असम गोर्खा कलाकार संघ

Call Directions Contact the organization

असम गोर्खा कलाकार संघ please follow this page 🙏

भावपूर्ण श्रद्धाञ्जली 💐🕊️असमका चर्चित लोक गायक तथा वरिष्ठ सांस्कृतिक व्यक्तित्व हुकुम मगरज्यूको असामयिक निधनको दुःखद खबर...
06/09/2026

भावपूर्ण श्रद्धाञ्जली 💐🕊️
असमका चर्चित लोक गायक तथा वरिष्ठ सांस्कृतिक व्यक्तित्व हुकुम मगरज्यूको असामयिक निधनको दुःखद खबरले असम गोर्खा कलाकार संघ स्तब्ध एवम् मर्महत भएको छ।
"कागज नम्बरमा खुकुरी कम्मरमा" जस्ता अनगिन्ती कालजयी गीतहरूमार्फत नेपाली भाषा, लोकसंस्कृति र गोर्खाली साङ्गीतिक पहिचानलाई समृद्ध बनाउन उहाँले पुर्‍याउनुभएको योगदान अतुलनीय छ। उहाँको निधनले असमको साङ्गीतिक तथा सांस्कृतिक क्षेत्रमा अपूरणीय क्षति पुगेको छ। उहाँका सिर्जनाहरू हाम्रा माझ सधैँ अमर रहनेछन्।
यस शोकको घडीमा असम गोर्खा कलाकार संघ दिवङ्गत आत्माको चिरशान्तिको कामना गर्दै हार्दिक श्रद्धाञ्जली अर्पण गर्दछ। साथै शोकसन्तप्त परिवारजन एवम् शुभचिन्तकहरूमा यस बज्रपात सहन गर्ने धैर्यधारण शक्ति मिलोस् भन्दै गहिरो समवेदना प्रकट गर्दछ।
शोक सन्तप्त:
असम गोर्खा कलाकार संघ (केन्द्रीय कमिटी)
तिलक नेवार (अध्यक्ष)
बब्लु नेवार (मूल सचिव)

आज ३१ अगस्ट,असम गोर्खा कलाकार संघको तेस्रो स्थापना दिवस।आजको दिन हाम्रा लागि एउटा ठूलो उत्सव र खुसीको दिन हो। हामीले यसप...
31/08/2026

आज ३१ अगस्ट,असम गोर्खा कलाकार संघको तेस्रो स्थापना दिवस।
आजको दिन हाम्रा लागि एउटा ठूलो उत्सव र खुसीको दिन हो। हामीले यसपटकको स्थापना दिवसलाई अत्यन्तै धूमधाम र भव्यताका साथ मनाउने ठूलो योजना र तयारी गरेका थियौँ। तर, असमका विभिन्न क्षेत्रका कैयौँ दाजुभाइ-दिदीबहिनीहरू हालैको बाढी र विषम परिस्थितिका कारण दुःख-कष्टमा हुनुभएकाले, उहाँहरूको दुःखलाई आत्मसात गर्दै यसपटक हामीले कुनै तडकभडक र सार्वजनिक कार्यक्रम नगरी घर-घरमै दियो बालेर सादगीका साथ यो दिवस मनाउने निर्णय गरेका छौँ।
कला र संस्कृतिले हामीलाई एकता र संवेदनशीलता सिकाउँछ। त्यसैले सामूहिक उत्सवभन्दा पहिले हाम्रा पीडित समाजका सदस्यहरूसँग उभिनु हाम्रो परम कर्तव्य हो।
स्थिति सामान्य र अनुकूल भइसकेपछि हामी फेरि एक ठाउँमा उभिएर एउटा भव्य र ऐतिहासिक अनुष्ठान अवश्य आयोजना गर्नेछौँ।
आजको यस पावन अवसरमा सम्पूर्ण सदस्य, पदाधिकारी तथा कला साधकहरूमा हार्दिक शुभकामना व्यक्त गर्दै, घर-घरमै दियो बालेर संघको सफलता र सबैको सुख-समृद्धिको कामना गरिदिनुहुन हार्दिक अनुरोध गर्दछौँ।
जय कला, जय गोर्खा!
तिलक नेवार
अध्यक्ष
बबलु नेवार
मूल सचिव
असम गोर्खा कलाकार संघ, केन्द्रीय समिति

हाम्रो मातृभूमि असमको माटोमा निर्माण भएको र सेन्सर बोर्ड (CBFC) बाट प्रमाण पत्र प्राप्त असमकै पहिलो गोर्खाली चलचित्र ‘आश...
23/07/2026

हाम्रो मातृभूमि असमको माटोमा निर्माण भएको र सेन्सर बोर्ड (CBFC) बाट प्रमाण पत्र प्राप्त असमकै पहिलो गोर्खाली चलचित्र ‘आशीष’ यही २४ जुलाई देखि असमका विभिन्न सहरहरूका सिनेमा घर (Hall) हरूमा प्रदर्शन भइरहेको छ।
हाम्रै आफ्नै माटोको कथा, हाम्रै कलाकारहरूको अभिनय र तुषार शर्माज्यूको निर्देशन/निर्माणमा बनेको यो चलचित्र गोर्खाली सिने जगत्‌का लागि एउटा ठूलो ऐतिहासिक उपलब्धि हो।
हाम्रो आफ्नै भाषा, संस्कृति र कला क्षेत्रलाई अगाडि बढाउन अनि स्थानीय कलाकारहरूको हौसला बढाउनका लागि हामी सबैको साथ र सहयोग अनिवार्य छ। त्यसैले असम गोर्खा कलाकार संघको तर्फबाट सम्पूर्ण आदरणीय दर्शकवृन्दमा नजिकैको सिनेमा घरमा गएर यो चलचित्र हेरी सफल पारिदिनुहुन हार्दिक अनुरोध गर्दछौँ।
सिनेमा घर तथा शो टाइमहरू (Showtimes):
• गुवाहाटी: PVR: City Centre (5:30 PM) | Cinepolis Central Mall (12:30 PM)
• ढेकियाजुली: Nakshatra Cinemas (3:10 PM)
• टाङ्ग्ला: Saya Digital Cinema (2:30 PM)
• तेजपुर: SVF Cinemas (2:50 PM)
• विश्वनाथ: Connplex Cinemas (3:30 PM)
• बिहपुरिया: Prerana Cinema (2:15 PM)
• डिब्रुगढ: Galleria Cinemas (3:30 PM)
• तिनसुकिया: Galleria Cinemas (3:25 PM)
• होजाई: Gold Digital Cinema (2:40 PM)
🎟️ टिकट बुक गर्नका लागि: BookMyShow एप वा वेबसाइट प्रयोग गर्न सक्नुहुनेछ।
हाम्रो भाषा, हाम्रै चलचित्र, हाम्रै गर्व!
आउनुहोस्, सबै मिलेर हलसम्म पुगौँ र गोर्खाली सिनेमालाई माया गरौँ।
जय कला, जय गोर्खा!
|| असम गोर्खा कलाकार संघ ||

हार्दिक बधाई तथा अग्रिम शुभकामना 💐अखिल असम गोर्खा छात्र संघ (AAGSU - आग्सु) को केन्द्रीय समितिको नव-निर्वाचित सभापति आदर...
16/07/2026

हार्दिक बधाई तथा अग्रिम शुभकामना 💐
अखिल असम गोर्खा छात्र संघ (AAGSU - आग्सु) को केन्द्रीय समितिको नव-निर्वाचित सभापति आदरणीय श्री नुमल क्षेत्री ज्यू र मूल सचिव आदरणीय श्री सोमराज सोनार ज्यू मा असम गोर्खा कलाकार संघको तर्फबाट हार्दिक बधाई तथा सफल कार्यकालको अग्रिम हार्दिक शुभकामना व्यक्त गर्दछौँ।
तपाईंहरूको कुशल, उर्जावान् र दूरदर्शी नेतृत्वमा आग्सुले आगामी दिनहरूमा असमका गोर्खा विद्यार्थी, युवा तथा समग्र गोर्खाली समाजको हक-हित, पहिचान र अधिकारका लागि अझ सशक्त रूपमा काम गर्नेछ भन्ने हामीले पूर्ण विश्वास लिएका छौँ।
साथै, कला, संस्कृति र साहित्यको जगेर्ना गर्ने कार्यमा पनि नयाँ केन्द्रीय समितिबाट सधैँ सकारात्मक सहयोग र सहकार्य रहने अपेक्षा राख्दछौँ।
तपाईंहरूको नयाँ कार्यकाल सुखद, सफल र ऐतिहासिक रहोस् भनी भगवान पशुपतिनाथसँग प्रार्थना गर्दछौँ।
शुभकामनासहित,
॥असम गोर्खा कलाकार संघ॥

Numal Chetry

14/07/2026

असमका उदीयमान कलाकारहरूको प्रयासमा एउटा अत्यन्तै मीठो गीतका साथै उत्कृष्ट म्युजिक भिडियो सार्वजनिक भएको छ। सम्पूर्ण टोलीका सदस्यहरूलाई असम गोर्खा कलाकार संघका तर्फबाट हार्दिक बधाई तथा शुभकामना व्यक्त गर्दछौँ।❣️💐

Out Now 😍 ! Full video link 🔗👉🏻 https://yt.openinapp.co/qsio9

❤️

॥ २१२औँ भानु जयन्तीको हार्दिक मङ्गलमय शुभकामना ॥"भर्भोला लोकको हित कडाँ गरि खाउँ भनी,घाँसी दरिद्र घरको तर बुद्धि कस्तो।"...
13/07/2026

॥ २१२औँ भानु जयन्तीको हार्दिक मङ्गलमय शुभकामना ॥
"भर्भोला लोकको हित कडाँ गरि खाउँ भनी,
घाँसी दरिद्र घरको तर बुद्धि कस्तो।"

नेपाली भाषा, साहित्य र संस्कृतिका धरोहर, आदिकवि भानुभक्त आचार्यको २१२औँ जन्मजयन्तीका अवसरमा देश-विदेशमा रहनुहुने सम्पूर्ण कलाप्रेमी, भाषाप्रेमी तथा आदरणीय दाजुभाइ तथा दिदीबहिनीहरूमा हार्दिक शुभकामना व्यक्त गर्दछौँ।
रामायणलाई सरल र सरस नेपाली भाषामा अनुवाद गरी हामी गोर्खालीहरूलाई एउटै भाषिक सूत्रमा बाँध्ने र नेपाली साहित्यको जग बसाल्ने आदिकविको योगदान अद्वितीय छ। असम लगायत सम्पूर्ण पूर्वोत्तर भारतका हामी गोर्खालीहरूका लागि त भानु जयन्ती केवल एउटा उत्सव मात्र होइन, बरु हाम्रो पहिचान, संस्कृति र गौरवमय अस्तित्व रक्षाको एउटा बलियो उत्सव पनि हो।
कला, संस्कृति र भाषा नै हाम्रो समाजको प्राण हो। आउनुहोस्, आजको यस ऐतिहासिक दिनमा हामी सबै मिलेर आफ्नो मातृभाषाको जगेर्ना गर्ने, आफ्ना नयाँ पुस्तालाई आफ्नो कला र साहित्यप्रति आकर्षित गराउने र आफ्नो पहिचानलाई विश्वमाझ अझ उच्च बनाउने सङ्कल्प गरौँ।
आदिकवि भानुभक्त आचार्यप्रति भावपूर्ण श्रद्धासुमन! 🙏
जय भाषा, जय गोर्खा संस्कृति!
असम गोर्खा कलाकार संघ

शीघ्र स्वास्थ्य लाभको कामना! 🙏असम गोर्खा कलाकार संघका मुख्य सल्लाहकार तथा वरिष्ठ कलाकार आदरणीय राम राईज्यू हिजो एउटा दुः...
29/04/2026

शीघ्र स्वास्थ्य लाभको कामना! 🙏
असम गोर्खा कलाकार संघका मुख्य सल्लाहकार तथा वरिष्ठ कलाकार आदरणीय राम राईज्यू हिजो एउटा दुःखद दुर्घटनामा परी चोटपटक लागेर अस्पतालमा उपचाररत हुनुहुन्छ भन्ने खबरले हामी असम गोर्खा कलाकार संघ परिवार स्तब्ध र अत्यन्तै दुःखी भएका छौँ।
कलाकारिता क्षेत्रका एक अभिभावक र प्रेरणाको स्रोत राईज्यूको शीघ्र स्वास्थ्य लाभको कामना गर्दै, उहाँ छिट्टै निको भएर पुनः हामी माझ आफ्नो कर्म क्षेत्रमा फर्किनुहुनेछ भन्ने विश्वास लिएका छौँ।
भगवानसँग उहाँको सुस्वास्थ्य र दीर्घायुको प्रार्थना गर्दछौँ।
—
असम गोर्खा कलाकार संघ 🚩

fans
………………

।। विनम्र श्रद्धाञ्जली ।।असम गोर्खा कलाकार संघ परिवार आज अत्यन्तै मर्माहत र स्तब्ध छ। हाम्रा आदरणीय अग्रज, मार्गदर्शक, र...
12/04/2026

।। विनम्र श्रद्धाञ्जली ।।
असम गोर्खा कलाकार संघ परिवार आज अत्यन्तै मर्माहत र स्तब्ध छ। हाम्रा आदरणीय अग्रज, मार्गदर्शक, र हिन्दी गीत संगीत तथा कला क्षेत्रका देदीप्यमान नक्षत्र आदरणीय आशा भोंसले ज्यु को असामयिक अवसानको खबरले हाम्रो सम्पूर्ण संघ र कला जगतमा अपूरणीय क्षति पुगेको छ।
उहाँले आफ्नो जीवनभर कला, संगीत, र संस्कृतिको संरक्षण र सम्बर्द्धनका लागि दिनुभएको अतुलनीय योगदान सधैं अविस्मरणीय रहनेछ। उहाँको कलाप्रतिको निष्ठा, समर्पण र प्रतिभाले हामी नयाँ पुस्ताका कलाकारहरूलाई सधैं प्रेरणा दिइरहनेछ।
यस दुःखद घडीमा, असम गोर्खा कलाकार संघको तर्फबाट हामी दिवङ्गत आत्माको चिर शान्तिको कामना गर्दै भावपूर्ण श्रद्धाञ्जली अर्पण गर्दछौँ।
साथै, शोकाकुल परिवारजनमा यस वज्रपातपूर्ण दुःख सहन गर्ने शक्ति ईश्वरले प्रदान गरून् भनी हार्दिक समवेदना प्रकट गर्दछौँ। उहाँको भौतिक शरीर हामीमाझ नरहे पनि, उहाँले छोडेर जानुभएको कला र कीर्ति सधैं अमर रहनेछ।
असम गोर्खा कलाकार संघ
(Assam Gorkha Artist Association)
fans
Asha Bhosle

आदरणीय कलाकार मित्रहरू,सादर नमस्कार। 🙏असम गोर्खा कलाकार संघलाई अझ सुदृढ बनाउन र साङ्गठनिक कार्यलाई अघि बढाउनका लागि शोणि...
08/03/2026

आदरणीय कलाकार मित्रहरू,
सादर नमस्कार। 🙏
असम गोर्खा कलाकार संघलाई अझ सुदृढ बनाउन र साङ्गठनिक कार्यलाई अघि बढाउनका लागि शोणितपुर जिल्ला समिति गठन गर्ने निर्णय गरिएको छ। यसै सन्दर्भमा तेजपुरमा एउटा महत्वपूर्ण सभा आयोजना हुन गइरहेको छ।
शोणितपुर जिल्ला अन्तर्गतका सम्पूर्ण विधा (गायन, नृत्य, अभिनय, साहित्य, वाद्यवादन आदि) का कलाकार महानुभावहरूलाई यस ऐतिहासिक सभामा उपस्थित भइदिनुहुन म हार्दिक अपिल गर्दछु।
सभाको विवरण:
📅 मिति: १५ मार्च, आइतबार
📍 स्थान: तेजपुर
विशेष अनुरोध:
कृपया यहाँहरूको सम्पर्कमा रहेका सम्पूर्ण कलाकार साथीहरूलाई यो जानकारी साझा गरिदिनुहोला ।हामी एकजुट भएर नै आफ्नो कला र संस्कृतिलाई अझ उचाइमा पुर्‍याउन सक्छौँ।
धन्यवाद सहित,
बब्लु नेवार
मूल सचिव
असम गोर्खा कलाकार संघ
fansअसम गोर्खा कलाकार संघBablu Newar

हार्दिक श्रद्धाञ्जली! 🙏🕊️अत्यन्तै दुःखद खबर! नेपाली तथा भारतीय चलचित्र क्षेत्रका दिग्गज अभिनेता, सुनिल थापा (राते काँहिल...
07/02/2026

हार्दिक श्रद्धाञ्जली! 🙏🕊️
अत्यन्तै दुःखद खबर! नेपाली तथा भारतीय चलचित्र क्षेत्रका दिग्गज अभिनेता, सुनिल थापा (राते काँहिला) ज्यूको ६५ वर्षको उमेरमा असामयिक निधन भएको खबरले हामी स्तब्ध भएका छौँ।
आफ्नो सशक्त अभिनय र बेग्लै पहिचानका माध्यमबाट उहाँले दशकौँसम्म दर्शकको मन जित्न सफल हुनुभयो। उहाँको निधनले नेपाली कला र चलचित्र जगतमा कहिल्यै पुरा हुन नसक्ने ठुलो क्षति पुगेको छ।
असम गोर्खा कलाकार संघ उहाँप्रति भावपूर्ण श्रद्धाञ्जली अर्पण गर्दछ। यस दुःखको घडीमा शोकाकुल परिवारजनमा धैर्य धारण गर्ने शक्ति मिलोस् भन्ने कामना गर्दै मृतकको वैकुण्ठ वास होस् भनी ईश्वरसँग प्रार्थना गर्दछौँ।
अलविदा 'राते काँहिला'! तपाईं हाम्रा यादहरूमा सधैँ जीवित रहनुहुनेछ। 💐
- असम गोर्खा कलाकार संघ

Address

Guwahati

Telephone

+919707140709

Website

Alerts

Be the first to know and let us send you an email when असम गोर्खा कलाकार संघ posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to असम गोर्खा कलाकार संघ:

Shortcuts

Share

Category