Prasthan Group, 404-B, 4th Floor, B. M. Square-2 On HDFC Bank, Opp. Reliance Fresh, Rajlaxmi Park, Junagadh (2026)

16/08/2026

Media Coverage of the 80th Independence Day Celebration Organized by Prasthan Group

15/08/2026

્રસ્થાન_ગ્રુપ_દ્વારા_૮૦_મા_સ્વાતંત્ર્ય_પર્વની_ભવ્ય_ઉજવણી 🇮🇳

સોરઠની શાન એવા ગરવા ગિરનારની ગોદમાં, ભવનાથ તળેટી સ્થિત ફેમિલી ગ્રાઉન્ડ ખાતે આજે પ્રસ્થાન ગ્રુપ–જુનાગઢ દ્વારા ભારતના ૮૦મા સ્વાતંત્ર્ય પર્વની ભવ્ય દેશભક્તિમય ઉજવણી કરવામાં આવી.

પ્રસ્થાન ગ્રુપના પ્રમુખશ્રી આનંદભાઈ ભટ્ટની આગેવાનીમાં ધ્વજારોહણ, ધ્વજવંદન અને રાષ્ટ્રગાન સાથે કાર્યક્રમની શરૂઆત કરવામાં આવી. 🇮🇳

આ પ્રસંગે પ્રસ્થાન ગ્રુપના હોદ્દેદારો, કારોબારી સભ્યો, One Man NGO તરીકે ઓળખાતા Only Indian, સ્થાનિક રહેવાસીઓ, સંસ્થાના શુભેચ્છકો તથા દેશપ્રેમી નાગરિકોની ઉપસ્થિતિએ કાર્યક્રમને ગૌરવપૂર્ણ બનાવ્યો.

🇮🇳 “વંદે માતરમ”
🇮🇳 “ભારત માતા કી જય”
🇮🇳 “જય જવાન – જય કિસાન”

ના ગગનભેદી નારાઓથી સમગ્ર ભવનાથ તળેટીનું વાતાવરણ દેશભક્તિના રંગે રંગાઈ ગયું.

કાર્યક્રમની પૂર્ણાહુતિ પ્રસંગે પ્રસ્થાન ગ્રુપ–જુનાગઢ દ્વારા સોશિયલ મીડિયાના માધ્યમથી સમગ્ર દેશવાસીઓને ૮૦મા સ્વાતંત્ર્ય પર્વની હાર્દિક શુભેચ્છાઓ પાઠવવામાં આવી.

“રાષ્ટ્ર પ્રથમ, રાષ્ટ્ર સર્વોપરી!” 🇮🇳❤️

આનંદ અશ્વિનકુમાર ભટ્ટ
(પ્રમુખશ્રી)
પ્રસ્થાન ગ્રુપ ~ જુનાગઢ

ારત_માતા_કી_જય 🇮🇳
ંદે_માતરમ 🇮🇳
#પ્રસ્થાન_ગ્રુપ

15/08/2026

Happy Independence Day 🇮🇳

13/08/2026

હર હર મહાદેવ 🙏🔱

પવિત્ર શ્રાવણ માસના શુભ આરંભ નિમિત્તે તમામ શિવભક્તોને હાર્દિક શુભેચ્છાઓ. 🌿🕉️

આ પાવન શ્રાવણ માસમાં દેવાધિદેવ મહાદેવની ભક્તિ, આરાધના અને સ્મરણથી સૌના જીવનમાં સુખ, શાંતિ, સમૃદ્ધિ અને સકારાત્મક ઊર્જાનો સંચાર થાય. 🙏

મહાદેવ દરેક ભક્તની સકળ મનોકામનાઓ પૂર્ણ કરે અને સૌ પર પોતાની કૃપા, આશીર્વાદ તથા છત્રછાયા સદાય જાળવી રાખે એવી હૃદયપૂર્વક પ્રાર્થના. 🔱

ૐ નમઃ શિવાય 🕉️
હર હર મહાદેવ 🚩🙏

#હરહરમહાદેવ #શ્રાવણમાસ

13/08/2026

🇮🇳 પ્રસ્થાન ગ્રુપની ઓગસ્ટ માસની જનરલ મિટિંગ 🇮🇳

તા. ૦૮-૦૮-૨૦૨૬ શનિવાર નાં રોજ પ્રસ્થાન ગ્રુપની ઓગસ્ટ મહિનાની જનરલ મિટિંગનું આયોજન પ્રમુખશ્રી આનંદ ભટ્ટની અધ્યક્ષતામાં કરવામાં આવ્યું.

આ બેઠકમાં અતિથિ વિશેષ તરીકે Genius Public School, Junagadh નાં Managing Director શ્રી Dr-Hardik B Ramani ને આમંત્રિત કરવામાં આવ્યા હતા.

શ્રી રામાણી સાહેબ માત્ર એક સફળ શાળા સંચાલક જ નહીં, પરંતુ બાળકો અને વાલીઓને પ્રેરણા આપતા ઉત્તમ Motivator તરીકે પણ પોતાની આગવી ઓળખ ધરાવે છે. તેમની સાથે પ્રસ્થાન ગ્રુપના સભ્યોનો થયેલો સંવાદ ખૂબ જ જ્ઞાનવર્ધક, પ્રેરણાદાયી અને વિચારપ્રેરક રહ્યો.

બાળકોના સર્વાંગી વિકાસ, વાલીઓની ભૂમિકા, શિક્ષણ સાથે સંસ્કાર અને આજના સમયની જરૂરિયાતો અંગે થયેલા વાર્તાલાપે બેઠકને વિશેષ અર્થસભર બનાવી.

ત્યારબાદ આવનારા દિવસોમાં યોજાનારી 15મી ઓગસ્ટની સ્વાતંત્ર્ય પર્વની ઉજવણી તેમજ શ્રાવણ માસ દરમિયાન આયોજિત થનારા વિવિધ કાર્યક્રમો અંગે સભ્યો સાથે વિસ્તૃત ચર્ચા-વિચારણા કરવામાં આવી અને જરૂરી આયોજનને આખરી ઓપ આપવામાં આવ્યો.

વિચારોથી આયોજન તરફ અને આયોજનથી સમાજસેવા તરફ આગળ વધવાની આ સફરમાં પ્રસ્થાન ગ્રુપ સતત નવા વિચારો અને નવી ઊર્જા સાથે કાર્યરત છે.

આનંદ અશ્વિનકુમાર ભટ્ટ (પ્રમુખશ્રી)
પ્રસ્થાન ગ્રુપ ~ જુનાગઢ

13/07/2026

📍 પ્રસ્થાન ગ્રુપ દ્વારા જુલાઇ મહિના ની જનરલ મીટીંગ નું આયોજન

પ્રસ્થાન ગ્રુપની જુલાઇ મહિના ની જનરલ મીટીંગનું સફળ આયોજન કરવામાં આવ્યું, જેમાં સંસ્થાના હોદ્દેદારો તથા સભ્યોએ ઉત્સાહભેર ઉપસ્થિત રહી રચનાત્મક ચર્ચામાં ભાગ લીધો.

મીટીંગ દરમિયાન સંસ્થાની છેલ્લા મહિનાની વિવિધ પ્રવૃત્તિઓની સમીક્ષા કરવામાં આવી તેમજ આગામી મહિનાના આયોજનો, સામાજિક સેવાકીય કાર્યક્રમો અને સંસ્થાના ભાવિ આયોજન અંગે વિસ્તૃત ચર્ચા કરવામાં આવી. સભ્યોના સૂચનો અને વિચારોના આદાન-પ્રદાન દ્વારા સંસ્થાની કાર્યક્ષમતાને વધુ મજબૂત બનાવવાના પ્રયાસો કરવામાં આવ્યા.

આ પ્રસંગે સંસ્થાના સભ્ય શ્રી સંદીપભાઇ ભટ્ટ તાજેતરમાં ચીન ખાતે યોજાયેલા Canton Fair ની મુલાકાત દરમિયાન પ્રાપ્ત થયેલા અનુભવો, વૈશ્વિક વ્યાપારના નવા પ્રવાહો અને ઉપયોગી માહિતીઓ સભ્યો સાથે વહેંચી. આ જ્ઞાનવર્ધક રજૂઆત સભ્યો માટે પ્રેરણાદાયી અને માહિતીસભર રહી.

મીટીંગના અંતે સંસ્થાના સેક્રેટરી શ્રી ચિંતનભાઈ લાખાણી દ્વારા જરૂરી ઠરાવો રજૂ કરવામાં આવ્યા, જે સર્વાનુમતે મંજૂર કરવામાં આવ્યા. ત્યારબાદ સૌના સહયોગ અને સક્રિય ભાગીદારી બદલ આભાર વ્યક્ત કરી મીટીંગ પૂર્ણ જાહેર કરવામાં આવી.

સંવાદ, સહયોગ અને સેવાભાવ દ્વારા સમાજના સર્વાંગી વિકાસ માટે પ્રસ્થાન ગ્રુપ સતત કાર્યરત છે.

🙏 સૌ સભ્યોના અમૂલ્ય સહયોગ અને સમર્પણ બદલ હૃદયપૂર્વક આભાર.

આનંદ અશ્વિનકુમાર ભટ્ટ (પ્રમુખશ્રી)
પ્રસ્થાન ગ્રુપ ~ જુનાગઢ

19/05/2026

્રસ્થાન_ગ્રુપ_દ્વારા_મે_મહિનાની_કારોબારી_મિટિંગનું_આયોજન

તા. ૧૬-૦૫-૨૦૨૬, શનિવારના રોજ ‘પ્રસ્થાન ગ્રુપ’ ની મે મહિનાની કારોબારી મિટિંગ પ્રમુખશ્રી આનંદભાઈ ભટ્ટની અધ્યક્ષતામાં સફળતાપૂર્વક યોજાઈ.

મિટિંગ દરમ્યાન ઉપસ્થિત સભ્યોને સંસ્થાના આગામી મહત્વપૂર્ણ આયોજન અંગે માહિતગાર કરવામાં આવ્યા. પ્રસ્થાન ગ્રુપને ૧૪ વર્ષ પૂર્ણ થવાના અવસરે યોજાનાર વેબસાઈટ લોન્ચિંગ ઇવેન્ટ અંગે વિસ્તૃત ચર્ચા કરવામાં આવી તેમજ CLUB PG પ્રોજેક્ટની હાલની ગતિવિધિઓ અને ભવિષ્યની યોજનાઓ અંગે સભ્યોને માહિતી આપવામાં આવી.

આ ઉપરાંત સંસ્થા દ્વારા આગામી સમયમાં આયોજિત થનારા વિવિધ સામાજિક, સર્જનાત્મક અને સભ્યલક્ષી કાર્યક્રમોની રૂપરેખા પણ પ્રમુખ સ્થાનેથી રજૂ કરવામાં આવી.

અંતમાં સંસ્થાના સેક્રેટરી શ્રી ચિંતનભાઈ લાખાણી દ્વારા જરૂરી ઠરાવો પસાર કરવામાં આવ્યા બાદ મિટિંગ પૂર્ણ જાહેર કરવામાં આવી.

✨ સાથે મળીને નવા વિચાર, નવી દિશા અને નવા ઉત્સાહ સાથે આગળ વધતું અમારું “પ્રસ્થાન ગ્રુપ” ✨

જય હો..🙏

આનંદ અશ્વિનકુમાર ભટ્ટ (પ્રમુખશ્રી)
પ્રસ્થાન ગ્રુપ ~ જુનાગઢ

24/04/2026

્રસ્થાન_ગ્રુપ_દ્વારા_એપ્રિલ_મહિનાની_કારોબારી_મિટિંગનું_આયોજન

તા.૧૮-૦૪-૨૦૨૬ શનીવારનાં રોજ 'પ્રસ્થાન ગ્રુપ'ની એપ્રિલ મહિનાની કારોબારી મિટિંગ પ્રમુખશ્રી આનંદભાઇ ભટ્ટની અધ્યક્ષતામાં બોલાવવામાં આવી. જેમાં સૌ પ્રથમ પ્રસ્થાન ગ્રુપના સભ્ય અને જુનાગઢનાં ખ્યાતનામ એવા કે.પી.જ્વેલર્સ નાં ઓનર શ્રી કમલભાઇ ધોળકિયાને સંસ્થાનો લોગો અર્પણ કરી સંસ્થાની મુખ્ય કારોબારી ટીમ માં પ્રવેશ આપવામાં આવ્યો.

આ મીટીંગના મુખ્ય એજન્ડા મુજબ 'પ્રસ્થાન ગ્રુપ'ના અતિ અગત્યના પ્રોજેક્ટ 'CLUB PG' ની સમગ્ર રૂપરેખા અંગે ઉપસ્થિત સભ્યોને પ્રમુખ સ્થાનેથી માહિતી આપવામાં આવી.

જુનાગઢમાં સૌપ્રથમવાર સાંસ્કૃતિક તેમજ કલા ક્ષેત્રે શહેરના પ્રબુદ્ધ નાગરિકો માટે પારિવારિક માહોલ સાથે અનેકવિધ કાર્યક્રમોનું આયોજન 'CLUB PG' હેઠળ કરવામાં આવનાર હોવાનું પ્રમુખ સ્થાનેથી જણાવાયું.

આ તકે 'CLUB PG' ના સભ્યોને વર્ષ દરમ્યાન અવનવા કાર્યક્રમોનો રસથાળ પીરસવા તથા આ અંગે જરૂરી નિતી-નિયમો ઘડવામાં ઉપસ્થિત સભ્યો પાસેથી સૂચનો તેમજ પ્રતિભાવો મંગાવવામાં આવ્યા.

અંતમાં સેક્રેટરી શ્રી ચિંતનભાઈ લાખાણી દ્વારા જરૂરી ઠરાવો સાથે મિટિંગ પૂર્ણ કરવામાં આવી.

આનંદ અશ્વિનકુમાર ભટ્ટ (પ્રમુખશ્રી)
પ્રસ્થાન ગ્રુપ ~ જુનાગઢ

27/03/2026

પવિત્ર રામનવમીના પાવન અવસરે પ્રસ્થાન ગ્રુપના કારોબારી સભ્ય અને પરમમિત્ર શ્રી સમીરભાઇ પુનડીયા અને મિત્રો દ્વારા સંચાલિત ગૌમાતા ગ્રુપ દ્વારા ભગવાન શ્રીરામ ની શોભાયાત્રા નાં રૂટ એમ.જી.રોડ ઉપર જાહેર જનતા માટે ઠંડી છાસ વિતરણની સેવાનું આયોજન રાખવામાં આવેલું હતું.

આ આયોજનમાં ઉપસ્થિત રહેવા માટે શ્રી સમીરભાઇ પુનડિયા તથા શ્રી વિશાલભાઇ સેજપાલ દ્વારા પ્રસ્થાન ગ્રુપને ભાવભર્યું આમંત્રણ આપવામાં આવ્યું હતું. આ આમંત્રણને માન આપી પ્રસ્થાન ગ્રુપના મિત્રોએ હાજરી આપી સુંદર આયોજન બદલ શુભેરછાઓ પાઠવી આ સેવાકીય પ્રવૃત્તિને બિરદાવી હતી.

આવા ધાર્મિક પ્રસંગે થતી સેવા અને પરોપકારની પ્રવૃત્તિઓ સમાજની સમરસતાને વધુ મજબૂત બનાવે છે.

આયોજન સાથે જોડાયેલા તમામ સેવાભાવી મિત્રો ને અભિનંદન.

ઈશ્વર સૌને આવી સેવા કરવાની શક્તિ અને પ્રેરણા આપતા રહે તેવી પ્રાર્થના.🙏

🚩 જય શ્રીરામ 🚩

આનંદ અશ્વિનકુમાર ભટ્ટ (પ્રમુખશ્રી)
પ્રસ્થાન ગ્રુપ ~ જુનાગઢ

06/03/2026

ંગ_બરસે_૨૦૨૬
્રસ્થાન_પરીવાર_દ્વારા_રંગ_ગુલાલનાં_તહેવાર_ધુળેટીની_ઉજવણી

તા.૦૪-૦૩-૨૦૨૬ નાં રોજ જુનાગઢ નજીક આણંદપુર ડેમનાં કાંઠે આવેલ અતિ રમણીય-પ્રાકૃતિક સ્થળ એવાં 'ઓઝત ફાર્મ' ખાતે 'પ્રસ્થાન ગ્રુપ' સાથે જોડાયેલ ૧૦૦ જેટલા પરીવારના ૪૦૦ થી પણ વધુ સભ્યોએ હર્ષોલ્લાસ અને પ્રેમના રંગો સાથે સંપૂર્ણ પારિવારીક માહોલ વચ્ચે ''રંગ બરસે - ૨૦૨૫'' ઇવેન્ટ હેઠળ રંગ-ગુલાલનાં તહેવાર ધૂળેટીની ઉજવણી કરી.

આ તકે ફક્ત જુનાગઢ જ નહિ પરંતુ આસપાસના અંદાજે ૧૫૦ કિલોમીટરના વિસ્તારમાંથી આવેલ પ્રસ્થાન પરીવારના નાના-મોટા સૌ સભ્યોએ રંગોથી તરબોળ થઈને ગીત-સંગીત સાથે જુમીને રંગોના મહાપર્વની ઉજવણી કરી. સમગ્ર કાર્યક્રમ દરમ્યાન વિવિધ પ્રાકૃતિક રંગો - કેસૂડાના ઔષધીય પાણીની વ્યવસ્થા, પુલ પાર્ટી, રેઈન ડાન્સ તથા ડીજે મુખ્ય આકર્ષણ રહયા. એક સુંદર વોટરપાર્કની થીમ સાથે સૌના મનોરંજન હેતુ રાખેલ વિવિધ રાઇડ્સ તથા વેવ પુલની પણ સૌએ ખૂબ મજા માણી.

સવારના પૌષ્ટિક નાસ્તા તથા બપોરના સ્વાદિષ્ટ ભોજનની પણ સભ્યોએ પ્રાકૃતિક વાતાવરણમાં મૌજ માણી. બપોર બાદના સમયમાં હળવાશની ક્ષણો વચ્ચે બાળકો તથા યુગલો માટે વિવિધ રમતો ચેતનભાઈ રૂપરેલીયા દ્વારા કાર્યરત 'રોયલ ફન ગેમ્સ' નાં માધ્યમથી રમાડવામાં આવી.

'પ્રસ્થાન ગ્રુપ' આયોજનમાં જોડાયેલ તમામ સભ્યોનો આભાર માને છે તથા સૌ તરફથી ભવિષ્યમાં પણ આવા સફળ આયોજનો દરમ્યાન સાથ-સહકાર મળી રહે એવી અભ્યર્થના વ્યક્ત કરે છે.

આનંદ અશ્વિનકુમાર ભટ્ટ (પ્રમુખશ્રી)
પ્રસ્થાન ગ્રુપ ~ જુનાગઢ

Prasthan Group

16/08/2026

15/08/2026

15/08/2026

13/08/2026

13/08/2026

13/07/2026

19/05/2026

24/04/2026

27/03/2026

06/03/2026

Address

Telephone

Website

Alerts

Shortcuts

Share

Category

Listing takedown request