14/04/2026
ਅੱਜ 14 ਅਪ੍ਰੈਲ 2026, ਦਿਨ ਮੰਗਲਵਾਰ ਨੂੰ ਬਲੱਡ ਡੋਨਰਸ ਸੋਸਾਇਟੀ, ਗੁਰਦਾਸਪੁਰ ਅਤੇ ਸਮਾਜਿਕ ਗਤੀਵਿਧੀਆਂ ਸੇਵਾ ਸੋਸਾਇਟੀ, ਕਲਾਨੌਰ ਵੱਲੋਂ ਇੱਕ ਸਾਂਝੇ ਉਪਰਾਲੇ ਨਾਲ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਦਕਰ ਜੀ ਦੇ ਜਨਮ ਦਿਹਾੜੇ ,ਵਿਸਾਖੀ ਦੇ ਸ਼ੁਭ ਦਿਹਾੜੇ ਅਤੇ ਖਾਲਸਾ ਸਾਜਨਾ ਦਿਵਸ ਦੇ ਪਵਿੱਤਰ ਦਿਹਾੜੇ ਨੂੰ ਸਮਰਪਿਤ ਇੱਕ ਵਿਸ਼ਾਲ ਖੂਨਦਾਨ ਕੈਂਪ ਪੁੱਡਾ ਗਰਾਉਂਡ, ਜੇਲ੍ਹ ਰੋਡ, ਸਾਹਮਣੇ ਹੈਪੀ ਹਾਈ ਸਕੂਲ ਵਿਖੇ ਲਗਾਇਆ ਗਿਆ।
ਖੂਨਦਾਨ ਕੈਂਪ ਦੀ ਅਗਵਾਈ ਕਰਦਿਆਂ ਹੋਇਆ ਬਲੱਡ ਡੋਨਰਸ ਸੁਸਾਇਟੀ ਦੇ ਪ੍ਰਧਾਨ ਆਦਰਸ਼ ਕੁਮਾਰ ਨੇ ਦੱਸਿਆ ਕਿ ਅੱਜ ਦੇ ਖੂਨਦਾਨ ਕੈਂਪ ਵਿੱਚ 5 ਮਹਿਲਾਵਾਂ ਸਮੇਤ 125 ਖੂਨਦਾਨੀਆਂ ਨੇ ਆਪਣਾ ਖੂਨਦਾਨ ਕਰਕੇ ਅਹਿਮ ਭੂਮਿਕਾ ਨਿਭਾਈ । ਸਿਟੀ ਪ੍ਰਧਾਨ ਅਭੈ ਮਹਾਜਨ ਅਤੇ ਜਿਲ੍ਹਾ ਯੂਥ ਪ੍ਰਧਾਨ ਹਰਪ੍ਰੀਤ ਮਾਨ ਨੇ ਗੱਲਬਾਤ ਕਰਦੇ ਦੱਸਿਆ ਕਿ ਇਹ ਅੱਜ ਦੇ ਖੂਨਦਾਨ ਕੈਂਪ ਵਿੱਚ ਗੁਰੂ ਨਾਨਕ ਹਸਪਤਾਲ ਅਤੇ ਮੈਡੀਕਲ ਕਾਲਜ, ਅੰਮ੍ਰਿਤਸਰ ਅਤੇ ਰਾਜ ਬਲੱਡ ਬੈਂਕ, ਪਠਾਨਕੋਟ ਦੀਆਂ ਬਲੱਡ ਬੈਂਕ ਟੀਮਾਂ ਨੇ ਖੂਨ ਇਕੱਤਰਿਤ ਕੀਤਾ।
ਬਲੱਡ ਡੋਨਰਸ ਸੋਸਾਇਟੀ ਦੇ ਫਾਊਂਡਰ ਰਾਜੇਸ਼ ਕੁਮਾਰ ਬੱਬੀ ਅਤੇ ਟੀਮ ਦੇ ਜਨਰਲ ਸਕੱਤਰ ਪ੍ਰਵੀਨ ਅੱਤਰੀ ਜੀ ਨੇ ਗੱਲਬਾਤ ਕਰਦਿਆਂ ਹੋਇਆ ਇਹ ਵੀ ਕਿਹਾ ਕਿ ਇਹ ਬਲੱਡ ਡੋਨਰਸ ਸੋਸਾਇਟੀ ਅਤੇ ਸਮਾਜਿਕ ਗਤੀਵਿਧੀਆਂ ਸੇਵਾ ਸੋਸਾਇਟੀ ਦਾ 154ਵਾਂ ਖੂਨਦਾਨ ਕੈਂਪ ਹੈ ਅਤੇ ਪੁੱਡਾ ਗਰਾਊਂਡ ਵਿੱਚ ਇਹ 5ਵਾਂ ਖ਼ੂਨਦਾਨ ਕੈਂਪ ਹੈ। ਬਲੱਡ ਡੋਨਰ ਸੁਸਾਇਟੀ ਦੇ ਕੈਸ਼ੀਅਰ ਦਵਿੰਦਰਜੀਤ ਸਿੰਘ , ਸਿਟੀ ਯੂਥ ਪ੍ਰਧਾਨ ਕੇ. ਪੀ. ਐਸ ਬਾਜਵਾ ਅਤੇ ਸਹਾਇਕ ਕੈਸ਼ੀਅਰ ਭੁਪਿੰਦਰ ਸਿੰਘ ਮੋਨੂ ਨੇ ਖੂਨਦਾਨੀ ਭੈਣ ਭਰਾਵਾਂ ਦਾ ਧੰਨਵਾਦ ਕਰਦੇ ਹੋਇਆ ਇਹ ਜਾਣਕਾਰੀ ਦਿੱਤੀ ਕਿ ਬਲੱਡ ਡੋਨਰਸ ਸੋਸਾਇਟੀ ਖੂਨਦਾਨ ਦੇ ਖੇਤਰ ਵਿੱਚ ਆਉਣ ਵਾਲੇ ਟਾਈਮ ਤੇ ਵੀ ਇਸੇ ਤਰਾਂ ਹੀ ਆਪਣੀ ਭੂਮਿਕਾ ਨਿਭਾਦੀ ਰਹੇਗੀ।
ਆਖਿਰ ਵਿੱਚ ਬਲੱਡ ਡੋਨਰਜ ਸੋਸਾਇਟੀ ਦੇ ਮੈਂਬਰ ਸ਼੍ਰੀ ਪ੍ਰੇਮ ਕੁਮਾਰ ਠਾਕੁਰ ਜੀ, ਰਿਸ਼ਵ ਸ਼ਰਮਾ, ਪੁਸਪਿੰਦਰ ਸਿੰਘ, ਨਿਸਚਿੰਤ ਕੁਮਾਰ, ਸੁਨੀਲ ਕੁਮਾਰ ,ਐਡਵੋਕੇਟ ਮਨੀਸ਼ ਕੁਮਾਰ ,ਕਵਲਨੈਨ ਸਿੰਘ ਸੰਧੂ, ਪਵਨ ਬਬੋਰੀਆ, ਮੀਤ ਪ੍ਰਧਾਨ ਨਵੀਨ ਕੁਮਾਰ ਅਤੇ ਮਧੂ ਸੂਦਨ ਸ਼ਰਮਾ ਨੇ ਅੱਜ ਦੇ ਸ਼ੁਭ ਦਿਹਾੜੇ ਤੇ ਗੁਰਦਾਸਪੁਰ ਵਾਸੀਆਂ ਨੂੰ ਵਧਾਈ ਦਿੰਦੇ ਹੋਏ ਨੌਜਵਾਨ ਪੀੜੀ ਨੂੰ ਇਹ ਅਪੀਲ ਕੀਤੀ ਕਿ ਆਉਣ ਵਾਲੇ ਟਾਈਮ ਵਿੱਚ ਲੱਗਣ ਵਾਲੇ ਖੂਨਦਾਨ ਕੈਂਪਾਂ ਵਿੱਚ ਆਪਣਾ ਖੂਨਦਾਨ ਕਰਕੇ ਸਾਨੂੰ ਆਪਣਾ ਬਣਦਾ ਯੋਗਦਾਨ ਪਾਉਣਾ ਚਾਹੀਦਾ।
ਸਾਰੇ ਖੂਨਦਾਨੀ ਵੀਰਾਂ ਭਰਾਵਾਂ ਅਤੇ ਭੈਣਾਂ ਦਾ ਤਹਿ ਦਿਲੋਂ ਧੰਨਵਾਦ ਜੀ।
