18/07/2022
17 जुलै 2022***
सतत सुरू असलेल्या पावसाने थोडी रजा घेतली आणि हुश्श झाले. सुरम्य वातावरणात 17 जुलै 2022 रोजी रविवारी सकाळी 9:30 वा. ठरल्याप्रमाणे पानशेवडी ,बडवांणी करिता प्रस्थान केले..वाटेत सर्वांनी वाफाळलेला गुळाच्या चहाचा आस्वाद घेतला आणि देवगिरी कल्याण आश्रमाच्या आरोग्य आयामा अंतर्गत आरोग्य रक्षकांना आरोग्य पेटीचे वाटप व बहुमोल बियाणे वाटप तसेच रोटरी क्लब सेंट्रल यांचे सौजन्याने वृक्षरोपण आणि जळगाव पीपल्सच्या माध्यमातून महिलांना बचतगटाचे प्रशिक्षण अशा चौफेर उद्देशाने गाडीने पानशेवडी गाठले तेव्हा ग्रामवासी वाट पाहतच होते. नियोजनाप्रमाणे महिलांना बचतगट प्रशिक्षणाने सुरुवात झाली जळगाव पीपल्स बँकेच्या सौ. अंजली बोरसे, व शारदा ठाकूर यांनी सहज सोप्या पद्धतीने बचत गटाची सर्व माहिती महिलांना करून दिली यावेळी मंचावर प्रांत संघटन मंत्री विठ्ठलजी मॅकलवाड व क्षेत्रीय आयाम प्रमुख साहेबरावजी जगताप यांची उपस्थिती होती. प्रास्ताविक ॲड. अंजली कुलकर्णी यांनी केले. सौ. अंजली धिवसे यांनी गित म्हटले. तोपर्यंत रोटरी क्लब सेंट्रल च्या पदाधिकारी यांचे आगमन झाले. कल्याण आश्रमातर्फे त्यांचे स्वागत परिचयानंतर, रोटरी अध्यक्ष विपुलभाई,पर्यावरण प्रकल्प दिलीप लुणियाजी यांनी लहान मुलांना बिस्कीट वाटप केले.. रोटरीयन डॉ. विद्या चौधरी व डॉ.प्रिती पाटील यांनी आरोग्य विषयक मार्गदर्शन केले आणि फुलझाडाचे महत्व पटवून दिले. वृक्षारोपणानंतर रोटरियन यांनी निरोप घेतला. त्यानंतरचे कार्यक्रमात क्षेत्रीय आरोग्य आयाम प्रमुख साहेबरावजी जगताप यांनी आरोग्य रक्षकांना मार्गदर्शन केले यावेळी पानशेवडीचे संजय बारेला, बडवाणीचे चीमा बद्री बारेला, कुंड्यापाणीचे सहदर मुलसिंग पावरा, चांदण्यातलावचे बन्सीलाल रिंगण्या बारेला, बडवाणीचे योगेश मुलसिंग बारेला , अर्जुन गिरधर पावरा या आरोग्य रक्षकांना पेटिचे तथा बियाणांचे वाटप, पूर्णवेळ कार्यकर्ते विरसिंगजी , चित्राताई, प्रांत संघटनमंत्री विट्ठलजी , क्षेत्रिय आरोग्य आयाम प्रमुख साहेबरावजी जगताप, जिल्हा पदाधिकारी, ऍड. अंजली कुळकर्णी,सचिनजी कलभंडे , सौ कांचन साने, सौ. अंजली धवसे. सौ. साधना दामले, यांचे हस्ते करण्यात आले. एव्हाना 3 वाजून गेले होते. सर्वांनी गरम गरम खिचडीचे यथेच्छ सहभोजनाचा आनंद घेवून संस्मरणीय दिवसाची नोंद केली.. सर्व कार्यक्रमाची सर्वांनी जतन केलेली क्षणचित्रे 👇..
