23/05/2026
बड'सा देरा, पाटगाव कक्राझार
अक्ट'- 23 मे, 2026 इं
पाटगाव दख'रा दुलाराय बर' फरायसा आफादा बर' बिजोङाव फरायनानै 2026 इं माइथायनि ASSEB जों खुंजानाय मेट्रिक आन्जादाव 1थि थाखोआव उथ्रिसार जानानै दख'रा एबसुनि सिङाव 10थि सारिनि मासि आवग्रिनो हानाय फरायसाफोरखौ पाटगाव गोजौसिन गेजेरारि फरायसालियाव बरायनाय आरो मान बावनाय हाबाफारि लानाय जायो। पाटगाव दख'रा एबसुनि मानाव गेदेद आफादगिरि मुस्रि सुबुं बसुमतारी बिथांनि मासि सामलायनायाव बे हाबाफारिखौ बेखेवना होयो कक्राझार जिल्ला एबसुनि सोलोंथाय नेहाथारि मुस्रि हांगामा नार्जारी बिथाङा। हाबाफारिनि गाहाय आलासि मिरु एबसुनि मानगोनां सोलोंथाय नेहाथारि मुस्रि सोमावसार बसुमतारि बिथांङा बेसेन गोसा बिबुंथिजों फरायसाफोरखौ जिउआव दावगालांनो थाखाय थुलुंगा होयो। बे हाबाफारिनि जर'खा आलासि बड'लेन्ड मुलुगसोलोंसालिनि बिबुंगोरा मानगोनां ड. जनिन मोसाहारी बिथांआ फरायसाफोरनो बेसेन गोसा बोसोन होयो। बे हाबाफारिआव बाहागो लानो हाबावो कक्राझार जिल्ला एबसुनि बाथ्रा दान्थे नेहाथारि मुस्रि मलिन दैमारि, बारग' बुंथिगिरि मुस्रि जनिल कुमार ब्रह्म, मिरु बर' थुनलाइ आफादनि सोद्रोमा मुस्रि बानेस्वर बसुमतारी, पाटगाव गोजौसिन गेजेरारि फरायसालिनि गोरायुं मुस्रि सुनित कुमार इस'वारि बिथां, कस्तुरबा गान्धी बालिका बिद्यालय, लाब्राबथिनि जोथोनगिरि थरायना फुंबिलिनि बसुमतारी, गाहाय फोरोंगिरि थरायना कनिका बसुमतारी, पाटगाव गुदि बर' थुनलाइ आफादनि आफादगिरि मुस्रि खोरोमदाव गयारि, नेहाथारि मुस्रि दैमासा बसुमतारी, पाटगाव दख'रा बर' समाज आफादनि आफादगिरि मुस्रि रिमल मसाहारि, गहाय नेहाथारि मुस्रि बिरखां ब्रह्म, पाटगाव गोजौ फरायसालिनि लोगो फोरोंगिरि मुस्रि बिथोन बसुमतारी, उमानन्द ब्रम्ह गोजौ फरायसालिनि लोगो फोरोंगिरि मुस्रि ज्यतिरन्जन नार्जारी बिथांमोननि बाहागो लानायजों हाबाफारिआ मेहेरगोनाङै जाफुंसार जानो हायो।
