अंघोळीची गोळी मुंबई- Angholichi Goli Mumbai

08/11/2025

माननीय,
डोनाल्ड ट्रम्प साहेब,
अध्यक्ष ,
अध्यक्ष अमेरिका,
आपण मध्ये सक्रिय सहभाग घ्यावा आणि खऱ्या अर्थाने "वसुधैव कुटुंबकम" साजरे करावे अशी विनंती.
धन्यवाद.
आपलीच,
#अंघोळीचीगोळी

16/10/2025

झाडे दिवे लावण्याची जागा नाहीत, त्यांना मोकळा श्वास घेऊ द्या...

धन्यवाद नवी मुंबई महानगरपालिका

04/10/2025

Paryavaran Dakshata Mandal and Enviro Vigil organizes Online Khuli Paryavaran Shala.

Session- 85

Topic- Nail free tree campaign

Speaker- Tushar Warang

Date- 10th October, 2025

Time- 4 pm - 5 pm

Please join using the given link below-
https://us06web.zoom.us/j/81746982393

02/10/2025

एक खोडरबर आशेचा

मराठवाड्याच्या पूरग्रस्त विद्यार्थ्यांना मदत म्हणून एक खोडरबर, किंवा एक पेन्सिल (शैक्षणिक साहित्य) देण्याचे आवाहन आम्ही करत आहोत. कारण आम्हाला विश्वास आहे आमच्या विद्यार्थ्यांवर आणि विद्यार्थ्यांच्या स्वप्नांवर...

एक खोडरबर आशेचा,
दुःख पुसूया पूरग्रस्तांचे,
स्वप्न रेखाटू उद्याचे...

अंघोळीची गोळी संस्था
www.angholichigoli.org

09/06/2025

निसर्गाच्या सानिध्यात समृद्धीच्या वाटा या कार्यक्रमात आज शेलारी, म्हाडस येथे अंघोळीची गोळी संस्थेच्या विविध उपक्रमांची माहिती देण्यात आली. कार्यक्रमाचे उद्घाटन मा. बाळासाहेब खांडेकर सर उपजिल्हाधिकारी एस. आर. ए. मुंबई तसेच मा. भावना राजभोर मॅडम शिक्षणाधिकारी योजना जि. प. ठाणे यांच्या हस्ते झाले. आमचे मार्गदर्शक मा. योगेंद्र बांगर सर आणि त्यांच्या टीमच्या मदतीने अत्यंत नियोजनबद्ध पद्धतीने हा कार्यक्रम पार पडला यावेळी संस्थेच्या सातत्यपूर्ण कामांची दखल घेत सन्मानपत्र प्रदान करण्यात आले. संस्थेचे कार्यकर्ते भुषण राजेशिर्क आणि मी हा सन्मान स्वीकारला यापुढेही पर्यावरणीय प्रश्नांना भिडण्यासाठी शक्य होईल तसे काम करत राहु.

#अंघोळीचीगोळी
#खिळेमुक्तझाडं
#हवामानठोसा

07/06/2025

🌱🚑 पुणे महानगरपालिकेचे आयुक्त नवल किशोर राम यांच्या हस्ते महाराष्ट्रातील पहिल्या ट्री ॲम्बुलन्सचे उद्घाटन 🌱🚑

गेल्या सात वर्षात अंघोळीची गोळी संस्थेने इतर संस्थांच्या मदतीने हजारो झाडांचे लाखो खिळे काढले आहेत. आपल्या सर्वांमुळेच महाराष्ट्रातील पहिली ट्री ॲम्बुलन्स सत्यात उतरली. त्या ट्री ॲम्बुलन्सचे उद्घाटन पाच जूनला, जागतिक पर्यावरण दिवशी पुण्याचे आयुक्त माननीय नवल किशोर राम यांच्या हस्ते झाले. यावेळी कार्यकर्ते माधव पाटील यांनी खिळेमुक्तझाडं या अभियानाविषयी सर्वांना माहिती दिली. यावेळी संस्थेचे कार्यकर्ते आयुता रांगोळे, संदीप रांगोळे उपस्थित होते. जशी माणसांची मलमपट्टी होते तशी आता झाडांचीही मलमपट्टी होणार. पाच जून हा दिवस झाडांच्या इतिहासात सुवर्ण अक्षरात लिहिला गेलाय हे नक्की.
पुन्हा एकदा सर्वांचे धन्यवाद.

#अंघोळीचीगोळी
#खिळेमुक्तझाडं
#हवामानठोसा

06/06/2025

सुरू झाला एक अनोखा उपक्रम...
सखाराम, सकुबाई, सोहम आणि साक्षीचे शेतातले झाड

जगातील सर्वात सोपी गोष्ट म्हणजे झाड लावून त्याचा सेल्फी स्टेटसवर ठेवणे. ते काम तर आम्हीं करणारच आहे पण आता ती झाडे पावसाळा संपल्यानंतरही जपण्याची जबाबदारी सुरू झाली आहे. काल शेतकरी अनुसयाबाई गोडांबे होत्या तर GEN Z मधून छोटी श्रुती होती. काल GEN Z ला शेतकऱ्यांसोबत आणि पर्यावरणासोबत जोडताना या अभियानाचा उद्देश साध्य होताना पहिला. यावेळी रुचिता बंडी, किरीट बंडी, सुरेश गोडंबे, श्रुती जैन, श्रावी जैन, अपूर्वा चव्हाण, माधव पाटील उपस्थित होते. आपणही या उपक्रमात कधीही सामील होऊ शकता.

#अंघोळीचीगोळी
#खिळेमुक्तझाड
#हवामानठोसा

04/06/2025

सखाराम, सकुबाई, सोहम आणि साक्षीचे शेतातले झाड

आम्ही काही शेतकऱ्यांना झाडं देणार आहोत, ती झाडे लावणार आहोत.
जगातील सर्वात सोपी गोष्ट म्हणजे झाड लावून त्याचा सेल्फी स्टेटसवर ठेवणे. पण आम्ही ते झाड पावसाळा संपल्यानंतरही जपणार आहोत, त्याला खत पाणी घालणार आहोत, पुढचे ५ वर्षे. सखाराम आणि सकुबाई हे आपले अन्नदाता शेतकरी आहेत. तर सोहम आणि साक्षी हे GEN Z जमान्यातील तरुण आणि तरुणी आहेत. या GEN Z ला शेतकऱ्यांसोबत आणि पर्यावरणासोबत जोडणं हा या अभियानाचा उद्देश आहे.

तर येताय ना मग? झाडे लावायला आणि ती जगवायला (पुढचे ५ वर्षे)

आपलीच
अंघोळीचीगोळी💊🌱🌎
https://maps.app.goo.gl/ecMySW3r3ZyTLSN3A?g_st=aw

04/06/2025

धन्यवाद अमितजी ठाकरे यापूर्वी देखील आपण आरे जंगल वाचविण्यासाठी आमच्या सोबत होतात, पर्यावरणीय प्रश्नांना भिडण्यासाठी यापुढे देखील हे कार्य एकत्र करत राहू. येता जागतिक पर्यावरण दिवस ऐतिहासिक बनवूया.

#अंघोळीचीगोळी
#खिळेमुक्तझाड
#हवामानठोसा

खिळेमुक्त वृक्ष अभियान🌳

मुंबईतील असंख्य झाडांना आज खिळे, वायर, बोर्ड यांचा विळखा बसला आहे. झाडांची देखभाल होणे दूरच, त्यांच्या जीवितावर प्रश्न निर्माण करणाऱ्या कृती वारंवार केल्या जात आहेत. आधुनिकीकरणाच्या नादात जर पर्यावरणाकडेच दुर्लक्ष होत असेल, तर असा विकास अपूर्णच ठरेल! परदेशात विकास घडत असताना वृक्षसंवर्धनालाही तितकेच महत्त्व दिले जाते, ही शिकवण आपणही स्वीकारली पाहिजे.

म्हणूनच, महाराष्ट्र नवनिर्माण सेनेतर्फे ५ जून २०२५, जागतिक पर्यावरण दिनाच्या निमित्ताने, शहरभर ‘खिळेमुक्त वृक्ष अभियान’ राबवले जात आहे. झाडांवरील खिळे, वायर, रॉड्स काढून त्यांना पुन्हा मोकळा श्वास देण्याचा हा एक प्रयत्न आहे.

‘खिळेमुक्त वृक्ष’ हे फक्त एक अभियान नाही, तर आपले कर्तव्य आहे. मी या अभियानामध्ये निश्चितच सहभागी होणार आहे, आणि तुम्हीही व्हाल याची मला खात्री आहे.

आपलाच,
अमित राज ठाकरे

02/06/2025

स्वप्न सत्यात उतरतातच आपले प्रयत्न प्रामाणिक पाहिजेत...

पुण्यातील माधव पाटील यांनी सुरू केलेली अंघोळीची गोळी ही संस्था प्रेम, बंधुभाव, त्याग आणि बचत ही मूल्य अंगिकारत पर्यावरण संवर्धनाच्या क्षेत्रांत कार्यरत आहे. निर्माण आणि संघर्षाची एक एक पायरी चढत संस्थेशी कोणत्या ना कोणत्या मार्गाने जोडल्या गेलेल्या सर्व पर्यावरण सैनिक आणि वृक्ष सैनिकांसाठी मोठी आनंदाची बातमी आपल्यासमोर मांडत आहोत. वृक्ष संवर्धनासाठी आपण चालवत असलेल्या खिळेमुक्त झाडं मोहिमेने यशाची एक पायरी आज चढली आहे. पुणे महानगरपालिकेने वृक्ष संवर्धनासाठी वृक्ष चिकित्सालय वाहन येत्या जागतिक पर्यावरण दिनानिमित्त या सेवाकार्यात आणले आहे. प्रशासनाने एक प्रकारे आपल्या कामांची पोचपावती आपल्याला आज दिली आहे. या यशाने हुरळून न जाता इतर महापालिका देखील या सेवाकार्यात कसे सामील होतील हा प्रयत्न आपण चालू ठेवत राहूया. कोणत्याही प्रकारे आपणास या कामात जोडून घ्यायचे असल्यास आम्हांस नक्की संपर्क करा.

तुषार वारंग- 9969294302
अविनाश पाटील- 8080171430

#अंघोळीचीगोळी
#खिळेमुक्तझाड
#हवामानठोसा

27/05/2025

Tree Plantation Drive

31/03/2025

गुढीपाडवा आणि नवीन वर्षाच्या पहिल्या दिवशी अंघोळीची गोळी संस्थेची पिंपरी चिंचवडची कार्यकर्ती आयुता संदीप रांगोळे हिने हवामानठोसा देण्याचा धडाकाच लावला. चला या नवीन वर्षात झाडांना सन्मान देऊन त्यांना खिळेमुक्त ठेवू, आवश्यक नसल्यास विजेचे दिवे आणि फॅन बंद ठेवू, पाणी वाचवू, रिसायकल- रियूज करू आणि शासन आणि प्रशासनाला पर्यावरण पूरक ॲक्शन घ्यायला लावू हाच आहे हवामानठोसा. ठोसा देऊन आपली पृथ्वी हवामान बदल नावाच्या रोगापासून वाचवुया, आनंदी ठेवूया.