05/05/2025
ആഗോള താപനവും കാലാവസ്ഥാ വ്യതിയാനങ്ങളും മൂലം അന്തരീക്ഷ താപനില ആസാധാരണമാംവിധം ഉയർന്ന് സൂര്യാഘാതം, നിർജലീകരണം, ഹൃദയ -ശ്വാസ സംബന്ധമായ രോഗങ്ങൾ തുടങ്ങിയവയ്ക്കു കാരണമായിട്ടുണ്ട്. കെട്ടിടങ്ങളിൽ ചൂട് കുറക്കുവാൻ ആയി എ. സി, ഫാൻ, കൂളർ മുതലായവയുടെ അനിയന്ത്രിതമായ ഉപയോഗം മൂലം നമ്മുടെ വൈദ്യുതി ഉപയോഗവും വർധിച്ചിട്ടുണ്ട് കെട്ടിടങ്ങളിലെ ചൂട് കുറക്കുന്നതിനുള്ള സുസ്ഥിരവും ചിലവ് കുറഞ്ഞ മാർഗ്ഗവുമായി കൂൾ റൂഫ് സാങ്കേതിക വിദ്യകളുടെ പ്രചാരം വർധിപ്പിക്കുക എന്ന ലക്ഷ്യത്തോടെ കേരള സംസ്ഥാന എനർജി മാനേജ്മെന്റ് സെന്റർ സംസ്ഥാനത്തു മുഴുവൻ നിയോജകമണ്ഡലങ്ങളിലും നടപ്പാക്കി വരുന്ന 'കുളിർമ ' കൂൾ റൂഫ് ക്യാപയിൻ പരിപാടിയുടെ പൂഞ്ഞാർ നിയോജക മണ്ഡലത്തിലെ ബോധവൽക്കരണ പ്രോഗ്രാം പാറത്തോട് പഞ്ചായത് ഓഡിറ്റോറിയത്തിൽ വച്ചു 2025ഏപ്രിൽ 23നു രാവിലെ 11 മണിക്ക് ബഹുമാനപ്പെട്ട പഞ്ചായത്ത് പ്രസിഡന്റ് ശ്രീ. കെ. കെ ശശികുമാർ ഉദ്ഘാടനം നിർവഹിച്ചു. പഞ്ചായത്ത് വൈസ് പ്രസിഡന്റ് ശ്രീമതി സോഫി ജോസഫ് അധ്യക്ഷത വഹിച്ചു.വാർഡ് മെമ്പർമാർ, കുടുംബശ്രീ അംഗങ്ങൾ, ആശാവർക്കർമാർ, ഹരിതകർമ്മ സേന അംഗങ്ങൾ തുടങ്ങി പൊതുജനങ്ങൾക്കിടയിൽ പ്രവർത്തിക്കുന്നവർ കൂൾ റൂഫ് ക്യാമ്പയിനിൽ പങ്കെടുത്തു. ഇ. എം. സി റിസോഴ്സ് ഏജൻസി ആയ വിമൽ ജ്യോതി സോഷ്യൽ സർവീസ് സൊസൈറ്റിയാണ് കൂൾ റൂഫ് ബോധവൽക്കരണ പ്രോഗ്രാം പൂഞ്ഞാർ നിയോജകമണ്ഡലത്തിൽ നടത്തിയത്.സി. സിൽവി ആൻ കീറാഞ്ചിറകുന്നേൽ എസ്. എച്ച്, രഞ്ജിത് ഐസക് എന്നിവർ ബോധവൽക്കരണ ക്ലാസുകൾക്ക് നേതൃത്വം നൽകി.
