04/10/2026
സൗഹൃദസംഗമം
സേവാഭാരതിയുടെ എറണാകുളം യൂണിറ്റിൻ്റെ ആഭിമുഖ്യത്തിൽ ഒക്ടോബർ 2-ാം തീയതി വൈകുന്നേരം രവിപുരം ഭജന സംഘം ഹാളിൽ മുതിർന്ന പൗരന്മാർക്കായി സൗഹൃദസംഗമം സംഘടിപ്പിച്ചു.
46 മുതിർന്ന പൗരന്മാർ സംഗമത്തിൽ പങ്കെടുത്തു
സൗഹൃദവും സന്തോഷവും പങ്കുവെക്കാനും പരസ്പരം പരിചയപ്പെടാനും കുറച്ചുസമയം ഒരുമിച്ച് ചെലവഴിക്കാനും അവസരം ലഭിച്ച ഈ സംഗമം എല്ലാവർക്കും ഹൃദ്യവും സന്തോഷകരവുമായ അനുഭവമായി മാറി.
പ്രാർത്ഥനയോടെ ആരംഭിച്ച സംഗമത്തിൽ സേവാഭാരതി വൈസ് പ്രസിഡന്റ് ശ്രീ. അച്യുതൻ എല്ലാവർക്കും സ്വാഗതം ആശംസിക്കുകയും ഇത്തരമൊരു സംരംഭം ആരംഭിക്കാനുള്ള സാഹചര്യവും ലക്ഷ്യവും വിശദീകരിക്കുകയും ചെയ്തു.
സുകൃതം സാന്ത്വനം വയോജന പരിചരണ പദ്ധതിയുടെ ഭാഗമായി സേവാഭാരതി അംഗങ്ങൾ വിവിധ വീടുകൾ സന്ദർശിച്ചപ്പോൾ ലഭിച്ച നിർദ്ദേശങ്ങളുടെയും അഭിപ്രായങ്ങളുടെയും അടിസ്ഥാനത്തിലാണ് ഇത്തരമൊരു സൗഹൃദസംഗമം സംഘടിപ്പിക്കാൻ തീരുമാനിച്ചത്.
തുടർന്ന് പങ്കെടുത്ത എല്ലാവരും പരസ്പരം പരിചയപ്പെടുകയും സൗഹൃദം പങ്കിടുകയും ചെയ്തു. സേവാഭാരതി അംഗങ്ങളായ ശ്രീ. അജിത്തും ശ്രീമതി അഞ്ജലി അജിത്തും നേതൃത്വത്തിൽ വിവിധ വിനോദപരിപാടികളും രസകരമായ കളികളും സംഘടിപ്പിച്ചു.
തുടർന്ന് പങ്കെടുത്തവരെ വിവിധ ഗ്രൂപ്പുകളായി തിരിച്ച് ഗ്രൂപ്പ് അടിസ്ഥാനത്തിലുള്ള പാട്ടുകളും കളികളും നടത്തി. പ്രായഭേദമന്യേ എല്ലാവരും ആവേശപൂർവ്വം പരിപാടികളിൽ പങ്കെടുത്തു.
തുടർന്ന് ചായസൽക്കാരവും ഒരുക്കിയിരുന്നു. ചടങ്ങിൽ മെമ്പർമാരായ ശ്രീ ലക്ഷ്‌മി നാരായണൻ, ശ്രീ. മണികണ്ഠൻ, ശ്രീ . അജയ് ബി, ശ്രീ. വേണുഗോപാൽ നാരായണൻ, ശ്രീ സന്തോഷ് കുമാർ, ശ്രീ. k.k അപ്പു, ശ്രീ രാമചന്ദ്രൻ പള്ളിയിൽ, ശ്രീ. ഹേമചന്ദ്രൻ , ശ്രീമതി തുളസി ദേവി, ശ്രീമതി ബിന്ദ്യ മോഹൻ, ശ്രീമതി ദിവ്യ ജയശങ്കർ , ശ്രീമതി .സ്മിത രാജേഷ്, ശ്രീമതി രാജലക്ഷ്‌മി മുതലായവർ പങ്കെടുത്തു. സന്തോഷവും സൗഹൃദവും നിറഞ്ഞ അന്തരീക്ഷത്തിൽ നടന്ന സംഗമം നന്ദിപ്രമേയത്തോടെ സമാപിച്ചു.
മുതിർന്ന പൗരന്മാർക്ക് പരസ്പരം ആശയവിനിമയം നടത്താനും സൗഹൃദബന്ധങ്ങൾ ശക്തിപ്പെടുത്താനും സന്തോഷകരമായ സമയം ഒരുമിച്ച് ചെലവഴിക്കാനും ഇത്തരം സംഗമങ്ങൾ തുടർന്നും മാസത്തിലൊരിക്കലെങ്കിലും സംഘടിപ്പിക്കണമെന്ന പൊതുവായ അഭിപ്രായവും ഉയർന്നു.
സെക്രട്ടറി
സേവാഭാരതി
