23/09/2026
माइबं देरा ,टेङाफारा,कक्राझार ।
खालार -23/09/2026इं ।
कान्थालगुरि बारग्लां आफादनि गेलेग्रा फोथाराव दिनैनिफ्राय सालाकाटि दख’रा एबसुनि बान्जायनायाव 6थि रैखाथिनि फाइखि ट्रपि- 2026 गोसोखां गामियारि जोलुर बादायलायनायखौ बोसोरफ्रोमबो खुंबोनाय बायदिनो देग्लायबो 5 साननि थाखाय जागायबाय।
बे हाबाफारियाव हांख्रायहरनाय बादि कक्राझार जिल्ला दुलाराय बर' फरायसा आफादनि मानगोनां आफादगिरि मुस्रि कृफेस दैमारी बिथाङा बाहागो लाहैनानै खेला जागायनि सिगां गेलेगिरि बिथांमोनखौ थांखिनानै गुसुं समनि गेजेराव मेहेरगोनां बिबुंथि लाखियो।
रैखाथिनि फाइखि ट्रपिखौ बेखेवनानै होयो क’क्राझार जिल्ला लेङाइ बेंगिरि मुश्री हिमांसु कलिता ए.चि.एस. बिथाङा। आरो गामियारि जोलुर गेलेनाय बादायनाय खुंनायनि गेजेरजों गोजोन, दावगानाय आरो रैखाथिनि रादाब बिलाइनाय बायदियै अख्राङाव बिलुन बिरहोयो एन.टि.पि.चि बङाइगाव ऐस.आर. निफ्राय दिपलिना दास बिथाङा। बेजों लोगोसे दिनैनि गिबि जोलुर बादायलायनायखौ बेखेवनानै होयो क’क्राझार जिल्लानि लेङाइ बेंगिरि मुश्री हिमांसु कलिता एस.चि.एस बिथाङा।
बे हाबाफारियाव एन.टि.पि.चि बङाइगावनिफ्राय दि.जि.एम (ऐस.आर-पि.आर) निफ्राय बाहागो लायो मुश्री मधुर्ज्य चिंह लाहकार बिथां, क’क्राझार जिल्ला एबसुनिफ्राय बाथ्रा दानथे नेहाथारि मुश्री मलिन दैमारि, रैखाथिनि फाइखि ट्रपि- 2026 बान्जाय आफादनि मासिगिरि सनेस्वर बसुमतारी आरो लिंथुमगिरि मुश्री कृपामय ब्रह्म लोगोसे ओनसोलनि सानसुमै मेलेमजिबि बिथांमोनहा बाहागो लायो।
