27/02/2025
ਸਾਰੇ ਹਾਜੀਪੁਰ ਨਿਵਾਸੀਆਂ ਨੂੰ ਸੰਕਲਪ ਵੈਲਫੇਅਰ ਐਂਡ ਡਿਵੈਲਪਮੈਂਟ ਸੋਸਾਇਟੀ ਹਾਜੀਪੁਰ ਦੇ ਸਮੂਹ ਮੈਂਬਰਾਂ ਵੱਲੋਂ ਪਿਆਰ ਭਰਿਆ ਨਮਸ਼ਕਾਰ । ਜਿਵੇਂ ਕਿ ਤੁਸੀਂ ਜਾਣਦੇ ਹੋ ਕਿ ਪਿਛਲੇ ਸਾਲ ਮਾਰਚ ਮਹੀਨੇ ਹਾਜੀਪੁਰ ਦੇ ਨੌਜਵਾਨ ਵੀਰਾਂ ਨੇ ਇਕ ਸੋਸਾਇਟੀ ਬਣਾਈ ਸੀ ਜਿਸ ਦਾ ਮੁੱਖ ਟੀਚਾ ਹਾਜੀਪੁਰ ਨੂੰ ਸਾਫ਼ ਅਤੇ ਰੋਗ ਮੁਕਤ ਬਣਾਨਾ ਸੀ ।
ਹਾਜੀਪੁਰ ਵਿਚ ਸਫ਼ਾਈ ਵਿਵਸਥਾ ਬਣਾਈ ਰੱਖਣ ਲਈ ਸੋਸਾਇਟੀ ਵੱਲੋਂ ਪਿਛਲੇ 1 ਸਾਲ ਤੋਂ ਵੱਖ ਵੱਖ ਉਪਰਾਲੇ ਕੀਤੇ ਗਏ ਜਿਸ ਵਿੱਚ ਘਰ ਅਤੇ ਦੁਕਾਨਾਂ ਤੋਂ ਕੁੜਾ ਇਕੱਠਾ ਕਰਨਾ , ਸਾਰੇ ਸ਼ਹਿਰ ਦੀਆਂ ਨਾਲੀਆਂ ਦੀ ਸਫ਼ਾਈ , ਮੇਨ ਰੋਡ ਤੇ ਵਡੇ ਨਾਲੇ ਦੀ ਸਫ਼ਾਈ , ਡੇਂਗੂ ਤੋਂ ਬਚਾਅ ਲਈ ਫੌਗਿੰਗ ਦਾ ਪ੍ਰਬੰਧ ਅਤੇ ਹੋਰ ਕਈ ਕੰਮ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਕੀਤੇ ਗਏ ।
ਪਰ ਕੁੜੇ ਦੇ ਨਿਪਟਾਰੇ ਲਈ ਸਬ ਤੋਂ ਪਹਿਲੀ ਅਤੇ ਜ਼ਰੂਰੀ ਲੋੜ ਸਹੀ ਜ਼ਮੀਨ ਦੀ ਹੈ ਜਿਸ ਦਾ ਇੰਤਜ਼ਾਮ ਨਾਂ ਹੋਣ ਕਾਰਣ ਸਾਰਾ ਕੰਮ ਅੱਧ ਵਿਚਾਲੇ ਹੀ ਰੁਕ ਗਿਆ ਹੈ ।
ਬੀ ਡੀ ਪੀ ਓ ਆਫ਼ਿਸ ਨੂੰ ਕਈ ਵਾਰ ਮੀਟਿੰਗ ਕਰ ਕੇ ਅਤੇ ਚਿੱਠੀਆਂ ਰਾਹੀਂ ਇਸ ਬਾਰੇ ਜਾਣੂ ਕਰਵਾਇਆ ਗਿਆ , ਡੀ ਸੀ ਸਾਹਿਬ ਨੇ ਵੀ 2 ਬਾਰ ਜ਼ਮੀਨ ਅਤੇ ਉਸ ਤੇ ਸ਼ੇਡ ਬਣਾਉਣ ਦੇ ਸੰਬੰਧ ਵਿਚ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਪਰ ਕਿਸੇ ਵੀ ਅਧਿਕਾਰੀ ਨੇ ਇਸ ਸਮੱਸਿਆ ਦੇ ਹੱਲ ਲਈ ਕੋਈ ਉਪਰਾਲਾ ਨਹੀਂ ਕੀਤਾ ।
ਹੁਣ ਹਾਜੀਪੁਰ ਦੇ ਵਸਨੀਕਾਂ ਨੂੰ ਨਵੀਂ ਬਣੀ ਪੰਚਾਇਤ ਤੋਂ ਹੀ ਉਮੀਦ ਹੈ ਜੋ ਇਸ ਸਮੱਸਿਆ ਦਾ ਹਾਲ ਕਰ ਸਕਦੀ ਹੈ। ਪੰਚਾਇਤ ਹੁਣ ਪ੍ਰਸ਼ਾਸ਼ਨ ਤੇ ਜ਼ੋਰ ਪਾ ਕੇ ਸਹੀ ਜਗ੍ਹਾ ਦੀ ਚੋਣ ਕਰੇ ਜਿਸ ਨਾਲ ਹਾਜੀਪੁਰ ਸ਼ਹਿਰ ਨੂੰ ਗੰਦਗੀ ਅਤੇ ਬਿਮਾਰੀਆਂ ਤੋਂ ਬਚਾਇਆ ਜਾ ਸਕੇ ।
ਨਵੰਬਰ ਮਹੀਨੇ ਉਨੱਤੀ ਤਲਵਾੜਾ ਦੇ ਸਹਿਯੋਗ ਨਾਲ ਸੋਸਾਇਟੀ ਦੀ ਇਕ ਮੀਟਿੰਗ ਪੰਜਾਬ ਸਟੇਟ ਕੌਂਸਿਲ ਨਾਲ ਹੋਈ । ਸੋਸਾਇਟੀ ਮੈਂਬਰਾਂ ਅਤੇ ਹਾਜੀਪੁਰ ਵਾਸੀਆਂ ਦੇ ਸਫ਼ਾਈ ਪ੍ਰਤੀ ਸਮਰਪਣ ਨੂੰ ਦੇਖਦੇ ਹੋਏ ਪੰਜਾਬ ਸਟੇਟ ਕੌਂਸਿਲ ਨੇ ਕੁੜੇ ਦੇ ਨਿਪਟਾਰੇ ਲਈ ਇਕ ਮਸ਼ੀਨ ਜਿਸ ਦਾ ਮੁੱਲ 8 ਤੋਂ 9 ਲੱਖ ਰੁਪਏ ਹੈ ਬਿਨਾ ਕਿਸੇ ਮੁੱਲ ਤੋਂ ਦੇਣ ਦੀ ਪੇਸ਼ਕਸ਼ ਕੀਤੀ ।
ਦਸੰਬਰ ਮਹੀਨੇ ਇਹ ਮਸ਼ੀਨ ਉਨੱਤੀ ਦੇ ਤਲਵਾੜਾ ਦਫ਼ਤਰ ਪਹੁੰਚ ਗਈ ਜੋ 8 ਘੰਟੇ ਚਲਣ ਤੇ ਪੰਜ ਟਨ ਕੂੜੇ ਦਾ ਨਿਪਟਾਰਾ ਕਰ ਦੇਂਦੀ ਹੈ ਜਿਸ ਦੀ ਸਮਰੱਥਾ ਹਾਜੀਪੁਰ ਸ਼ਹਿਰ ਦੇ ਕੂੜੇ ਤੋਂ ਕਿਤੇ ਜ਼ਿਆਦਾ ਹੈ ।
ਇਸ ਮਸ਼ੀਨ ਨੂੰ ਲਗਾਉਣ ਅਤੇ ਸ਼ੇਡ ਲਈ ਡੇਡ ਤੋਂ ਦੋ ਕਨਾਲ ਜਗ੍ਹਾ ਦੀ ਲੋੜ ਹੈ ਜੋ ਰੋਜ਼ਾਨਾ ਕੂੜੇ ਦਾ ਨਿਪਟਾਰਾ ਕਰ ਦੇਂਦੀ ਹੈ ਜਿਸ ਨਾਲ ਗੰਦਗੀ ਵੀ ਨਹੀਂ ਫੈਲਦੀ ।
ਪਰ ਜਗ੍ਹਾ ਨਾਂ ਹੋਣ ਕਾਰਨ ਇਹ ਸੁਨਹਿਰੀ ਮੌਕਾ ਵੀ ਸਾਡੇ ਹੱਥੋਂ ਨਿੱਕਲਦਾ ਨਜ਼ਰ ਆਉਂਦਾ ਹੈ । ਕਿਉਂਕਿ ਜੇ ਜਗ੍ਹਾ ਦਾ ਪ੍ਰਬੰਧ ਨਾਂ ਹੋਇਆ ਤਾਂ ਮਸ਼ੀਨ ਪੰਜਾਬ ਸਟੇਟ ਕੌਂਸਿਲ ਨੇ ਵਾਪਿਸ ਮੰਗਵਾ ਲੈਣੀ ਹੈ ।
ਇਸ ਲਈ ਸਾਡੀ ਸੁਸਾਇਟੀ ਵੱਲੋਂ ਪ੍ਰਸ਼ਾਸਨ ਨੂੰ ਬੇਨਤੀ ਹੈ 🙏ਕਿ ਜਲਦ ਤੋ ਜਲਦ ਜਮੀਨ ਦੀ ਸਮਸਿਅਾ ਦਾ ਹਲ ਕਿਤਾ ਜਾਵੇ।
