ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ ਪੰਜਾਬ

29/09/2026

ਪ੍ਰੈੱਸ ਨੋਟ

ਦੂਨ ਇੰਟਰਨੈਸ਼ਨਲ ਸਕੂਲ ਸ਼੍ਰੀ ਮੁਕਤਸਰ ਸਾਹਿਬ ਦੇ ਮਾਲਕ ਤੋਂ ਹਰਪ੍ਰੀਤ ਸਿੰਘ ਨੂੰ ਬਣਦੀ ਰਕਮ ਦਿਵਾਉਣ ਲਈ ਸ਼ੁਰੂ ਕੀਤਾ ਸੰਘਰਸ਼ ਸਫਲ

ਦੂਨ ਇੰਟਰਨੈਸ਼ਨਲ ਸਕੂਲ, ਸ਼੍ਰੀ ਮੁਕਤਸਰ ਸਾਹਿਬ ਦੇ ਮਾਲਕ ਬਲਤੇਜ ਸਿੰਘ ਤੋਂ ਹਰਪ੍ਰੀਤ ਸਿੰਘ ਨੂੰ ਬਣਦੀ ਰਕਮ ਦਿਵਾਉਣ ਲਈ ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ, ਪੰਜਾਬ ਅਤੇ ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ, ਪੰਜਾਬ ਵੱਲੋਂ ਸ਼ੁਰੂ ਕੀਤੇ ਗਏ ਸੰਘਰਸ਼ ਨੂੰ ਅਖੀਰਕਾਰ ਸਫਲਤਾ ਮਿਲੀ ਹੈ।

ਜੱਥੇਬੰਦੀਆਂ ਵੱਲੋਂ ਲਗਾਤਾਰ ਕੀਤੇ ਜਾ ਰਹੇ ਸੰਘਰਸ਼ ਅਤੇ ਦਬਾਅ ਤੋਂ ਬਾਅਦ ਬਲਤੇਜ ਸਿੰਘ ਵੱਲੋਂ ਹਰਪ੍ਰੀਤ ਸਿੰਘ ਨੂੰ ਉਸ ਦੀ ਬਣਦੀ ਰਕਮ 17 ਲੱਖ ਰੁਪਏ ਅਦਾ ਕਰ ਦਿੱਤੀ ਗਈ ਹੈ। ਇਸ ਨਾਲ ਹਰਪ੍ਰੀਤ ਸਿੰਘ ਨੂੰ ਇਨਸਾਫ਼ ਦਿਵਾਉਣ ਲਈ ਚੱਲ ਰਿਹਾ ਸੰਘਰਸ਼ ਆਪਣੇ ਨਿਰਧਾਰਤ ਮਕਸਦ ਤੱਕ ਪਹੁੰਚਿਆ ਹੈ।

ਰਕਮ ਦੀ ਅਦਾਇਗੀ ਹੋਣ ਤੋਂ ਬਾਅਦ ਜੱਥੇਬੰਦੀਆਂ ਵੱਲੋਂ 30 ਸਤੰਬਰ 2026 ਨੂੰ ਦੂਨ ਇੰਟਰਨੈਸ਼ਨਲ ਸਕੂਲ ਦੇ ਗੇਟ ਦਾ ਘਿਰਾਓ ਕਰਨ ਅਤੇ ਰੋਸ ਮਾਰਚ ਕਰਨ ਸਬੰਧੀ ਰੱਖਿਆ ਗਿਆ ਐਕਸ਼ਨ ਵਾਪਸ ਲੈ ਲਿਆ ਗਿਆ ਹੈ।

ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ, ਪੰਜਾਬ ਦੇ ਆਗੂ ਗੁਰਸ਼ਪਿੰਦਰ ਸਿੰਘ ਅਤੇ ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ, ਪੰਜਾਬ ਦੇ ਆਗੂ ਜ਼ੈਲ ਸਿੰਘ ਚਪਾੜਿਕੀ ਨੇ ਕਿਹਾ ਕਿ ਜੱਥੇਬੰਦੀਆਂ ਹਮੇਸ਼ਾ ਲੋਕਾਂ ਦੇ ਹੱਕਾਂ ਅਤੇ ਇਨਸਾਫ਼ ਲਈ ਆਵਾਜ਼ ਬੁਲੰਦ ਕਰਦੀਆਂ ਰਹਿਣਗੀਆਂ। ਉਨ੍ਹਾਂ ਕਿਹਾ ਕਿ ਹਰਪ੍ਰੀਤ ਸਿੰਘ ਨੂੰ ਉਸ ਦੀ ਬਣਦੀ ਰਕਮ ਮਿਲਣਾ ਸੰਘਰਸ਼ ਦੀ ਇੱਕ ਮਹੱਤਵਪੂਰਨ ਪ੍ਰਾਪਤੀ ਹੈ।

ਆਗੂਆਂ ਨੇ ਸੰਘਰਸ਼ ਵਿੱਚ ਸਹਿਯੋਗ ਦੇਣ ਵਾਲੇ ਸਾਰੇ ਸਾਥੀਆਂ ਅਤੇ ਲੋਕਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਲੋਕਾਂ ਦੇ ਹੱਕਾਂ ਲਈ ਸਾਂਝੇ ਸੰਘਰਸ਼ ਨੂੰ ਅੱਗੇ ਵੀ ਮਜ਼ਬੂਤੀ ਨਾਲ ਜਾਰੀ ਰੱਖਿਆ ਜਾਵੇਗਾ।

ਜਾਰੀ ਕਰਤਾ:
ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ, ਪੰਜਾਬ
ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ, ਪੰਜਾਬ

ਗੁਰਸ਼ਪਿੰਦਰ ਸਿੰਘ — ਆਗੂ
ਜ਼ੈਲ ਸਿੰਘ ਚਪਾੜਿਕੀ — ਆਗੂ

11/09/2026

ਪਿੰਡ ਮੇਘਾ ਰਾਏ ਵਿਚ ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ ਪੰਜਾਬ ਅਤੇ ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ ਪੰਜਾਬ ਨੇ ਸਾਂਝੀ ਮੀਟਿੰਗ ਕੀਤੀ। ਜਿਸ ਵਿਚ ਮੁਕਤਸਰ ਸਾਹਿਬ ਦੇ ਸਕੂਲ ਮਾਲਕ ਖਿਲਾਫ ਰੱਖੇ ਐਕਸ਼ਨ ਦੀ ਤਿਆਰੀ ਕੀਤੀ।

09/09/2026

ਪੰਜਾਬ ਸਰਕਾਰ ਮੁਰਦਾਬਾਦ
ਇਹ ਰੋਕ ਲਾਈ ਆ ਨਸ਼ਿਆਂ ਤੇ ਵੀ ਇਕ ਮਜ਼ਦੂਰ ਬਾਪ ਨੂੰ ਸਲਫਾਸ ਖਾਣੀ ਪਈ।
ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ ਪੰਜਾਬ ਇਸ ਮੌਤ ਦੀ ਜ਼ਿੰਮੇਵਾਰ ਪੰਜਾਬ ਸਰਕਾਰ ਨੂੰ ਮੰਨਦੀ ਹੈ। ਇਹ ਆਤਮਹੱਤਿਆ ਨਹੀਂ ਸਗੋਂ ਸਿਸਟਮ ਨੇ ਕੀਤਾ ਕਤਲ ਹੈ।

09/09/2026

ਬੜੇ ਦੁਖੀ ਹਿਰਦੇ ਨਾਲ ਦੱਸਿਆ ਜਾਂ ਰਿਹਾ ਕੇ ਸਾਡੀਆਂ ਸਰਕਾਰਾਂ ਹਿਰਦਾ=ਰਹਿਤ ਹਨ। ਇਹਨਾਂ ਵਿੱਚ ਨਾ ਤਾਂ ਆਪਣੀ ਪ੍ਰਜਾ ਪ੍ਰਤੀ ਕੋਈ ਜਿੰਮੇਵਾਰੀ ਐ ਨਾਂ ਕੋਈ ਜਵਾਬ ਦੇਹੀ। ਤੇ ਐਸੀ ਸਰਕਾਰ ਨੂੰ ਫੂਕ ਦੇਣਾ ਬਿਹਤਰ ਹੈ।
ਬੀਤੇ ਸਮੇ ਸਰਕਾਰ ਨੇ ਸੀਡ ਫਾਰਮ ਦੇ ਲੋਕਾਂ ਕੋਲੋਂ ਜ਼ਬਰੀ ਜ਼ਮੀਨਾਂ ਖੋਹ ਕੇ ਓਥੋਂ ਬਾਈਪਾਸ ਬਣਾ ਦਿਤਾ, ਘਰ ਤੋੜ ਦਿੱਤੇ। ਲੋਕ ਮੁਆਵਜਾ ਮੁਆਵਜਾ ਕੁਰਲਾਉਂਦੇ ਰਹੇ ਪਰ ਕੋਈ ਸੁਣਵਾਈ ਨਹੀਂ। ਇੱਕ ਸਮੇਂ ਤੇ ਆਕੇ ਲੋਕਾਂ ਦਾ ਸੰਘਰਸ਼ ਡਾਵਾਂ ਡੋਲ ਹੋ ਗਿਆ ਤੇ ਹਾਕਮ ਨੂੰ ਲੱਗਿਆ ਕੇ ਲੋਕ ਹਾਰ ਗਏ। ਨਹੀਂ ਲੋਕ ਲਹਿਰਾ ਵਿੱਚ ਉਤਾਰ ਚੜਾਅ ਆਉਂਦੇ ਨੇ ਪਰ ਹਾਰ ਨਹੀਂ ਹੁੰਦੀ।
ਅੱਜ ਓਹੀ ਲੋਕਾਂ ਨੇ ਫਿਰ ਇਕੱਠੇ ਹੋਕੇ ਮੀਟਿੰਗ ਕੀਤੀ। ਮੀਟਿੰਗ ਵਿੱਚ
*TSU ਆਗੂ ਸੁਰਜੀਤ ਸਿੰਘ,
*ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ ਆਗੂ ਸੰਦੀਪ ਸਿੰਘ,
*ਜਮਹੂਰੀ ਕਿਸਾਨ ਸਭਾ ਦੇ ਆਗੂ ਗੋਪਾਲ ਸਿੰਘ, ਅਰਜਨ ਸਿੰਘ,
*ਗ੍ਰਾਮ ਪਚਾਇਤ ਸੀਡ ਫਾਰਮ ਪੱਕਾ ਦੇ ਸਰਪੰਚ ਛਿੰਦਰਪਾਲ ਸਿੰਘ,
*ਗ੍ਰਾਮ ਪੰਚਾਇਤ ਊਧਮ ਸਿੰਘ ਨਗਰ ਦੇ ਸਰਪੰਚ ਗੁਰਦੇਵ ਸਿੰਘ ਬੱਗੂ,
*ਗ੍ਰਾਮ ਪੰਚਾਇਤ ਸੀਡ ਫਾਰਮ ਕੱਚਾ ਦੇ ਸਰਪੰਚ ਰਮਨ ਮਮੂ,
*ਗ੍ਰਾਮ ਪੰਚਾਇਤ ਕਰਮ ਨਗਰ ਦੇ ਸਰਪੰਚ ਮਨਦੀਪ ਮੋਨੂ,
*ਗ੍ਰਾਮ ਪੰਚਾਇਤ ਅਜੀਤ ਨਗਰ ਦੇ ਸਰਪੰਚ ਬੰਤਾ ਸਿੰਘ, *ਬਾਬਾ ਜੀਵਨ ਸਿੰਘ ਨਗਰ ਦੇ ਸਰਪੰਚ ਡਾਕਟਰ ਵਿਲੀਅਮ,
* ਗ੍ਰਾਮ ਪੰਚਾਇਤ ਢਾਣੀ ਕੜਾਕਾ ਸਿੰਘ ਦੇ ਸਰਪੰਚ ਸੁੱਖਵਿੰਦਰ ਸਿੰਘ ਬੱਬੂ, ਤੇ ਇਹਨਾਂ ਪੰਚਾਇਤਾਂ ਦੇ ਐਕਸ ਸਰਪੰਚ ਤੇ ਲੋਕ ਹਾਜ਼ਰ ਸਨ।
ਸਾਂਝੇ ਰੂਪ ਵਿੱਚ ਮਤਾ ਪਾਸ ਹੋਇਆ ਤੇ ਆਉਣ ਵਾਲਿਆਂ ਵਿਧਾਨ ਸਭਾ ਚੋਣਾਂ ਦਾ ਪੂਰਨ ਬਾਈਕਾਟ ਦਾ ਐਲਾਨ ਕੀਤਾ, ਤੇ ਚੇਤਾਵਨੀ ਦਿੱਤੀ ਕਿ ਕੋਈ ਸੀ ਸਿਆਸੀ ਪਾਰਟੀ ਆਪਣੇ ਪ੍ਰਚਾਰ ਲਈ ਸਾਡੇ ਪਿੰਡ ਨਾਂ ਵੜੇ ਨਹੀਂ ਕੁੱਤੇਖਾਣੀ ਕਰਾਉਣਗੇ।ਇਹਨਾਂ ਪੰਚਾਇਤਾਂ ਦੇ ਸਰਪੰਚਾਂ ਨੇ ਲੋਕਾਂ ਦਾ ਸਾਥ ਦੇਣ ਦਾ ਵਾਅਦਾ ਕਰਦੇ ਹੋਏ ਤੇ ਪੂਰਨ ਚੋਣ ਬਾਈਕਾਟ ਸਾਂ ਸਮਰਥਨ ਕੀਤਾ। (Copy from Sandeep Singh's wall)

07/09/2026

06/09/2026

ਪਿੰਡ ਛਾਂਗਾ ਰਾਏ ਹਿਠਾੜ ਇਲਾਕਾ ਗੁਰੂ ਹਰਸਹਾਏ ਵਿਚ ਇਕਾਈ ਸੰਗਠਿਤ ਕੀਤੀ।

06/09/2026

ਪਿੰਡ ਪਾਲੇ ਚੱਕ ਵਿਚ ਚੁਣੀ ਕਮੇਟੀ ਦੀ ਪਹਿਲੀ ਮਹੀਨਾ ਵਾਰ ਮੀਟਿੰਗ ਕੀਤੀ ਗਈ।ਜਿਸ ਦੀ ਅਗਵਾਈ ਗੁਰਸ਼ਪਿੰਦਰ ਸਿੰਘ, ਸੰਦੀਪ ਸਿੰਘ, ਸੋਹਣ ਸਿੰਘ, ਗੁਰਨਾਇਬ ਸਿੰਘ ਨੇ ਕੀਤੀ।

04/09/2026

ਆਪਣੇ ਘਰ ਦੀ ਛੱਤ ਤੋਂ ਭਗਵੰਤ ਮਾਨ ਨੂੰ ਕਾਲੀ ਝੰਡੀ ਦਿਖਾਉਣ ਕਰਕੇ ਚੁੱਕੇ ਨੋਜਵਾਨ ਤੇ ਕੀਤੇ ਤਸ਼ੱਦਦ ਦੀ ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ ਪੰਜਾਬ ਪੁਰਜ਼ੋਰ ਨਿਖੇਧੀ ਕਰਦਾ ਹੈ।
ਇਹ ਬਦਲਾਅ ਵਾਲੀ ਸਰਕਾਰ ਧਰਨਿਆਂ ਕਰਕੇ ਹੀ ਹੋਂਦ ਚ ਆਈ ਸੀ ਤੇ ਹੁਣ ਧਰਨਿਆਂ ਤੋਂ ਡਰ ਵੀ ਰਹੀ ਹੈ। ਇਸੇ ਭਗਵੰਤੇ ਦਾ ਬਿਆਨ ਸੀ ਡਲਾ ਤੋ ਡਲਾ ਹੋਤਾ ਹੈ ਪਤਾ ਨਹੀਂ ਕਿਧਰ ਸੇ ਚਲਾ ਹੋਤਾ ਹੈ। ਹੁਣ ਇਹ ਧਰਨਾਕਾਰੀਆਂ ਤੋਂ ਡਰ ਰਹੇ ਹਨ। ਇਸੇ ਕਰਕੇ ਇਹ ਇਹੋ ਜਿਹੇ ਕੰਮ ਕਰ ਰਹੇ ਹਨ।
ਇਸ ਦਾ ਇਕੋ ਹਲ ਸਿਰਫ ਏਕਾ ਹੀ ਹੈ। ਕਹਿੰਦੇ ਹਨ ਕੇ ਇਕੱਠ ਲੋਹੇ ਦੀ ਲੱਠ।
ਨੋਜਵਾਨਾਂ ਤੇ ਤਸ਼ੱਦਦ ਕਰਨ ਵਾਲੀ ਮਾਨ ਸਰਕਾਰ ਮੁਰਦਾਬਾਦ

23/08/2026

180 ਈਟੀਟੀ ਅਧਿਆਪਕਾਂ ਦੇ ਸ਼ਾਂਤਮਈ ਧਰਨੇ ਨੂੰ ਜ਼ਬਰਦਸਤੀ ਚੱਕਿਆ। ਉਹਨਾਂ ਤੇ ਲਾਠੀਚਾਰਜ ਕੀਤਾ ਕੱਪੜੇ ਪਾੜੇ। ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ, ਪੰਜਾਬ ਇਸ ਕਾਰਵਾਈ ਦਾ ਸਖਤ ਵਿਰੋਧ ਕਰਦੀ ਹੈ। ਧਰਨਿਆਂ ਤੋਂ ਉਪਜੀ ਪਾਰਟੀ ਅੱਜ ਧਰਨਿਆਂ ਤੋਂ ਡਰਨ ਲੱਗੀ ਹੈ।
ਲੜਦੇ ਲੋਕ ਜ਼ਿੰਦਾਬਾਦ

20/08/2026

ਚੰਡੀਗੜ੍ਹ ਚ ਕੌਮੀ ਇਨਸਾਫ਼ ਮੋਰਚਾ ਤੇ ਕੀਤੇ ਲਾਠੀਚਾਰਜ ਅਤੇ ਗ੍ਰਿਫਤਾਰ ਕੀਤੇ ਸਿੰਘਾਂ ਨੂੰ ਰਿਹਾਅ ਕਰਾਉਣ ਲਈ 21 ਅਗਸਤ ਨੂੰ ਪੰਜਾਬ ਬੰਦ ਦੇ ਸੱਦੇ ਦੀ ਕ੍ਰਾਂਤੀਕਾਰੀ ਕਿਸਾਨ ਮੋਰਚਾ ਪੰਜਾਬ ਹਮਾਇਤ ਕਰਦਾ ਹੈ ਫਾਜ਼ਿਲਕਾ ਅਬੋਹਰ ਜਿਥੇ ਵੀ ਇਸ ਸਬੰਧੀ ਪ੍ਰੋਗਰਾਮ ਹੋਵੇਗਾ ਜੱਥੇਬੰਦੀ ਕਾਰਕੁਨ ਸ਼ਿਰਕਤ ਕਰਨਗੇ।
ਲੜਦੇ ਲੋਕ ਜ਼ਿੰਦਾਬਾਦ