31/08/2026
APEX CLUB OF SAN PABLO CITY, NAKIKIISA SA PAGPAPANATILI NG MALINIS AT MAAYOS NA PAMILIHAN
Bilang bahagi ng patuloy na pakikiisa sa mga programa para sa kalinisan at kaayusan ng ating lungsod, ang Apex Club of San Pablo City, sa pangunguna ni Pangulo Alvin Joseph Dequito, ay nag-donate ng 20 gallons ng All Purpose Disinfectant Cleaner para gamitin sa clean-up at sanitation ng Market Basement Parking.
Ang naturang donasyon ay personal na iniabot kay Acting City Mayor Carmela Acebedo, bilang pagpapakita ng suporta ng Apex Club sa mga hakbang ng pamahalaang lungsod para mapanatili ang kalinisan at kaayusan ng ating pamilihan.
Isinagawa ang proyekto sa pakikipagtulungan sa CARD Astro at Apex Women’s Club, bilang pagpapakita ng pagkakaisa at sama-samang malasakit para sa kalinisan, kaligtasan, at kapakanan ng ating komunidad.
Bilang isang civic organization, patuloy ang Apex Club of San Pablo City sa pagsasagawa at pagsuporta sa mga programang nakatuon sa serbisyo sa komunidad, pagtulong sa nangangailangan, edukasyon, kalusugan, kabataan, at pagpapaunlad ng ating lungsod.
