Thadou Linguistic Forum

Thadou Linguistic Forum Thadou pao sembe ding le sudih dinga kiphutdoh Thadou Linguistic Forum (TLF) hi itosot uva ikithopi jing diu ahi.

TLF in Pu Jalun Haokip le insungmite chunga chultheilou kipa thuphon akineijin ahi.© TLF DOKHANG
24/07/2026

TLF in Pu Jalun Haokip le insungmite chunga chultheilou kipa thuphon akineijin ahi.

© TLF DOKHANG

Pu Thangkholet Kipgen Meritorious Award, 2026 kihomdoh, COHSEM Thadou MIL Topper le adang dang kipapina neijuMotbung, 4t...
04/06/2026

Pu Thangkholet Kipgen Meritorious Award, 2026 kihomdoh, COHSEM Thadou MIL Topper le adang dang kipapina neiju

Motbung, 4th June, 2026:
Thadou Linguistic Forum in ningk*m 2025 akon anahop pan Pu Thangkholet Kipgen Meritorious Award, 2026 chu tunin Baptist English High School, Motbung munna ahomdoh tauvin ahi.

Tuk*m Pu Thangkholet Kipgen Meritorious Award chu COHSEM noija Class-XII Thadou MIL Topper Ms. Lamneineng of Sielmat Christian Higher Sec. School, Churachandpur in akisanin ahi.

Chuleh adanga kipapina kinei hochu, Nengdeikim Kiggen of H.M Higher Sec. School, Keithelmanbi : Class-XII Science Topper in Kangpokpi District,
Nengpahhoi Kipgen of MBC Higher Sec. School, Kangpokpi, Class-XII Arts Topper in Kangpokpi District. Adang chu Govt. school ho akon lolhinna sang hochu Lamgoukim Singsit of Keithelmanbi Govt. High School, Keithelamnbi, Class-X leh Neilhing Kipgen of Keithelmanbi Govt. High School, Keithelmanbi, Class-X ahi.

Lolhinna nei simlai hochu Cash prize, Certificate leh TLF in asodoh 'Thadou Pao Thodih' lekhabu khatcheh apeuvin ahi. Hiche kipaman hochu Pu Thangkholet Kipgen insungmite thalhengin Pi Kikim Kipgen in ahomdoh in ahi.

Aumtalou Pu Thangkholet Kipgen jabolnan gontoh kipat masangin akikhom jouse adingkhomun thipchetnin minute 1 adingsoh keijun ahi. Hiche hi lunghempina a kibol ahi. Chuleh TLF Chairman pun Pu Thangkholet Kipgen ngaina a kala ajih jong TLF Chairman in Pu Th. Kipgen insungmite henga pehdohna aneijin ahi.

Pu Janglal Sitlhou, Chairman, TLF in aseina a, "Pu Thangkholet Kipgen hi amihina a mipha, adeh a alen le aneotoh kihouthei lamkai khat ahi. TLF kiphu apat chollouva panla jing ahiseh hilouva Thadou paocheng thah lambena a nasatah a alungthim le atha pedoh jing khat ahi. Ginchat phahlou hella eidalhah uhi atohkhompi ho jaitha anemin hijeh a ama min jaum ahijing nadinga TLF in Pu Thangkholet Kipgen Meritorious Award hi kipandoh ahi. Hiche hi thil dang jeh hilouva aumtalou TLF lamkaipu hetjingna dinga atohkhompi hon tohgon kineija simlai chapang alolhing ho ama minna kipapina kineipeh ahi" tin award kibol thu a houlimna aneijin ahi.

Hetthei khat chu, ningk*m 2025 a Pu Thangkholet Kipgen Meritorious Award kihop chun COHSEM Thadou MIL Topper ho bou kipapina ana kineije. Tuk*m a hi award kihop dan kikehlenbe a Class-X leh Class-XII ho kipapina jong kineitha ahi.

Pu Thangkholet Kipgen Meritorious Award hi TLF Founding Member khat hina jalla TLF in ahop ahi. Adeh a paole ham khantouna dinga apanlahna ho hetpehna dinga kihomdoh ji ahi.

PAKAI LHACHA TBA LAMKAI-3 HO TLF LAMKAI HON LUNGHEMPINA NEIJU, TAONA JONG NEIPEH UTLF lamkai hon 2026 k*m sunga dinga at...
01/06/2026

PAKAI LHACHA TBA LAMKAI-3 HO TLF LAMKAI HON LUNGHEMPINA NEIJU, TAONA JONG NEIPEH U

TLF lamkai hon 2026 k*m sunga dinga athumvei channa Executive Toukhom anei masangun Pakai lhacha TBA lamkai 3 mollemsa ho geldohna aneijuvin ahi.

Pakai lhacha TBA lamkai 3 ho Rev. Dr. V. Sitlhou, President, TBAI, Rev. Kaigoulun Lhouvum, Finance, Youth & Music Secy., TBAI leh Pastor Paogoulen Sitlhou, Sptd. Pastor, TBAI hon vangset atona chunguva lunghempina dinkhomna leh adalhah u insung mite dingin Taona aneipeh un ahi.

~ Vumsat Thadou
Lhangsam, Thadou Linguistic Forum

LUNGHEMPINA LE THOH HUNAPu Paokholun HaokipMangvung Bulpipa le Longja InpipuThadou nam khombul khatna kisong jing jengPu...
28/05/2026

LUNGHEMPINA LE THOH HUNA

Pu Paokholun Haokip
Mangvung Bulpipa le Longja Inpipu

Thadou nam khombul khatna kisong jing jeng
Pu Mangvung Bulpipa Pu Paokholun Haokip
Lomlou khulsin achan jeng hi Thadou nam mite
Lunglai gel twi bang avot nin thimpi ajinge

Pathenin Pu Mangvung insung thomhaona
Lungmonna leh lhamonna thah hinpe tahen ti hi
Thadou Linguistic Forum te ka Taonao thupi pen ahi.

Lhasetna nahin thoh khumpiu

Pu Janglal Sitlhou
Chairman, Thadou Linguistic Forum

Mitlhi long puma TLF Chairman nin Rev. Dr. V. Sitlhou toh akivop lhon thusim sutTBA President Rev. Dr. V. Sitlhou le Pak...
23/05/2026

Mitlhi long puma TLF Chairman nin Rev. Dr. V. Sitlhou toh akivop lhon thusim sut

TBA President Rev. Dr. V. Sitlhou le Pakai lhacha 2 in vangsetna atona chung uva TLF Chairman Pu Janglal Sitlhou vin Rev. Dr. V. Sitlhou insung mite chu vilna aneijin ahi.

Khangdong cha ahilhon akon akivop lhon dan leh Thadou Christian Literature Society (TCLS) a na atohkhom thu lhon thusim tampi aseijin ahi. Lhaset val jeh le it val jeh in mitlhi twi along doh jengin ahi. Pu Chairman TLF mitlhi puma ahoulim chu avejou koima aumpoi.

Aumtalou Rev. Dr. V. Sitlhou hi TBA President ahiseh hilouva TCLS Secretary jong ahi. Chule MBC General Secretary banna TBA Executive Secretary jong ana pangin ahi. TLF Advisor jong ahi.

~ Lhangsam
Thadou Linguistic Forum

TAONAPu Janglal SitlhouChairman, Thadou Linguistic ForumDougal anga lemna ma pu te hoLei lam louthem te anga gim thoh so...
16/05/2026

TAONA

Pu Janglal Sitlhou
Chairman, Thadou Linguistic Forum

Dougal anga lemna ma pu te ho
Lei lam louthem te anga gim thoh sopi ngaite ho
Louthem ho le thempu ho sempa
Leng jouse leng Pakai jouse Pakai
Nang ho le kei ho Pathen mi khoto them chun
Nathoh nau ma ha chu damtheng sehna le
Phattheina chamkim napeh diu ahi ti hi kataopeh nau ahi.

Pathenin Thadou nam umpi henlang mapui jing tahen!

(Hiche Taona hi TBA lamkai akisukha ho damdoh loi ding deina jalla TLF Chairman Pu Janglal Sitlhou Taona ahi).

KALAAlabol : Pu Janglal SitlhouChairman, Thadou Linguistic Forum1. Vabang pao pi toingai lunlai cheng awNa vang lum min ...
15/05/2026

KALA

Alabol : Pu Janglal Sitlhou
Chairman, Thadou Linguistic Forum

1. Vabang pao pi toingai lunlai cheng aw
Na vang lum min sung ngin vabang pao pin
Senlai chunnu bang ang laija nei pommu.

2. Chungmang malou vai nakon nun
Nanam mite phol mei bang ka an ne
Laijon mang cheng hoija hungvai tham ham?

3. Senlai chunnu malou kon bang
Kagal dot khumlhan thong nalhun kallu
Iding lhakeh mella tong nei don nuvei meh?

4. Nanam mite le singsung miten
Ka lai kabang jou poi aw laijon ngaicheng
Lonlhi kaitwi bang long ngin
Samang kavai mouve.

5. Chungmang thempu lunlai cheng
Navang ngaijin nao vang ka kap ui
Khangjing hung thou kit uvo aw
Mang lunlai cheng.

6. Thadou Nampi khankho
Hung to kit tadi un
Singsung jing vai
Hung hom kit tadiu vin.

7. Nam gen lengthei kalai
Ban nading kavai mouve
Van khotol nom silung mitnin
Mu ding kanom ngeije aw.

8. Thadou Nampi jalai thangsa
Tua iding mei bang dai deh ding ham?
Chungmang pan lim solang nei hin khu un
Nam gen lengthei kalai ban nadin.

(Hiche hi Pakai lhacha TBA lamkai 3 ho thi thu ajah jah a TLF Chairman Pu Janglal Sitlhou vin lunghem puldou puma hiche kala hi ahin bol ahi)

2026-2028 k*m sunga TLF lamkai kilhengdoh hochu Dr. Haolal Thadou vin Pathen minin thensona leh lhandohna anei tan ahi. ...
02/05/2026

2026-2028 k*m sunga TLF lamkai kilhengdoh hochu Dr. Haolal Thadou vin Pathen minin thensona leh lhandohna anei tan ahi. Lamkai thah jouse Pathenin phatthei boh henlang a insung cheh-u jong phatthei boh jing tahen 🙏

2026-2028 k*m sunga TLF Chairman dingin Pu Janglal Thadou vin kitepna aneitan ahi. Thadou pao khantouna dinga ajochanna ...
02/05/2026

2026-2028 k*m sunga TLF Chairman dingin Pu Janglal Thadou vin kitepna aneitan ahi. Thadou pao khantouna dinga ajochanna panla dingin jong phondohna aneijin ahi. Pathenin phatthei boh jing tahen 🙏

TLF Chairman thah kilhengPakai k*m 2026-2028 sunga Thadou Linguistic Forum (TLF) Chairman thah dingin Pu Janglal Thadou ...
29/04/2026

TLF Chairman thah kilheng

Pakai k*m 2026-2028 sunga Thadou Linguistic Forum (TLF) Chairman thah dingin Pu Janglal Thadou lhendoh ahitai.

Ak*m upat nung hitajongle Thadou pao khantouna dinga alungthim pumpi a panla jing Pu Chairman, TLF kipapi cheh ute.

Pathenin damtheina le hatnan phatthei boh jing tahen!

Address

K. Phoipi, Motbung
Imphal
795107

Telephone

7085378688

Website

Alerts

Be the first to know and let us send you an email when Thadou Linguistic Forum posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Thadou Linguistic Forum:

Shortcuts

Share

Category