https://www.facebook.com/103732754703415/

PODUM Association, BAMUN PUKHURI TINI ALI, Jorhat (2026)

01/03/2026

আজি ইং ১ মাৰ্চ / ২০২৬ তাৰিখে বৃহত্তৰ জাঁজী অঞ্চলৰ চৰকাৰী স্বীকৃতিপ্ৰাপ্ত স্বেচ্ছাসেৱী সংগঠন PODUM এচ'ছিয়েচনৰ পূৰ্ব নিৰ্ধাৰিত উপহাৰ কুপনৰ খেলখন অনুষ্ঠিত হৈ যায় । সংগঠনটোৰ সভাপতি ধীৰেণ পাঠকে আঁত ধৰা খেলখনত পৰিচালক হিচাপে উপস্থিত আছিল সংগঠনটোৰ মুখ্য উপদেষ্টা ধ্ৰুৱজ্যোতি ভট্টাচাৰ্য ডাঙৰীয়া , চেলেংহাট কৃষি চক্ৰৰ কৃষি বিষয়া তুলেশ গগৈ ডাঙৰীয়া , যোৰহাট ক্ৰাইষ্ট কিং ইংলিছ স্কুলৰ অৰুণ গায়ন ডাঙৰীয়া আৰু সহযোগী হিচাপে আছিল বনাই অঞ্চলৰ সমাজকৰ্মী দেবেশ্বৰ বৰুৱা দেৱ । খেলৰ পুৰস্কাৰ বিজেতা সকলৰ ফলাফল এনে ধৰণৰ : -

20/09/2025

" মায়াবিনী " শীৰ্ষক গীতেৰে বামুণ পুখুৰীত গণশিল্পী জুবিন গাৰ্গলৈ শ্ৰদ্ধাঞ্জলি :-
---------------------------------------- আজি ২০ চেপ্টেম্বৰ তাৰিখে টিয়কৰ বামুণ পুখুৰী তিনিআলিত অসমীয়াৰ হিয়াৰ আমঠু , আন্তঃৰাষ্ট্ৰীয় পৰ্যায়ৰ সংগীতজ্ঞ , কণ্ঠশিল্পী জুবিন গাৰ্গৰ মহাপ্ৰয়াণ উপলক্ষে এখনি শ্ৰদ্ধাঞ্জলি তথা স্মৃতিচাৰণ অনুষ্ঠান অনুষ্ঠিত কৰা হয় । স্বেচ্ছাসেৱী সংগঠন " ৰেঙণি এটি আশা " " PODUM এচ'ছিয়েচন " , বামুণ পুখুৰী ৰাসোৎসৱ উদযাপন সমিতি , বৃহত্তৰ বামুণ পুখুৰী যুব সমাজ , বামুণ পুখুৰী ব্যৱসায় সন্থা আদিৰ সহযোগিতাত এই কাৰ্যসূচী ৰূপায়ন কৰা হয় । আৰম্ভণিতে অঞ্চলটোৰ জ্যেষ্ঠ ব্যক্তি হৰকান্ত ফুকনে প্ৰয়াত কণ্ঠশিল্পী গৰাকীৰ প্ৰতিচ্ছবিত বন্তি প্ৰজ্বলন কৰি অনুষ্ঠানৰ শোভাৰম্ভ কৰে । ইয়াৰ পাছতে ১৩ নং বামুণ পুখুৰী জিলা পৰিষদৰ সদস্য শ্ৰদ্ধাৰ সীমান্ত বৰুৱাদেৱে প্ৰয়াত শিল্পী গৰাকীৰ জীৱনৰ ওপৰত চমুকৈ আলোকপাত কৰি শ্ৰদ্ধাঞ্জলি অৰ্পণ কৰে । ইয়াৰ পাছতে আয়োজক সংগঠন কেইটাৰ সভাপতি, সম্পাদক প্ৰমুখ্যে সদস্য সকলে গণ শিল্পী গৰাকীলৈ শ্ৰদ্ধাঞ্জলি নিবেদন কৰে । আজিৰ এই অনুষ্ঠানত বামুণ পুখুৰী উপ আৰক্ষী চকী আৰু স্থানীয় মহিলা সমাজেও বিশেষ ভাৱে সহযোগিতা আগবঢ়ায় । সৰ্বশেষত প্ৰয়াত শিল্পী গৰাকীৰ আত্মাৰ চিৰশান্তি কামনাৰে সকলোৱে ১ মিনিট সময় মৌন প্ৰাৰ্থনা জনায় ।

15/08/2025

কেন্দ্ৰীয় চৰকাৰৰ প্ৰতিষ্ঠান Mera Yuba Bharat. , যোৰহাট ৰ উদ্যোগত আৰু স্বেচ্ছাসেৱী সংগঠন PODUM এচ'ছিয়েচনৰ সহযোগত ৭৯ সংখ্যক স্বাধীনতা দিৱস
উদযাপন
-------------------------------------------
সমগ্ৰ দেশৰ লগতে কেন্দ্ৰীয় চৰকাৰৰ ক্ৰীড়া আৰু যুব কল্যাণ বিভাগৰ অধীনস্থ সংস্থা " Mera Yuba Bharat , যোৰহাট জিলাৰ উদ্যোগত আৰু জিলা খনৰ এক অগ্ৰণী স্বেচ্ছাসেৱী সংগঠন PODUM এচ'ছিয়েচনৰ সহযোগত জাঁজী ডিম্বেশ্বৰ বৰুৱা চৰকাৰী বুনিয়াদী বিদ্যালয় প্ৰাঙ্গনত আজি দেশৰ ৭৯ সংখ্যক স্বাধীনতা দিৱস উলহ মালহেৰে উদযাপন কৰা হয় । এই উপলক্ষ্যে পুৱা ৮-০০ বজাত ৰাষ্ট্ৰীয় পতাকা উত্তোলন কৰে বিদ্যালয়ৰ প্ৰধান শিক্ষয়িত্ৰী স্মৃতি কটকীয়ে । ইয়াৰ পাছতে বিদ্যালয় পৰ্যায়ৰ ছাত্ৰ ছাত্ৰী সকলৰ মাজত চিত্ৰাংকন প্ৰতিযোগিতা অনুষ্ঠিত হয় । দুটা শাখাত অনুষ্ঠিত হোৱা এই প্ৰতিযোগিতা খনিত কাষৰীয়া বিদ্যালয় সহ ৪৫ জন ছাত্ৰ ছাত্ৰীয়ে অংশগ্ৰহণ কৰে । প্ৰতিযোগিতাৰ অন্তত ছাত্ৰ ছাত্ৰী সকলৰ মাজত বক্তৃতা আৰু সাংস্কৃতিক কাৰ্যসূচী ৰূপায়ন কৰা হয় । ইয়াৰ পাছতে বঁটা বিতৰণী সভা অনুষ্ঠিত হয় । PODUM এচ'ছিয়েচনৰ সভাপতি ধীৰেণ পাঠকৰ সভাপতিত্বত অনুষ্ঠিত এই সভাত বৰাগাওঁ প্ৰাথমিক বিদ্যালয়ৰ প্ৰধান শিক্ষক শ্ৰীযুত জিতেন দত্ত , আয়োজক বিদ্যালয়ৰ প্ৰধান শিক্ষয়িত্ৰী স্মৃতি কটকী , সহ শিক্ষয়িত্ৰী ক্ৰমে জানুমা হাজৰিকা আৰু কবিতা ফুকনে ছাত্ৰ ছাত্ৰী সকলক উদ্দেশ্যি বিভিন্ন উপদেশ মূলক ভাষণ আগবঢ়ায় । প্ৰতিযোগিতাত স্থান প্ৰাপ্ত ছাত্ৰ-ছাত্ৰী সকলৰ বঁটা প্ৰদানৰ পাছতে ৰাষ্ট্ৰীয় সংগীত পৰিবেশনেৰে দিনটোৰ কাৰ্যসূচী সামৰণি মৰা হয় । সভাত বিভিন্ন বিদ্যালয়ৰ অভিভাৱক সকলৰ উপৰিও স্বেচ্ছাসেৱী সংগঠনটোৰ উপ সভাপতি অৰুণ বৰুৱা ,অংকুমণি কটকী , মুখ্য সম্পাদক গুণগুণ বৰুৱা , সম্পাদক প্ৰাঞ্জল আৰান্ধৰা , সহ সম্পাদক অজিত গোস্বামী , বিভাগীয় সম্পাদিকা মৌচুমী বৰগোহাঁই আৰু মৃগাংক ফুকন উপস্থিত থাকে ।

12/07/2025

আজি ইং ১২ /০৭/২০২৫ তাৰিখ শনিবাৰে বিয়লি ২-০০ বজাত যোৰহাট জিলাৰ অন্যতম অগ্ৰণী স্বেচ্ছাসেৱী সংগঠন PODUM এচ'ছিয়েচনৰ উদ্যোগত " প্ৰজ্ঞা সাধনা বঁটা প্ৰদান আৰু নৱনিৰ্বাচিত বামুণ পুখুৰী জিলা পৰিষদৰ অন্তৰ্গত বামুণ পুখুৰী , তামূলীছিগা , ভগামুখ আৰু চিন্তামণি গড় আঞ্চলিক পঞ্চায়ত আৰু প্ৰতিখন গাওঁ পঞ্চায়তৰ সভাপতি/সভানেত্ৰী সকলৰ এক সম্বৰ্দ্ধনা অনুষ্ঠান অনুষ্ঠিত কৰা হয় । স্বেচ্ছাসেৱী সংগঠন PODUM এচ'ছিয়েচনৰ সভাপতি ধীৰেণ পাঠকৰ সভাপতিত্বত অনুষ্ঠিত সভাখনত ১০১ নং মৰিয়নি সমষ্টিৰ সন্মানীয় বিধায়ক শ্ৰীযুত ৰূপজ্যোতি কুৰ্মী ডাঙৰীয়া , ১৩ নং বামুণ পুখুৰী জিলা পৰিষদৰ সদস্য শ্ৰীযুত সীমান্ত বৰুৱা , কলীয়াপানী আঞ্চলিক পৰিষদৰ সভানেত্ৰী গীতামণি বৰুৱা সহ আঞ্চলিক পঞ্চায়তৰ সদস্যা সকল , বামুণ পুখুৰী গাওঁ পঞ্চায়তৰ সভানেত্ৰী ৰীতা বৰা সহ গাওঁ পঞ্চায়তৰ সভানেত্ৰী সকল , অসম হাইস্কুল শিক্ষক সন্থাৰ সম্পাদক সন্মানীয় ৰাতুল গগৈ ডাঙৰীয়া , সমাজকৰ্মী তথা স্বেচ্ছাসেৱী সংগঠনটোৰ উপদেষ্টা বিনোদ ৰঞ্জন হাজৰিকা ডাঙৰীয়া , প্ৰজ্ঞা সাধনা বঁটা প্ৰাপক কৃতি ছাত্ৰী অনন্যা হাজৰীকাৰ পিতৃ শ্ৰীযুত ৰমেন হাজৰীকা , স্বেচ্ছাসেৱী সংগঠনটোৰ উপ সভাপতিদ্বয় অৰুণ বৰুৱা , অংকুমণি কটকী , সম্পাদক প্ৰাঞ্জল আৰান্ধৰা প্ৰমুখ্যে বিভিন্ন বিভাগৰ সম্পাদক/ সম্পাদিকা সকল আৰু ৱাৰ্ড সদস্য নিখিল শৰ্মা উপস্থিত আছিল । অনুষ্ঠানত অনন্যা হাজৰীকাৰ অনুপস্থিতিত পিতৃ ৰমেন হাজৰীকাক " প্ৰজ্ঞা সাধনা বঁটা - ২০২৫ প্ৰদান কৰে উপদেষ্টা বিনোদ ৰঞ্জন হাজৰিকাদেবে । এই বঁটাত আছে এটি ষ্মাৰক , সম্বৰ্দ্ধনা পত্ৰ আৰু নগদ ধনৰ টোপোলা । ইয়াৰ পাছতে ক্ৰমে বিধায়ক , জিলা পৰিষদৰ সদস্য , গাঁও পঞ্চায়তৰ নিৰ্বাচিত সভাপতি/ সভানেত্ৰী সকলক উষ্ণ আদৰণি জনোৱা হয় । সভাৰ আৰম্ভণিতে স্বেচ্ছাসেৱী সংগঠনটোৰ সভাপতিৰ লিখিত আদৰণি ভাষণ পাঠ কৰে উপ সভাপতি অৰুণ বৰুৱাই । সভাখনৰ আঁত ধৰে সম্পাদক প্ৰাঞ্জল আৰান্ধৰাই ।

Rupjyoti Kurmi

20/05/2025

যোৱা ১৭ মে ' ২০২৫ তাৰিখ শনিবাৰে নিশা বামুণ পুখুৰী বৰা গাঁৱৰ সংস্কৃতিবান যুবক তথা ভাওনা সংগঠক বিজিত বৰা ( সাগৰ) এক পথ দুৰ্ঘটনাত পতিত হৈ যোৰহাট চিকিৎসা মহাবিদ্যালয়ত চিকিৎসাধীন হৈ আছিল । আজি যেন নিষ্ঠুৰ নিয়তিয়ে তাক হাত বাউলি দি মাতিলে " সাগৰ , কিয় ইমান কষ্ট খাই আছ , মোৰ ওচৰলৈ আহ । তোক মই কষ্টৰ পৰা মুক্তি দিম " সঁচাকৈয়ে নিয়তিৰ কি লীলা । আজি সকলোৰে অন্তৰত দুখ দি আমাৰ মাজৰ পৰা সি গুচি গ'ল ।
বিভিন্ন ভাওনা মঞ্চত মহিলা চৰিত্ৰ ৰূপায়ণেৰে দৰ্শকক আমোদ দিবলৈ নাহে সাগৰ । মণিকাঞ্চন ভাওনা দলৰ শিল্পী হিচাপে প্ৰতিষ্ঠা লাভ কৰাৰ পিছত " বৈকুণ্ঠ সাংস্কৃতিক গোষ্ঠী " নামেৰে ভাওনা দল খুলি কণ কণ শিশু সকলক একত্ৰিত কৰি প্ৰশিক্ষণ দিয়া উদীয়মান যুবক জনৰ মৃত্যুত সমগ্ৰ অঞ্চলটোৰ লগতে আমিও মৰ্মাহত হৈছোঁ আৰু শোক সন্তপ্ত পৰিয়ালটিলৈ গভীৰ সমবেদনা জ্ঞাপন কৰিছোঁ ।

PODUM এচ'ছিয়েচন ( NGO) ৰ সদস্যবৃন্দ ।
বামুণ পুখুৰী ।

19/05/2025

আজি ইং ১৯ মে ' ২০২৫ তাৰিখে মৰিয়নি বিধানসভা সমষ্টিৰ সন্মানীয় বিধায়ক শ্ৰদ্ধাৰ ৰূপজ্যোতি কুৰ্মী ডাঙৰীয়াক তেখেতৰ বাসগৃহত স্বেচ্ছাসেৱী সংগঠন PODUM এচ'ছিয়েচন ( NGO ) ৰ নেতৃবৰ্গই এক সৌজন্যমূলক সাক্ষাৎ কৰে । লগতে স্বেচ্ছাসেৱী সংগঠনটোৰ দাবী সম্বলিত এক স্মাৰক পত্ৰও প্ৰদান কৰে আৰু এক আলোচনাত মিলিত হয় । বিধায়ক মহোদয়ে তেওঁলোকৰ দাবী পৰ্যালোচনা কৰি পাৰ্য্য মানে সহযোগিতা আগবঢ়োৱাৰ প্ৰতিশ্ৰুতি প্ৰদান কৰে । এই সৌজন্যমূলক সাক্ষাৎ কালত সভাপতি ধীৰেণ পাঠক , উপ সভাপতি অৰুণ বৰুৱা, সম্পাদক প্ৰাঞ্জল আৰান্ধৰা , সহ: সম্পাদক অজিত গোস্বামী প্ৰমুখ্যে সদস্য সকল উপস্থিত আছিল ।

15/05/2025

যোৰহাট জিলাৰ এক অগ্ৰণী স্বেচ্ছাসেৱী সংগঠন PODUM এচ'ছিয়েচন (NGO) এ যোৱা ২০২৩ বৰ্ষৰ পৰা শৈক্ষিক দিশত আৰম্ভ কৰা কৰা " প্ৰজ্ঞা সাধনা " বঁটা এই বৰ্ষত তৃতীয় বাৰৰ বাবে প্ৰদান কৰা হ'ব । শিমলুগুৰি মৌজা ভিত্তিত হাইস্কুল শিক্ষান্ত পৰীক্ষাত সৰ্বোচ্চ নম্বৰ প্ৰাপ্ত ছাত্ৰ বা ছাত্ৰী গৰাকীক এই বঁটা প্ৰদান কৰা হয় । গতিকে মৌজাটোৰ অন্তৰ্গত যিজন শিক্ষাৰ্থীয়ে ( ব্যক্তিগত খণ্ড নাইবা চৰকাৰী খণ্ড) ৰ বিদ্যালয়ৰ পৰা সৰ্বোচ্চ নম্বৰ লাভ কৰি উত্তীৰ্ণ হৈছে , তেওঁক অহা ২০ মে ' ২০২৫ তাৰিখৰ ভিতৰত নম্বৰ তালিকাৰ প্ৰতিলিপি আৰু সম্পূৰ্ণ ঠিকনা সহ তলৰ ফোন নম্বৰত যোগাযোগ কৰিবলৈ অনুৰোধ জনালোঁ ।
ধন্যবাদেৰে - - -
ধীৰেণ পাঠক , সভাপতি
PODUM এচ'ছিয়েচন ( NGO )
বামুণ পুখুৰী
ফোন নং 9954752089

07/04/2025

যোৱাকালি ০৬/০৪/২০২৫ তাৰিখে স্বেচ্ছাসেৱী সংগঠন PODUM এচ'ছিয়েচনৰ দ্বাৰা আগন্তুক ৩ বছৰৰ বাবে প্ৰকাশিত নতুন সমিতিৰ সদস্য সকলৰ তালিকা খন এনেধৰণৰ :----
-------------------------------------------
PODUM Association ( NGO)'s New Committee For 2025 -- 28 Years .
* * Estd:- 2017 * *
Regd no : RS/JOR/238/H/25 .
H . O - Bamunpukhuri . Jorhat
********************************
(১ ) ধীৰেণ পাঠক:-- সভাপতি ( অতিৰিক্ত দায়িত্ব -- আইন আৰু প্ৰশাসনীয় সংস্কাৰ , তথ্য আৰু প্ৰচাৰ বিভাগ )
(২ ) অৰুণ বৰুৱা :--- উপ সভাপতি , ( অতিৰিক্ত দায়িত্ব --- বিভিন্ন বিভাগ সমূহৰ মাজত যোগসুত্ৰকাৰী )
(৩ ) অংকুমণি কটকী -- ভাৰপ্ৰাপ্ত উপ সভাপতি ( অতিৰিক্ত দায়িত্ব -- পশুপালন বিভাগৰ সম্পাদক )
(৪) গুণগুণ বৰুৱা -- মুখ্য সম্পাদক ( অতিৰিক্ত দায়িত্ব -- বিত্ত আৰু বাৰ্ষিক পৰিকল্পনা )
(৫) প্ৰাঞ্জল আৰান্ধৰা -- সম্পাদক ( অতিৰিক্ত দায়িত্ব - কৃষি , কাৰ্যালয় প্ৰশাসন আৰু ক্ষুদ্ৰ উদ্যোগ )
(৬) অজিত গোস্বামী -- সহ: সম্পাদক ( অতিৰিক্ত দায়িত্ব -- উদ্যান শস্য বিভাগ )
( ৭) দিবাকৰ ভট্টাচাৰ্য -- ( সম্পাদক - বন আৰু পৰিবেশ বিভাগ )
(৮) প্ৰণব জ্যোতি গগৈ -- সম্পাদক -- সাংস্কৃতিক আৰু দুৰ্যোগ ব্যৱস্থাপনা )
( ৯) নিতু হাজৰিকা -- ( সম্পাদক -- ক্ৰীড়া আৰু যুব কল্যাণ বিভাগ )
(১০) মৃগাংক ফুকন -- ( সম্পাদক - শিক্ষা আৰু ইয়াৰ লগত জড়িত সজাগতামূলক কাৰ্যসূচী )
(১১) মৌচুমী বৰগোহাঁই -- ( সম্পাদিকা -- স্বাস্থ্য বিভাগ আৰু ইয়াৰ লগত জড়িত সজাগতামূলক কাৰ্যসূচী)
( ১২) তৃষ্ণা বৰুৱা ( সম্পাদিকা -- মহিলা সৱলীকৰণ আৰু খাদ্য প্ৰস্তুতকৰণ বিভাগ )
(১৩) জুৰি বৰা -- ( সম্পাদিকা - সমাজ কল্যাণ বিভাগ )

সদস্য সকল:-- বিদ্যুৎ বৰা , মিলন জ্যোতি পাছনী , পবন দত্ত , ৰিকু হাজৰীকা , শশাঙ্ক দাস , শশাঙ্ক খাউণ্ড ।

PODUM Association

01/03/2026

20/09/2025

15/08/2025

12/07/2025

20/05/2025

19/05/2025

15/05/2025

07/04/2025

Address

Telephone

Website

Alerts

Contact The Organization

Shortcuts

Share

Category