार दख’रा एबसुआ 4-2 गल सोनानै सालाकाटि दख’रा एबसुखौ फेजेननानै देरहासार जानो हायो।
मोननैबो हान्जानो सालाकाटि दख’रा एबसुनिफ्राय गोसो थुलुंगाखांथावना मेडेल गानहोनाय जायो। लोगोसे सालाकाटि स्पर्टस प्रमटार ससाइटिनि नेहाथारि सुद्धादन बसुमतारी बिथाङा देरसाहाद जानाय हान्जानो नोगोद 1500/- रां आरो जेननाय हान्जानो नोगोद 1000/- रां बान्था महरै गथायनानै होनाय जायो।

05/07/2026

सालाकाटि दख’रा एबसुआ U-13 हौवासा आरो हिनजावसाफोरनि जोलुर फोरोंथाइ मावबादाखौ दिनैनिफ्राय जागायबाय।

कान्थालगुरि, क’क्राझार 05 जुलाई 2026 :

सालाकाटि दख’रा एबसुनि बान्जायनायाव “बड’फा गोजोरथियारि सोलायनाय मावथांखि” बायदियै 13 बोसोर बैसोनि गाहायनि हौवासा आरो हिन्जावसाफोरनि थाखाय गोलोम बोथोरनि जोलुर फोरोंथाइ मावबादाखौ कान्थालगुलि बारग्लां आफादनि गेलेग्रा फोथाराव दिनैनिफ्राय जागायबाय।
मख’नो गोनांदि, सालाकाटि दख’रा एबसुनि लोगो आफादगिरि ड० खोमथा नार्जारीनि मासि लानानै सामलायनाय बेखेवनाय हाबाफारियाव क’क्राझार जिल्ला एबसुनि मानिजाथाव लोगो गेलेमु नेहाथारी मुश्री जिमर नार्जारी बिथाङा बाहागो लानानै हाबाफारिखौ बेसेन गोसा बिबुंथिनि गेजेरजों बेखेवनानै होयो।
लोगोसेनो सालाकाटि दख’रा एबसुनि मानिजाथाव आफादगिरि मुश्री दनेन नार्जारी बिथाङाबो बाहागो लानानै गोसो थुलुंगाखांथावना बोसोन होनानै इयुनावबो जोलुर गेलेनायाव बाहागो लानो खावलायो।
बेनि अनगायैबो, जिल्ला एबसुनिफ्राय लोगो सोलोंथाइ नेहाथारी मुश्री बिजय बसुमतारी, रांगिरि मुश्री निजोम गयारी आरो जोलुर गेलेनाय फोरोंथाइ होगिरि हिसाबै बिरबल ब्रह्म लोगोसे सालाकाटि दख’रानि बोसोनगिरि मानिक नार्जारी, नादांगिरि दालाइसा एबसु आरो सामफुर दालाइसा एबसुनि आफादगिरि नेहाथारी लोगोसे सालाकाटि ओनसोलनि जोलुर गेलेगिरि फंबाय-बिनानावमोनहा बाहागो लायो।

03/07/2026

सालाकाटि दख’रा आरो नादांगिरि दालाइसा एबसुआ बेसेन नाङै गोलोम बोथोरनि फोरोंथाइ मावबादा बेखेवदों।

सालाकाटि, क’क्राझार 03 जुलाई 2026 :

दिनै सालाकाटि दख’रा एबसु आरो नादांगिरि दालाइसा एबसुनि बान्जायनायाव थाखो- द’ (VI) निफ्राय थाखो- जि (X) नि थाखाय “गुन गोनां सोलोंथाइ जांख्रिखांनाय मावथांखि” खौ बिथा खालामनानै बेसेन नाङै गोलोम बोथोरनि फोरोंथाइ मावबादाखौ सालाकाटि गेजेर फरायसालियाव बेखेवजेनबाय।
मख’नो गोनांदि, नादांगिरि दालाइसा एबसुनि आफादगिरि मुश्री कुमायुन बसुमतारीनि आफादनि मासि लानानै सामलायनाय सावराय मेलाव सालाकाटि गेजेर फरायसालिनि मानिजाथाव गाहाइ फोरोंगिरि मुश्रीमा सन्दिता ब्रह्म बिथाङा हाबाफारिखौ ओंथि गोनां बिबुंथिनि गेजेरजों बेखेवनानै होयो। बेजों लोगोसे सालाकाटि दख’रा एबसुनि मानिजाथाव आफादगिरि मुश्री दनेन नार्जारी बिथाङा बुंथिगिरि आलासि हिसाबै थुलुंगाखांथावना बिबुंथि होयो।
बेनि अनगायैबो सालाकाटि गोजौ फरायसालिनि मानिजाथाव गाहाइ फोरोंगिरि मुश्रीमा रसमी रेका नार्जारी बिथाङाबो बाहागो लानानै सुंद’यै बिबुंथि लाखियो। लोगोसे दख’रा एबसुनिफ्राय लोगो आफादगिरि ड० खोमथा नार्जारी, गाहाइ नेहाथारि मुश्री जांगिला बसुमतारी आरो बुंथिगिरि मुश्री अलंबार बर’ बिथांमोनहा बाहागो लायो।
थाखो-गु आरो जिनि फोरोंगिरिफोरा जाबाय- थरायना मिनि ब्रह्म (इंराजी रावखान्थि), थरायना बिस्व रानी औवारी (गोरलै बिगियान), मुश्री प्रबिन नार्जारी (गोरलै सानखान्थि)
थाखो- द', स्नि आरो दाइननि फोरोंगिरिफोर फारियै- मुश्री नोजोर बसुमतारी (गोरलै बिगियान), मुश्री हायेन बर’ (गोरलै सानखान्थि) , थरायना मिनि ब्रह्म (इंराजी रावखान्थि)
बे हाबाफारियाव गुबुन गुबुन थाखोनि फरायसा-फरायसुलिफोर आरो दिथागिरि बिथांमोनहा बाहागो लानो हायो।

01/07/2026

U-13 हौवासा आरो हिन्जावसाफोरनि थाखाय गोलोम बोथोरनि जोलुर फोरोंथाय मावबादायाव बाहागो लानो खावलाय हरबाय।

सालाकाटि, क’क्राझार 01 जुलाई, 2026 इं।

सालाकाटि दख’रानि सिङाव थानाय कान्थालगुरि बारग्लां आफादनि गेलेग्रा फोथाराव फैगौ 05 जुलाई 2026 इं अक्ट’ निफ्राय 13 बोसोर बैसोनि गाहायनि हौवासा आरो हिन्जावसाफोरनि थाखाय गोलोम बोथारनि जोलुर फोरोंथाय मावबादाखौ खुंनो साखा-फारा खालामनाय जाबाय।
मख’नो गोनांदि, एबसुनि “बड’फा गोजोरथियारि सोलायनाय मावथांखि” बायदियै सालाकाटि दख’रा एबसुनि बान्जायनायाव बोसोरफ्रोमबो 13 बोसोर बैसोनि गाहायनि हौवासा आरो हिन्जावसाफोरनि थाखाय गोलोम बोथोरनि समाव जोलुर फोरोंथाय मावबादाखौ होबोबाय थादों।
बेनिखायनो, सालाकाटि ओनसोलनि फंबाय-बिनानावमोनखौ गोजौआव मुख’नाय थावनियाव बेलासिनि 2:30 PM रिंगायाव सानफ्रोमबो लैहोर-लैहोर फैनानै बाहागो लाफैनो थाखाय खावलाय हरनाय जाबाय।

28/06/2026

फैगौ 3 जुलाई, 2026 इं अक्ट’ निफ्राय सालाकाटि गोजौ फरायसालियाव थाखो-9 (IX) आरो थाखो-10 (X) नि थाखाय एबसुनि “गुन गोनां सोलोंथाय जांख्रिखांनाय मावथांखि” बायदियै बेसेन नाङै गोलोम बोथोरनि फोरोंथाय मावबादाया सालाकाटि दख’रा एबसुनि बान्जायनायाव खुंजागोन।
मिथिहोबावनाय जायोदि, फुंबिलिनि 8:00 AM रिंगायाव आयदा बायदियै गोरलै सानखान्थि, गोरलै बिगियान आरो इंराजी रावखान्थि आयदाफोरखौ फोरोंथाइ होनाय जागोन।
बेनिखायनो, सालाकाटि ओनसोलनि फरायसा-फरायसुलि नोंथांमोनखौ गावनि बेसेन गोसा समखौ ओरैनो आद्रियै हगार हरालासे सालाकाटि गोजौ फरायसालियाव फैनानै सोलोंथाइ लाफैनो थाखाय गुरैयै खावलाय हरनाय जाबाय।
‌ ‌ गोजोन्थों–

सुलाद लानायनि जानबु नं: 8486895479/ 7002024545

सालाकाटि दख'रा, ABSU

15/09/2026

13/09/2026

09/09/2026

29/08/2026

15/08/2026

18/07/2026

05/07/2026

03/07/2026

01/07/2026

28/06/2026

Address

Telephone

Website

Alerts

Contact The Organization

Shortcuts

Share

Category

Listing takedown request