नायेकगाँव दख'रा दुलाराइ बर' फरायसा आफाद।

30/07/2026

30/07/2026

मावख': बिग्रायारि देरा, नायेकगाँव दख'रा एबसु
अक्ट': 30 जुलाइ, 2026 इं
थावनि: जोहोलाव सोमब्ला बसुमतारी फोथार, गयबारि , बासुगाव।

जोहोलाव सोमब्ला बसुमतारीनि 30 थि थैनाय सान एबा उदखारि बेरेखा सान फालिनायजों लोब्बा लाखिनानै थै दान होनाय हाबाफारियाव नायेकगाँव दख'रा दुलाराय बर' फरायसा आफादनि फ्रायबो दख'रा एबसुनि लोगो आफादगिरि मुस्रि उत्तम कुमार बसुमतारी बिथाङा दिनैजों दख'रा एबसुनि जानानै नैथि खेबनि थाखाय थै दान होनाय जायो।

27/07/2026

मावख' : बिग्रायारि देरा, नायेकगाँव दख'रा एबसु।
अक्ट' : 27 जुलाई, 2026
क'क्राझार जिल्ला दुलाराय बर' फरायसा आफादनि बान्जायनायाव बड'फा चिलड्रेन पार्क, क'क्राझार आव BTR Accord 2020 नि दफा' फोरखौ मावफुंबावनांगौनि थाखाय 2 घन्टा खुद्रिसादनाय हाबाफारि लानाय जायो।
बे हाबाफारियाव दख'रा आफादनिफ्रायबो मैखोमै बाहागो लाहैनाय जायो।

06/07/2026

मावख'- बिग्रायारि देरा, नायेकगाँव दख'रा एबसु।
अक्ट'- 06 जुलाई 2026 इं

नायेकगाँव दख'रा दुलाराय बर'फरायसा आफादनि बानजायनायाव दुलाराय बर' फरायसा आफादनि " गुन गोनां सोलोंथाइ जांख्रिखांनाय मावथांखि"खौ लानानै फरायसाफोरनो गुनगोनां सोलोंथाइ मोनहोनांगौनि थाखाय थांनाय समाव गुबुन गुबुन हाबाफारि मावबोनाय बादि बोसोरफ्रोमबो गोलोम बोथोरनि फरायसालि बन्द समाव बेसेन नाङै सोलोंथाइ होबोनाय बादिनो देग्लायबो बेखौनो नोजोर होनानै नायेकगाँव जन'प्रिय गोजौ फरायसालियाव बेसेन नाङै सोलोंथाइ मावबादा बेखेवनानै होनाय जायो।

16/04/2026

नायेकगाँव दख'रा एबसु, क'क्राझार बि.टि.आर
अक्ट': 16 एप्रिल, 2026 इं
थावनि : दाबोरगाँव
नायेकगाँव दख'रा दुलाराय बर' फरायसा आफादनि बानजायनाय लोगोसे दाबोरगाँव गामिनि हेफाजाबाव खुंगा 9 थि गेवलां रंजालि बैसागु फोर्बो फालिथाइखौ सानसेनि मेहेरगोनां हाबाफारि लानानै दाबोरगाँव गामिनि गेवलां गेलेग्रा फोथाराव खुंफुंनाय जायो।

23/03/2026

23 मार्च 2026 इं
बिग्रायारि देरा नायेकगाँव दख'रा एबसु
# दुखु फोरमायनाय

नायेकगाँव दख'रा दुलाराय बर' फरायसा आफादनि हारिमु नेहाथारि मुस्रि सानसोरां दैमारि बिथांनि आंगो बिमा मुस्रिमा रहिला दैमारि( 52 बोसोर) बिथाङा मैया हरनि 2:00 रिंगासो आव गोबाव समनिफ्रायनो गोब्राब लोमजानानै रुंसारि जानाय खौरांखौ मोननानै नायेकगाँव दख'रा दुलाराय बर' फरायसा आफादनिफ्राय दिनै फुंबिलियाव मोनसे हान्जा थांनानै जोबोद दुखु फोरमायनायजों लोगोसे रुंसारि जिउमाया सोर्गो आव आलो गोजोन जायगा मोनहैयो बेनि थाखाय ईसोरनिसिम आरज गाबहरनाय जायो।

10/02/2026

2026 इं माइथायनि गोजौ फरायसालिनि H.S.L.C जोबथा आनजाद आरो H.S जोबथा आनजाद होग्रा बिजाथिफोरनिसिम गाहाम हामब्लायथि बाउहरबाय।

10/01/2026

गाहाय मावख': बिग्रायारि देरा,नायेकगाँव
ला: सो: नायेकगाँव, जिल्ला: क'क्राझार, बि.टि.आर.
अक्ट' : 10 जानुवारि, 2026 इं
नायेकगाँव दख'रा दुलाराय बर' फरायसा आफादनि खुंगा 23 थि थान्दै जख'न्थायखौ दख'रा आफादनि गाहाय मावखुलि आव सानसेनि हाबाफारिजों खुंफुंनाय जायो। बेनिनो हाबाफारि बादियै फुंबिलियाव आफादनि फिरफिलाखौ उरायहोयो नायेकगाँव दख'रा एबसुनि आफादगिरि मुस्रि फैलाव ब्रह्म, मुंख्लं फोरनो बिबार बाउजेनो दख'रा एबसुनि लोगो आफादगिरि मुस्रि उत्तम कुमार बसुमतारी, बड'फा उपेन्द्रनाथ ब्रह्मनि सावगारियाव बिबार बाउजेनो दख'रा एबसुनि बोसोनगिरि आरो क'क्राझार जिल्ला एबसुनि नेहाथारि मुस्रि बिसिस्त बसुमतारी, थान्दै नब्लांखौ बेखेवनानै होयो नायेकगाँव दख'रा बर' समाजनि आफादगिरि मुस्रि निपेन्द्र मुसाहारि, आरो थान्दै मेलखौ बुंथिगिरिनि मासि लानानै थान्दै मलखौ सामलायो दख'रा आफादनि लोगो बुंथिगिरि मुस्रि अमैल'बर', थान्दै मेलखौ बेखेवनानै होफैयो क'क्राझार जिल्ला एबसुनि आफादगिरि मुस्रि कृपेश दैमारि बिथाङा। हाबाफारियाव बाहागो लाबावनो हायो क'क्राझार जिल्ला एबसुनि सोलोंथाइ नेहाथारि मुस्रि हांगामा नार्जारी, लोगोसे नायेकगाँव दख'रानि सिङाव थानाय नांजाब आफादनि आफादगिरि/नेहाथारि, आरो ओनसोलनि गोबां मेलेमजिबि सानसुमै फोरनि बाहागो लाफैनायाव हाबाफारिया मेहेरगोनाङै जाफुंसार जालाङो।

05/01/2026

गाहाय मावख' : बिग्रायारि देरा, नायेकगाँव
ला:सो: नायेकगाँव, जिल्ला : क'क्राझार, बि.टि.आर.
अक्ट': 5 जानुवारि, 2026

नायेकगाँव दख'रा दुलाराय बर' फरायसा आफादनि बानजायनायाव दख'रा आफादनि सिंङाव थानाय गासै गुदि फरायसालियाव फरायनाय थाखो थाम, ब्रै आरो बा नि फरायसाफोरखौ लानानै सेथि नायेकगाँव दख'रा रोंगौसा सायख' आन्जाद खुंफुंनायनि जौसिन थामथि मासि आवग्रिनो हानाय फरायसाफोरनि फिथाइखौ फोसावनाय जाबाय।

21/12/2025

गाहाय मावख':बिग्रायारि देरा, नायेकगाँव
ला:सो: नायेकगाँव, जिल्ला: क'क्राझार
अक्ट' : 21 दिसेम्बर , 2025 इं
नायेकगाँव दख'रा दुलाराय बर' फरायसा आफादनि बानजायनायाव देग्लाय निफ्राय दख'रा आफादनि सिंङाव थानाय गासै गुदि फरायसालियाव फरायनाय थाखो थाम, ब्रै,आरो बा, नि फरायसाफोरखौ लानानै (1) सेथि नायेकगाँव दख'रा रोंगौसा सायख' आन्जाद खुंफुंनाय जायो।
बे आन्जाद आव नो गासै गं 10 था गुदि फरायसालि निफ्राय आन्जाद आव बाहागो लाफैनाय फरायसाफोरा जाबाय --
गासै आन्जाद होगिरि : 90
थाखो थाम : 24
थाखो ब्रै : 30
थाखो बा : 36