19/06/2026
🚩 शिवदुर्गा – शिवसंवाद दौरा : महिला शक्तीचा विराट जागर..! 🚩
दिवस दुसरा....
शिवसेना मुख्यनेते तथा राज्याचे लोकप्रिय उपमुख्यमंत्री मा. ना. श्री. एकनाथजी शिंदे साहेब यांच्या सक्षम नेतृत्वाखाली आणि शिवसेनेचे संसदीय गटनेते, युवा नेतृत्व मा. ना. डॉ. श्रीकांत एकनाथ शिंदे साहेब यांच्या प्रेरणादायी मार्गदर्शनाखाली सुरू असलेल्या राज्यव्यापी “शिवदुर्गा – शिवसंवाद दौऱ्या” अंतर्गत आज बीड – माजलगाव विधानसभा मतदारसंघात शिवसेना महिला आघाडीची भव्य व उत्स्फूर्त बैठक मोठ्या उत्साहात संपन्न झाली.
आगामी स्थानिक स्वराज्य संस्था निवडणुकांच्या पार्श्वभूमीवर महिला आघाडीचे संघटन अधिक सक्षम, गतिमान आणि मजबूत करण्यासाठी सविस्तर चर्चा करण्यात आली. गाव ते बूथ स्तरापर्यंत महिला नेतृत्व घडविणे, नवीन महिला शाखाप्रमुखांची निवड, संघटन विस्तार, मतदारयादी पुनरिक्षण (SIR), घराघरांत जनसंपर्क वाढवणे आणि आगामी निवडणुकांसाठी संघटनात्मक तयारी यावर विशेष भर देण्यात आला.
छत्रपती शिवरायांच्या विचारांनी प्रेरित नारीशक्ती आणि मा. शिंदे साहेबांची लाडकी बहीण आज सामाजिक, आर्थिक आणि राजकीय क्षेत्रात पुढे यावी. बचत गटांच्या माध्यमातून महिला एकत्र येऊन स्वतःचे नेतृत्व निर्माण करावे, समाजाच्या विकासासाठी योगदान द्यावे आणि शिवसेना संघटना अधिक बळकट करण्यासाठी सक्रिय सहभाग घ्यावा, असे आवाहन करण्यात आले.
या बैठकीस राष्ट्रीय सचिव श्रीमती शायना ताई एन.सी., राज्यसभा खासदार व शिवसेना प्रवक्त्या श्रीमती ज्योतीताई वाघमारे व माझ्यासह शिवसेना उपनेत्या श्रीमती प्रीती बंड ताई, शिवसेना उपनेत्या श्रीमती संगीता ठोंबरे ताई, शिवसेना उपनेत्या श्रीमती कला शिंदे ताई, शिवसेना जिल्हाप्रमुख श्री. अनिलदादा जगताप, महिला संपर्कप्रमुख श्रीमती संगीताताई चव्हाण, महिला आघाडी जिल्हाप्रमुख श्रीमती चंद्रकलाताई बांगर, नगरसेविका श्रीमती शितलताई चक्रे, उपजिल्हाप्रमुख श्रीमती शारदाताई डोईजड आणि तालुकाप्रमुख (बीड) श्रीमती जयश्रीताई वाघमारे यांची प्रमुख उपस्थिती लाभली.
तसेच शिवसेना महिला आघाडीचे सर्व पदाधिकारी, संपर्कप्रमुख, विभागप्रमुख, शाखाप्रमुख, युवासेना पदाधिकारी, शिवसैनिक आणि महिला कार्यकर्त्यांच्या मोठ्या उपस्थितीमुळे बैठकीला उत्स्फूर्त प्रतिसाद लाभला.
यावेळी माझ्यासह व उपस्थित सर्वांनी महिला पदाधिकारी व कार्यकर्त्या भगिनींशी संवाद साधत ग्रामीण भागातील महिलांचे प्रश्न, अडचणी आणि अपेक्षा जाणून घेतल्या. महिला आघाडीच्या माध्यमातून त्या प्रश्नांवर प्रभावीपणे काम करण्यासाठी विचारविनिमय करण्यात आला.
“महिला सक्षमीकरण – सक्षम संघटन – जनतेचा विश्वास” या त्रिसूत्रीच्या माध्यमातून शिवसेना महिला आघाडी आगामी काळात अधिक ताकदीने कार्य करेल, असा विश्वास व्यक्त करण्यात आला.
🚩 हिंदुत्व आमचा श्वास आहे,
बाळासाहेबांचा विचार आमचा विश्वास आहे,
धर्मवीर आनंद दिघे साहेबांची शिकवण आमचं बळ आहे,
मा. शिंदे साहेबांचे नेतृत्व आमची ताकद आहे,
आणि महाराष्ट्राचा विकास हाच आमचा ध्यास आहे..! 🚩
जय हिंद..!
जय महाराष्ट्र..! 🚩
— श्रीमती विजया पोटे
उपनेत्या, शिवसेना
