23/07/2026
ലോകത്തിൽ ഏറ്റവും കൂടുതൽ ആളുകൾ കാണുകയും സ്നേഹിക്കുകയും ചെയ്യുന്ന കായികവിനോദമായ ഫുട്ബോളിന്റെ ഏറ്റവും വലിയ പോരാട്ടവേദിയായ ലോകകപ്പ് മത്സരങ്ങളുടെ പ്രദർശനം (പ്രീക്വാർട്ടർ മത്സരം മുതൽ ഫൈനൽ വരെ) , *JCI കടപ്ലാമറ്റം ബ്ലൂസ് സെൻട്രൽ* നേതൃത്വം നൽകി കടപ്ലാമറ്റം പഞ്ചായത്ത് ഓഡിറ്റോറിയത്തിൽ നമ്മുടെ നാട്ടിലെ ഫുട്ബോൾ പ്രേമികൾക്കായി പ്രദർശിപ്പിക്കുകയുണ്ടായി. ഞായറാഴ്ചത്തെ ഫൈനൽ മത്സരം കാണുവാൻ ഓഡിറ്റോറിയം നിറഞ്ഞ് മുന്നൂറിലധികം കാണികൾ എത്തുകയുണ്ടായി.
ഈ ഫുട്ബോൾ പ്രദർശനത്തിന് എല്ലാവിധ സഹകരണവും നൽകിയ ബഹുമാനപ്പെട്ട കടപ്ലാമറ്റം പഞ്ചായത്ത് പ്രസിഡന്റ് ശ്രീമതി ജീനാ സിറിയക്, വാർഡ് മെമ്പർ ശ്രീ ബിജു കുളത്തൂർ, മറ്റു എല്ലാ പഞ്ചായത്ത് മെമ്പർമാർ, അധികാരികൾ, ഫൈനൽ മത്സരത്തിൽ ഒരു പ്രേക്ഷകനായി എത്തി ഞങ്ങളുടെ പ്രദർശനത്തിന് പ്രോത്സാഹനം നൽകുകയും, പ്രവചന മത്സരത്തിലെ വിജയികൾക്ക് സമ്മാനദാനം നൽകുകയു൦ ചെയ്ത ബഹുമാനപ്പെട്ട ബ്ലോക്ക് പഞ്ചായത്ത് മെമ്പർ ശ്രീ ബോണി കുര്യാക്കോസ്, വിവിധ രാഷ്ട്രീയ സാമൂഹിക പ്രവർത്തകർ, കടപ്ലമാറ്റത്തെ മറ്റു ക്ലബ്ബുകൾ, മികച്ച കേബിൾ/ബ്രോഡ്ബാൻഡ് സേവനങ്ങൾ നൽകിയ ന്യൂ സ്റ്റാർ വിഷൻ കേബിൾ നെറ്റ്വർക്ക് ടീം, ലൈറ്റ് & സൗണ്ട് സിസ്റ്റം നൽകിയ Elegant ഈവന്റ് മാനേജ്മെന്റ് ടീം എന്നിവർക്കും JCI കടപ്ലാമറ്റം ബ്ലൂസ് സെൻട്രലിന്റെ പേരിൽ നന്ദി രേഖപ്പെടുത്തിക്കൊള്ളുന്നു.
*ഫുട്ബോളിന്റെ ആവേശം ഒട്ടും ചോരാതെ ആസ്വദിച്ചതോടൊപ്പം, മത്സരത്തിന്റെ വീറും വാശിയും മാതൃകാപരമായ സ്പോർട്സ്മാൻ സ്പിരിറ്റോടെ കാത്തുസൂക്ഷിക്കുകയും, ഈ ലൈവ് സ്ക്രീനിംഗ് വൻ വിജയമാക്കി മാറ്റുകയും ചെയ്ത കടപ്ലാമറ്റത്തെ മുഴുവൻ കായിക പ്രേമികൾക്കും JCI KADAPLAMATTOM BLUES CENTRAL ഹൃദയത്തിന്റെ ഭാഷയിൽ നന്ദി രേഖപ്പെടുത്തുന്നു*.
