04/04/2026
എഫ് സി ആര് എ ഊരാാകുടുക്കിലും സംഘപരിവാറിനെ താലോലിക്കുന്ന മെത്രാന്മാര്
ഇന്ന് ദുഃഖവെള്ളി കഴിഞ്ഞ് ഉയിര്പ്പിനായി കാത്തിരിക്കുന്ന ദുഃഖ ശനി. വിദേശ സംഭാവന നിയന്ത്രണ നിയമം രാജ്യത്തെ ക്രൈസ്തവര്ക്ക് ഒരു സ്ഥിരം ദുഃഖവെള്ളിയാവാതിരിക്കാന് എഫ് സി ആര് എ നിയന്ത്രണത്തില്നിന്നുമൊരു പുനരുത്ഥാനമുണ്ടാവാന് ഇന്ന്, യേശുവിന്റെ പ്രബോധനങ്ങളെ ഉരുക്കഴിച്ച് മനസ്സറിഞ്ഞ് ചിന്തിക്കുക.
Foreign Contribution Regulation Act (FCRA) ഒരു സാധാരണ നിയമമല്ല.
വിദേശ സഹായം നിയന്ത്രിക്കുന്നുവെന്ന പേരില് ഒരു സമൂഹത്തിന്റെ വിദ്യാഭ്യാസ, ആരോഗ്യ, സാമൂഹിക സേവന സ്ഥാപനങ്ങളുടെ സാമ്പത്തിക ശ്വാസനാളം പിടിച്ചൊതുക്കാനുള്ള ലക്ഷ്യമാണ് ഇതിന്റെ പിന്നില്
ഇന്ന് ഈ നിയമത്തെ കേവലമൊരു څനിയന്ത്രണംچ എന്ന് വിളിക്കുന്നു.
നാളെ അത് വലിയൊരു څപൂട്ടിടല്چ ആകും, പ്രിയ മെത്രാന്മാരേ. നിങ്ങളിപ്പോള് ഓര്ക്കേണ്ടത്
ന്യൂമോളറിന്റെ കവിതയാണ്. നിങ്ങള് മറന്നുകളയുന്ന സത്യം
മാര്ട്ടിന് ന്യൂമോളര്
എഴുതിയത് ഒരു കവിതയല്ല, അത് ചരിത്രത്തിന്റെ രക്തസാക്ഷ്യമാണ്.
"അവര് ആദ്യം മറ്റുള്ളവര്ക്കായി വന്നു......
ഒടുവില് എനിക്കായി അവര് വന്നപ്പോള്......
എനിക്ക് വേണ്ടി സംസാരിക്കാന് ആരുമുണ്ടായിരുന്നില്ല."
ഈ വരികള് നിങ്ങള് ഒരിക്കലും ഗൗരവത്തില് എടുത്തില്ല. അല്ലായിരുന്നുവെങ്കില്
പൗരത്വ ഭേദഗതിനിങ്ങള് നിങ്ങള് മൗനം തെരഞ്ഞെടുക്കില്ലായിരുന്നു.
തീവ്ര വോട്ട് പരിഷ്കരണം വന്നപ്പോഴും തെഞ്ഞെടുപ്പില് അട്ടിമറി നടന്നപ്പോഴും നിങ്ങള് മൗനത്തെ അലങ്കാരമാക്കിയിരുന്നു.
വഖഫ് ഭേദഗതി നിയമം വന്നപ്പോള് നിങ്ങള് മൗനം ഭൂഷണമാക്കി..............
Citizenship Amendment Act വന്നപ്പോള്.........
രാജ്യം ഒരു വലിയ വിഭജനത്തിലേക്ക് നീങ്ങിയപ്പോള് അത് നിങ്ങളെ ബാധിക്കില്ലെന്ന് നടിച്ചു.
മുസ്ലിം സമൂഹം പറഞ്ഞു; ഇത് മുഴുവന് ന്യൂനപക്ഷങ്ങളുടെയും നിലനില്പ്പിന്റെ പ്രശ്നമാണ്.
പക്ഷേ നിങ്ങള് ഇത് ഞമ്മളെ ബാധിക്കുന്നില്ല എന്ന് പറഞ്ഞുകൊണ്ട് സര്ക്കാരിന്റെ വിരോധം സമ്പാദിക്കാതിരിക്കാന് മൗനം പാലിച്ചു. അവിടം മുതല് തന്നെയാണ് ന്യൂമോളറിന്റെ കവിത നിങ്ങളില് യാഥാര്ത്ഥ്യമാകാന് ആരംഭിച്ചത്. ഇപ്പോള് അതേ കഥ നിങ്ങളിലേക്ക് എത്തിയപ്പോള് നിങ്ങള് ആശങ്കാകുലരാകുന്നു. പക്ഷെ ആ ആശങ്കകള്ക്കിടയിലും നിങ്ങളില് തന്നെ സര്ക്കാരിന്റെ സ്തുതിപാഠകരെ കാണുമ്പോള് നിങ്ങള് കൂടുതല് ഭയപ്പെടുന്നുണ്ടോ?
ഇന്ന്,
FCRA യുടെ കുരുക്ക് മുറുകുമ്പോള്............
നിങ്ങളുടെ സ്ഥാപനങ്ങളുടെ സാമ്പത്തിക അടിത്തറ..........
നിങ്ങളുടെ സാമൂഹിക സാന്നിധ്യം............
നിങ്ങളുടെ സേവനപ്രവര്ത്തനങ്ങള്........
എല്ലാം നിയന്ത്രിക്കപ്പെടുമെന്നാവുമ്പോള് നിങ്ങള്ക്ക് എന്താണ് പറയാനുള്ളത്?
്നിങ്ങളുടെ കാലടികളെ ചങ്ങളകളാല് നിയന്ത്രണത്തിലാക്കാനുള്ള നീക്കമാണ് നടക്കുന്നത്.
ഇത് ഒറ്റപ്പെട്ട സംഭവമല്ലയെന്ന് ഇനിയെങ്കിലും തിരിച്ചറിയൂ.
ഇത് ഒരു തുടര്ച്ചയാണ്. സഹോദര സമുദായത്തിനുനേരെ മുമ്പു നടന്ന പ്രത്യക്ഷാക്രമണത്തിന്റെ തുടര്ച്ച.
അതുമാത്രമല്ല...........
ഭരണകൂടത്തെ നിയന്ത്രിക്കുന്ന ആര് എസ് എസ് കഴിഞ്ഞ ഒരു നൂറ്റാണ്ടായി, കൊണ്ടുനടക്കുന്ന ക്രൈസ്തവ ഉന്മൂലനമെന്ന അജണ്ടയുടെ തുടര്ച്ചകൂടിയാണിത്.
ഭരണഘടന ഉറപ്പുനല്കുന്ന മത നിരപേക്ഷതയുടെ നഗ്നമായ ലംഘനമാണിത്.
എല്ലാത്തിലുമുപരി....... ആര് എസ് എസ് ന്റെ മരരാഷ്ട്ര പ്രഖ്യാപനത്തിന്റെ അടുത്ത പടികൂടിയാണ്.
നിങ്ങള് ഇപ്പോഴും മനസ്സിലാക്കാത്ത ഒരു സത്യമുണ്ട്.
മറ്റൊരുസമൂഹത്തിന്റെ അവകാശങ്ങള് നഷ്ടപ്പെടുമ്പോള്, നിങ്ങളുടെ അവകാശങ്ങള് സുരക്ഷിതമായിരിക്കുമെന്നത് ഒരു വ്യാമോഹം മാത്രമാണ്..
ഒരിക്കല് നിങ്ങള് മൗനം പാലിച്ചു.
നിങ്ങള് അനീതിയെ അവഗണിച്ചു.
അതുകൊണ്ട്
ഇന്ന് നിങ്ങള് ഒറ്റപ്പെടുകയാണ്.
നാളെ വീണ്ടും മൗനത്തെ ആയുധമാക്കുമ്പോള് എന്ത് സംഭവിക്കും?
നാളെ..............
നിങ്ങളുടെ സ്ഥാപനങ്ങള് പൂട്ടപ്പെട്ടേക്കാം
നിങ്ങളുടെ സ്വത്തുക്കള് കൈകാര്യം ചെയ്യുന്നതിന് അനുവാദം തേടേണ്ടി വന്നേക്കാം.
നിങ്ങള് തെരുവിലേക്കെറിയപ്പെടുന്ന ഘട്ടം പോലും ഉണ്ടായേക്കാം.
അതുകൊണ്ട്
മൗനം വെടിയൂ.............
ഭരണഘടനാപരമായ അവകാശം ആരുടെയും ഔദാര്യമല്ലെന്ന തിരിച്ചറിവില് ശബ്ദമുയര്ത്തൂ.
നിങ്ങളുടെ വാക്കുകള് തെരുവുകളിലേക്കൊഴുകട്ടെ...... അവയുടെ കുത്തൊഴുക്കില് ഭരണകൂടം അധര്മ്മം പ്രവര്ത്തിക്കാതിരിക്കട്ടെ.
ഒപ്പം മറ്റൊന്നുകൂടി.........
സമാന ബുദ്ധിമുട്ടനുഭവിക്കുന്നവരെ സഹോദരരായിക്കണ്ട്, ഒപ്പം ചേര്ക്കാന് ശ്രമിക്കൂ. സംഘാത ശക്തി അനിഷേധ്യമാണെന്ന് തിരിച്ചറിയൂ.......
നിങ്ങള് ഇന്നലെയവഗണിച്ചവരെ ഒപ്പം നിറുത്തൂ. അല്ലെങ്കില്
നിങ്ങളുടെ ഇന്നത്തെ മൗനം
നാളത്തെ നിങ്ങളുടെ ഏകാന്തതയായി മാറും
ഇനി എങ്കിലും:
സാമൂഹിക അനീതിക്കെതിരെ നിലകൊള്ളുക
മുസ്ലിം സമൂഹമടക്കം എല്ലാ പീഡിതരോടും ഐക്യപ്പെടുക
മൗനം കുറ്റകരമാണ്. അത് ഉപേക്ഷിക്കുക
ഇല്ലെങ്കില്
ന്യൂമോളറിന്റെ കവിത
നിങ്ങളുടെ ഭാവി ആയിപരിണമിക്കും.
-പുല്ലൂടന്
