http://www.navadarshandeaddictioncentre.in/

Navadarshan De- Addiction & Counselling Centre Kidangannur, Kidangannoor (2026)

21/03/2025

. 🌹 *എ എ പ്രതിദിന മനനങ്ങൾ*
*************************
*മാർച്ച്* *21*
*************************
*ആത്മീയ* *ഭൗതികവുമായ* *സുസ്ഥിതി*
****************************

*_ആളുകളെക്കുറിച്ചും_* *_സാമ്പത്തിക_* *_സുരക്ഷിതത്വത്തെക്കുറിച്ചുമുള്ള_* *_ഭയംനമ്മെവിട്ടകലും_*

*ആല്‍ക്കഹോളിക്സ്* *അനോനിമസ്* . *പേജ് 82*

ഭീരുത്വം നശിക്കുന്നതും,സാമ്പത്തിക സ്ഥിതി മെച്ചപ്പെടുന്നതും വ്യത്യസ്തമായ രണ്ട് കാര്യങ്ങളാണ്.
എ.എ.യില്‍ ഞാന്‍ പുതുതായിരുന്നപ്പോള്‍ ഇവ രണ്ടും എനിക്കു തിരിച്ചറിയാന്‍ കഴിയുമായിരുന്നില്ല.
സമ്പത്ത് ശേഖരിക്കുന്നതിലൂടെ ഭയം ഇല്ലാതാവുമെന്ന് ഞാന്‍ കരുതിയിരുന്നു.
ഏതോ സാമ്പത്തിക ബുദ്ധിമുട്ടിനെപ്പറ്റി ആലോചിച്ചുകെണ്ടിരുന്നപ്പോള്‍ ബിഗ് ബുക്കിലെ ഒരു വാക്യശകലം ദൃഷ്ടിയില്‍പ്പെട്ടു

_ഞങ്ങളെ_ _സംബന്ധിച്ചിടത്തോളം_ , _ഭൗതികസുസ്ഥിതി_ _എപ്പോഴുംആത്മീയ_ _വളര്‍ച്ചയെ_ _അനുഗമിക്കുന്നു_ . (പേജ് 130)
ഈ വാഗ്ദാനം ഒരു ഗ്യാരണ്ടിയാണെന്ന് എനിക്കു തോന്നി.
കാര്യങ്ങള്‍ക്ക് ഒരു മുന്‍ഗണനാക്രമം അത് നല്‍കുന്നു. ആത്മീയപുരോഗതി *_ഇല്ലായ്മഭീതിയെ_* അകറ്റിനിര്‍ത്തും. മറ്റു പല ഭയങ്ങളെയും അത് കുറയ്ക്കുന്നു.
ഇന്ന് ദൈവം എനിക്ക് തന്ന കഴിവുകളെ മറ്റുള്ളവരുടെ നന്മയ്ക്കുവേണ്ടി ഞാന്‍ ഉപയോഗിക്കുന്നു.
മറ്റുള്ളവര്‍ എപ്പോഴും വിലകല്‍പ്പിച്ചത് അതിനാണെന്ന് ഞാന്‍ കാണുന്നു. ഞാന്‍ എനിക്കു വേണ്ടി പ്രവര്‍ത്തിക്കാതിരിക്കാന്‍ ഓര്‍ക്കുന്നു.
ദൈവം നിര്‍മ്മിച്ച ധനം ഞാന്‍ ഉപയോഗിക്കുന്നു. അത് ഒരിക്കലും എന്റെ സ്വന്തമല്ല.
സ്വന്തമാക്കാനല്ല. മറിച്ച്, സഹായിക്കാന്‍ വേണ്ടിമാത്രം ഞാന്‍ പ്രാര്‍ത്ഥിക്കുമ്പോള്‍ എന്റെ ജീവിതോദ്ദേശ്യം കുറച്ചുകൂടി വ്യക്തമാകുന്നു.

*ശുഭദിനാശംസകള്‍* ♥️💓

18/03/2025

. 🌹 *എ എ പ്രതിദിന* *മനനങ്ങൾ*
*******************
*മാര്‍ച്ച് 18*
********************
*യഥാര്‍ത്ഥ* *സ്വാതന്ത്രം*
************************
_ഒരു ഉന്നത ശക്തിയില്‍_ _ആശ്രയിക്കാന്‍ ഞങ്ങള്‍_ _എത്രകണ്ട്_ _സന്നദ്ധരാകുന്നോ അത്രകണ്ട് ഞങ്ങള്‍_ _സ്വതന്ത്രരാകുന്നു_

*12 പടികളും* *12 പാരമ്പര്യങ്ങളും പേജ് 36*

ദൈവത്തില്‍ വിശ്വാസമര്‍പ്പിക്കാനുള്ള ഒരു ചെറിയ സന്നദ്ധതയോടെ ഞാന്‍ തുടങ്ങുന്നു. ദൈവം എന്റെ സന്നദ്ധതയെ വളര്‍ത്തുന്നു.
സന്നദ്ധത ഏറുമ്പോള്‍ വിശ്വാസവും ഏറുന്നു. വിശ്വാസം ഏറുമ്പോള്‍ സന്നദ്ധത വീണ്ടും കൂടുന്നു.
ഞാന്‍ കൂടുതല്‍ വിശ്വസിക്കുമ്പോള്‍ ദൈവത്തെ കൂടുതല്‍ ആശ്രയിക്കുന്നു. ഞാന്‍ എന്നില്‍ ആശ്രയിച്ചപ്പോള്‍ എന്റെ അപൂര്‍ണത എന്നെ തടസ്സപ്പെടുത്തി. ഉന്നതനായ ഒരു ശക്തിയില്‍ ആശ്രയിക്കാന്‍ ഞാന്‍ സന്നദ്ധനായപ്പോള്‍, എന്നെക്കാളും എന്നെ നന്നായി അറിയുന്ന ആരോ എന്റെ ആവശ്യങ്ങള്‍
_ഞാന്‍_ _പോലും_ _മനസ്സിലാക്കാതിരുന്ന_ _ആവശ്യങ്ങള്‍_ നടത്തി തന്നു.
ഞാന്‍ മറ്റൊരാള്‍ക്ക് ചെയ്തു കൊടുക്കേണ്ടിയിരുന്നത് ചെയ്യാന്‍ എന്നെ പ്രാപ്തനാക്കിയ ആ ശക്തിക്ക് എന്നെ നന്നായി അറിയാം. എന്നെപ്പോലെ വേറൊരാള്‍ ഉണ്ടാവില്ല. അതു തന്നെ യഥാര്‍ത്ഥ സ്വാതന്ത്രം.
*ശുഭദിനാശംസകള്‍* 💓♥️

17/03/2025

. 🌹 *എ എ പ്രതിദിന മനനങ്ങൾ*
**********************
*മാര്‍ച്ച് 17*
**********************
*നിഗൂഢമായ* *വഴികള്‍*
*********************

വേദനയുടേയും സഹനത്തിന്റേയും നാളുകളില്‍ ദൈവത്തിന്റെ കരം ഭാരമേറിയതും നീതിരഹിതവുമെന്ന് തോന്നിയപ്പോഴും ജീവിക്കാന്‍ വേണ്ട പുതിയ പാഠങ്ങള്‍ പഠിക്കാന്‍ കഴിഞ്ഞു.പുതിയ ശക്തി സ്രോതസുകള്‍ കാണാന്‍ കഴിഞ്ഞു. അവസാനം അത്ഭുതങ്ങള്‍ പ്രവര്‍ത്തിക്കാന്‍ ദൈവം നിഗൂഢമായ വഴിയേ സഞ്ചരിക്കുന്നു എന്ന ദൃഢവിശ്വാസവും വന്നു.

*12 പടികളും 12 പാരമ്പര്യങ്ങളും പേജ് 105*

എന്റെ കുടുംബവും, ജോലിയും,ആരോഗ്യവും നഷ്ടമായിട്ടും എന്റെ ജീവിതശൈലിയെ ഒന്നു പുനര്‍വിചിന്തനം ചെയ്യേണ്ടത് ആവശ്യമാണെന്ന് എനിക്ക് ബോധ്യം വന്നില്ല.
എന്റെ മദ്യപാനവും ഡ്രഗ് ഉപയോഗവും എന്നെ നശിപ്പിച്ചു കൊണ്ടിരുന്നു.
പക്ഷേ ഒരു എ.എ.അംഗത്തെപ്പോലും ഞാന്‍ കണ്ടുമുട്ടിയില്ല. ഒറ്റപ്പെട്ടവനായി ഞാന്‍ മരിക്കുമെന്നും, ഞാന്‍ അത് അര്‍ഹിക്കുന്നെന്നും എനിക്കു തോന്നി. എന്റെ നിരാശയുടെ ഉത്തുംഗശൃംഗത്തില്‍ എന്റെ കൈകുഞ്ഞായ മകന്‍ ഒരു അസാധാരണ രോഗത്തിനടിമയായി കാണപ്പെട്ടു. ഡോക്ടര്‍മാര്‍ നിസ്സഹായരായപ്പോള്‍ മദ്യത്തില്‍ എന്റെ വേദന മറയ്ക്കാന്‍ ഞാന്‍ ശ്രമിച്ചു.
എങ്കിലും മദ്യം എന്നില്‍ പ്രവര്‍ത്തിക്കാതായിരുന്നു.അപ്പോള്‍ ദൈവത്തിലേക്ക് തിരിഞ്ഞു സഹായമഭ്യര്‍ത്ഥിച്ചു. എന്റെ എ.എ. അംഗത്വം ഈ അവസ്ഥയില്‍ ദിവസങ്ങള്‍ കൊണ്ട് ഒരു അത്ഭുതംപോലെ പ്രവര്‍ത്തിക്കുകയായിരുന്നു. അസാധാരണമായ ചില യാദൃച്ചികസംഭവ പരമ്പര എന്നെ സുബോധാവാനാക്കി നില നിര്‍ത്തി. എന്റെ മകന്‍ ജീവിച്ചു.
അവന്റെ രോഗത്തിന്റെ തീക്ഷണത കുറഞ്ഞു. ഈ അനുഭവങ്ങളെല്ലാം എന്റെ കഴിവില്ലായ്മയെയും അനിയന്ത്രിതാവസ്ഥയെയും തെളിച്ചു കാണിച്ചു.
ഇന്ന് ഞാനും എന്റെ മകനും ദൈവത്തിന്റെ ഇടപെടലിനു നന്ദി പറയുന്നു.
*ശുഭദിനാശംസകള്‍* 💓💗

17/03/2025

Anti drug Awareness program among children

17/03/2025

Anti drug awareness programme

12/03/2025

.
🌹 *എ എ പ്രതിദിന* *മനനങ്ങൾ*
*********************
*മാര്‍ച്ച് 13*
*********************
*ആത്മാവിന്റെ* *ലോകം*
**********************

ഞങ്ങള്‍ ആത്മീയതയുടെ ലോകത്തേക്ക് പ്രവേശിച്ചിട്ടുണ്ട്. ധാരണയിലും ഫലപ്രാപ്തിയിലും വളരുക, എന്നതാണ് ഞങ്ങളുടെ അടുത്ത കര്‍ത്തവ്യം. ഇത് ഒറ്റരാത്രി കൊണ്ട് ,ചെയ്ത് തീര്‍ക്കാവുന്ന ഒരു കാര്യമല്ല. ഇത് ഞങ്ങളുടെ ജീവിതകാലം മുഴുവനും തുടരണം.

*ആല്‍ക്കഹോളിക്സ്* *അനോനിമസ്*
*പേജ്* *83*

_പ്രവേശിച്ചു_എന്ന വാക്കും, ആത്മാവിന്റെ_ _ലോകത്തേക്ക്_ _പ്രവേശിച്ചു_ എന്ന പ്രയോഗവും, വളരെ പ്രധാനമാണ്. അത് ഒരു പ്രവൃത്തിയെയും, ഒരു ആരംഭത്തേയും, ആദ്ധ്യാത്മിക ഉയര്‍ച്ചയുടെ ആദ്യ പടിയെയും, എല്ലാം സൂചിപ്പിക്കുന്നു.
ആത്മാവ് എന്നിലെ അദൃശ്യ ഭാഗമാണ്. ഭൗതികവാദവും, സ്വയം കേന്ദ്രീകരണവും, എന്റെ ആദ്ധ്യാത്മിക വളര്‍ച്ചയ്ക്ക് തടസ്സങ്ങളായി നില്‍ക്കുന്നു. ആദ്ധ്യാത്മികത എന്നത് ,ലൗകിക നേട്ടങ്ങള്‍ക്കു പകരം, അലൗകിക നേട്ടങ്ങള്‍ക്കു വേണ്ടിയുള്ള അര്‍പ്പണമാണ്.
ദൈവിക തിരുമനസ്സിനുള്ള സമര്‍പ്പണമാണ്. ആദ്ധ്യാത്മികതയില്‍ സ്നേഹം,സമാധാനം, ക്ഷമ,കരുണ,നന്മ, വിശ്വാസ്യത,ആത്മനിയന്ത്രണം,എളിമ എന്നിവ ഉള്‍കൊള്ളുന്നു.
സ്വാര്‍ത്ഥതയും ,വഞ്ചനയും ഭീരുത്വവും ,എന്നിലേക്കു കടന്നു വരാന്‍ ഞാന്‍ അനുവദിക്കുമ്പോള്‍, ആദ്ധ്യത്മികതയെ ഞാന്‍ തടസ്സപ്പെടുത്തുന്നു.
എന്റെ സുബോധം നിലനിര്‍ത്തുമ്പോഴും, ആത്മിയതയിലേക്കുള്ള വളര്‍ച്ച, ഒരു ആജീവാനന്ത പ്രക്രിയയാണ്, ഒരിക്കലും പൂര്‍ണതയിലെത്താൻ ആവില്ല ,എന്ന സത്യം ഉള്‍ക്കൊള്ളുന്നുവെങ്കിലും,എന്റെ ലക്ഷ്യം ആത്മീയവളര്‍ച്ചയാണ്. *ശുഭദിനാശംസകള്‍* 💓♥️

12/03/2025

Anti Drug awareness Programme

12/03/2025

Oruma Street Play Team with Joji Thampi

12/03/2025

.🌹 *എ എ പ്രതിദിന* *മനനങ്ങൾ*
*********************
*മാര്‍ച്ച് 12*
*******************
*ഒരുദിന പദ്ധതി*
*******************
രാവിലെ ഉണരുമ്പോള്‍, നമുക്ക് നമ്മുടെ മുമ്പിലുള്ള, ഇരുപത്തിനാലുമണിക്കൂറുകളെക്കുറിച്ച് മാത്രം ചിന്തിക്കാം. ഞങ്ങള്‍ ഒരു ദിവസത്തേക്ക്, മാത്രമായുള്ള പദ്ധതികള്‍ ആവിഷ്കരിക്കുന്നു. അത് ആരംഭിക്കുന്നതിനുമുമ്പ്, ദൈവത്തോട് ഞങ്ങളുടെ ശരിയായ ചിന്തകള്‍ക്ക് ,വഴി കാട്ടാന്‍ ഞങ്ങള്‍ അപേക്ഷിക്കുന്നു.
പ്രത്യേകിച്ചും, ആത്മനിന്ദയില്‍ നിന്നും, തന്‍മാത്രകാര്യനിഷ്ഠയില്‍ നിന്നും ,അകന്നു നില്‍ക്കുന്നതിനാവശ്യമായ, മാര്‍ഗ്ഗസിദ്ധിക്ക് വേണ്ടി.

*ആല്‍ക്കഹോളിക്സ്* *അനോനിമസ്*
*പേജ്* *85*

എല്ലാ ദിവസവും ദൈവസ്നേഹത്തിന്റെ , അഗ്നി എന്നില്‍ തെളിയുവാന്‍ ഞാന്‍ പ്രാര്‍ത്ഥിക്കുന്നു.
ഈ അഗ്നി വ്യക്തമായി കത്തുമ്പോള്‍, എന്റെ ചിന്ത പ്രകാശിതമാകുന്നു. ദൈവഹിതം നിറവേറ്റാന്‍ ഞാന്‍ ശക്തനാകുന്നു.
ഓരോ ദിവസവും ബാഹ്യലോകത്തിന്റെ സ്വാധീനം ,എന്റെ ധൈര്യം ചോര്‍ത്തിക്കളയുമ്പോള്‍, ഞാന്‍ ദൈവത്തോട്, മനസ്സാന്നിദ്ധ്യത്തിനായി പ്രാര്‍ത്ഥിക്കുന്നു.
അപ്പോള്‍ ഒരു പുതിയ തുടക്കത്തിനുള്ള അവസരം, ഓരോ ദിവസവും ഞാന്‍ കാണുന്നു.
*ശുഭദിനാശംസകൾ* 💓♥️

11/03/2025

.
🌹 *എ എ* *പ്രതിദിന* *മനനങ്ങൾ*
********************
*മാര്‍ച്ച്* *11*
*********************
*നേര്‍വഴി*
****************

നമ്മുടെ ഹിതം ദൈവഹിതത്തിന് ഒത്തതാക്കാന്‍ ശ്രമിക്കുമ്പോള്‍ നാം അത് ശരിയായി ഉപയോഗിക്കുന്നു. ഇത് ഞങ്ങള്‍ക്ക് അത്ഭുതാവഹമായ ഒരു വെളിപാട് ആയി.
ഇച്ഛയെ ദുരുപയോഗം ചെയ്തതായിരുന്നു ഞങ്ങളുടെ പ്രശ്നം. ഞങ്ങളുടെ ഇച്ഛയെ ദൈവത്തിന് ഒത്തതാക്കാന്‍ ശ്രമിക്കാതെ പ്രശ്നങ്ങളെ അടിച്ചമര്‍ത്താന്‍ ശ്രമിച്ചു.
ദൈവഹിതം അറിയുവാനും അതു നടത്തുവാനും പന്ത്രണ്ട് പടികള്‍ നമ്മെ പഠിപ്പിക്കുന്നു. മൂന്നാം പടി അതിന്റെ വാതില്‍ തുറന്നു തരുന്നു.

*12പടികളും* *12പാരമ്പര്യങ്ങളുംപേജ്* . *41*

എന്റെ സ്വന്തം ഹിതം എന്നെ എവിടേയ്ക്കാണ് നയിച്ചത് എന്ന് അറിയാന്‍ എന്റെ കഴിഞ്ഞ കാലത്തേക്ക് തിരിഞ്ഞു നോക്കുകയേ വേണ്ടൂ.
എനിക്കു നന്മയായതെന്തെന്നു ഞാന്‍ കണ്ടിരുന്നില്ല. എന്നാല്‍ ദൈവം അതറിയുന്നു. GOD, എന്ന ആംഗലേയപദം Good Orderly Direction. അതായത് നന്മയായതും ക്രമമായതുമായ ലക്ഷ്യം എന്നു *ഞാന്‍* നിര്‍വചിക്കുന്നു.
ദൈവം എന്നെ കൈവിട്ടിട്ടില്ല. പലപ്പോഴും ഞാന്‍ എന്നെത്തന്നെ കൈവിട്ടിരിക്കുന്നു.
എന്റെ ഇച്ഛ പ്രയോഗിക്കല്‍ എപ്പോഴും അനവസരത്തില്‍ അരുതാത്ത പ്രവൃത്തിയായി മാറി-ഫലം തളര്‍ച്ചയും നിരാശയും.
മൂന്നാം പടി പ്രോഗ്രാമിന്റെ ബാക്കിഭാഗത്തേക്ക് തുറക്കുന്നവാതിലാണ്. ഞാന്‍ ദൈവത്തോട് സഹായം ചോദിക്കുമ്പോള്‍ എനിക്കു നല്‍കപ്പെടുന്നത്. എനിക്ക് അപ്പോള്‍ ഇഷ്ടകരമല്ലെങ്കിലും,എന്നും അഭികാമ്യമായിരിക്കും. കാര്യങ്ങളൊക്കെ വേണ്ടപോലെ നടക്കുന്നു.
എനിക്ക് സ്വയം ചെയ്യാന്‍ സാധിക്കാത്തത് ഞാനനുവദിച്ചാല്‍ ദൈവം എനിക്കു വേണ്ടി ചെയ്യും.
*ശുഭദിനാശംസകള്‍*♥️💓

08/03/2025

.
🌹 *എ എ* *പ്രതിദിന മനനങ്ങൾ*
*********************
*മാര്‍ച്ച് 8*
*****************
*ഏല്‍പ്പിച്ചു* *കൊടുക്കുക*
*********************

എ.എ.യില്‍ ചേരുകയും അതിലുറച്ച് നില്‍ക്കാന്‍ തീരുമാനിക്കുകയും ചെയ്ത ഏതൊരു സ്ത്രീയും പുരുഷനും അവരറിയാതെ തന്നെ മൂന്നാം പടി തുടങ്ങി കഴിഞ്ഞിരിക്കുന്നു.
അവര്‍ തങ്ങളുടെ ജീവിതം എ.എ. യുടെ സംരക്ഷണത്തിനും പരിരക്ഷണത്തിനും വിട്ടു കൊടുത്തിരിക്കുന്നു എന്നത് ശരിയല്ലേ? ലക്ഷ്യം തെറ്റിയ തന്റെ കപ്പലിന് നങ്കൂരമിടാനുള്ള തീരം എ.എ.ആണെന്ന് *സന്നദ്ധതയുള്ള* *നവാഗതര്‍അറിയുന്നു* . ഇത് പുതുതായി കിട്ടിയ ദൈവകൃപയ്ക്ക് വിട്ടു കൊടുക്കലല്ലെങ്കില്‍ പിന്നെ എന്താണ്.?

*12 പടികളും* *12* *പാരമ്പര്യങ്ങളും*
*പേജ് 35*

ദൈവത്തിന് സ്വയം സമര്‍പ്പിക്കലായിരുന്നു സുഖപ്രാപ്തിക്കുള്ള എന്റെ ആദ്യത്തെ പടി ദൈവവുമായി പുതിയൊരു ബന്ധം പുലര്‍ത്തുന്ന ഒരു ആത്മീയതയാണ് നമ്മുടെ കൂട്ടായ്മ ലക്ഷ്യമിടുന്നതെന്ന് ഞാന്‍ വിശ്വസിക്കുന്നു.
ഞാന്‍ പടികളുടെ വഴിയേ പോകുമ്പോള്‍ എനിക്ക് സ്വതന്ത്രമായി ചിന്തിക്കാനുള്ള ഒരു കഴിവ് അനുഭവപ്പെടുന്നു.
മദ്യത്തോടുള്ള എന്റെ അടിമത്തം എന്നെ സ്വതന്ത്രനാക്കി. എനിക്ക് വേണ്ടി ചിന്തിക്കാന്‍ പോലും അത് എന്നെ അനുവദിച്ചില്ല. ഞാന്‍ തന്നെ എന്റെ മേല്‍ കെട്ടിവച്ച അടിമത്വത്തില്‍ നിന്ന് ഒരു വിടുതല്‍ എനിക്ക് തന്നെ അസാദ്ധ്യമായി.
പക്ഷേ മുന്നോട്ട് തന്നെ നീങ്ങാന്‍ ഒരു വഴി എ.എ. എനിക്ക് ഉറപ്പ് തരുന്നു.
അന്യോന്യമുള്ള പങ്കുവെയ്ക്കലും ശ്രദ്ധയും താല്പര്യവും ഒരു ദാനമാണ്.
അത് ദൈവത്തോടുള്ള എന്റെ മനോഭാവം മാറുന്നതിനനുസരിച്ച് ശക്തിപ്രാപിക്കുകയും ചെയ്യുന്നു.
ദൈവേഷ്ടത്തിന് കീഴ്പ്പെടാന്‍ ഞാന്‍ പഠിക്കുന്നു. എനിക്ക് നല്‍കപ്പെട്ടത് നല്‍കുക വഴി ഈ രണ്ടു മനോഭാവങ്ങളും അന്യമാകാതെ കാത്തു സൂക്ഷിക്കുവാനും ഞാന്‍ പഠിക്കുന്നു. *ശുഭദിനാശംസകള്‍* 💓 ♥️

Navadarshan De- Addiction & Counselling Centre Kidangannur

21/03/2025

18/03/2025

17/03/2025

17/03/2025

17/03/2025

12/03/2025

12/03/2025

12/03/2025

12/03/2025

11/03/2025

08/03/2025

Address

Telephone

Website

Alerts

Contact The Organization

Shortcuts

Share

Category