మంత్రి ప్రగడ మార్కండేయులు

26/01/2026

https://youtu.be/eAXwrISirN8?si=WnIVCqTXNAKVsDob
రోదన – సాహిత్యరూప గేయం

రోదించె నా హృదయం… నీ పేరునే జపించెను
మౌనగర్భంలో ప్రాణం… నీ జాడలే వెదికెను
తామరాకుపై బిందువై జారిన జీవనమా
నీ జ్ఞాపకాలే నాకిది శాశ్వతాధారమా…॥

మనసున తలపుల మల్లెలు మురిపించె వేళ
మైమరచె నవ్వుల మాధుర్య గానధార
తపనల తుఫాను తాకిన ఒంటరి రేయి
మౌనమే తోడై రాసె కన్నీటి గీతం…॥

విరజాజి వెలుగై వెలిసె నెలవంక గగనంలో
వెలుగున్నా నా లోకం చీకటి చెంతన
నీడవై నీవు దూరమైన క్షణం నాటి నుంచీ
నిశ్శబ్దమే నా శ్వాసకు నిత్య సహచరం…॥

రోదించె నా హృదయం… నీ పేరునే జపించెను
మౌనగర్భంలో ప్రాణం… నీ జాడలే వెదికెను

తామరాకుపై తడిబిందువై నిలిచిన నేనై
గాలివెంట జారిన గాధగా మారితిని
జ్ఞాపకాల తాకిడిలో ప్రతి క్షణమూ నాలో
రోదన రాగమే గుండెల్లో నినదించె…॥

సుఖం సంధ్యారాగమై సడిలై మాయమై
దుఃఖమే దారిగా అడుగడుగునా సాగె
కవితల కిరణాలు కరిగిపోయె వేళలో
కలలన్నీ కన్నీరులో కలసి కదలె…॥

కన్నీటి రేఖలు గుండెగోడలపై రాసె
వేదనల వాక్యమై నిలిచిన జీవితగాథ
ఉదయసంధ్యలన్నీ శ్వాసల శిక్షలై
విరహమే విధిగా నన్ను వెంటాడె…॥

రోదించె నా హృదయం… నీ పేరునే జపించెను
మౌనగర్భంలో ప్రాణం… నీ జాడలే వెదికెను

గాలిలో వినిపించె నీ అడుగుల స్పందన
గుడిలో మ్రోగె నీ నామస్మరణ ధ్వని
కనుల మూసినా కనబడె నీ రూపమే
కలలలోనైనా విడువని నీ మాధుర్యం…॥

ఒకసారి రా నా చేయిని తాకవే ప్రియమా
ఒక మాటతో ఈ రోదన శాంతింపవే
ప్రాణమంతా నీకర్పితమైనా నేను
ప్రేమైతే ఎందుకీ దూర విరహాగ్ని…॥

రోదించె నా హృదయం… నీ పేరునే జపించెను
మౌనగర్భంలో ప్రాణం… నీ జాడలే వెదికెను

శూన్యమైన లోకంలో నీ పేరే నాదమై
శ్వాస ప్రతి ధ్వనిలో నీవే ప్రతిధ్వనై
జీవితాంతం నీ జ్ఞాపకమే దీపమై
రోదనలోనూ ప్రేమే నాకొక జీవధార…॥

రోదించె నా హృదయం… నీ పేరునే జపించెను
మౌనగర్భంలో ప్రాణం… నీ జాడలే వెదికెను
తామరాకుపై బిందువై జారిన జీవనమా
నీ జ్ఞాపకాలే నాకిది శాశ్వతాధారమా…॥

రోదించె నా హృదయం… నీ పేరునే జపించెను
మౌనగర్భంలో ప్రాణం… నీ జాడలే వెదికెను

======
Mantri Pragada Markandeyulu
Story & Songwriter
+91-9951038802
Email: [email protected]
Hyderabad (Telangana State) India

రోదన Video Songరోదించె నా హృదయం… నీ పేరునే పిలిచెనుమౌనంలోన నా ప్రాణం… నీ జాడలే వెతికెనుతామరాకుపై బిందువై నేనిలా జారి...

24/01/2026

https://youtu.be/2_PBxrKKrCw?si=x4Z2kQgmhn2a_S74

రథ సప్తమి. రథ సప్తమి అనేది సూర్యభగవానుని పండగ, సూర్యుని వెలుగు & శక్తికి నమస్కారం చేయబడే పవిత్ర రోజు.🙏 ఆచారాలు

✨ ఉదయమై నానకం చేసుకుని
✨ సూర్యునికి నమస్కారాలు (Surya Namaskar)
✨ పుష్పాలు, నీరు, నైవేద్యం ఆలయాలలో సమర్పణ
✨ సూర్యభగవానుని 12 నామాల పఠనం
✨ పండుగలో ప్రత్యేక స్నానం, పూజా విధానాలు చేయడం

🌞 సూర్యుడు పశ్చిమ దిశ నుండి ఉత్తరదిశకు మారే కాలం ఇది, జనవరి/ ఫిబ్రవరి నెలలలో వస్తుంది. అందుకే ఈ రోజును సూర్యజయంతి కూడా అంటారు.

Interview given by (Late) Smt. M Shobha Devi.
======

Mantri Pragada Markandeyulu
Email: mrkndyl[‪.com‬
Hyderabad (Telangana State) India

రథ సప్తమి. రథ సప్తమి అనేది సూర్యభగవానుని పండగ, సూర్యుని వెలుగు & శక్తికి నమస్కారం చేయబడే పవిత్ర రోజు.🙏 ఆచారాలు✨ ఉ...

24/01/2026

https://youtu.be/LAyWvrBpDz4?si=yaku0p91sNE9dxbz
సాహితీ సాహితీ సేవ చారిటబుల్ ట్రస్ట్
పేరు: మంత్రి ప్రగడ మార్కండేయులు
ఊరు: హైదరాబాద్ (ఇండియా)
Chitra Kavitha సంఖ్య: 03
తేదీ: 24–01-2026
అంశం: Chitra Kavitha – 3
శీర్షిక: వెలుగు రాత్రుల లోకం

వెలుగు రాత్రుల లోకం

చీకటిలో మగ్గేనేల - వెలుగులోకి రావేల
విశాల ప్రపంచం -వెలుగు రాత్రుల లోకం
జ్ఞ్యానం నీదె, విజ్ఞ్యానము నీదె
జయము నీదె- విజయము నీదె
నీ కనులలో కోటి సూర్య కాంతులు
నిరుపయోగము చేయకు నిష్ణార్థులారా

నిరంకుశత్వపు న్యాయం మౌనమైంది
నిరంకుశ పాలనలో ప్రశ్నే నేరమైంది
సహోదరా ముందుచూపు చూడరా
నిరంకుశ పోరాటమే చేయాలి
ముందుకు కాలంతో సాగరా
సహాయమే అందించాలి పీడిత వర్గాలకు
క్రమశిక్షణ మార్గాలే - కావాలి ఆదర్శం //

అణగారిన వర్గాలకు జీవనమార్గాలు
ధర్మపరమైన రాజ్యాంగ హక్కులు తెలపాలి
విధివిధానాలు దిశనిర్దేశాలతో
ప్రగతిపథంలో చేయూతనిద్దాం //

చీకటిలో మగ్గేనేల - వెలుగులోకి రావేల
విశాల ప్రపంచం -వెలుగు రాత్రుల లోకం
జ్ఞ్యానం నీదె, విజ్ఞ్యానము నీదె
జయము నీదె- విజయము నీదె

పాల్గొనండి సేవా కార్యక్రమాలలో
న్యాయం జరిగెనండి ధర్మజ్ఞ్యానంతో
విధ్యా పధకాలు - ఉచిత విద్యా బోధనలు
విద్యార్హతలు పొందే చదువులకు మార్గాలు
మనుగడలే మారేలా - మున్ముందుకు సాగుదాం
ఈనాటి జాగ్రుతే రేపటి శక్తి బలం
నిర్దిష్ట జీవితం - బ్రతుకు భారం
మేల్కొనండి వెలుగు జీవితానికి //

ఉన్నాయి ఎన్నో కార్యక్రమాలు
ఉచిత విద్య సహకారముంది
శిక్షణలో భాగమండి యోగాభ్యాసముం
ఆసనాల జోరుఉంది,
వృద్ధులకు ఉచిత వైద్య సహాయముంది
అన్నదాన శిబిరముంది
పుస్తకాల పంపిణీలు పిల్లల విద్యకండి
ఆట-పాట పోటీలు ఉత్తేజం కలిగించునండి//

చీకటిలో మగ్గేనేల - వెలుగులోకి రావేల
విశాల ప్రపంచం -వెలుగు రాత్రుల లోకం
జ్ఞ్యానం నీదె, విజ్ఞ్యానము నీదె
జయము నీదె- విజయము నీదె
నీ కనులలో కోటి సూర్య కాంతులు
నిరుపయోగము చేయకు నిష్ణార్థులారా

చీకటిలో మగ్గేనేల - వెలుగులోకి రావేల
విశాల ప్రపంచం -వెలుగు రాత్రుల లోకం

జ్ఞ్యానం నీదె, విజ్ఞ్యానము నీదె
జయము నీదె- విజయము నీదె

జ్ఞ్యానం నీదె, విజ్ఞ్యానము నీదె
జయము నీదె- విజయము నీదె

======

వెలుగు రాత్రుల లోకంచీకటిలో మగ్గేనేల - వెలుగులోకి రావేలవిశాల ప్రపంచం -వెలుగు రాత్రుల లోకం జ్ఞ్యానం నీదె, విజ్ఞ్.....

20/01/2026

https://youtu.be/ney1l2H51kA?si=TUk32FagHrmMMq2A

సమాజం ఎటుపోతుందీ సమాజం ఆత్మీయ లేఖలు అంతమైవింతైన వస్తువులు లోకమైమాటల స్థానంలో మౌనమైఎటుపోతుందీ… ఎటుపోతుందీ సమ....

15/01/2026

A song worth listening

15/01/2026

"వంటింట్లో పాత్రల మౌనం ముంగిట్లో సమాజం కన్నుల హాస్యం"

వంటింటి మౌనగీతం

“ముంగిట్లో నవ్వే సమాజం - వంటింట్లో ఏడుపు వినదు”
వంటింటి మౌనగీతమే - కవి హృదయ రోదన
ఇదియే ఆంతరంగిక అదృశ్య శ్రమ
వనితల శ్రమకు విలువ లేని వ్యవస్థపై పోరాటం
పోషించే చేతులే పోషణలకు కరువాయే
వంటింటి మహారాణి, సమాజ దృష్టికి కరువాయే //

వంటింటి పాత్రలు - మాటలేని సాక్షులాయె
మౌనం మే మిగిలే - అణచివేతనే ధోరణాయే....
ముంగిట్లో హాస్యంమే ద్వంద్వ నైతికతాయే
పాత్రల మౌనంలో వేవేల కథలు దాగెను //

ముంగిట్లో నవ్వే సమాజం - వంటింట్లో ఏడుపు వినదు
వంటింట్లో పాత్రల మౌనం
ముంగిట్లో సమాజం కన్నుల హాస్యం,
అన్నం ఆవిరి ఎగసే చోట అవమానమే దినచర్యాయే
అగ్గిపుల్లలా వెలిగే కలలు పొయ్యి బూడిదలో కలసినవేళ
మరుగున పడిన మహిళా హృదయం పాత్రల మోగుడికే మాటలు నేర్పేను //

కడుపు నింపే చేతులకు -కన్నుల నిండా నిదుర లేదు,
తట్ట నిండినా తన జీవితం సూన్యం ఆయె
ముంగిట్లో నవ్వే సమాజం వంటింట్లో ఏడుపు వినదు,
వేడుకలలో వెలిగే దీపం అక్కడి చీకటినే కానదు
పాత్రల మౌనంలో దాగిన వేవేల కథలున్నాయి,
అవి శబ్దమైతే ఈ లోకం తన ముఖం దాచుకోదా?

అన్నదాతగా పొగడ్తలు ఆదరణగా మారనప్పుడు,
శ్రమకు విలువ లేని చోట సంబరాలన్నీ వ్యంగ్యమే.
పాలు విరిగినటుల మౌనం విరిగిననాడే మనిషి అగుపడు సమయమగు
కన్నుల హాస్యం కరిగిన వేళ న్యాయమే నిజపండగ //

కవి హృదయాలు కలిచివేసినవేళ
మహిళల పోరులో కవితాయుధమై
సాగేదము ముందుకు సిరాయుధమై
నిలిచెదము మహిళల పోరుబాటలో
కవి హృదయాలు కలతచెందెనెందుకో
లోకమే సాగెను మహిళాభ్యుదయమై //

ముంగిట్లో నవ్వే సమాజం - వంటింట్లో ఏడుపు వినదు.
అన్నం ఆవిరి ఎగసే చోట - అవమానమే దినచర్య వేశ్యం.
పాత్రల మౌనంలో దాగిన - వేల అనని కథలున్నాయి.
కడుపు నింపే చేతులకు - కన్నుల నిండా నిద్ర లేదు.
వంటింటి మౌనం విరిగిననాడే - న్యాయమే నిజ పండగ అవుతుంది.
మరుగున పడిన మహిళా హృదయం పాత్రల మోగుడికే మాటలు నేర్పేను //

https://youtu.be/2y39DevpBwY?si=W5ySv_JfjHyyNYCH

=====

సాహిత్య సమీక్ష

“వంటింటి మౌనగీతం” పై
తెలుగు సాహిత్య సమీక్ష (సమీక్షాత్మక వ్యాసం) —
ఆధునిక తెలుగు కవిత్వం వ్యక్తిగత వేదనను సామాజిక ప్రశ్నగా మలచే దశలో నిలిచింది. ఆ క్రమంలో “వంటింటి మౌనగీతం” ఒక ముఖ్యమైన కవితగా నిలుస్తుంది. ఇది వంటింటి అనుభవాన్ని కేవలం గృహ పరిధిలో కాకుండా, సమాజ నిర్మాణంలోని అసమానతల ప్రతిబింబంగా చూపుతుంది. కవితలోని మౌనం వ్యక్తిగత నిశ్శబ్దం కాదు; అది వ్యవస్థ సృష్టించిన నిశ్శబ్దం.
ఈ కవిత యొక్క ప్రధాన భావం — పోషించే శ్రమకు గుర్తింపు లేకపోవడం. వంటింట్లో తయారయ్యే అన్నం సమాజాన్ని నిలబెడుతుంది; కానీ ఆ అన్నం వెనుక ఉన్న మనిషి సమాజానికి కనిపించడు.
“అన్నం ఆవిరి ఎగసే చోట - అవమానమే దినచర్య వేశ్యం”
ఈ పాదం ద్వారా కవి ఆహార సంస్కృతిలో నాటుకుపోయిన అవమాన సాధారణీకరణను తీవ్రమైన వ్యంగ్యంతో ప్రతిపాదించాడు.
ఇక్కడ ‘వేశ్యం’ అనే పదం వ్యక్తి కాదు —వ్యవస్థ స్వరూపాన్ని సూచించే ప్రతీక.
ప్రతీకాత్మకత: కవిత అంతటా ప్రతీకల నిర్మాణం బలంగా కనిపిస్తుంది.
• వంటింటి పాత్రలు → మాటలేని సాక్షులు
• మౌనం → అణచివేతకు ప్రతిరూపం
• ముంగిట్లో హాస్యం → సమాజ ద్వంద్వ నైతికత
• దీపాలు, వేడుకలు → పైపై సంబరాలు
“పాత్రల మౌనంలో దాగిన - వేల అనని కథలున్నాయి”
ఈ పాదం కవితకు హృదయం. మౌనం ఇక్కడ బలహీనత కాదు;
అది బలవంతంగా మోపబడిన నిశ్శబ్దం.
సామాజిక విమర్శ
ఈ కవిత సమాజాన్ని నేరుగా దూషించదు; కాని దాని నిర్లక్ష్యాన్ని నిశితంగా ప్రశ్నిస్తుంది.
“ముంగిట్లో నవ్వే సమాజం - వంటింట్లో ఏడుపు వినదు”
ఇక్కడ సమాజం —సాక్షిగా కాదు, అణచివేతకు సహకరించే భాగస్వామిగా చిత్రితమవుతుంది. ఇది ఆధునిక పట్టణ–గ్రామీణ సమాజాల్లో గృహశ్రమను ఎలా తక్కువగా చూస్తారో స్పష్టంగా చూపుతుంది.
స్త్రీ దృష్టికోణం: కవితలో స్త్రీని వేదిక మీద నిలబెట్టరు; అదే ఈ కవిత ప్రత్యేకత. ఆమె వంటింట్లోనే ఉంది —కాని అదే స్థలం ఆమె శ్రమకు, మౌనానికి కేంద్రం.
“కడుపు నింపే చేతులకు - కన్నుల నిండా నిద్ర లేదు”
ఇది శారీరక శ్రమకంటే మానసిక దోపిడీని బలంగా ప్రతిఫలిస్తుంది.
ఈ కోణంలో ఇది ఆధునిక స్త్రీవాద కవిత్వానికి దగ్గరగా నిలుస్తుంది.
శిల్పం & భాష
• భాష సరళమైనది, కాని భావం గాఢమైనది
• అలంకారాలకంటే అర్థసాంద్రత ఎక్కువ
• గేయాత్మక లయ ఉన్నా, వినోద లక్ష్యం కాదు
• పల్లవి ప్రతి చరణానికీ భావబలాన్ని చేకూరుస్తుంది
కవితలో పునరుక్తులు లేకుండా ప్రతి చరణం ఒక కొత్త కోణాన్ని తెరుస్తుంది.
ముగింపు విశ్లేషణ: చివరి చరణం ఉపదేశంగా కాకుండా నైతిక ఆహ్వానంగా నిలుస్తుంది.
“వంటింటి మౌనం విరిగిననాడే - న్యాయమే నిజ పండగ అవుతుంది”
ఇది కవిత ముగింపు కాదు; సమాజానికి ఇచ్చిన ప్రశ్నాపత్రం.
ఈ కవిత పాఠకుడిని నవ్వించదు —ఆలోచించమంటుంది.
ఆలోచించడమే దీని విజయము.
======

Mantri Pragada Markandeyulu, Litt.D.,
Author, Story, Script, Dialogues and Songwriter
Mobile No: +91-9951038802
Email: [email protected] / [email protected]
Hyderabad (Telangana State) India

వంటింటి మౌనగీతం“ముంగిట్లో నవ్వే సమాజం - వంటింట్లో ఏడుపు వినదు”వంటింటి మౌనగీతమే - కవి హృదయ రోదన ఇదియే ఆంతరంగిక అ....

11/01/2026

https://youtu.be/9TgiH3j1_5g?si=Eaz1oupLWYpOhVjB
పద్మ పురాణం ఎపిసోడ్-2 అష్టాదశ పురాణాలు (18 పురాణాలు) PADMA PURANAM, EPISODE 2. Ashtadasa Puranas

పద్మ పురాణం ఎపిసోడ్-2 అష్టాదశ పురాణాలు (18 పురాణాలు) PADMA PURANAM, EPISODE 2. Ashtadasa Puranas PADMA PURANAM, EPISODE-2https://youtu.be/S4HaFyvQCr4?si=-...

11/01/2026

ఆలోచనలకు గల అద్భుతమైన శక్తి ( Power of Thoughts)

ఒక సారి ఒక బాటసారి దారి తప్పి ఒక ఎడారిలో వెళ్ళాడు. అతను ఎంత నడిచినా కూడా అక్కడ కనుచూపు మేరలో ఇసుక తిన్నెలు తప్ప ఏమీ కనిపించడం లేదు. మెల్ల మెల్లగా ఎండ ఎక్కువ కాసాగింది. ఎక్కడైనా కాసేపు కూర్చుందాము అని అనుకుంటే ఎక్కడా నీడ అన్నమాట లేదు. గత్యంతరం లేక అతను అలాగే ముందుకి వెళ్ళసాగాడు. కనుచూపు మేరలో అతనికి ఒక గ్రామం కాని జలాశయం కాని కనిపించ లేదు. తానూ దారి తప్పి ఎడారిలో ప్రవేశించానని అప్పుడు అతనికి అర్థం అయింది. ఎండ అతన్ని బాధించ సాగింది. చెమటలు పడ్తుండాలి. ఒళ్ళంతా మండ సాగింది. పాదాలు మండుతున్నాయి, గొంతు ఎండుకు పోయింది, నాలుక పిడుచుకుకట్టుకు పోయింది.

అప్పుడు అతను ఇలా అనుకున్నాడు. అయ్యో ! నేను దారి తప్పి ఈ ఎడారిలో ప్రవేశించాను. ఈ ఎండ నన్ను విపరీతంగా బాధిస్తున్నది.

ఇప్పుడు నేనేం చేయాలి? ఈ ఎండను నేను తట్టుకోలేక పోతున్నాను. ఎక్కడైనా కను చూపు మేరలో ఒక వృక్షం ఉంటె బాగుండును. కనీసం వృక్షపు ఛాయలోనైనా నేను కూర్చుని కాసేపు విశ్రాంతి తీసుకోవచ్చును. అని అతను మనస్సులో చాలా ద్రుఢ౦గా సంకల్పం చేసుకున్నాడు. కొద్దిసేపటిలో ఆశ్చర్యంగా అతనికి ఒక పే....ద్ద.. చెట్టు కనిపించింది. దాన్ని చూడగానే అతనికి పట్టలేని సంతోషం కలిగింది. మెల్లగా లేని ఓపిక తెచ్చుకుని అతను ఆ మహా వృక్షం వైపు నడిచి, ఆ వృక్షపు నీడలో హాయిగా సేద తీర్చుకోసాగాడు. ఒక అర గంట అయ్యాక అతని సేద తీరి , ప్రాణం కుదుట పడి హాయిగా అనిపించింది. అతనికి విపరీతంగా దాహం వేస్తూ ఉండాలి. దేవుడా ! నీవు నన్ను కరుణించి ఒక వృక్షాన్ని ఇక్కడ చూపించావు. దాని నీడలో నా అలసట తీరి ప్రాణం హాయిగా ఉంది. ఇప్పుడు నాకు విపరీతంగా దాహంగా ఉంది. చల్లటి నీళ్ళు కానీ, పానీయం కాని ఉంటె ఎంత బాగుంటుంది అని అనుకున్నాడు.

అలా అతను అనుకున్న మరుక్షణమే అక్కడ చల్లని నీళ్ళు, పానీయాలు ప్రత్యక్షమయ్యాయి. అతడు ఎంతో దప్పిక మీద ఉన్నందువల్ల ఇంకొక ఆలోచన లేకుండా ఆ శీతల జలాన్ని, పానీయాలని త్రాగి దప్పిక తీర్చుకున్నాడు. ఇప్పుడు మనస్సు ప్రశాంతంగా, హాయిగా ఉంది. అప్పుడు అతనికి ఆకలి గుర్తుకు వచ్చింది. ఆ...హా..... . ! వృక్షపు ఛాయ దొరికింది. చాలా బాగుంది. దప్పిక వేసింది. శీతల పానీయాలు కావాలి అనుకున్నాను. అవి దొరికాయి. దప్పిక తీర్చుకున్నాను హాయిగా ఉంది. ఇప్పుడు నాకు ఆకలి వేస్తున్నది. రుచికరమైన రక రకాల పదార్థాలు తినాలని అనిపిస్తుంది. చాలా ఆకలిగా ఉంది బాగా అలసి పోయాను కదా ! రక రకాల పదార్థాలు తినడానికి దొరికితే బాగుండును అని అతను అనుకోగానే అక్కడ అతను అనుకున్నట్టుగానే రక రకాల తిను పదార్థాలు అతనికి ప్రత్యక్షమయ్యాయి. బాగా ఆకలి మీద ఉన్నాడేమో మరొక ఆలోచన లేకుండా అవన్నీ గబ గబా అతను తినేసి తన ఆకలిని తీర్చుకున్నాడు. ఇప్పుడు ప్రాణం ఇంకా చల్లగా, హాయిగా ఉంది. వృక్షపు ఛాయా దొరికింది, దప్పిక తీరి పోయింది, ఆకలి కూడా అతనికి పూర్తిగా తీరి పోయింది. కడుపు బాగా నిండి పోయిందేమో మాంచి నిద్ర వస్తుండాలి. కాని పడుకోవాలంటే అక్కడ ఇసుక తప్ప ఏమీ లేదు. ఇసక మీద పడుకుంటే ఒళ్ళంతా గుచ్చుకు పోతుంది. ఇక్కడ ఒక హంసతూలికా తల్పం ఉంటె బాగుండును. పోనీ ఒక మంచం ఉన్నా బాగుండును. నేను దానిమీద హాయిగా పడుకుని ఒళ్ళు మరిచి నిద్ర పోతాను అని అనుకున్నాడు. అలా అనుకోగానే అక్కడ ఎదురుగా వృక్షపు ఛాయలో ఒక మెత్తని పరుపు గల మంచం ప్రత్యక్షమైంది. సరే అని అతను ఆ మంచం మీద హాయిగా పడుకుని సేద తీర్చుకున్నాడు.

ఇప్పుడు అతని కోరికలు అన్నీ తీరాయి కాబట్టి అతని ఆలోచనలు ఇప్పుడు కాస్త మారిపోయాయి. ఇది మనుష్యుల యొక్క సహజసిద్ధమైన ప్రవృత్తి అన్నమాట. అతను మెల్లగా ఇప్పుడు ఆలోచించ సాగాడు. అదేమిటీ? ఈ ఎడారిలో జన సంచారమే లేదు. ఎవరూ లేరు. మరి నేను చెట్టు నీడ కావాలి అని అనుకోగానే నాకీ వృక్షం కనిపించింది. దాహం వేసింది. శీతల పానీయాలు కావాలి అని అనుకున్నాను. అవన్నీ వచ్చాయి. ఆకలిగా ఉంది చక్కని తిను పదార్థాలు కావాలి అని అనుకుంటే అవి కూడా వచ్చినాయి. పడుకోవడానికి మెత్తని పరుపు కావాలి అని అనుకుంటే మెత్తటి పరుపుగల మంచం కూడా వచ్చింది. ఏమిటీ ఇదంతా కొంపదీసి రాక్షస మాయ కాదు కదా ! ఎవరైనా రాక్షసుడు కాని, భూతం కాని వచ్చి నన్నుతినేస్తుందేమో అని అనుకున్నాడు. అనుకున్న తక్షణమే ఒక మహా భూతం ప్రత్యక్షమై అతన్ని చక్కగా మింగేసింది.

అతని ఆలోచనలు అంత తీవ్ర స్థాయిలో ఉన్నప్పుడు, అతను ఏం కోరుకుంటే అది అక్కడ ప్రత్యక్షమవుతూ ఉన్నప్పుడు, అంటే సాక్షాత్తు వరాలిచ్చే ఆ కల్పవృక్షమే అక్కడ ఉన్నట్టుగా అన్ని కోరికలు తీరుతూ ఉండాలి. అతని ఆలోచ నలు అతను అలసిపోయి ఉన్నప్పుడు, దాహంగా ఉన్నప్పుడు, ఆకలిగా ఉన్నప్పుడు వేరే లాగా ఉండాలి. కడుపు నిండినాక వేరేగా ఉండాలి. కడుపు నిండి, నిద్ర పోయి బడలిక తీర్చుకున్నాక అతను అలాగా రాక్షసుడు కాని , భూతం కాని నన్ను మింగుతుందేమో అని అనుకున్నప్పుడు అలాగే ఆ కోరికని కూడా ఆ కల్ప వృక్షం తీర్చి వేసింది. ఈ కథలో చాలా నీతి ఉంది. నేను 2005 లో జగ్గి వాసుదేవ రావు గారి వర్క్ షాప్ (work shop) అటెండ్ చేసినప్పుడు ఆ work shop లో ఆయన ఈ కథ చెప్పారు. మనం పంపించే ఈ భావ ప్రసారాలు, మన సంకల్పం గట్టిగా, గాఢ౦గా ఉంటె అదే పరిస్థితిలో ఉన్నటువంటి కోరికలన్నీ కూడా అవి సాక్షాత్తు మన ఎదురుగుండా కనిపిస్తూ ఉంటాయి. మన సంకల్పాలు, మన కోరికలన్నీ కూడా నేరవేరుతూ ఉంటాయి. అందుకనే మన పెద్దవాళ్ళు ఎప్పుడూ మన ఆలోచనలు మంచిగా, పరిశుద్ధంగా పెట్టుకోవాలి, మంచి మాటలే మాట్లాడాలి. ఎదుటి వాళ్లకి మేలు కలిగేటట్టుగానే మాట్లాడాలి. మరి ఆకాశంలో “తథాస్తు” దేవతలు ఉంటారు. మనకు మంచి ఆలోచనలు వచ్చినప్పుడు “తథాస్తు” , “తథాస్తు” అని అంటుంటారు. అలాగే మనకి పిచ్చి పిచ్చి ఆలోచనలు వచ్చినప్పుడు కూడా “తథాస్తు”, “తథాస్తు” అని అంటుంటారు. అలాగే అవి జరుగుతూ ఉంటాయి అని చెప్పుతుండే వాళ్ళు. ఈ thought waves (భావ ప్రసారాలు) అనేవి చాలా శక్తివంతమైనవి. మన వాక్కుని మనం జాగ్రత్తగా వాడుకోవాలి లేకపోతె మనకి తెలియకుండానే మనం విపరీత పరిణామాలని ఎదుర్కోవాల్సి వస్తుంది.

10/01/2026