Jashn E Maulood E Kaaba

10/09/2025

https://youtube.com/shorts/Ss0OTEm05pM?si=c2jJqe5HqYEugeb6

Meri Nazar me Mera Sanam Be Misaal Hai. Allah Paak Mere Peer Ko Salamat Rakhe. Aameen.

30/07/2025

30/07/2025

https://youtube.com/shorts/bW-z0ONw-r4?si=kx5hl0gQDTdi0jYX

اہلِ جہاں کو کیا خبر کون ہے مجھ میں جلوہ گر
میں ہوں کہاں تمہیں تو ہو اصل میں راز ہے یہی

20/07/2025

بسم اللہ الرحمن الرحیم
اپنی بات کی ابتدا اور اختتام میں اپنے جدِّ کریم امام المتقین، مولائے مومنین، امام العارفین، یعسوب الدین، سید المرتقین، فاتح المبین، سیدنا امام علی علیہ السلام کے فرمان عالی شان کے ساتھ کروں گا:
“قیامت کی نشانیوں میں سے ایک نشانی یہ بھی ہے کہ جھوٹے لوگوں کی عزت ہوگی اور سچے لوگ بدنام ہو رہے ہوں گے۔”(حضرت علی علیہ السلام)
نجات کا انحصار عمل پر نہیں، قیادت پر ہے
فرعون کے قافلے میں جلیل القدر علماء، فقیہ، زاہد، عابد، لمبی داڑھی والے بزرگ اور بلند مرتبہ و معزز افراد موجود تھے جن کے چہروں پر نور تھا، زبان پر ذکر، ظاہری لباس میں وقار اور عبادت میں اخلاص نظر آتا تھا — مگر وہ نیل کی لہروں میں ڈوب گئے۔
ادھر حضرت موسیٰ علیہ السلام کے ہمراہ چلنے والے وہ لوگ تھے جو عاجز، گناہ گار، مغفرت طلب اور محتاج تھے؛ جن کے دامن پر گناہوں کے داغ تھے اور ماتھے پر غربت کے آثار نمایاں تھے، جن کی پیشانیوں پر سجدے کے نشان بھی شاید نہ تھے مگر وہ سب نیل کے پار جا پہنچے۔
کیا تم جانتے ہو کیوں؟
اس لیے کہ ان سب گناہ گاروں کے رہبر موسیٰ علیہ السلام جیسے نبی تھے — اور پرہیزگاروں، نیکوکاروں کے امام فرعون جیسا ظالم تھا۔
جب رہبر باطل ہو تو ہدایت بھی گمراہی بن جاتی ہے،اور جب رہبر حق پر ہو تو خطا کار بھی منزل پا لیتے ہیں۔
لہٰذا غور کرو کہ تم کس کے پیچھے چل رہے ہو — کہیں تمہارا رہبر، موسیٰ کے لباس میں ملبوس فرعون تو نہیں؟
اللہ تعالیٰ قرآنِ پاک میں فرماتا ہے:“يَوْمَ نَدْعُو كُلَّ أُنَاسٍۢ بِإِمَامِهِمْ”(سورۃ الإسراء: 71)یعنی جس دن ہم ہر قوم کو ان کے امام (رہنما) کے ساتھ بلائیں گے۔
یعنی تم جس کے پیچھے چلو گے — قیامت میں اسی کے ساتھ کھڑے کیے جاؤ گے۔
سادہ الفاظ میں:
• اگر قیادت ظالم، باطل اور جابر ہو تو تمہارا تقویٰ، تمہارے پیر اور بابا بھی تمہیں نہیں بچا سکیں گے۔• اور اگر قیادت نیک، حق اور صالح ہو تو تمہارے گناہوں پر بھی اللہ کی رحمت کا دروازہ کھلا ہے، کیونکہ وہ بڑا بخشنے والا ہے۔
کربلا کا پیغام
حرّ رضی اللہ عنہ نے نماز یزیدی لشکر میں پڑھی، مگر جب انہوں نے قیادت امام حسین علیہ السلام کو تسلیم کر لیا — تو شہادت نصیب ہوئی۔
یعنی قیادت بدلی → انجام بدل گیا۔
اصل سوال یہ ہے:
• تم کس قیادت کے پیچھے ہو؟• جسے تم نے امام مانا ہے، کیا وہ حق پر ہے؟• اگر تم ظالم کے ساتھ ہو اور صرف نماز، روزہ، چادر، عرس، اولیاء کے مزارات پر حاضری سے مطمئن ہو — تو تمہاری منزل وہی ہے جو فرعون کے لشکر کی تھی۔
مختصر پیغام
قافلہ اگر یزید کا ہے تو نماز بھی بے سود ہے، اور قافلہ اگر حسین علیہ السلام کا ہے تو ایک ندامت بھی جنت کا راستہ بنا دیتی ہے۔
یاد رکھو…بھیڑ، تعداد، دولت، عالیشان گھر، لمبی داڑھیاں اور رعب دار القابات اللہ کو متاثر نہیں کرتے۔اللہ کی نظر میں سب سے بڑی برتری تقویٰ ہے — اور تقویٰ وہی ہے جو حق کی پہچان اور اس کے ساتھ ہمدردی سے ظاہر ہوتا ہے۔
تاریخ گواہ ہے
بدر سے لے کر کربلا تک، اللہ نے ہمیشہ کمزور، فقیر اور شکست خوردہ لوگوں کو فتح دی —کیونکہ ان کے ساتھ حق تھا، ان کے رہنما حضرت محمد صلی اللہ علیہ وآلہ وسلم اور سیدنا امام حسین علیہ السلام تھے۔
اللہ رب العزت فرماتا ہے:“كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ ۗ”(سورہ بقرہ: 249)“کتنی ہی چھوٹی جماعتیں بڑی جماعتوں پر اللہ کے حکم سے غالب آ گئیں۔”
لہٰذا غور کرو — تم کس کے پیچھے چل رہے ہو؟
آخر میں اپنی بات اپنے مولا حیدر کرار، غیر فرار، اسد غرار، شیر خدا کے ایک فرمان کے ساتھ اختتام کرتا ہوں:
“دنیا کا سب سے ذلیل انسان وہ ہے جسے حق اور سچ کا علم ہو، پھر بھی وہ جھوٹ کے ساتھ کھڑا ہو۔”(امام علی علیہ السلام)
اللہ ہم سب کو حق کی پہچان اور اس کے ساتھ ثابت قدم رہنے کی توفیق عطا فرمائے، آمین۔
والسلام علیکم ورحمۃ اللہ وبرکاته