19/08/2026
আজি ফকিৰাগ্ৰামৰ ৰাইজ আৰু বিদ্যুৎ উপভোক্তাসকলৰ হৈ Vande Bharti Foundation এ এপিডিচিএলৰ ফকিৰাগ্ৰাম উপ-বিভাগৰ উপ-বিভাগীয় অভিযন্তা (SDE)-ৰ ওচৰত ফকিৰাগ্ৰামত দীৰ্ঘদিন ধৰি চলি থকা বিদ্যুৎ সমস্যাসমূহৰ সন্দৰ্ভত এখন স্মাৰকপত্ৰ দাখিল কৰে।
স্মাৰকপত্ৰখনত স্বাভাৱিক বতৰতো সঘন আৰু দীঘলীয়া বিদ্যুৎ কৰ্তন, নিশাৰ সময়ত হোৱা বিদ্যুৎ বিচ্ছিন্নতা, পূৰ্ব জাননী নোহোৱাকৈ বিদ্যুৎ কৰ্তন, ভল্টেজৰ উঠা-নমা, পুৰণি নিয়ন্ত্ৰণ সঁজুলিৰ সমস্যা, বাৰে বাৰে হোৱা কাৰিকৰী ত্ৰুটি, উন্নত ৰক্ষণাবেক্ষণ ব্যৱস্থা আৰু বিকল্প বিদ্যুৎ যোগানৰ প্ৰয়োজনীয়তা আদি গুৰুত্বপূৰ্ণ বিষয় উত্থাপন কৰা হয়।
এই সমস্যাসমূহে বিশেষকৈ তীব্ৰ গৰমৰ সময়ত সাধাৰণ জনজীৱন, স্বাস্থ্য, পানী যোগান, বিদ্যালয়-মহাবিদ্যালয়, যোগাযোগ ব্যৱস্থা, ক্ষুদ্ৰ ব্যৱসায়, যন্ত্ৰপাতি আৰু জীৱিকাৰ ওপৰত গুৰুতৰ প্ৰভাৱ পেলাইছে।
স্মাৰকপত্ৰৰ জৰিয়তে সমস্যাসমূহৰ তাৎক্ষণিক কাৰিকৰী তদন্ত, মূল কাৰণ নিৰ্ণয়, স্থায়ী সমাধান আৰু ফকিৰাগ্ৰামত ২৪×৭ ঘণ্টা নিৰৱচ্ছিন্ন আৰু নিৰ্ভৰযোগ্য বিদ্যুৎ যোগান নিশ্চিত কৰাৰ দাবী জনোৱা হয়।
ফকিৰাগ্ৰাম এপিডিচিএল উপ-বিভাগৰ SDE মহোদয়ে বিষয়সমূহ গুৰুত্বসহকাৰে পৰ্যালোচনা কৰি প্ৰয়োজনীয় পদক্ষেপ গ্ৰহণ কৰাৰ আশ্বাস প্ৰদান কৰে।
এই জনস্বাৰ্থমূলক পদক্ষেপত সমৰ্থন আৰু সহযোগিতা আগবঢ়োৱা ফকিৰাগ্ৰামৰ সকলো ৰাইজ আৰু বিদ্যুৎ উপভোক্তালৈ আন্তৰিক ধন্যবাদ জ্ঞাপন কৰিছোঁ।
⚡ আমাৰ কণ্ঠ, আমাৰ দাবী — ফকিৰাগ্ৰামৰ বাবে ২৪×৭ ঘণ্টা নিৰৱচ্ছিন্ন আৰু নিৰ্ভৰযোগ্য বিদ্যুৎ যোগান।
#জনস্বাৰ্থ #ফকিৰাগ্ৰাম
DC Kokrajhar
Assam Power Distribution Company Limited
Ministry of Power, Government of India
Himanta Biswa Sarma
CMO Assam
Assam Electricity Grid Corporation Limited - AEGCL
