01/11/2025
മാന്യരെ,
നിങ്ങളെ ഏവരുടെയും സഹായ സഹകരണങ്ങളോടും കൂടി മുഹമ്മദ് അബ്ദുറഹ്മാൻ സാഹിബ് മെമ്മോറിയൽ ചാരിറ്റബിൾ ട്രസ്റ്റ് & ഷുഹൈബ് യൂത്ത് സെന്റർ പുതിയ ഓഫീസിലേക്ക് കേരളപ്പിറവി ദിനമായ ഇന്ന് DCC ജനറൽ സെക്രട്ടറി ബിജു ഉമ്മർ അവർകളുടെ മഹനീയ കരങ്ങളാൽ ഉദ്ഘാടനം നിർവ്വഹിച്ച് പ്രവർത്തനമാരാഭിക്കുകയാണ്. ചടങ്ങിൽ ശ്രീ.ടി എം മോഹനൻ, ശ്രീ. അജിത് കുമാർ, അഡ്വ. അബ്ദുൽ ഖാദർ, കെപിഎം ഹാരിസ് തുടങ്ങിയ നേതാക്കൾ സംബന്ധിക്കുന്നു..
ഇതുവരെ നിങ്ങൾ ചെയ്ത സഹായ സഹകരണങ്ങൾ നന്ദിയോടെ ഓർക്കുകയാണ് അതിനായി പ്രാർത്ഥിക്കുകയും ചെയ്യുകയാണ്..
സ്വതന്ത്ര ഇന്ത്യയിലെ ആദ്യത്തെ വിദ്യാഭ്യാസ മന്ത്രിയും ഇന്ത്യൻ സ്വാതന്ത്ര്യ സമര ചരിത്രത്തിലെ ശ്രദ്ധേയമായ വ്യക്തിത്വവുമായ മൗലാന അബുൽ കലാം ആസാദ് ജന്മദിന അനുസ്മരണത്തിന്റെ ഭാഗമായി ദേശീയ വിദ്യാഭ്യാസ ദിനമായ ഈ വരുന്ന നവംബർ 11 ന് വിവിധങ്ങളായ പരിപാടികളോടെ ട്രസ്റ്റിന്റെ ഉദ്ഘാടന ആഘോഷ പരിപാടികൾ വിപുലമായ നിലയിൽ നടത്താൻ ഉദ്ദേശിക്കുന്ന വിവരം എല്ലാവരെയും സന്തോഷത്തോടെ അറിയിക്കുകയാണ്.
തുടർന്ന് പണ്ഡിറ്റ് ജവഹർലാൽ നെഹ്റു ജന്മദിനമായ നവംബർ 14 ശിശു ദിനാചരണത്തിന്റെ ഭാഗമായി അനുസ്മരണ പരിപാടികളും സ്കൂൾ-അംഗനവാടി കേന്ദ്രീകരിച്ച് വിവിധങ്ങളായ പരിപാടികളും നടത്തപ്പെടുന്നു.
തുടർന്ന് പാലിയേറ്റീവ് കെയർ ഉദ്ഘാടനവും അതോടൊപ്പം തന്നെ രക്തദാന ചടങ്ങ്, ട്രോമാകെയർ വിങ് സമർപ്പണം, തുടങ്ങി ആരോഗ്യ-വിദ്യാഭ്യാസ പ്രവർത്തനങ്ങൾ ഊന്നൽ നൽകി കൊണ്ട് വിവിധങ്ങളായ പദ്ധതികൾ ആവിഷ്കരിച്ച് പ്രവർത്തിക്കാൻ ഉദ്ദേശിക്കുകയാണ്. തുടർന്നും നിങ്ങൾ ഏവരുടെയും സഹായ സഹകരണം പ്രതീക്ഷിക്കുകയും പ്രവർത്തനങ്ങൾക്ക് വേണ്ടി നിങ്ങൾ ഏവരും അകമഴിഞ്ഞ് സഹകരിക്കണമെന്നും അഭ്യർത്ഥിക്കുകയാണ്.
നിങ്ങളുടെ പ്രാർത്ഥനയിൽ ഉൾപ്പെടുത്തുന്നതോടപ്പം പരിപാടികളിൽ നിങ്ങളുടെ സാന്നിധ്യം പ്രതീക്ഷിക്കുകയും ചെയ്യുന്നു.
MACT അഴീക്കോട്
MACT Official
