Civil squad India, Kochi (2026)

05/09/2026

ട്രാഫിക് ബ്ലോക്കോ ഇടുങ്ങിയ വഴിയോ ഉണ്ടാകുമ്പോൾ, ഒരു വാഹനം എതിർദിശയിൽ നിന്ന് കടന്നുപോകാൻ അനുവദിക്കുക. അതിന് ശേഷം നമ്മുടെ വശത്തുള്ള ഒരു വാഹനത്തെ കടത്തിവിടുക. പിന്നീട് വീണ്ടും എതിർദിശയിലുള്ള ഒരു വാഹനത്തിന് അവസരം നൽകുക. ഇങ്ങനെ മാറിമാറി വാഹനങ്ങൾക്ക് കടന്നുപോകാൻ അവസരം നൽകുന്നത് എല്ലാവർക്കും നീതിപൂർവ്വവും സുഗമവുമായി ഗതാഗതം മുന്നോട്ട് കൊണ്ടുപോകാൻ സഹായിക്കും.

01/08/2026

ജാഗ്രതാ നിർദ്ദേശം

പെരിയാറിന്റെ വൃഷ്ടി പ്രദേശത്ത് ശക്തമായ മഴ പെയ്യുന്നതിനാൽ ഭൂതത്താൻകെട്ട് അണക്കെട്ടിലേക്കുള്ള ജലപ്രവാഹം വളരെ കൂടുതലാണ്.

റിസർവോയറിലെ ജലനിരപ്പ് സുരക്ഷിതമായ അളവിൽ നിലനിർത്തുന്നതിനായി ഭൂതത്താൻകെട്ട് ബാരേജിന്റെ ഷട്ടറുകൾ ഉയർത്തിയിട്ടുണ്ട്.

ഭൂതത്താൻകെട്ട് ബാരേജിൽ നിന്ന് വെള്ളം ഒഴുകിയെത്താൻ സാധ്യതയുള്ളതിനാൽ പെരിയാറിന്റെ തീര പ്രദേശങ്ങളിലുള്ളവർ ജാഗ്രത പാലിക്കേണ്ടതാണെന്ന് പെരിയാർ വാലി ഇറിഗേഷൻ പ്രൊജക്ട് അസിസ്റ്റൻ്റ് എക്സിക്യൂട്ടീവ് എൻഞ്ചിനീയർ അറിയിച്ചു.

ആകെ ഷട്ടറുകൾ: 15
തുറന്നിരിക്കുന്ന ഷട്ടറുകൾ: 14
12 ഷട്ടറുകൾ അഞ്ച് മീറ്റർ വീതവും 2 എണ്ണം ആറു മീറ്റർ വീതവും ഉയർത്തിയിട്ടുണ്ട്

29/07/2026

*അശരണരായ വിധവകളെ സംരക്ഷിക്കുന്ന ബന്ധുക്കൾക്ക് ധനസഹായത്തിന് അപേക്ഷിക്കാം.*

അശരണരായ വിധവകളെ സംരക്ഷിക്കുന്ന ബന്ധുക്കൾക്ക് പ്രതിമാസം 1000 രൂപ വീതം ധനസഹായം അനുവദിക്കുന്നതിന് വനിത ശിശുവികസന വകുപ്പ് നടപ്പിലാക്കുന്ന ‘അഭയകിരണം’ പദ്ധതിയിലേക്ക് അപേക്ഷ ക്ഷണിച്ചു. സാമ്പത്തികമായി പിന്നാക്കം നിൽക്കുന്ന 50 വയസ്സിന് മേൽ പ്രായമുള്ളതും പ്രായപൂർത്തിയായ മക്കൾ ഇല്ലാത്തതുമായ വിധവകളെ സംരക്ഷിക്കുന്ന ബന്ധുക്കൾക്കാണ് ധനസഹായത്തിന് അർഹതയുള്ളത്. കൂടുതൽ വിവരങ്ങൾക്ക്: www.schemes.wcd.kerala.gov.in/ അടുത്തുള്ള അങ്കണവാടികളിലും ശിശുവികസനപദ്ധതി ഓഫീസുകളിലും ബന്ധപ്പെടാം. ഫോൺ: 0471-2969101.

Share | Like ♥️

31/05/2026

📌 പൊതുജനങ്ങളുടെ ശ്രദ്ധയ്ക്ക്: കെ-സ്മാർട്ട് (K-SMART) സേവനങ്ങൾ ഇനി അക്ഷയ കേന്ദ്രങ്ങൾ വഴിയും; പുതുക്കിയ നിരക്കുകൾ അറിയാം!
തദ്ദേശസ്വയംഭരണ സ്ഥാപനങ്ങളിലെ (പഞ്ചായത്ത്/മുനിസിപ്പാലിറ്റി/കോർപ്പറേഷൻ) കെ-സ്മാർട്ട് പോർട്ടൽ വഴിയുള്ള വിവിധ ഓൺലൈൻ സേവനങ്ങൾ ഇനി അക്ഷയ കേന്ദ്രങ്ങൾ വഴിയും പൊതുജനങ്ങൾക്ക് ലഭ്യമാണ്. ഇതിനായി സർക്കാർ നിശ്ചയിച്ചിട്ടുള്ള ഔദ്യോഗിക സർവീസ് ചാർജ് നിരക്കുകൾ താഴെ നൽകുന്നു. അധിക തുക ആരും നൽകാതിരിക്കാൻ ഇത് ശ്രദ്ധിക്കുക:
🔹 ജനന രജിസ്‌ട്രേഷൻ – ₹40
🔹 മരണ രജിസ്‌ട്രേഷൻ – ₹40
🔹 ജനന/മരണ രജിസ്‌ട്രേഷനുകളിലെ തിരുത്തലുകൾ – ₹50
🔹 വിവാഹ രജിസ്‌ട്രേഷൻ:
പൊതുവിഭാഗത്തിന്: ₹70 + പ്രിന്റിംഗ്/സ്കാനിംഗ് ചാർജ് (പേജ് ഒന്നിന് ₹3 വീതം)
SC/ST വിഭാഗത്തിന് (പ്രിന്റിംഗ്/സ്കാനിംഗ് ഉൾപ്പെടെ): ₹50
🔹 വിവാഹ രജിസ്‌ട്രേഷനിലെ തിരുത്തലുകൾ – ₹60
🔹 ലൈസൻസ് അപേക്ഷ – ₹40
🔹 ലൈസൻസ് തിരുത്തലുകൾ – ₹40
🔹 പരാതികൾ സമർപ്പിക്കൽ – ₹30
🔹 ബി.പി.എൽ (BPL) സർട്ടിഫിക്കറ്റിനുള്ള അപേക്ഷ – ₹10
🔹 മറ്റ് അപേക്ഷകൾ – ₹20
🔹 സർട്ടിഫിക്കറ്റുകൾ/അറിയിപ്പുകൾ ഡൗൺലോഡ് ചെയ്ത് നൽകൽ (ഒരു പേജിന്) – ₹10
🔹 നികുതികൾ, ഫീസുകൾ അടച്ചുനൽകൽ (Payment Charges):
₹1000 വരെയുള്ള തുകയ്ക്ക്: ₹10
₹1001 മുതൽ ₹5000 വരെയുള്ള തുകയ്ക്ക്: ₹20
₹5000-ന് മുകളിലുള്ള തുകയ്ക്ക്: തുകയുടെ 0.5 ശതമാനം അല്ലെങ്കിൽ ₹100 (ഏതാണോ കുറവ് അത്)
🔹 ഉടമസ്ഥാവകാശം മാറ്റൽ (Ownership Change) – ₹50
(ശ്രദ്ധിക്കുക: മേൽപ്പറഞ്ഞ സർവീസ് ചാർജുകൾക്ക് പുറമെ, അപേക്ഷാ ഫീസ് ഉണ്ടെങ്കിൽ അത് പ്രത്യേകം നൽകേണ്ടതാണ്.)
നമ്മുടെ അവകാശങ്ങളും കൃത്യമായ നിരക്കുകളും മനസ്സിലാക്കുക, സുതാര്യമായ സേവനം ഉറപ്പാക്കുക! ഈ വിവരങ്ങൾ പരമാവധി ആളുകളിലേക്ക് ഷെയർ ചെയ്യൂ... നന്ദി!

10/05/2026

അനാവശ്യ മാർക്കറ്റിംഗ് കോളുകൾക്ക് വിട: TRAI DND ആപ്പ്‼️

ടെലികോം റെഗുലേറ്ററി അതോറിറ്റി ഓഫ് ഇന്ത്യ (TRAI) അവതരിപ്പിച്ച ‘ട്രായ് ഡിഎൻഡി’ (TRAI DND) എന്ന മൊബൈൽ ആപ്ലിക്കേഷൻ, അനാവശ്യമായ മാർക്കറ്റിംഗ് കോളുകളും എസ്എംഎസുകളും നിയന്ത്രിക്കുന്നതിനുള്ള ഉപയോക്താക്കളുടെ അവകാശം ഉറപ്പാക്കാൻ ലക്ഷ്യമിട്ടുള്ള ഒരു ശക്തമായ മൊബൈൽ ആപ്ലിക്കേഷൻ ആണ് .

നിങ്ങൾ ‘ഡു നോട്ട് ഡിസ്റ്റർബ്’ (DND) സർവ്വീസ് ആക്ടിവേറ്റ് ചെയ്തിട്ടും മാർക്കറ്റിംഗ് കോളുകൾ തുടർന്നും ലഭിക്കുന്നുണ്ടെങ്കിൽ, ഈ പ്രശ്നം പരിഹരിക്കുന്നതിനായി ഈ ആപ്പ് പ്രയോജനപ്പെടുത്താം.

TRAI DND ആപ്പിന്റെ പ്രധാന സവിശേഷതകൾ:

✅ പരാതികൾ എളുപ്പത്തിൽ സമർപ്പിക്കാം:
✅ അനാവശ്യമായ ടെലിമാർക്കറ്റിംഗ് കോളുകളോ എസ്എംഎസുകളോ ലഭിക്കുമ്പോൾ, നിങ്ങൾക്ക് ഈ ആപ്പ് വഴി നേരിട്ട് പരാതി നൽകാം.
✅ നിങ്ങളുടെ കോൾ ലോഗിൽ നിന്നോ മെസ്സേജ് ലിസ്റ്റിൽ നിന്നോ സ്പാം കോളുകളോ എസ്എംഎസുകളോ തിരഞ്ഞെടുത്ത് പരാതി നൽകാൻ ഇതിലൂടെ സാധിക്കും. ഈ പരാതി നിങ്ങളുടെ സേവന ദാതാവിന് (ടെലികോം സർവ്വീസ് പ്രൊവൈഡർ) കൈമാറ്റം ചെയ്യപ്പെടും.
✅ പരാതിയുടെ നിലവിലെ സ്ഥിതി അറിയാം:
✅ നിങ്ങൾ സമർപ്പിച്ച പരാതികളിൽ എന്ത് നടപടിയാണ് സ്വീകരിച്ചിട്ടുള്ളതെന്ന് ആപ്പിലൂടെ എളുപ്പത്തിൽ അറിയാൻ സാധിക്കും. പരാതിയുടെ നിലവിലെ സ്റ്റാറ്റസ് ട്രാക്ക് ചെയ്യാനും പരിഹാരത്തിനായി എടുത്ത നടപടികളെക്കുറിച്ചുള്ള അപ്‌ഡേറ്റുകൾ ലഭിക്കാനും ഇത് സഹായിക്കും.

💠 DND മുൻഗണനകൾ സജ്ജീകരിക്കാം:
🔸 എല്ലാ വാണിജ്യപരമായ ആശയവിനിമയങ്ങളും പൂർണ്ണമായും തടയുകയോ അല്ലെങ്കിൽ ബാങ്കിംഗ്, വിദ്യാഭ്യാസം, ആരോഗ്യം തുടങ്ങിയ പ്രത്യേക വിഭാഗങ്ങളിലെ കോളുകൾ/എസ്എംഎസുകൾ മാത്രം അനുവദിക്കുകയോ ചെയ്യുന്നതിനായി നിങ്ങളുടെ DND മുൻഗണനകൾ ഈ ആപ്പ് ഉപയോഗിച്ച് സജ്ജമാക്കാൻ കഴിയും.
🔸 സ്പാം കണ്ടെത്തൽ (Spam Detection):
🔸 സ്പാം സന്ദേശങ്ങൾ കണ്ടെത്താൻ സഹായിക്കുന്ന ഒരു ‘ഇന്റലിജന്റ് സ്പാം ഡിറ്റക്ഷൻ എഞ്ചിൻ’ (എസ്എംഎസിനു മാത്രം) ഈ ആപ്പിൽ ഉൾപ്പെടുത്തിയിട്ടുണ്ട്.

🔆എങ്ങനെ ഉപയോഗിക്കാം:

1️⃣ ഡൗൺലോഡ് ചെയ്യുക: ഗൂഗിൾ പ്ലേ സ്റ്റോറിൽ നിന്നോ ആപ്പിൾ ആപ്പ് സ്റ്റോറിൽ നിന്നോ TRAI DND 3.0 (Do Not Disturb) ആപ്പ് സൗജന്യമായി ഡൗൺലോഡ് ചെയ്ത് ഇൻസ്റ്റാൾ ചെയ്യുക.
2️⃣ രജിസ്റ്റർ ചെയ്യുക: നിങ്ങളുടെ മൊബൈൽ നമ്പർ ഉപയോഗിച്ച് രജിസ്റ്റർ ചെയ്യുക. OTP വഴി വെരിഫിക്കേഷൻ പൂർത്തിയാക്കുക.
3️⃣ പരാതി നൽകുക: സ്പാം കോളോ എസ്എംഎസോ ലഭിച്ചാൽ, ആപ്പിലെ ‘Report Spam’ ഓപ്ഷൻ തിരഞ്ഞെടുത്ത് പരാതി നൽകാം.
അനാവശ്യ കോളുകളിൽ നിന്നും എസ്എംഎസുകളിൽ നിന്നും സ്വയം പരിരക്ഷിക്കാൻ TRAI DND ആപ്പ് ഡൗൺലോഡ് ചെയ്ത് ഉപയോഗിക്കുക.

10/01/2026

ട്രെയിൻ യാത്രയ്ക്കിടെ നിങ്ങൾ മുൻകൂട്ടി ബുക്ക് ചെയ്ത സീറ്റിൽ മറ്റാരെങ്കിലും വന്നിരുന്നിട്ടുണ്ടോ? ഇനി വന്നിരിക്കില്ലെന്ന് ഉറപ്പുണ്ടോ ? ഇനി അഥവാ അങ്ങനെ ഉണ്ടായാൽ വാദമോ വഴക്കോ ഇല്ലാതെ പരിഹാരം കാണാനുള്ള ഒരു ലളിതമായ മാർഗം ഇതാ👇

റിസർവേഷൻ എടുത്ത് ട്രെയിനിൽ യാത്ര ചെയ്യുമ്പോൾ, നമ്മുടെ സീറ്റിൽ മറ്റൊരാൾ ഇരിക്കുന്ന സാഹചര്യം പലരും നേരിട്ടിട്ടുള്ള ഒരു സാധാരണ പ്രശ്നമാണ്. മര്യാദയായി സ്ഥലം മാറ്റാൻ പറയുമ്പോഴും “മാറില്ല” എന്ന പിടിവാശിയോടെ ചിലർ പെരുമാറാറുണ്ട്. ഇത്തരത്തിലുള്ള സാഹചര്യങ്ങളിൽ വാദമോ വഴക്കോ കൂടാതെ
മിനിറ്റുകൾക്കുള്ളിൽ തന്നെ നിങ്ങളുടെ സീറ്റ് തിരികെ ലഭിക്കാൻ ഇന്ത്യൻ റെയിൽവേ നൽകുന്ന ഒരു സേവനം ഉപയോഗിക്കാം.

എങ്ങനെ?
താഴെ വിശദീകരിക്കുന്നു ;

നിങ്ങൾ ചെയ്യേണ്ടത് ഇതാണ്👇

ട്രെയിനിൽ നിങ്ങളുടെ സീറ്റിൽ
മറ്റൊരാൾ ഇരുന്ന് സ്ഥലം മാറാൻ വിസമ്മതിച്ചാൽ
ഉടൻ നിങ്ങളുടെ മൊബൈൽ ഫോൺ എടുക്കുക.

139 എന്ന നമ്പറിലേക്ക് ഒരു SMS അയക്കുക
(റെയിൽവേ ഹെൽപ്‌ലൈൻ നമ്പർ).

മെസേജ് അയയ്ക്കുന്ന രീതി:
1. ആദ്യം SEAT എന്ന് ടൈപ്പ് ചെയ്ത് ഒരു സ്പേസ് വിടുക
2. നിങ്ങളുടെ ടിക്കറ്റിലുള്ള PNR നമ്പർ ടൈപ്പ് ചെയ്യുക
3. വീണ്ടും ഒരു സ്പേസ് നൽകി Seat Number
(ഉദാ: S1 45) ടൈപ്പ് ചെയ്യുക
4. പിന്നെ ഒരു സ്പേസ് നൽകി
OCCUPIED BY UNKNOWN എന്ന് ടൈപ്പ് ചെയ്യുക.

ഈ മെസേജ് 139-ലേക്ക് അയച്ചതോടെ
വിവരം ബന്ധപ്പെട്ട റെയിൽവേ ഉദ്യോഗസ്ഥർക്ക്
ഉടൻ ലഭിക്കും.

അടുത്തുള്ള TTE (Travelling Ticket Examiner)
വേഗത്തിൽ നിങ്ങളുടെ സീറ്റിലെത്തി
ടിക്കറ്റ് പരിശോധിക്കുകയും
അനുമതിയില്ലാതെ ഇരുന്നിരിക്കുന്ന ആളെ
അവിടെ നിന്ന് മാറ്റുകയും ചെയ്യും.

ഇതുവഴി നിങ്ങളുടെ സീറ്റ് നിങ്ങൾക്കുതന്നെ ലഭിക്കുകയും, സുരക്ഷിതവും ശാന്തവുമായ യാത്ര ഉറപ്പാകുകയും, അനാവശ്യ വഴക്കുകൾ ഒഴിവാകുകയും ചെയ്യും.

ശ്രദ്ധിക്കുക:

പതിവായി ട്രെയിനിൽ യാത്ര ചെയ്യുന്നവർ
139 എന്ന റെയിൽവേ ഹെൽപ്‌ലൈൻ നമ്പർ
മൊബൈലിൽ സേവ് ചെയ്ത് വെക്കുന്നത്
എപ്പോഴും നല്ലതാണ്.

Civil squad India

05/09/2026

01/08/2026

29/07/2026

31/05/2026

10/05/2026

10/01/2026

Address

Telephone

Website

Alerts

Shortcuts

Share

Category

Listing takedown request