02/01/2026
ନୂତନ ବର୍ଷରେ ନିଆରା କାର୍ଯ୍ୟକ୍ରମ ।
ସମସ୍ତଙ୍କୁ ନୂତନ ବର୍ଷର ହାର୍ଦିକ ଅଭିନନ୍ଦନ ଓ ଶୁଭେଚ୍ଛା। ଜଗତର ନାଥ ଜଗନ୍ନାଥ ନୂତନ ବର୍ଷରେ ସମସ୍ତଙ୍କୁ ଖୁସିରେ ରଖନ୍ତୁ ଏତିକି ପ୍ରାର୍ଥନା। ପ୍ରତି ବର୍ଷ ଭଳି ୨୦୨୬ ନୂତନ ବର୍ଷ କୁ ସ୍ୱାଗତ ଜଣାଇ ଆମ ଛୋଟ ଏକ ପ୍ରୟାସ ପରିବାର ନୂଆ ବର୍ଷ ରେ ସେବା କାର୍ଯ୍ୟ ପାଇଁ ଆମେ ବାହାରିଥିଲୁ ହିନ୍ଦୋଳ NAC ର ଆଳୁସିଂ ଗ୍ରାମକୁ। କିଛିଦିନ ତଳେ ଦୁର୍ଘଟଣା ରେ ମୃତ୍ୟୁ ବରଣ କରିଥିବା ମାନସ ନାଏକ ଙ୍କ ଘରକୁ। ଘରର ମେରୁଦଣ୍ଡ ଭାଙ୍ଗିଯିବା ପରେ ସମ୍ପୂର୍ଣ ପରିବାରଟି ଅସହାୟ ହୋଇପଡିଛନ୍ତି। ସାହାଯ୍ୟର ହାତ ବଢାଇବା ପାଇଁ ଅନୁଷ୍ଠାନ ତରଫରୁ କିଛି ଶୁଖିଲା ଖାଦ୍ୟ, ବସ୍ତ୍ର ଏବଂ କିଛି ଶୀତ ବସ୍ତ୍ର ପ୍ରଦାନ କରାଗଲା। ସେହି ଗ୍ରାମରେ ୨୫ ଟି ଅସହାୟ ପରିବାରଙ୍କୁ ଅସହାୟ ଶୀତରୁ ରକ୍ଷା କରିବା ପାଇଁ କମ୍ବଳ ବଣ୍ଟନ ସହ କିଛି ଶୁଖିଲା ଖାଦ୍ୟ ଦିଆଗଲା। ନୂତନ ବର୍ଷରେ ଗ୍ରାମର ଛୋଟ ଛୁଆଙ୍କୁ ମିଠା ଓ କେକ ସହ ନାଚ ଗୀତ ର ଆୟୋଜନ କରି ଖୁସି ମନେଇଥିଲେ ଛୋଟ ଏକ ପ୍ରୟାସ ର ସଦସ୍ୟ ମାନେ। ସମସ୍ତ ଗୁରୁ ଜନ ମାନଙ୍କୁ ପ୍ରଣାମ କରି ଆଶ୍ରିବାଦ ନେଇ ଆମ ଅନୁଷ୍ଠାନ ର ସମସ୍ତ ସଦସ୍ୟ ଘରକୁ ଫେରିଥିଲୁ। 🙏ଜୟ ଜଗନ୍ନାଥ🙏
