24/08/2026
പ്രശസ്ത മിമിക്രി കലാകാരനും ലൈബ്രറി സഹയാത്രികനുമായിരുന്ന സൈനൻ കെടാമംഗലം അന്തരിച്ചു.
മിമിക്രി രംഗത്ത് സ്വന്തമായ ശൈലിയിൽ ശ്രദ്ധിക്കപെട്ട കലാകാരനായിരുന്നു അദ്ദേഹം.
മലയാളത്തിലെ മിമിക്രി കലയുടെ പുഷ്കലകാലത്തിൻ്റെ ആരംഭം മുതൽ ശ്രദ്ധേയമായ സാന്നിധ്യമായിരുന്നു. തൻ്റെ നീളമുള്ള മുടിയുടെ വ്യത്യസ്തമായ പ്രയോഗം കൊണ്ട്
നിമിഷ നേരം കൊണ്ട് ഭരത് ഗോപി, കുതിരവട്ടം പപ്പു, ഇന്നസെൻ്റ്, ഇന്ദ്രൻസ് തുടങ്ങിയവരുടെ രൂപവും ഭാവവും ശബ്ദവും അനുകരിച്ച് കാണികളിൽ കൗതുകം നിറക്കുന്നതിൽ സൈനൻ കെടാമംഗലം പൂർണ്ണ വിജയമായിരുന്നു.
അബ്ദുൾ കലാമിനെയും സായിബാബയെയും ആദ്യമായി വേദിയിൽ അവതരിപ്പിച്ചതും സൈനൻ കെടാമംഗലം ആണ്.
സംഗീത നാടക അക്കാദമിയുടെ പുരസ്കാര ജേതാവ് കൂടിയാണ് അദ്ദേഹം.
പുരോഗമന ചിന്തയും സാമൂഹികബോധവും കൈ മുതലാക്കിയ സംസ്കാരിക പ്രവർത്തകൻ കൂടിയായിരുന്നു സൈനൻ. കെടാമംഗലം പപ്പുക്കുട്ടി മെമ്മോറിയൽ ലൈബ്രറി, ശാസ്ത്രസാഹിത്യ പരിഷത്ത് പ്രവർത്തനങ്ങളിലും കെടാമംഗലത്തെ മറ്റു സാംസ്കാരിക പ്രവർത്തനങ്ങളിലും സജീവമായി ഇടപെട്ടിരുന്നു.
അതുല്യ കലാകാരൻ സൈനന് ആദരാഞ്ജലികൾ.
