20/12/2025
ᤆᤧᤔ᤻ᤈᤱ ᤘᤠᤕᤧᤴ ᤌᤡᤶᤒᤣ
ᤏᤠᤈᤡᤖᤡ ᤋᤱᤒᤣ ᥇᥏᥏᥋ᤗᤧ ᤂᤧᤴ ᤕᤧᤶᤗᤧᤒᤠ ᤁᤣᤈᤡᤱ ᤌᤢᤶᤒᤠ ᤕᤠᤰᤌᤢᤱ ᤛᤡᤰᤛᤠᤶᤒᤠ ᤛᤡᤰᤛᤠᤶᤔᤠᤜᤠ,ᤖᤧ ᤕᤠᤰᤌᤢᤱ ᤛᤠᤵᤐᤠᤏ᤻ ᤛᤠᤵᤙᤰᤗᤧ ᤌᤥᤒᤥ ᤆᤥᤁ᤻ᤔᤠ ᤋᤣ,ᤔᤠ ᤋᤠᤖᤠᤵᤐᤥ ᤁᤶᤓᤧᤸᤗᤧᤒᤠ ᤕᤠᤰᤌᤢᤱ ᤛᤠᤵᤙᤰ ᤛᤠᤵᤗᤏ᤻ ᤆᤢᤶᤓᤥ ᤛᤢᤰᤂᤡᤶᤔᤡᤴ ᤐᤢᤱᤕᤢᤱ ᤐᤥᤁ᤻ᤂᤧᤀᤠᤱ ᤘᤕᤧII ᤁᤴ ᤆᤢᤶᤓᤥᤗᤠᤶᤔᤣ ᤛᤢᤰᤂᤡᤶᤔᤥ ᤏᤠᤈᤡᤖᤡ ᤋᤱᤒᤣ ᥇᥏᥏᥍ᤀᤠᤱ ᤁᤳᤏᤠ ᤀᤡᤔᤠᤏ᤻ᤛᤡᤱ ᤆᤧᤔ᤻ᤈᤱᤗᤧᤴ ᤛᤠᤘᤠᤏ᤻ ᤕᤧᤴ ᤔᤧᤶᤔᤠ ᤔᤧᤜᤣᤁ᤻ᤋᤢII ᤀᤰᤁᤣᤖᤡᤰᤁᤣ ᤆᤧᤔ᤻ᤈᤱ ᤘᤠᤕᤧᤴᤗᤧ ᤛᤢᤕᤧᤶᤔᤥ ᤕᤠᤰᤌᤢᤱ ᤛᤠᤵᤙᤰᤁᤡᤒᤠ ᤏᤠᤏ᤻ᤒᤥᤜᤠ,ᤀᤠᤱ ᤕᤢᤱᤔᤠ ᤔᤧᤜᤣᤁ᤻ᤋᤢᤃᤖ ᤆᤧᤔ᤻ᤈᤱ ᤛᤠᤵᤙᤰᤁᤡᤒᤠ ᤌᤢᤶᤄᤥ ᤏᤢ ᤆᤧᤔ᤻ᤈᤱ ᤐᤠᤅᤧᤶᤒᤠ ᤌᤢᤶᤄᤥᤀᤠᤱ ᤐᤡ,ᤔᤠ ᤔᤧᤜᤣᤁ᤻ᤋᤢᤛᤡII ᤌᤡᤰᤛᤡᤃᤣᤁ᤻ᤐᤠ ᤗᤧᤱᤒᤠ ᤆᤧᤔ᤻ᤈᤱ ᤘᤠᤕᤧᤴ ᤌᤡᤶᤒᤣᤀᤡᤴ ᤗᤡᤱᤆᤥᤔ᤻ᤔᤥ ᤔᤧᤕᤢᤰᤂᤢᤀᤠᤱ ᤘᤕᤧII ᤂᤠ ᤁᤴ ᤛᤢᤕᤧᤶᤔᤥ ᤐᤣᤕᤧᤶᤒᤠ ᤁᤦᤴᤛᤡᤗᤷ ᤆᤧᤔ᤻ᤈᤱ ᤐᤠᤅᤧᤶᤒᤠ ᤌᤢᤶᤄᤥᤖᤧ ᤏᤠᤈᤶ ᤔᤧᤔᤧᤳᤋᤢᤀᤠᤱ ᤘᤕᤧᤃᤖ ᤐᤍᤶᤛᤡᤱ ᤀᤐᤋᤏ ᤆᤧᤔ᤻ᤈᤱ ᤛᤠᤵᤙᤰᤁᤡᤒᤠ ᤌᤢᤶᤄᤥᤖᤧ ᤏᤠᤈᤶ ᤔᤧᤔᤧᤳᤋᤢᤀᤠᤱ ᤘᤕᤧII ᤌᤡᤰᤛᤡᤃᤣᤁ᤻ᤐᤠ ᤆᤧᤔ᤻ᤈᤱ ᤘᤠᤕᤧᤴ ᤌᤡᤶᤒᤣᤖᤧ ᤛᤠᤶᤍᤠᤱ ᤗᤳᤌᤡᤰ ᤏᤡᤱᤃᤧᤛᤡᤶᤒᤠ ᤏᤢ ᤗᤢᤱᤔᤠ, ᤁᤧᤜᤡᤔ᤻ᤒᤠ ᤏᤡᤱᤘᤠ,ᤙᤥᤛᤡᤳᤋᤠᤱ ᤋᤢᤳᤋᤢ ᤀᤠᤖ᤻. ᤀᤧᤸ. ᤔᤣᤖᤡᤱᤗᤧ ᤏᤠᤵᤔᤡ ᤆᤧᤰᤋᤧᤀᤠᤱ ᤘᤠ,II ᤆᤧᤔ᤻ᤈᤱ ᤛᤠᤵᤙᤰᤁᤡᤒᤠ ᤏᤠᤏ᤻ᤒᤥᤀᤥ ᤗᤰ ᤗᤠᤛᤧᤖᤥᤓᤠᤱ ᤋᤢᤳᤋᤢ ᤀᤠᤖ᤻. ᤀᤧᤸ. ᤔᤣᤖᤡᤱ ᤏᤢ ᤌᤡᤱᤗᤧᤅ᤻ᤏᤢ ᤛᤠᤱᤃᤠᤪᤔ᤻ᤒᤠ ᤒᤡᤖ᤻ ᤋᤠᤶᤗᤡᤱᤛᤡ ᤋᤷᤆ᤻ ᤗᤠᤀᤡᤳ ᤜᤠᤏ᤻ᤍᤧᤛᤡᤀᤠᤱ ᤋᤡᤶᤒᤪᤅ᤻ᤏᤢ ᤗᤡᤱᤆᤥᤔ᤻ ᤁᤧᤖᤧᤛᤡᤀᤠᤱ ᤘᤕᤧᤛᤡᤔᤥII
ᤀᤰᤁᤣᤖᤡᤰᤁᤣ ᤀᤠᤕᤧᤴ ᤂᤠᤖᤠᤰᤛᤠᤱ ᤆᤧᤔ᤻ᤈᤱ ᤘᤠᤕᤧᤴ ᤌᤡᤶᤒᤣ ᤐᤥᤅ᤻ᤗᤀᤣ ᤘᤠ,II ᤋᤱᤒᤣᤎᤰ ᤂᤠ ᤁᤴ ᤛᤢᤕᤧᤶᤔᤥ ᤆᤧᤔ᤻ᤈᤱ ᤛᤠᤵᤙᤰᤁᤡᤒᤠ ᤏᤠᤏ᤻ᤒᤥ ᤕᤢᤱᤛᤡᤴᤗᤀᤣ ᤘᤠ,II ᤀᤠᤕᤧᤴᤗᤠᤶᤒᤠᤀᤠᤱ ᤛᤡᤰ ᤐᤛᤶᤛᤶᤗ ᤀᤴᤗᤠᤕᤴ ᤏᤠᤔ᤻ᤓᤣᤀᤥ ᤆᤧᤔ᤻ᤈᤱ ᤛᤠᤵᤙᤰᤁᤡᤒᤠ ᤏᤠᤏ᤻ᤒᤥ ᤐᤥᤅ᤻ᤗ ᤐᤳII ᤀᤠᤕᤧᤴᤗᤠᤶᤒᤠ ᤕᤠᤛᤠᤛᤠᤆᤢᤛᤢᤖᤧ ᤕᤠᤰᤌᤢᤱ ᤛᤠᤵᤐᤴᤜᤠ,ᤖᤧᤴ ᤀᤥᤛᤣᤏ᤻ᤍᤱ ᤏᤢ ᤛᤱᤔᤠ ᤏᤠᤏ᤻ᤒᤥᤀᤠᤱ ᤔᤧᤕᤢᤰᤂᤢᤖ ᤔᤧᤒᤳII
ᤛᤢᤰᤂᤡᤶᤔᤥ ᤁᤧᤒᤥᤅ᤻ᤒᤠ ᤆᤧᤔ᤻ᤈᤱ ᤘᤠᤕᤧᤴ ᤌᤡᤶᤒᤣᤀᤡᤴ ᤛᤢᤰᤂᤡᤶᤖᤰ ᤔᤧᤏ᤻ᤏᤠᤱ ᤋᤣᤔᤧᤴ ᤗᤠᤈᤣ,ᤖᤧ ᤗᤠᤃᤡᤀᤣ ᤋᤱᤒᤣᤖᤧ ᤁᤧᤒᤥᤅ᤻ᤒᤠ ᤗᤳᤌᤡᤰ ᤐᤕᤶᤒᤠ ᤕᤠᤰᤌᤢᤱ ᤛᤠᤵᤙᤰ ᤋᤱᤏᤠᤶᤗᤥII ᤋᤱᤒᤣᤎᤰ ᤁᤧᤒᤥᤅ᤻ᤒᤠ ᤁᤴ ᤐᤕᤶᤒᤠ ᤌᤡᤶᤒᤣᤗᤠᤶ ᤕᤖᤡᤰ ᤂᤥ᤺ᤔᤠ ᤛᤢᤰᤋᤧᤳᤋᤧᤀᤠᤱ ᤘᤠ,II ᤕᤠᤔ᤻ᤒᤰᤁᤡ ᤐᤠᤛᤡᤱᤐᤠᤍᤠᤱᤜᤠ, ᤕᤖᤡᤰ ᤋᤢᤰᤂᤣ ᤔᤧᤈᤥᤃᤢᤖ ᤔᤧᤘᤠ,II ᤀᤠᤸᤗᤥᤒᤠ ᤕᤠᤔ᤻ᤒᤰᤁᤡ ᤐᤠᤛᤡᤱᤐᤠᤍᤠᤱᤜᤠ,ᤖᤧ ᤐᤖᤡᤰᤐᤠ ᤌᤡᤶᤒᤣᤜᤠ, ᤔᤧᤕᤢᤰᤂᤢᤖᤛᤠᤱ ᤕᤠᤱᤗᤢᤶᤓᤥᤁ᤻ᤁᤥ ᤕᤖᤡᤰ ᤕᤠᤱ ᤔᤧᤏᤴᤇᤢᤀᤠᤱ ᤕᤢᤱᤒᤠ ᤂᤧᤶᤍᤧᤳᤋᤧᤀᤠᤱ ᤘᤠ,II ᤜᤧᤰᤁᤣᤛᤠᤱ ᤆᤧᤔ᤻ᤈᤱ ᤘᤠᤕᤧᤴ ᤌᤡᤶᤒᤣᤖᤧ ᤛᤠᤶᤍᤠᤱ ᤀᤠᤰᤂᤧᤴ ᤐᤠᤏ᤻ᤜᤠ, ᤀᤥᤔᤧᤵᤔᤠᤛᤡᤀᤠᤱ ᤀᤡᤋ᤻ᤇᤡᤱᤔᤠ ᤁᤧᤒᤥᤅ᤻ᤒᤠ ᤐᤠᤏ᤻ᤜᤠ,ᤀᤠᤱ ᤕᤖᤡᤰ ᤔᤧᤘᤠ,II ᤆᤧᤔ᤻ᤈᤱ ᤛᤠᤵᤙᤰᤁᤡᤒᤠ ᤏᤠᤏ᤻ᤒᤥ ᤀᤴᤗᤠᤕᤴ ᤏᤠᤔ᤻ᤓᤣᤀᤥ ᤐᤥᤅ᤻ ᤁᤖᤛᤠᤱ ᤗᤰᤗᤠᤒᤠ ᤗᤰᤗᤠᤔᤠᤜᤠ,ᤖᤧ ᤂᤠᤏᤡᤏ᤻ᤏᤡᤴ ᤏᤡᤱᤘᤠ, ᤁᤧᤍᤠ᤺ᤒᤠ ᤔᤧᤒᤥᤅ᤻ᤏᤧᤴII ᤜᤧᤰᤁᤣᤃ ᤁᤴ ᤌᤡᤶᤒᤣᤖᤧ ᤕᤧᤴᤏᤡᤴ ᤛᤱᤍᤱᤒᤣᤖᤧ ᤕᤧᤴ ᤐᤥᤁ᤻ᤂᤧᤀᤠᤱ ᤘᤠ,ᤛᤠᤱ ᤌᤡᤶᤒᤣᤀᤥ ᤕᤢᤱᤔᤠ ᤘᤠ,ᤔᤠᤀᤠᤱᤛᤠᤱ ᤐᤣᤖᤠᤍᤡᤶᤒᤠ ᤛᤱᤍᤱᤒᤣ ᤔᤧᤶᤔᤠᤏᤠ ᤜᤧᤰᤁᤣᤒᤠ ᤐᤥᤅ᤻ᤒᤠ ᤁᤖ ᤛᤱᤍᤱᤒᤣ ᤔᤧᤶᤔᤠ ᤔᤧᤶᤔᤠᤒᤥᤅ᤻ ᤀᤠᤰᤂᤧᤴ ᤌᤡᤶᤒᤣᤀᤥ ᤜᤏᤧ ᤅᤠᤖᤠ ᤐᤧᤴᤇᤧᤖᤰ ᤀᤠᤍᤠII ᤁᤢᤓᤠ ᤁᤧᤍᤠᤒᤠᤜᤠ,ᤀᤠᤱ ᤗᤠᤁ᤻ᤁᤠᤳ ᤏᤠᤶᤈᤠ,ᤛᤧ ᤀᤠᤍᤧᤩᤒᤠ ᤜᤧᤰᤁᤣ ᤏᤠᤶᤖᤰ ᤀᤠᤈᤠ,ᤀᤠᤱ ᤀᤠᤏᤢᤅ᤻II ᤁᤢᤓᤠ ᤋᤠᤔᤠᤀᤠᤱ ᤀᤠᤴᤍᤠᤏᤧᤴ. ᤌᤡᤶᤒᤣᤀᤥ ᤂᤧᤶᤓᤠ ᤕᤧᤁ᤻ᤕᤠ ᤀᤠᤶᤀᤡᤋ᤻ᤋᤢᤶᤔᤡᤴII ᤁᤴᤜᤠ, ᤋᤱᤍᤱ ᤌᤡᤶᤒᤣᤀᤡᤴ ᤆᤢᤋ᤻ᤋᤠᤱ ᤋᤱᤒᤣᤖᤧᤀᤠᤱ ᤆᤢᤶᤓᤥᤖᤧ ᤁᤧᤈᤢᤐ᤻ᤐᤠ ᤌᤡᤶᤒᤣᤖᤧ ᤛᤠᤶᤍᤠᤱ ᤋᤠ,ᤈᤧᤱᤃᤡ ᤀᤠᤴᤈᤥᤁ᤻ᤏᤧᤴII ᤀᤰᤁᤣ ᤆᤥᤁ᤻ᤔᤠᤖᤧ ᤋᤠᤕᤧᤶᤒᤠ ᤌᤡᤶᤒᤣᤜᤠ,ᤀᤥ ᤕᤖᤡᤰ ᤏᤥᤗᤧᤰᤛᤡᤱᤜᤠ, ᤋᤠᤐ᤻ᤔᤠ ᤛᤢᤰᤋᤧᤳII
ᤀᤠᤕᤧᤴᤗᤠᤶᤒᤠᤀᤠᤱ ᤂᤠᤶᤄᤢᤒᤧᤶᤒᤠ ᤌᤡᤶᤒᤣᤏᤢ ᤆᤧᤔ᤻ᤈᤱ ᤘᤠᤕᤧᤴ ᤌᤡᤶᤒᤣ ᤕᤠ ᤕᤠᤰᤌᤢᤱ ᤛᤠᤵᤙᤰ ᤋᤱᤏᤠᤶᤔᤡᤴ ᤐᤥᤅ᤻ᤗ ᤐᤳII ᤁᤴᤏᤠᤱ ᤀᤠᤏᤡ, ᤁᤧᤖᤧᤰᤗᤧᤴ ᤐᤗᤡᤜᤠᤱ ᤋᤱᤏᤠᤶ. ᤛᤡᤛᤣᤁ᤻ᤐᤠ ᤋᤢᤶᤕᤧᤴ. ᤁᤁ᤻ᤑᤧᤰᤘᤠ ᤋᤱᤏᤠᤶ. ᤆᤧᤛᤥᤁ᤻ ᤋᤱᤏᤠᤶ ᤜᤧᤰᤁᤣᤒᤠ ᤀᤡᤋ᤻ᤋᤢᤶᤗᤥII ᤀᤠᤏᤡ, ᤏᤡᤱᤘᤠ, ᤋᤱᤃᤪ. ᤀᤡᤋ᤻ᤇᤡᤱ ᤋᤱᤃᤪ ᤛᤍᤣᤏᤢᤗ᤻ᤗᤧ ᤘᤣ, ᤐᤖᤡᤰᤐᤠ ᤌᤡᤶᤒᤣ ᤆᤥᤁ᤻ᤔᤠ ᤛᤢᤰᤋᤧᤳII ᤛᤠᤵᤙᤰᤁᤡ ᤏᤠᤏ᤻ᤒᤥᤜᤠ,ᤖᤧᤴ ᤌᤢᤶᤄᤥ ᤕᤠᤱᤜᤠ, ᤑᤥ᤺ᤔᤠ ᤛᤢᤰᤋᤧᤳ. ᤀᤰᤁᤣ ᤐᤥᤅ᤻ᤃᤖ ᤁᤴ ᤕᤠᤱᤜᤠ, ᤏᤡᤋ᤻ᤇᤠᤶᤛᤠᤜᤠ,ᤀᤥ ᤕᤶᤒᤠ ᤁᤢᤓᤠ, ᤁᤧᤳII ᤛᤢᤰᤛᤢᤰ ᤕᤠᤰᤌᤢᤱ ᤛᤠᤵᤐᤴᤜᤠ, ᤀᤥᤛᤣᤏ᤻ᤍᤱᤅᤥ ᤏᤧᤛᤢᤶᤛᤡᤶII ᤀᤰᤁᤣ ᤆᤥᤁ᤻ᤔᤠᤖᤧ ᤕᤠᤰᤌᤢᤱ ᤛᤠᤵᤙᤰᤗᤧ ᤌᤥᤒᤥᤀᤡᤴ ᤘᤣ,ᤖᤧᤀᤠᤱ ᤁᤢᤛᤡᤱ ᤔᤧᤏᤡᤋ᤻ᤋᤢ,II ᤁᤧᤃᤵᤐᤠᤖᤧ ᤕᤠᤰᤌᤢᤱ ᤛᤠᤵᤐᤴᤜᤠ, ᤛᤱᤄᤢᤶᤛᤡᤶ. ᤛᤠᤵᤐᤴ ᤛᤱᤔᤠ ᤁᤧᤖ,ᤒᤧᤴ ᤏᤧᤜᤡ ᤏᤡᤱᤘᤠ, ᤜᤠ᤺ᤔᤠ ᤏᤢ ᤕᤶᤒᤠ ᤕᤠᤔ᤻ᤒᤰᤗᤥII ᤜᤧᤰᤁᤣᤀᤠᤱ ᤌᤡᤶᤒᤣᤀᤥ ᤁᤧᤍᤠᤒᤠ ᤌᤡᤰᤛᤣᤁ᤻ᤐᤠᤖᤧ ᤗᤳᤌᤡᤰᤖᤰᤛᤠᤱ ᤕᤠᤰᤌᤢᤱ ᤛᤠᤵᤐᤴ ᤀᤡᤅᤢᤶ ᤋᤣ,ᤖᤢᤶ. ᤀᤰᤁᤣ ᤆᤥᤁ᤻ᤔᤠᤖᤧ ᤛᤠᤵᤐᤴᤗᤐ᤻ᤐᤠᤜᤠ,ᤀᤥ ᤕᤶᤒᤠ ᤁᤢᤓᤠ, ᤁᤧᤳᤗᤥII ᤜᤠᤱᤗᤢᤱ ᤏᤢ ᤛᤡᤔᤡᤰᤜᤡᤶᤒᤠ ᤛᤡᤰᤛᤠᤶᤒᤠ ᤛᤡᤰᤛᤠᤶᤔᤠᤜᤠ,ᤖᤧ ᤏᤡᤋ᤻ᤇᤠᤶᤛᤠᤜᤠ, ᤙᤰᤏᤡᤔ᤻ᤗᤧᤴ ᤕᤠᤔ᤻ᤒᤰᤜᤠ, ᤐᤡᤖᤢᤶᤛᤡᤶII ᤛᤡᤰᤛᤠᤶᤒᤠ ᤛᤡᤰᤛᤠᤶᤔᤠᤜᤠ,ᤖᤧ ᤙᤰᤏᤡᤔ᤻ ᤆᤥᤃᤢᤶᤔᤠᤱ ᤌᤡᤶᤒᤣᤖᤧ ᤛᤠᤶᤍᤠᤱ ᤀᤡᤔ᤻ᤏᤡᤔ᤻ᤜᤠ, ᤜᤠᤛᤢᤶᤗᤥII ᤀᤰᤁᤣᤖᤡᤰᤁᤣ ᤆᤠᤩ ᤏᤧᤜᤡᤖᤧ ᤋᤠᤛᤢᤒᤧᤴ ᤆᤥᤃᤢᤶᤗᤥII
ᤏᤥᤃᤧᤴ
- ᤛᤴᤋᤥᤛ᤻ ᤋᤧᤖᤠᤐ᤻ᤐᤣ
