Alcoholics Anonymous-Group of Redemption, Manipur gi samlappa warol
Krista kumsing 2000 gi March/April aduwaida yu (alcohol) na makhoi-makhoigi punshida angakpa fangna sokhallaba Yu thakpa toknanaba hanjin hotnarabashu toktpa amadi toktuna leiba ngamdraba meeoi khara punsinnaduna wa khannaba hourakkhi. Makhoina hiram ashigi matangda akhang ahei kaya tanakhi loinana Yu thadoktuna ne tana leiriba le
iraba meeoi kayagashu unnaduna akuppa waree kaya saminnakhi amashung Alcoholics Anonymous (AA) gi maramdashu tathok-tasin touminnaduna Manipur dashu mashigi group ama lingkhatnabagi oithakpa yaba kayagi matangda Khanna neinakhi. Makhoi masel Kayarak hanna famminnaduna kupna khannaraba tungda chahi (2000 CE) ashimakki June gi cheichat 28 da Manipur da ahanba oina AA gi group ki meeting ama Lalambung Makhong, RIMS Road, Imphal da leiba Kripa Society gi conference hall da sinduna pangthokpa houkhi. Numit aduda punna meeoi 6 (taruk) saruk yaduna meeting adu pangthokkhee (Meeoi sing adugi maming mathana chingbada lotsinjarey). Loina loinana meeting aduda amata oina yanaduna AA group ashigi maming ‘AA-Group of Redemtion’ haina thonkhi loinana Group ki thou punanaba Secretary amadi Treasurer amamam shu khankhi. Amadi chahi adumaktada General Service Office (GSO), Mumbai da register touduna AA gi taibangda Manipur gi AA group ashi shak takpa houkhi. Mapal gi group sing amadi GSO, India ga pao faodok faojil tounaduna chang naina group ki report amadi mari leinaba che-chang thadok thajil tounakhi. AA Khongthang Taranithoi (12 Steps), Chatnarol Taranithoi (12 Traditions) amadi Pukning Leitaba Laisol (Serenity Prayer) Meeteilon da handokpa che-chang GSO da thaduna shak khangkhi. .. Matamduda chayol amada meeting numit anirak haibadi Yumshakeisha (Wednesday) amadi Thangja (Saturday) da pangthokkhee amasung member mari/manga (4/5) gi changda meeting amada punkhi. Khara leiraga member masing khara khara tapna tapna hen-gatlaktuna 10/11 gi mathakta meeting amada punba hourakkhi. Loinana thangnaba mathanggi chahi haibadi 2001 gi June 28 da Group ashigi chahi ama mapung farakpagi ahanba Kumon thouram (1st Anniversary) RIMS Road ta leiba Kripa Society gi conference hall da lamdamshi (Manipur) gi mashak nairaba meeoi kayashu saruk yaduna ‘Open Meeting’ oina pangthokkhi. Hairiba Mapok Kumon Thouram aduda Social Activist Dr. Dhanabir Laishram, Vetaran Journalist Naorem Birendrajit amadi Drug Worker Dr. Jayanta kumar ahumna mathangsitna Athoiba Meethunglen sing oina saruk yakhi. Mathang mathang ashum chattharaktuna meeting sing leptana pangthoraklabagi tungda member kaya mathang mathang Yu da amuk hanjinkhiba amadi maru oiba group ki thoudang loubiramba member ama mashagi anaba amana maram oiduna manung matam chadana leikhidabadgi meeting matam chana amadi chang naina pangthokpa ngamsillakkhidey. Tungda meeting da meeoi ama/ani dagi henna punba ngamlakkhidabaga loinana akonbada meeting pangthokpa lepkhi. Chahi kaya leplurabagi tungda member ahum/mari amuk hanna punsinnaduna Krista kumsing 2012 ta amuk Sagolband Meino Leirak, Imphal da leiba Kripa Society gi conference hall da amuk nouna meeting pangthokpa houkhi. Adubu laibak thibana mashishu chahi ama khara hellakpada adumak leppa tarakkhi. Tungda Krista kumsing 2018 da laiyengshang amadagi nouna thoklakpa Alcoholics khara ga hannagi member kharaga punsinnaraba matungda group ashi nouhouna amuk Kavaw Leikai (Dewlalne), Imphal da leiba Punshi Rehab centre gi hall da amuk hanna meeting pangthokpa hourakkhi. Loinana chahi ashimaktada haibadi June 28, 2018 da group ashigi Tarateret Shuba Mapok Kumon Thouram (17th Anniversary function) mathakta pankhriba laiyengshang ashigi conference hall da ‘Open Meeting’ ama oina Social Activist Mutum Churamani na athouba meethung oiduna pangthokkhi. Madudagi mathang mathang leptana chattharaklaba matungda mayam khannaraba matungda group ashigi meeting mafam ashi Thangmeiband Athletics’ Union (THAU) club ki ka (room) ama waiduna pangthokpa hourakkhi. Mathang chahi 2019 dashu hairiba THAU gi complex ashimaktada group ashigi Taranipal shuba (18th Anniversay) Mapok Kumon gi thouramshu ‘Open Meeting’ ama oina pangthokkhi. Hairiba 18 shuba mapok kumon thouram ashida matamdugi National Health Mission (NHM), Manipur gi State Mission Director Dr. Soram Manikanta, Social Activist Mutum Churamani amadi THAU gi Advisor Retd. Sapam ahumna mathangsitna thouram mapu sing oina lengsinbiduna pangthokkhi. Houjikfaogi oina mathakta pankhriba mafam ashida group ki leptana chang naina pangthokli.
**************************
