17/04/2026
मावख':- कारिगाव दालाइसा एबसु, कारिगाव
अक्ट' :- 17 एफ्रिल 2026, इं।
कारिगाव दालायसा दुलाराय बर' फरायसा आफादा सिगां बोसोरनि बायदियैनो देग्लायबो 20थि लांदां रंजालि बैसागु फोरबो फालिनायजों लोगोसे गेदेमा सुबुंफोरखौ मान बावनाय आरो उन्दैफोरनो अननाय मोजां मोननाय गाहाम हामब्लायथि बावहरनाय जायो। हाबाफारि बादियै आर'ज मेथाइ खनखांना आफादारि फिरफिलाखौ बिरहोयो दालाइसानि आफादगिरि मुस्रि रिंखां बसुमतारी हेफाजाब होयो दालाइसानि लोगो आफादगिरि मुस्रि मोगथां नार्जारि आरो गोथार गोजोन आरो खौसेथिनि फिरफिलाखौ बिरहोयो जोहोलाव दैमालु एकादेमीनि गोरायुं मुस्रि अमल बसुमतारी हेफाजाब होयो दालाइसानि लोगो गाहाइ नेहाथारि अलंबार औवारि बिथांआ।
बे हाबाफारियावनो बाहागो लायो स्वा-कक्राझार दख'रा एबसुनि आफादगिरि मुस्रि बिपुल औवारि, गाहाम नेहाथारि निर्जय ब्रह्म, लोगो आफादगिरि सोद्रोमा नार्जारि, बुंथिगिरि राजु बसुमथारि, नेहाथारि आनदालन मोसाहारि,रांगिरि अनुग्रह बसुमथारि, सोलोंथाइ नेहाथारि गनेश औवारि आरो समाज सिबियारि ब्रज' कुमार बसुमथारि आरो दालाइसानि सिङाव थानाय मोन 31 गामिनि गावबुरा मेलेमजिबि आरो रायजो राजा गासैबो बाहागो लाना हाबाफारियखौ मोजांङै मोजां जोबनानै थाङो।
