12/08/2025
Chori se bijli istemal karna kaisa?
Assalamu Alaikum Wa Rahmatullahi Wa Barakatuhu
▶️Sawaal:
Baad salam ke, tamam ulama-e-karam ki bargah mein arz hai ke agar koi insaan apne mulk Hindustan mein chori se bijli istemal karta hai to kya woh gunahgaar hota hai ya nahi hota hai?
Aur yeh bhi bayan farma dein ke chori ki bijli se motor chalaya phir wuzu kiya aur namaz padhi to uski namaz mein koi khalal paida hua ya nahi?
Tasalli bakhsh jawab ata farmaein, bohat bohat karam hoga.
Agar hawala bhi mil jaye to bohat hi mehrbani hogi.
Wa Alaikum Assalam Wa Rahmatullahi Wa Barakatuhu
🌷Jawab:🌷
Ba-‘aun al-Malik al-Wahhab, Allahumma hidayat al-haqq wa al-sawab
Agar koi shakhs bila connection chori se light istemal karta hai to yeh najaiz wa gunah hai, lehaza aise shakhs par zaroori hai ke foran aise kaamon se tauba wa istighfar kare aur jo chori se light jalayi hai uski bharpai kare. Lekin agar motor ke zariye paani apne istemal mein liya to is se wuzu wa namaz durust hai.
Sarkari light baghair koi raqam diye hue jalana apne aap ko ehanaat ke liye pesh karna aur apni izzat ko khatre mein dalna hai.
Fatawa Mustafawiya mein hai:
Aisi harkat se ijtinab laazim hai jo mujeeb-e-zillat wa ruswai ho.
`📚Fatawa Mustafawiya, safha 146`
Aur Fatawa Faqih-e-Millat mein hai ke bila connection chori ki light jalana mana hai aur sarkari qanoon ko todna hai, apne ko ehanaat ke liye pesh karna hai, aur apni izzat ko khatre mein dalna hai. Aur izzat ki hifazat karna, zillat wa ruswai se bachna zaroori hai.
(Jild 1, safha 192)
`(Zia-e-Shariat, jild 1, safha 39)`
Laisa lil-muslim an yudhilla nafsahu illa ind al-hajah wa al-darurah
`📚Al-Muhit al-Burhani, jild 4, safha 602`
Wallahu a'lam bis-sawab
