28/03/2026
*ഓരോ ഡിപ്പാർട്ട്മെൻ്റ് തുടങ്ങുമ്പോൾ ആവശ്യത്തിന് നഴ്സുമാർ അടക്കമുള്ള മുഴുവൻ ജീവനക്കാരെയും നിയമിച്ചു കൊണ്ട് തന്നെ ആരംഭിക്കുക KGNA* ഓരോ ആശുപത്രികളിലും പുതിയ ഡിപ്പാർട്ട്മെൻ്റ് തുടങ്ങുമ്പോൾ ആവശ്യമായ നഴസ്മുമാർ ഉൾപ്പെടെയുള്ള ജീവക്കാരുടെ പോസ്റ്റ് അനുവദിച്ചു കൊണ്ട് തന്നെ പ്രവർത്തനം തുടങ്ങാവൂ എന്ന് തളിപ്പറമ്പ ഏരിയ സമ്മേളനം ആവശ്യപ്പെട്ടു.
തളിപ്പറമ്പ് ഏരിയ സമ്മേളനം 28/03/2026 ഉച്ചക്ക് 2pm ന് തളിപ്പറമ്പ വ്യാപാര ഭവൻ ഹാളിൽ വച്ച് സ: സിജി കുര്യൻ്റെ അധ്യക്ഷതയിൽ സ: പുഷ്പജ കെ വി ഉൽഘാടനം നിർവഹിച്ചു. ഏരിയ സെക്രട്ടറി റെനി സ്കറിയ സ്വാഗതം പറഞ്ഞ സമ്മേളനത്തിൽ സ: ഖമറു സമൻ ടി.ടി(സംസ്ഥാന സെക്രട്ടറി ), സ : ദീപു എസ് ( സംസ്ഥാന കമ്മിറ്റി), സീന പി ആർ (ജില്ലാ പ്രസിഡൻ്റ്), സാജൻ വി പി ( ജില്ലാ ട്രഷറർ) എന്നിവർ സമ്മേളനത്തിന് അഭിവാദ്യങ്ങൾ അർപ്പിച്ചു സംസാരിച്ചു. കണ്ണൂർ ജില്ലയിൽ വെച്ച് നടന്ന സംസ്ഥാന കലോത്സവത്തിൽ സർഗ്ഗ പ്രതിഭ ആയി തിരഞ്ഞെടുത്ത സ്മിത കെ ഇ സിസ്റ്ററെ ആദരിച്ചു, കൂടാതെ കൊല്ലത്ത് നടന്ന സംസ്ഥാന കായിക മേളയിൽ വ്യക്തിഗത ചാമ്പ്യൻ പട്ടം കരസ്ഥമാക്കിയ മിനിമോൾ സിസ്റ്ററെ മൊമൻ്റോ നല്കി ആദരിച്ചു. ഏരിയ സെക്രട്ടറി റെനി സ്കറിയ റിപ്പോർട്ട് അവതരിപ്പിച്ചു. ട്രെഷററർ രേഷ്മ ഇ വരവ് ചെലവ് കണക്കു അവതരിപ്പിച്ചു. ശ്രീമതി : അനു രക്തസാക്ഷി പ്രമേയവും ശ്രീമതി വിജിത അനുശോചന പ്രമേയവും സമ്മേളന പ്രേമേയങ്ങളും ആവശ്യങ്ങളും സ: ആതിര ഗീതവും അവതരിപ്പിച്ചു. ചർച്ചയ്ക്കു മറുപടിക്കും ശേഷം പുതിയ ഭാരവാഹികളെ തിരഞ്ഞെടുത്തു. രേഷ്മ ഇ നന്ദി പറഞ്ഞതോടെ സമ്മേളനം അവസാനിച്ചു.
പുതിയ ഭാരവാഹികൾ
പ്രസിഡന്റ് - സിജി കുര്യൻ
സെക്രട്ടറി - വിജിത കെ വി
ട്രെഷറർ - ആതിര ഗീതം
