Jamiat Ulama Kanpur Dehat

17/09/2025

گزشتہ کل23ر/ربیع الاول 1447ھ مطابق 16/ ستمبر 2025ء
بروز منگل جامعہ اشرف العلوم کیسی کانپور دیہات کی مسجد بلال میں جمعیۃ علماء کانپور دیہات کے صدر، نائب صدور، جنرل سیکریٹری اور خازن کا انتخاب عمل میں آیا۔ صدارت حضرت اقدس مولانا محمد اظہار صاحب قاسمی (ناظم جامعہ اشرف العلوم و صدر جمعیۃ علماء کانپور دیہات) نے فرمائی، جبکہ مہمانِ خصوصی حضرت مولانا طارق شمسی صاحب (مہتمم مدرسہ اسلامیہ کٹرہ شہاب اٹاوہ و صدر جمعیۃ علماء اٹاوہ) تھے۔

اس موقع پر حضرت مولانا محمد اظہار صاحب قاسمی دامت برکاتہم کو صدر منتخب کیا گیا۔ چار نائب صدور کی حیثیت سے حضرت مفتی مجیب الرحمٰن صاحب قاسمی، حضرت مولانا محمد نعمت اللہ صاحب راجپوری، محترم حاجی محمد عقیل صاحب پکھرایاں اور محترم حاجی محمد لقمان صاحب بھوگنی پور کا انتخاب عمل میں آیا۔ جنرل سیکریٹری کے طور پر حضرت مولانا محمد اسماعیل صاحب قاسمی اکبرپور کو منتخب کیا گیا، جبکہ خازن کی ذمہ داری حضرت مولانا محمد زید صاحب جامعی،قصبہ سٹی کانپور دیہات کو سونپی گئی۔ اس کے علاوہ سکرٹریان حضرات کے انتخاب کے متعلق یہ طے پایا کہ ان کا تعین صدر صاحب اپنی صوابدید سے کریں گے۔

جلسے کا آغاز قاری محمد اویس صاحب کی تلاوتِ قرآن مجید سے ہوا، نعتیہ کلام حضرت مفتی مجیب الرحمٰن صاحب قاسمی نے پیش کیا۔ بعد ازاں منتخب عہدیداران نے جمعیۃ علماء کے تعارف اور اس سے وابستگی کی اہمیت پر روشنی ڈالی، جبکہ مہمانِ خصوصی حضرت مولانا طارق شمسی صاحب نے جمعیۃ علماء کی خدمات اور اس کے ہمہ گیر کردار پر خطاب فرمایا۔

یہ پُررونق و بابرکت مجلس کانپور دیہات کے علماء اور عوام کی بڑی تعداد کی شرکت سے کامیابی کے ساتھ اختتام پذیر ہوئی۔

*رپوٹر محمد عمار حنفی قاسمی کانپوری*

03/09/2025

02/09/2025

15/08/2025

جمعیۃ علماء کانپور دیہات کی طرف سے
تمام اہل وطن کو جشن یوم آزادی کی دلی مبارکباد

29/06/2025

یاد شہدائے اسلام و عظمتِ محرم الحرام: ۔دولت پور میں ایمان افروز جلسہ

محرم الحرام کے ابتدائی دس ایّام کے دوران جمعیۃ علمائے کانپور دیہات کی جانب سے ضلع بھر میں سلسلہ وار روح پرور مجالس و اجتماعات کا انعقاد کیا جا رہا ہے، جن کا مقصد عظمتِ محرم، شہدائے اسلام کی قربانیوں، خلفائے راشدین، اہل بیت اطہار اور جملہ صحابہ کرام رضوان اللہ علیہم اجمعین کے مقام و مرتبہ کو قرآن و سنت اور مستند تاریخ کی روشنی میں اجاگر کرنا ہے۔

اسی سلسلے کی ایک عظیم الشان کڑی مورخہ 28 جون بروز ہفتہ، نماز مغرب کے بعد قصبہ دولت پور میں بعنوان "شہدائے اسلام اور صحابہ کرامؓ کا مقامِ بلند " منعقد ہوئی۔
جلسے کی صدارت جمعیۃ علمائے کانپور دیہات کے صدر، حضرت مولانا محمد اظہار صاحب قاسمی (ناظم جامعہ اشرف العلوم، کیسی، کانپور دیہات) نے فرمائی، جب کہ نظامت کے فرائض حضرت مولانا مفتی مجیب الرحمن صاحب قاسمی (نائب صدر جمعیت، ناظم مدرسہ فیضانِ محمد) نے خوش اسلوبی سے انجام دیے۔
"اس روحانی اور علمی نشست کی مکمل نگرانی محترم حاجی لقمان صاحب بھوگنی پوری نے نہایت دلجمعی اور خلوص کے ساتھ فرمائی، جن کی سرپرستی نے جلسے کو ایک منظم اور پُراثر روپ عطا کیا۔

تلاوتِ کلامِ پاک سے جلسے کا آغاز مسجد دولت پور کے امام محترم، حافظ و قاری عبدالمعبود صاحب نے فرمایا، بعد ازاں مدرسہ فیضان محمد کے ایک ہونہار طالب علم نے بارگاہِ رسالت ﷺ میں عقیدت کا نذرانہ بطور نعت پیش کیا، جس سے فضا معطر ہو گئی۔

جلسے کی علمی نشست میں دو نوجوان اور فاضل علماء کرام، مولانا محمد شاہ زیب صاحب قاسمی (استاذ مدرسہ فیضان محمد) اور حضرت مولانا مفتی محمد رشدان صاحب ندوی نے نہایت بلیغ، مدلل اور ایمان افروز خطابات فرمائے۔
خاص طور پر مفتی رشدان ندوی صاحب نے شہدائے اسلام کی قربانیوں پر نہایت محققانہ انداز میں روشنی ڈالتے ہوئے سامعین کو بتایا کہ محرم الحرام کا مہینہ نہ صرف محترم ہے بلکہ اس کی نسبت قرآن و حدیث میں عظمت و حرمت کے ساتھ کی گئی ہے۔ انہوں نے تعزیہ داری، ماتم اور اس ماہ کو منحوس کہنے جیسے رواجوں کی تردید کرتے ہوئے ان کی تاریخی حیثیت واضح کی۔

جلسے میں اہلِ دولت پور کے ساتھ اطراف کے عوام کی بڑی تعداد نے شرکت کی۔ جامعہ اشرف العلوم کیسی کانپور دیہات کے اساتذہ کرام بھی بنفس نفیس شریک ہوئے اور اپنی شرکت سے اس علمی و روحانی محفل کو چار چاند لگا دیے۔

یہ جلسہ اپنے اثرات و افادات کے اعتبار سے نہ صرف ایک یادگار دینی اجتماع ثابت ہوا بلکہ محرم الحرام کے اصل پیغام کو عام کرنے کی ایک کامیاب کوشش بھی تھی۔

رپورٹ: محمد عمار حنفی کانپوری
استاد جامعہ اشرف العلوم کیسی کانپور دیہات ۔

17/04/2025

جمعیۃ علماء ضلع کانپور دیہات کی مجلسِ عاملہ و منتظمہ کی میٹنگ کا انعقاد ۔

کانپور دیہات۔۔ جمعیۃ علماء ضلع کانپور دیہات یوپی کی آج بتاریخ ۱۷شوال المکرم ١٤٤٦ھ مطابق 16 اپریل بروز بدھ کو صبح گیارہ بجے مجلسِ عاملہ و منتظمہ کی میٹنگ حضرت مولانا محمد اظہار صاحب قاسمی صدر جمعیۃ علماء ضلع کانپور دیہات کی صدارت میں مدرسہ اشرف العلوم کیسی کانپور دیہات میں منعقد ہوئی
مولانا محمد اظہار کی تلاوتِ سے میٹنگ کا آغاز ہوا
تلاوت کے بعد حضرت صدر محترم نے مختصر جمعیۃ علماء کا تعارف کرایا اورممبر سازی کی طرف توجہ دلائی
اسکے بعد جمعیۃ علماء کی ممبر سازی کے تعلق سے
مولانا محمداسماعیل قاسمی جنرل سکریٹری کانپور دیہات نے گفتگو کی
مولانا نے کہا کہ جمعیۃ علماء کی ممبر سازی کے دونوں طریقے ہیں
آن لائن ۔ اور آف لائن جو بہتر ہو اس سے فائدہ اٹھالیں
آف لائن کے تعلق سے مولانا نے کہا کہ دس روپے کی رسید ہے ممبری فیس کے ساتھ ہر عاقل بالغ مرد عورت جمعیۃ علماء کا ممبر بن سکتا ہے
اس بات کو یاد رکھیئے جس تنظیم کے پاس جتنے ممبر ہوں گے وہ تنظیم اتنی ہی مظبوط ہوگی اور اسکی بات کی اتنی ہی زیادہ اہمیت ہوگی
اور جمعیۃ علماء کی ممبر سازی میں بڑھ چڑھ کر حصہ لینا یہ ہمارا دینی ایمانی اور ملی فریضہ ہے
جمعیۃ علماء ہی ایسی جماعت جو مسلمانوں کی ہر طرح کے حالات میں رہنمائی کرتی ہے اور مسلمانوں کے لئے ہر مشکل گھڑی میں شانہ بشانہ کھڑی رہتی ہے

اراکین عاملہ و منتظمہ نے اپنے حوصلے کا عزم واظہار کرتے ہوئے تقریباً 20000 ہزار ممبر سازی کرنے کا پورے ضلع میں عزم کیا اور رسیدات تقسیم کی گئیں
یاد رہے کہ یہ جمعیۃ علماء کانپور دیہات کا چوتھا ٹرم ہے
اس سے پہلے ٹرم میں پورے ضلع میں تقریبا پندرہ ہزار ممبر سازی ہوئی تھی اور اب انشاء اللہ 20000 ہزار کا ٹارگٹ ہے
اللہ تعالیٰ خیرو عافیت کے ساتھ مکمل فرمائے آمین

اس موقع پر حاجی محمد شریف عرف لقمان ضلعی نائب صدر ،قاری محمد سعید ضلعی سکریٹری،محمد اویس ضلعی سکریٹری، قاری شھاب الدین رکن عاملہ ،کمال احمد رکن عاملہ ،حافظ محمد صابر رکن منتظمہ ،حافظ محمد اکرم رکن منتظمہ ،عتیق خان رکن منتظمہ ،محمد وسیم رکن منتظمہ، محمد راشد رکن منتظمہ، محمد صابر رکن منتظمہ ،دیگر اور حضرات موجود رہے

شائع کردہ ۔
جمعیۃ علماء ضلع کانپور دیہات یوپی ۔

16/4/2025