झारबारि दख'रा एबसु

झारबारि दख'रा एबसु This Page is a Community; A Non Profit-Organization.

#गोलोम_बोथोरनि_बेसेन_नाङि_फोरोंथाइ_बादा_फोजोबनाय_हाबाफारि_खुंफुंनाय। नौ-नोगोर देरा, झारबारि, अक्ट' : 31 जुलाई, 2026 इं ...
31/07/2026

#गोलोम_बोथोरनि_बेसेन_नाङि_फोरोंथाइ_बादा_फोजोबनाय_हाबाफारि_खुंफुंनाय।

नौ-नोगोर देरा, झारबारि,
अक्ट' : 31 जुलाई, 2026 इं

गुण-गोनां सोलोंथाइ जांख्रिखांनाय मावथांखिखौ बिथा हमनानै झारबारि दख'रा दुलाराय बर' फरायसा आफादा थांनाय 06 जुलाई निफ्राय जागायनानै दिनै 31 जुलाई, 2026 इं अक्ट'सिम झारबारि गोजौ फरायसालियाव 26 साननि थाखाय "गोलोम बोथोरनि बेसेन नाङि फोरोंथाइ बादा" हाबाफारि खुंफुंनाय जादोंमोन ।
बे हाबाफारिखौ दिनै फुंबिलि 10:00 रिंगायाव झारबारि दख'रा एबसुनि मानिजाथाव लोगो आफादगिरि मुस्रि रथन हाज'वारि बिथांनि आफादगिरिनि मासि लानानै सामलायनायाव फोजोबनाय जायो ।
हाबाफारियाव बाहागो लानानै ओंथिगोनां बिबुंथिनि गेजेरजों फोरोंथाइ बादाखौ फोजोबनानै होयो दख'रा आफादनि मानिजाथाव आफादगिरि मुस्रि दैमालु बरगयारी बिथाङा, बुंथिगिरि आलासि महरै बाहागो लायो झारबारि गोजौ फरायसालिनि गाहाइ फोरोंगिरि मुस्रि अरायथा बसुमतारी बिथाङा ।
मख'नो गोनांदि थांनाय 29 जुलाई, 2026 इं अक्ट'खालि खुंफुंनाय "बेसेन नाङि गोलोम बोथोरनि फोरोंथाइ आन्जाद" आव बाहागो लानानै थाखोनि गेजेराव Top-3 मासि आवग्रिनो हानाय फरायसाफोरखौ बरायनाय आरो 26 साननि फोरोंथाइ बादायाव बाहागो लानाय फरायसाफोरनो फोरमान बिलाइ ग'थायनाय हाबाफारिबो लाफानाय जादोंमोन ।

All Bodo Students Union - ABSU
Kokrajhar District Committee, All Bodo Students Union
Kwrwmdao Wary - खोरोमदाव अवारि

#जोहोलाव_सोमब्ला_बसुमतारीनि_30थि_थैनाय_सान_एबा_उदखारि_बेरेखा_सान_फालिनायाव_बाहागो_लानाय । नौ-नोगोर देरा, झारबारि, अक्ट'...
30/07/2026

#जोहोलाव_सोमब्ला_बसुमतारीनि_30थि_थैनाय_सान_एबा_उदखारि_बेरेखा_सान_फालिनायाव_बाहागो_लानाय ।

नौ-नोगोर देरा, झारबारि,
अक्ट' : 30 जुलाई, 2026 इं ।

दुलाराय बर' फरायसा आफाद आरो काजलगाव जोहोलाव सोमब्ला बसुमतारी सिभिल देहा फाहामसालिनि मददजों जोहोलाब सोमब्ला बसुमतारी फोथार, गयबारि (चिरां) आव खुंफुंनाय जोहोलाव सोमब्ला बसुमतारीनि 30थि थैनाय सान एबा उदखारि बेरेखा सान फालिनायजों लोब्बा लाखिनानै थै दान होनाय हाबाफारि (BLOOD DONATION PROGRAMME) आव झारबारि दख'रा दुलाराय बर' फरायसा आफादनि मानिजाथाव आफादगिरि मुस्रि दैमालु बरगयारी बिथांनि दैदेननाय मोनसे हान्जाया बाहागो लादोंमोन ।
हाबाफारियाव बाहागो लानानै गावनि बेसेन-गोसा थैखौ दान होयो झारबारि दख'रा दुलाराय बर' फरायसा आफादनि मानिजाथाव लोगो आफादगिरि मुस्रि रथन हाज'वारि, गाहाइ नेहाथारि मुस्रि धोरोमसात बसुमतारी बिथांमोनहा ।


All Bodo Students Union - ABSU
Kokrajhar District Committee, All Bodo Students Union
Kwrwmdao Wary - खोरोमदाव अवारि

नौ-नोगोर देरा, झारबारि, अक्ट' : 29 जुलाई, 2026 इं । #बेसेन_नाङि_गोलोम_बोथोरनि_फोरोंथाइ_आन्जाद_खुंफुंनाय_। ...
29/07/2026

नौ-नोगोर देरा, झारबारि,
अक्ट' : 29 जुलाई, 2026 इं ।

#बेसेन_नाङि_गोलोम_बोथोरनि_फोरोंथाइ_आन्जाद_खुंफुंनाय_।

झारबारि दख'रा दुलाराय बर' फरायसा आफादनि बान्जायनायाव झारबारि गोजौ फरायसालिनि थाखो ख'थायाव थाखो गु (IX) आरो जि (X) नि "गोलोम बोथोरनि बेसेन नाङि फोरोंथाइ बादा" हाबाफारियाव बाहागो लानाय गासै फरायसाफोरनि थाखाय दिनै 29 जुलाई, 2026 इं खालारखालि फुंबिलि 10:00 रिंगायाव "गुण-गोनां सोलोंथाइ जांख्रिखांनाय मावथांखि" खौ बिथा खालामनानै "बेसेन नाङि गोलोम बोथोरनि फोरोंथाइ आन्जाद" (Free Summer Coaching Examination) लानाय जादोंमोन ।
हाबाफारियाव आन्जाद नायदिंगिरि महरै बाहागो लायो झारबारि दख'रा दुलाराय बर' फरायसा आफादनि मानिजाथाव आफादगिरि मुस्रि दैमालु बरगयारी, गाहाइ नेहाथारि मुस्रि धोरोमसात बसुमतारी बिथांमोनहा । "गोलोम बोथोरनि बेसेन नाङि फोरोंथाइ बादा" नि साथाम फोरोंगिरिफोरजों लोगोसे दख'रा आफादनि फोरोंथाइ नेहाथारि मुस्रि लाचित बसुमतारी बिथांमोनहाबो बाहागो लादोंमोन ।

All Bodo Students Union - ABSU
Kokrajhar District Committee, All Bodo Students Union
Kwrwmdao Wary - खोरोमदाव अवारि

24/07/2026

Jharbari Anchalik Committee, ABSU

नौ-नोगोर देरा, झारबारि, अक्ट' : 22 जुलाई, 2026 इं । क'क्राझार जिल्ला दुलाराय बर' फरायसा आफादा रुपनाथ ब्रह्म गो...
22/07/2026

नौ-नोगोर देरा, झारबारि,
अक्ट' : 22 जुलाई, 2026 इं ।


क'क्राझार जिल्ला दुलाराय बर' फरायसा आफादा रुपनाथ ब्रह्म गोसोखां गेलेग्रा फोथार, रामफलबिलआव खुंफुंनाय खुंगा 6थि 13 बोसोर बैसो सिंनि हौवासाफोरनि जोलुर बादायलायनाय हाबाफारियाव झारबारि दख'रा एबसु आरो बनरगाव दख'रा एबसुनि गेजेराव क्वार्टार फाइनेल (Quarter Final) गेलेनाया दिनै जोबनानै थाङो ।
गेलेनायनि फिथाय महरै झारबारि दख'रा एबसु - 03 आरो 02 - बनरगाव दख'रा एबसु । थामहिनबा झारबारि दख'रा एबसुआ देरहासाद जानानै उननि गेलेबावनो गोनां खावसे जोबथा (Semi Final) बादायलायनायाव खाबु मोननो हायो ।

All Bodo Students Union - ABSU
Kokrajhar District Committee, All Bodo Students Union
Kwrwmdao Wary - खोरोमदाव अवारि

नौ-नोगोर देरा, झारबारि, अक्ट' : 21 जुलाई, 2026 इं । झारबारि दख'रा एबसुआ सिमबोरगाव दख'रा एबसुनि हेंथायै दिनै बेल...
21/07/2026

नौ-नोगोर देरा, झारबारि,
अक्ट' : 21 जुलाई, 2026 इं ।

झारबारि दख'रा एबसुआ सिमबोरगाव दख'रा एबसुनि हेंथायै दिनै बेलासिनि 3:00 रिंगायाव रुपनाथ ब्रह्म गोसोखां गेलेग्रा फोथार, रामफलबिलआव क'क्राझार जिल्ला दुलाराय बर' फरायसा आफादा खुंफुंनाय खुंगा 6थि 13 बोसोर बैसो सिंनि हौवासाफोरनि जोलुर बादायलायनायाव नैथि खेबनि थाखाय गेलेनो खाबु मोन्नायलाय बाहागो लादोंमोन ।
गेलेनायनि फिथाय बायदियै झारबारि दख'रा एबसु - 08 आरो 00 - सिमबोरगाव दख'रा एबसु । अदेबानि झारबारि दख'रा दुलाराय बर' फरायसा आफादा 08 गलनि फारायथियाव देरहासाद जानो हायो ।
खेलानि साबसिन गेलेगिरि बान्था (Player of the Match) आवग्रिनो हायो मुस्रि महन्थ' मुसाहारीया ।

All Bodo Students Union - ABSU
Kokrajhar District Committee, All Bodo Students Union
Kwrwmdao Wary - खोरोमदाव अवारि

नौ-नोगोर देरा, झारबारि, अक्ट' : 20 जुलाई, 2026 इं । रुपनाथ ब्रह्म गोसोखां गेलेग्रा फोथार, रामफलबिल- आव क'क्...
20/07/2026

नौ-नोगोर देरा, झारबारि,
अक्ट' : 20 जुलाई, 2026 इं ।

रुपनाथ ब्रह्म गोसोखां गेलेग्रा फोथार, रामफलबिल- आव क'क्राझार जिल्ला एबसुआ बान्जायनाय खुंगा 6थि 13 बोसोर बैसो सिंनि हौवासाफोरनि जोलुर बादायलायनाय हाबाफारियाव झारबारि दख'रा एबसुआ क'क्राझार दख'रा एबसुनि हेंथायै गेलेदोंमोन ।
गेलेनायनि फिथाय बायदियै झारबारि दख'रा एबसु- 11 आरो 00- क'क्राझार दख'रा एबसु । थामहिनबा झारबारि दख'रा दुलाराय बर' फरायसा आफादा 11 गलनि फारायथियाव देरहासाद जानो हायो । लोगोसे साबसिन गेलेगिरि बान्था आवग्रिनो हायो हान्जानि Captain मुस्रि खनफुंथाय नार्जारीया ।

All Bodo Students Union - ABSU
Kokrajhar District Committee, All Bodo Students Union
Kwrwmdao Wary - खोरोमदाव अवारि

नौ-नोगोर देरा, झारबारिअक्ट' : 12 जुलाई, 2026 इं #सासे_मोजां_गेलेगिरि_जानो_थाखाय_गावजों_नखरजों_आरो_समाजजों_गोब्राब_दावहा_...
12/07/2026

नौ-नोगोर देरा, झारबारि
अक्ट' : 12 जुलाई, 2026 इं

#सासे_मोजां_गेलेगिरि_जानो_थाखाय_गावजों_नखरजों_आरो_समाजजों_गोब्राब_दावहा_नांनांगोन - मोगथां बसुमतारी

बड'फा गोजोरथियारि सोलायनाय मावथांखिनि सिङाव झारबारि दख'रा एबसु आ खुंगा 6थि 13 बोसोर बैसो सिंनि हौवासाफोरनि जोलुर बादायलायनाय हाबाफारिखौ मैया 11 जुलाई निफ्राय गियानिफुर गामिनि गेवलां गेलेग्रा फोथाराव खुंफुंनाय जायो ।
जोलुर बादायलायनाय हाबाफारिखौ बेखेवनानै होफैयो क'क्राझार जिल्ला दुलाराय बर' फरायसा आफादनि मानिजाथाव बुंथिगिरि मुस्रि मोगथां बसुमतारी बिथाङा ।
हाबाफारियाव झारबारि दख'रा दुलाराय बर' फरायसा आफादनि मानिजाथाव आफादगिरि मुस्रि दैमालु बरगयारी, बोसोनगिरि ड° बोहैथि बरगयारी, झारबारि भि.चि.डि.चि नि मासिगिरि मुस्रि फनसानन बसुमतारी, झारबारि दख'रा बर' समाज आफादनि मानिजाथाव आफादगिरि मुस्रि अरजुन नार्जारी बिथांमोनहा बाहागो लायो ।

Kwrwmdao Wary - खोरोमदाव अवारि
All Bodo Students Union - ABSU
Kokrajhar District Committee, All Bodo Students Union

2 थि सान गोलोम बोथोरनि बेसेन नाङि फोरोंथाइ बादा (Free Summer Coaching Camp - 2026)Kwrwmdao Wary - खोरोमदाव अवारि All Bod...
07/07/2026

2 थि सान
गोलोम बोथोरनि बेसेन नाङि फोरोंथाइ बादा (Free Summer Coaching Camp - 2026)

Kwrwmdao Wary - खोरोमदाव अवारि
All Bodo Students Union - ABSU
Kokrajhar District Committee, All Bodo Students Union

नौ-नोगोर देरा, झारबारिअक्ट' - 06 जुलाई, 2026 इं । #गोलोम_बोथोरनि_बेसेन_नाङि_फोरोंथाइ_बादा_बेखेवनायं_2026 । ...
06/07/2026

नौ-नोगोर देरा, झारबारि
अक्ट' - 06 जुलाई, 2026 इं ।

#गोलोम_बोथोरनि_बेसेन_नाङि_फोरोंथाइ_बादा_बेखेवनायं_2026 ।

झारबारि दख'रा दुलाराय बर' फरायसा आफादनि बान्जायनायाव झारबारि गोजौ फरायसालिनि थाखो ख'थायाव थाखो गु (IX) आरो थाखो जि (X) नि बर' बिजोंजों फरायनाय फरायसाफोरनि थाखाय दिनै 06 जुलाई निफ्राय 31 जुलाई, 2026 इं सिम एबा 25 साननि गुण-गोनां सोलोंथाइ जांख्रिखांनाय मावथांखिखौ बिथा खालामनानै गोलोम बोथोरनि बेसेन नाङि फोरोंथाइ बादा (Free Summer Coaching Camp) हाबाफारिखौ बेखेवनाय जाबाय ।
हाबाफारिखौ आफादगिरिनि मासि लानानै सामलायो झारबारि दख'रा दुलाराय बर' फरायसा आफादनि मानिजाथाव आफादगिरि मुस्रि दैमालु बरगयारी बिथाङा । हाबाफारिखौ ओंथिगोनां बिबुंथिनि गेजेरजों बेखेवनानै होयो क'क्राझार जिल्ला दुलाराय बर' फरायसा आफादनि मानिजाथाव लोगो आफादगिरि मुस्रि खाम्फा बरगयारी बिथाङा ।
हाबाफारियाव बाहागो लायो झारबारि गुदि बर' थुनलाइ आफादनि मानिजाथाव आफादगिरि मुस्रि अलक कुमार नार्जारी, झारबारि गोजौ फरायसालिनि मानिजाथाव गाहाइ फोरोंगिरि मुस्रि अरायथा बसुमतारी बिथांमोनहा ।

Kwrwmdao Wary - खोरोमदाव अवारि
All Bodo Students Union - ABSU
Kokrajhar District Committee, All Bodo Students Union
Basumatary

Address

Jharbari
Kokrajhar

Website

Alerts

Be the first to know and let us send you an email when झारबारि दख'रा एबसु posts news and promotions. Your email address will not be used for any other purpose, and you can unsubscribe at any time.

Shortcuts

Share

Category