26/07/2025
*Mynta ka sngi ka 25 /07/2025 lah ioh ban pynskhem iaki Nongialam ka KSU Lapangap Unit naka bynta ka samoi treikam jong u 2025-2028*
Ha Kane ka sngi la wan ban pynskhem ia ki Nongialam bad ki Dkhot da u President ba Rangbah duh jong ka seng Samla Lambokstar Marngar haka jing ia don lang ki Nongialam jong ka KSU Central Executive Council kata naduh U samla Pynkmenlang Sanmiet uba dei u Education Secretary, Samla Shiningstar Kharbihkhiew uba dei u Environment Secretary, Samla James Hi**er Mawphniang uba dei u Legal Affair Secretary.
Ki Nongialam jong ka KSU West Jaintia Hills District Unit kata naduh u samla Lenningrad Tariang uba dei u General Secretary, Samla Phrangki Papang uba dei u Finance Secretary, Samla Ladaplin Hayong President War-Jaintia Girls' Wing bad kiwei de ki Nongialam na ki shnat treikam jong ka KSU kiba don ha ki thaiñ Khappud bad ka Assam.
La synrang lang ha Kane ka sngi da ki Nongialam jong ka FKJGP West Jaintia Hills District kata haka jingialam jong u Nangkhrawbor Rani General Secretary, U Waheh Shnong ka Lapangap Ma Deimon Lyngdoh bad ruh U Ma DS War Vice President Synjuk Waheh Shnong Ri Jaintia haka jing iadon lang kiwei riew Rangbah, ki longkmie bad ki Samla ka Shnong Lapangap.
Haba ai jingkren naka liang u Samla Lambokstar Marngar ula kitbok kitrwiang iaki Nongialam kiba shah jied thymmai ba kin long ki Samla kiba bat iaka akor ka burom bad khamtam eh ban ai ka jing iatrei lang bad ki Nongialam Shnong. Ula kyntu kynpham iaki ba kim dei ban long ki maw jynthut haka Shnong ka thaw hynrei kidei ban long kiba don ka jing kitkhlieh ban iakit iabah iaka eh ka shon ka Shnong ka thaw khamtam ban iai bteng ban shakri khambha iaka d**g bad ka thaiñ hi baroh kawei.
Ha Kane ka sngi hadien bala dep ka program pynskhem iaki Nongialam Jong ka KSU Lapangap Unit kala don ka jing ia phylliew jingmut bad ruh ha kaba ki nongrep kila ioh ban pynsngew sha ki Nongialam baha Khliehduh jong ka KSU naka bynta ka jingeh kaba ki mad, ha Kane ka jing pynsgew ka jong ki la ioh jingtip ba haduh mynta mynne ruh dang don ki nongrep kiba ym lah ban pyndep ban thung ia u kba bad ruh kaba sngewsih ka long ba kiba lah dep ban thung ruh kim ioh shuh ban leit sumar bad pynbiang um ia ki jingthung ki jong ki namar kim long shngaiñ ban leit sha ki lyngkha ki jaka rep Jong ki namar ba ka jing pyndik Jong ki pulit Assam bad ki briew karbi ka dang iai bteng haduh mynta myne.
Naka liang Jong ka seng kala kular ban buddien ia kine ki jingeh kiba ki nongrep jong ka Lapangap ki ia kynduh bad ruh ka seng ka kular ba kan don ha syndah bad ki nong shong Shnong jong ka Lapangap bad kiwei de ki Shnong kiba shah ktah khang ban pynioh iaka hok ka jong ki k*m ki trai ri bad ki dei hok ban leit rep bad iaid laitluid halor ka Khyndew ka shyiap.
Ki nongkren naduh u Waheh Shnong ka Lapangap Ma Deimon Lyngdoh, Ma DS War, Ki Nongialam jong ka KSU Central Executive Council naduh u Samla Shiningstar Kharbihkhiew, Samla James Hi**er Mawphniang, Samla Lenningrad Tariang kila kibok kitrwiang iaka KSU Lapangap Unit ba kan iaid sha khmat naka bynta ba kan long ka stieh iada iaka Ri bad ka Jaitbynriew khamtam haka thain Khappud.
Iaka jing ialang Pynskhem nongkitkam ka KSU Lapangap Unit la pyniaid da u Samla Chanbor War President KSU Nartiang Circle.
"MaitShaphrang Khlur Ka Ri"
