ਕਾਨਿਆਂ ਵਾਲੀ ਖੁਰਦ - ਫਰੀਦਕੋਟ

09/10/2024

29/12/2023

ਦਿਸੰਬਰ ਦੀ ਠੰਡ..ਇੰਸਪੈਕਟਰ ਗੁਰਮੀਤ ਸਿੰਘ ਭਾਈ ਕਾਉਂਕੇ ਨੂੰ ਚੁੱਕ ਸਿੱਧਾ ਸਵਰਨ ਘੋਟਣੇ ਕੋਲ ਲੈ ਜਾਂਦਾ..ਅੱਗਿਓਂ ਗਾਲਾਂ ਝਿੜਕਾਂ ਦਾ ਮੀਂਹ..ਇਸ ਖਸਮ ਨੂੰ ਸੀ.ਆਈ.ਏ ਸਟਾਫ ਕਿਓਂ ਨਹੀਂ ਲੈ ਕੇ ਗਿਆ..ਫੇਰ ਸੀਆਈਏ ਸਟਾਫ ਜਗਰਾਵਾਂ ਇੰਚਾਰਜ ਹਰਭਗਵਾਨ ਸਿੰਘ ਸੋਢੀ ਭਾਈ ਸਾਬ ਦੇ ਮੂੰਹ ਤੇ ਕੱਪੜਾ ਬੰਨ ਦਿੰਦਾ..ਫੇਰ ਚੌਫਾਲ ਲੰਮੇ ਪਾ ਨੱਕ ਤੇ ਪਾਣੀ ਦੀ ਧਾਰ ਪਾਉਣੀ ਸ਼ੁਰੂ ਕਰ ਦਿੰਦਾ..ਘੜੀ ਕੂ ਮਗਰੋਂ ਫੇਫੜਿਆਂ ਵਿਚ ਪਾਣੀ ਭਰ ਜਾਂਦਾ ਤੇ ਬੇਹੋਸ਼ ਹੋ ਜਾਂਦੇ..ਫੇਰ ਨਿਸਵਸਤਰ ਕਰਕੇ ਬਾਹਰ ਖੁੱਲੇ ਵਿਚ ਸੁੱਟ ਦਿੱਤਾ ਜਾਂਦਾ..!

ਵਿਰਲੇ ਟਾਵੇਂ ਜਿਗਰੇ..ਗੁਰਮੀਤ ਸਿੰਘ ਨੂੰ ਫੇਰ ਤਰਸ ਆ ਜਾਂਦਾ..ਉੱਤੇ ਕੰਬਲ ਪਾ ਦਿੰਦਾ ਤੇ ਲਾਗੇ ਹੀਟਰ ਵੀ ਲਾ ਦਿੰਦਾ..ਰੱਜਿਆ ਘੋਟਣਾ ਫੇਰ ਆਉਂਦਾ ਤਾਂ ਸਭ ਕੁਝ ਵੇਖ ਆਪੇ ਤੋਂ ਬਾਹਰ ਹੋ ਜਾਂਦਾ..ਤੇਰਾ ਭਣੋਈਏ ਲੱਗਦਾ..ਕੰਬਲ ਹੀਟਰ ਲਾ ਕੇ ਦਿੱਤਾ..ਫੇਰ ਕੰਬਲ ਲਾਹ ਕੇ ਹੀਟਰ ਨੂੰ ਠੁੱਡ ਮਾਰ ਦੂਰ ਸਿੱਟ ਦਿੱਤਾ ਜਾਂਦਾ..ਫੇਰ ਏਨੀ ਠੰਡ ਵਿਚ ਬਾਹਰ ਨਗਨ ਅਵਸਥਾ ਵਿਚ ਪਏ ਭਾਈ ਸਾਬ ਦੇ ਗੁਪਤ ਅੰਗਾਂ ਵਿਚ ਠੁੱਡ ਵੱਜਣੇ ਸ਼ੁਰੂ ਹੋ ਜਾਂਦੇ..ਛੇਤੀ ਸਰੀਰ ਅੰਦਰੋਂ ਖੂਨ ਚੱਲਣਾ ਸ਼ੁਰੂ ਹੋ ਜਾਂਦਾ..ਫੇਰ ਘੋਟਣਾ ਆਖਣ ਲੱਗਦਾ ਓਏ ਤੁਹਾਡੇ ਜਥੇਦਾਰ ਦਾ ਮੂਤ ਨਿੱਕਲ ਗਿਆ..ਇੱਕ ਛੋਟੇ ਰੈਂਕ ਦਾ ਸਿਪਾਹੀ ਹਿੰਮਤ ਕਰਦਾ ਤੇ ਆਖਦਾ..ਇਹ ਮੂਤ ਨਹੀਂ ਖੂਨ ਏ ਜਨਾਬ..!

ਫੇਰ ਅੰਤਿਮ ਸਾਹਾਂ ਤੇ ਪਏ ਭਾਈ ਸਾਬ ਦੇ ਗੋਲੀ ਮਾਰ ਦਿੱਤੀ ਜਾਂਦੀ..ਲੋਥ ਦਰਿਆ ਤੇ ਖੜ ਟੋਟੇ ਟੋਟੇ ਕਰ ਦਰਿਆ ਵਿਚ ਰੋੜ ਦਿੱਤੀ ਜਾਂਦੀ..ਟੋਟੇ ਟੋਟੇ ਕਰਨਾ ਮਜਬੂਰੀ ਹੈ ਕਿਧਰੇ ਪੂਰੀ ਦੀ ਪੂਰੀ ਫੁੱਲ ਕੇ ਉੱਪਰ ਹੀ ਨਾ ਆ ਜਾਵੇ..!

ਬਿਰਤਾਂਤ ਲਿਖਦਿਆਂ ਹੱਥ ਬਹੁਤ ਕੰਬੇ ਤੇ ਪੜਨ ਲੱਗਿਆਂ ਤੁਹਾਡਾ ਹਿਰਦਾ ਵੀ..ਪਰ ਜਿਸ ਦੇਵ ਪੁਰਸ਼ ਨੇ ਸਭ ਕੁਝ ਪਿੰਡੇ ਤੇ ਸਿਹਾ ਉਹ ਤਿੰਨ ਦਹਾਕੇ ਪਹਿਲੋਂ ਸਾਡੇ ਵਿਚ ਹੀ ਤਾਂ ਵਿਚਰਿਆ ਸੀ..ਤਰਕ ਸ਼ੀਲ,ਸਰਕਾਰਾਂ,ਕਿੰਤੂ ਪ੍ਰੰਤੂ ਇੰਝ ਅਤੇ ਉਂਝ ਗਰੁੱਪ,ਅਖੌਤੀ ਪੰਥਕ ਰਾਖੇ,ਤਸ਼ਦਤ ਸਕੁਐਡ,ਮੋਡਰਨ ਬੁਧੀਜੀਵੀ..ਸਭ ਦੀਆਂ ਤਰਕ ਦਲੀਲਾਂ ਦਾਵਿਆਂ ਨੂੰ ਦਰਕਿਨਾਰ ਕਰ ਕੰਧ ਉਤੇ ਕਿੰਨਾ ਕੁਝ ਲਿਖ ਦਿੱਤਾ..!

ਡੀ.ਆਈ.ਜੀ ਬੀ.ਪੀ.ਤਿਵਾੜੀ ਨੇ 1998 ਵਿਚ ਜਾਂਚ ਰਿਪੋਰਟ ਪੇਸ਼ ਕਰ ਦਿੱਤੀ..ਜੋ ਪੂਰੀ ਤਰਾਂ ਨਿਰਪੱਖ ਤੇ ਨਹੀਂ ਆਖੀ ਜਾ ਸਕਦੀ ਪਰ ਤਾਂ ਵੀ ਕਈ ਪਾਜ ਜਰੂਰ ਉਧੇੜਦੀ..ਤਿੰਨ ਦਹਾਕੇ ਜਨਤਕ ਨਹੀਂ ਕੀਤੀ!
ਦਿੱਲੀ ਦੇ ਬੀਬੇ ਪੁੱਤ ਹੋਈਆਂ ਬੀਤੀਆਂ ਦੀ ਮੁਆਫੀ ਮੰਗਣ ਆਉਣ ਤਾਂ ਕੁਝ ਸਵਾਲ ਕਰਨੇ ਤੇ ਬਣਦੇ ਹੀ ਨੇ!
ਹਰਪ੍ਰੀਤ ਸਿੰਘ ਜਵੰਦਾ

ਹਰਪ੍ਰੀਤ ਸਿੰਘ ਜਵੰਦਾ ਦੀ ਕੰਧ ਤੋਂ ਕਾਪੀ

17/09/2023

ਯਾਰੀ ਪਿੰਡ ਦੇ ਪੰਚ ਨਾਲ਼ ਲਾਈਏ ,
ਨਰੇਗਾ ਵਿੱਚ ਲੱਗੂ ਹਾਜ਼ਰੀ

15/09/2023

ਫਿਰੋਜ਼ਪੁਰ,ਪੁਲਿਸ ਕੋਲੋ ਰਾਤ ਨੂੰ ਲੋਕਾਂ ਨੇ ਫੜਿਆ 2 ਕਿਲੋ ਚਿੱ+ਟਾ, ਗੱਡੀ ਦੇ ਬੋਰਨਟ ਥੱਲੇ ਲੁਕੋਇਆ ਹੋਇਆ ਸੀ ਚਿੱ+ਟਾ
ਇਹ ਹਨ ਉਹ ਦੋ ਪੁਲਿਸ ਮੁਲਾਜ਼।
ਜਿਨ੍ਹਾਂ ਨੇ ਚਿੱ+ਟਾ ਫੜਣਾ ਸੀ ਉਹ ਵੇਚਣ ਲੱਗੇ ਹੋਏ ਨੇ ਤੇ ਲੋਕ ਫੜ੍ਹ ਰਹੇ ਨੇ । ਹਾਲੇ ਕਹਿੰਦੇ ਕਿ ਨ+ਸ਼ਾ ਰੋਕੂ ਕਮੇਟੀਆਂ ਵੱਲੋਂ ਨਾਕੇ ਲਾਕੇ ਤਲਾਸੀਆਂ ਗੈਰਕਾਨੂੰਨੀ ਹਨ , ਕਨੂੰਨ ਨੂੰ ਹੱਥ ਚ ਨਾ ਲਓ ,ਪਰ ਕਨੂੰਨ ਦੇ ਰਾਖੇ ਵੀ ਵੇਖ ਲਓ , ਕੀ ਚੰਦ ਚਾੜ੍ਹਦੇ ਫਿਰ ਰਹੇ ਨੇ ।
ਕੁੱਤੀ ਚੋਰਾਂ ਨਾਲ ਰਲੀ ਵਾਲੀ ਕਹਾਵਤ ਤਾਂ ਸੁਣੀ ਸੀ ਪਰ ਇੱਥੇ ਤਾਂ ਕੁੱਤੀ ਹੀ ਚੋਰ ਹੈ।

14/09/2023

ਫੇਸਬੁੱਕ ਸੰਬੰਧੀ ਕੁਝ ਦਿਲਚਸਪ ਗੱਲਾਂ
੧. ਜੁਕਰੇ ਦਾ ਪਹਿਲਾਂ ਵਿਚਾਰ ਚਿਹਰਿਆਂ ਦੀ ਤੁਲਨਾ ਸੰਬੰਧੀ ਕੋਈ ਸਾਈਟ ਬਣਾਉਣ ਦਾ ਸੀ, ਜਿਵੇਂ ਕਿ ਸਾਈਟ ‘ਤੇ ਫੋਟੋ ਪਾ ਕੇ ਪੁੱਛਿਆ ਜਾਵੇ-
Who is hotter ?
ਪਰ ਇਹ ਵਿਚਾਰ ਹਾਵਰਡ ਪ੍ਰਬੰਧਕਾਂ ਨੂੰ ਪਸੰਦ ਨੀ ਆਇਆ।
੨. ਦੂਜਾ ਵਿਚਾਰ ਆਨਲਾਈਨ ਵਿਦਿਆਰਥੀ ਡਾਇਰੈਕਟਰੀ ਤਿਆਰ ਕਰਨ ਦਾ ਸੀ।
੩. ਜਦੋਂ ਫੇਸਬੁੱਕ ਬਣੀ ਤਾਂ ਸ਼ੁਰੂਆਤ ‘ਚ ਕੁਝ ਕਾਨੂੰਨੀ ਉਲਝਣਾ ਵੀ ਰਹੀਆਂ। ਜੁਕਰੇ ਦੇ ਸੰਗੀ ਸਾਥੀ ਦਿਵਿਆ ਨਰਿੰਦਰ, ਕੈਮਰੂਨ ਵਿੰਕਲਵੋਸ ਅਤੇ ਟੇਲਰ ਵਿੰਕਲਵੋਸ ਨੇ ਉਸਨੂੰ ਅਦਾਲਤ ਵਿੱਚ ਘੜੀਸ ਲਿਆ ਕਿ ਉਸਨੇ, ਉਨ੍ਹਾਂ ਦਾ ਵਿਚਾਰ ਚੋਰੀ ਕਰਕੇ ਫੇਸਬੁੱਕ ਬਣਾ ਘੱਤੀ ਹੈ। ਉਸਨੇ ਇਨ੍ਹਾਂ ਨਾਲ 65 ਮਿਲੀਅਨ ਡਾਲਰ ਅਤੇ ਫੇਸਬੁੱਕ ਸ਼ੇਅਰਾਂ ਦਾ ਸਮਝੌਤਾ ਕਰਕੇ ਗੱਲ ਨਿਬੇੜੀ।
੪. ਫੇਸਬੁੱਕ ਦੁਨੀਆਂ ਦੀ ਤੀਜੀ ਸਭ ਤੋਂ ਮਨਪਸੰਦ ਸਾਈਟ ਹੈ।
੫. ਬੰਦਿਆਂ ਨਾਲ਼ੋਂ ਬੀਬੀਆਂ ਵੱਧ ਫੇਸਬੁੱਕ ਵਰਤਦੀਆਂ ਹਨ।
੬. ਫੇਸਬੁੱਕ ‘ਤੇ ਹਰ ਰੋਜ 350 ਮਿਲੀਅਨ ਫੋਟੋਆਂ ਚਾੜ੍ਹੀਆਂ ਜਾਂਦੀਆਂ ਹਨ।
੭. ਫੇਸਬੁੱਕ ਵਰਤਣ ਵਾਲਿਆਂ ‘ਚੋਂ ਅੱਧੇ ਕੁ ਹੀ ਅੰਗਰੇਜ਼ੀ ਬੋਲਣੀ ਜਾਣਦੇ ਹਨ।
੮. ਫੇਸਬੁੱਕ ਦੀ 98% ਵਰਤੋਂ ਕੇਵਲ ਮੋਬਾਈਲ ‘ਤੇ ਹੁੰਦੀ ਹੈ।
੯. ਸਵੇਰੇ ਅੱਠ ਵਜੇ ਤੋਂ ਸ਼ਾਮ ਦਸ ਵਜੇ ਤੱਕ ਫੇਸਬੁੱਕ ਦੀ ਸਭ ਤੋਂ ਵੱਧ ਮੋਬਾਈਲ ‘ਤੇ ਵਰਤੋਂ ਹੁੰਦੀ ਹੈ।
੧੦. ਜੇ ਫੇਸਬੁੱਕ ਵਰਤੋਂਕਾਰਾਂ ਦੀ ਵਰਤੋਂ ਦੀ ਐਵਰੇਜ ਕੱਢਣੀ ਹੋਵੇ ਤਾਂ 58 ਕੁ ਮਿੰਟ ਹਰ ਰੋਜ ਬਣਦੇ ਹਨ।
- ਸ਼ਿਵਜੀਤ ਸਿੰਘ 'ਫਰੀਦਕੋਟ'

12/09/2023

11/09/2023

G20 ਦੀ ਮੀਟਿੰਗ ਵਿੱਚ ਇੱਕ ਨਵੇਂ ਰਸਤੇ ਤੋਂ ਕੋਰੀਡੋਰ ਟਰੇਡ ਨੂੰ ਮਨਜ਼ੂਰੀ ਦੇ ਦਿੱਤੀ ਗਈ ਹੈ , ਪਰ ਫਿਲਹਾਲ ਭਾਰਤ -ਪਾਕਿਸਤਾਨ ਬਾਰਡਰ ਨਹੀਂ ਖੁੱਲੇਗਾ ਸਗੋਂ ਮੁੰਬਈ ਤੋਂ ਸ਼ਿੱਪਾਂ ਤੇ ਰੇਲਾਂ ਰਾਹੀਂ ਮਿਡਲ ਈਸਟ ਤੇ ਯੂਰਪ ਤੱਕ ਹੋਵੇਗਾ ਵਪਾਰ । ਨਵੇਂ ਰੇਲਵੇ ਟਰੈਕ ਬਣਾਏ ਜਾਣਗੇ ।

11/09/2023

ਬਘਿਆੜ, ਭੇੜੀਆ(Wolf)
ਇੱਕ ਅਜਿਹਾ ਜਾਨਵਰ ਹੈ ਜਿਹੜਾ ਆਪਣੀ ਆਜ਼ਾਦੀ 'ਤੇ ਕਦੇ ਸਮਝੌਤਾ ਨਹੀਂ ਕਰਦਾ। ਇਹ ਇਕਲੌਤਾ ਜਾਨਵਰ ਹੈ ਜਿਸ ਨੂੰ ਗ਼ੁਲਾਮ ਨਹੀਂ ਬਣਾਇਆ ਜਾ ਸਕਦਾ, ਜਦਕਿ ਹਾਥੀ,ਚੀਤਾ ਅਤੇ ਸ਼ੇਰ ਸਮੇਤ ਬਾਕੀ ਹਰ ਜਾਨਵਰ ਨੂੰ ਗ਼ੁਲਾਮ ਬਣਾਇਆ ਜਾ ਸਕਦਾ ਹੈ। ਬਘਿਆੜ ਨੂੰ ਫੜ ਕੇ ਕੈਦ ਕੀਤਾ ਜਾਵੇ ਤਾਂ ਇਹ ਖਾਣਾ ਪੀਣਾ ਛੱਡ ਦਿੰਦਾ ਹੈ ਅਤੇ ਭੁੱਖਾ ਰਹਿਕੇ ਆਪਣੀ ਜਾਨ ਗੁਆ ਦਿੰਦਾ ਹੈ , ਪਰ ਗ਼ੁਲਾਮੀ ਦੀ ਜ਼ਿੰਦਗੀ ਕਬੂਲ ਨਹੀਂ ਕਰਦਾ। ਬਘਿਆੜ ਕਦੇ ਵੀ ਮਰੇ ਹੋਏ ਜਾਨਵਰ ਦਾ ਮਾਸ ਨਹੀਂ ਖਾਂਦਾ ਅਤੇ ਇਸ ਨੂੰ ਇੱਕ ਐਬ ਸਮਝਦਾ ਹੈ। ਇਹ ਨਾ ਹੀ ਆਪਣੀ ਫ਼ੀਮੇਲ ਮਹਿਰਮ ਵੱਲ ਝਾਕਦਾ ਹੈ ਅਰਥਾਤ, ਦੂਜੇ ਜਾਨਵਰਾਂ ਦੇ ਉਲਟ, ਬਘਿਆੜ ਆਪਣੀ ਮਾਂ ਅਤੇ ਭੈਣ ਨੂੰ ਕਾਮਨਾ ਭਰੀਆਂ ਨਜ਼ਰਾਂ ਨਾਲ ਨਹੀਂ ਵੇਖਦਾ। ਬਘਿਆੜ ਆਪਣੇ ਸਾਥੀ ਪ੍ਰਤੀ ਇੰਨਾ ਵਫ਼ਾਦਾਰ ਹੁੰਦਾ ਹੈ ਕਿ ਉਹ ਕਿਸੇ ਹੋਰ ਮਾਦਾ ਨਾਲ ਸੰਭੋਗ ਨਹੀਂ ਕਰਦਾ, ਇਸੇ ਤਰ੍ਹਾਂ ਮਾਦਾ ਵੀ ਆਪਣੇ ਬਘਿਆੜ ਪ੍ਰਤੀ ਵਫ਼ਾਦਾਰ ਹੁੰਦੀ ਹੈ। ਬਘਿਆੜ ਆਪਣੀ ਔਲਾਦ ਨੂੰ ਜਾਣਦਾ ਅਤੇ ਪਛਾਣਦਾ ਹੈ ਕਿਉਂਕਿ ਉਨ੍ਹਾਂ ਦੇ ਮਾਂ ਅਤੇ ਪਿਤਾ ਇੱਕੋ ਹੁੰਦੇ ਹਨ। ਜੇ ਜੋੜੇ ਵਿਚੋਂ ਇੱਕ ਦੀ ਮੌਤ ਹੋ ਜਾਂਦੀ ਹੈ, ਦੂਸਰਾ ਮੌਤ ਦੇ ਸਥਾਨ 'ਤੇ ਖੜ੍ਹਾ ਰਹਿੰਦਾ ਹੈ ਅਤੇ ਘੱਟੋ ਘੱਟ ਤਿੰਨ ਮਹੀਨਿਆਂ ਲਈ ਸੋਗ ਕਰਦਾ ਹੈ। ਬਘਿਆੜ ਨੂੰ ਅਰਬੀ ਵਿੱਚ ਇਬਨ-ਅਲ-ਬਾਰ ਕਿਹਾ ਜਾਂਦਾ ਹੈ ਯਾਨੀ "ਚੰਗਾ ਜਾਂ ਨੇਕ ਪੁੱਤਰ" ਕਿ ਮਾਂ ਪਿਓ ਜਦ ਬੁੱਢੇ ਹੋ ਜਾਂਦੇ ਹਨ ਤਾਂ ਉਨ੍ਹਾਂ ਲਈ ਸ਼ਿਕਾਰ ਕਰਦਾ ਹੈ ਅਤੇ ਉਨ੍ਹਾਂ ਦਾ ਪੂਰਾ ਧਿਆਨ ਰੱਖਦਾ ਹੈ। ਇਹੀ ਕਾਰਨ ਹੈ ਕਿ ਤੁਰਕ ਆਪਣੀ ਔਲਾਦ ਨੂੰ ਸ਼ੇਰ ਦੀ ਬਜਾਏ ਬਿਘਿਆੜ ਨਾਲ਼ ਤਸ਼ਬੀਹ (ਤੁਲਨਾ ਕਰਨਾ,ਦ੍ਰਿਸ਼ਟਾਂਤ ) ਦਿੰਦੇ ਹਨ। ਉਹਨਾਂ ਦੇ ਖ਼ਿਆਲ ਅਨੁਸਾਰ ਇਹ ਬਿਹਤਰ ਹੈ ਕਿ ਸ਼ੇਰ ਦੀ ਤਰ੍ਹਾਂ ਖ਼ੂਨਖ਼ਾਰ ਬਣਨ ਦੀ ਬਜਾਏ ਬਿਘਿਆੜ ਦੀ ਤਰ੍ਹਾਂ ਚਲਾਕ , ਹੁਸ਼ਿਆਰ ਅਤੇ ਵਫ਼ਾਦਾਰ ਬਣਿਆ ਜਾਏ। ਬਘਿਆੜ ਦੇ ਬਿਹਤਰੀਨ ਗੁਣਾਂ ਵਿਚੋਂ ਬਹਾਦਰੀ ,ਵਫ਼ਾਦਾਰੀ ਸਵੈ-ਮਾਣ ਅਤੇ ਮਾਂ ਪਿਓ ਨਾਲ਼ ਅੱਛਾ ਵਰਤਾਓ ਮਸ਼ਹੂਰ ਹਨ। ਜਦੋਂ ਬਘਿਆੜ ਇੱਕ ਜਗ੍ਹਾ ਤੋਂ ਦੂਜੀ ਜਗ੍ਹਾ ਜਾਂਦੇ ਹਨ, ਉਹ ਇਸ ਰ੍ਹਹਾਂ ਸਮੂਹਾਂ ਵਿੱਚ ਚਲਦੇ ਹਨ।
੧- ਬੁੱਢੇ ਅਤੇ ਬਿਮਾਰ ਬਘਿਆੜ ਸਭ ਤੋਂ ਅੱਗੇ ਹੁੰਦੇ ਹਨ ।
੨- ਦੂਸਰੇ ਨੰਬਰ 'ਤੇ ਪੰਜ ਚੁਣੇ ਹੋਏ ਸ਼ਕਤੀਸ਼ਾਲੀ ਬਘਿਆੜਾ ਜੋ ਬੁੱਢੇ ਅਤੇ ਬਿਮਾਰ ਬਘਿਆੜਾਂ ਦੇ ਨਾਲ ( ਮੁੱਢਲੀ ਸਹਾਇਤਾ) ਦੀ ਮਦਦ ਕਰਦੇ ਹਨ।
੩- ਉਨ੍ਹਾਂ ਦੇ ਪਿੱਛੇ ਦੁਸ਼ਮਣ ਦੇ ਹਮਲੇ ਦਾ ਬਚਾਅ ਕਰਨ ਵਾਲੇ ਸ਼ਕਤੀਸ਼ਾਲੀ ਅਤੇ ਹੁਸ਼ਿਆਰ ਬਘਿਆੜ ਹੁੰਦੇ ਹਨ।
੪- ਵਿਚਕਾਰ ਬਾਕੀ ਸਾਰੇ ਆਮ ਬਘਿਆੜ ਹੁੰਦੇ ਹਨ।
੫- ਸਭ ਦੇ ਅੰਤ ਵਿੱਚ ਬਘਿਆੜਾਂ ਦਾ ਇੱਕ ਮਿਹਨਤੀ ਨੇਤਾ ਹੁੰਦਾ ਹੈ ਜੋ ਹਰ ਕਿਸੇ ਤੇ ਨਜ਼ਰ ਰੱਖਦਾ ਹੈ ਕਿ ਕੋਈ ਆਪਣੀ ਜ਼ਿੰਮੇਵਾਰੀ ਤੋਂ ਲਾਪਰਵਾਹ ਤਾਂ ਨਹੀਂ ਹੈ ਅਤੇ ਦੁਸ਼ਮਣ ਦਾ ਹਰ ਪਾਸਿਓਂ ਧਿਆਨ ਰੱਖਦਾ ਹੈ ,ਇਸਨੂੰ ਅਰਬੀ ਵਿੱਚ ਅਲਫ਼ ਕਿਹਾ ਜਾਂਦਾ ਹੈ, ਜਿਸਦੇ ਅਰਥ ਹਨ ਹਜ਼ਾਰ, ਯਾਨੀ ਉਹ ਇਕੱਲਾ ਹੀ ਹਾਜ਼ਰ ਦੇ ਬਰਾਬਰ ਹੈ।ਇਹੀ ਕਾਰਨ ਹੈ ਕਿ ਤੁਰਕ ਅਤੇ ਮੰਗੋਲ ਇਸ ਨੂੰ ਪਿਆਰ ਕਰਦੇ ਹਨ ਅਤੇ ਇਹ ਤੁਰਕਾਂ ਦਾ ਰਾਸ਼ਟਰੀ ਜਾਨਵਰ ਹੈ।
ਕਾਪੀ *

10/09/2023

ਸ੍ਰੀ ਅੰਮ੍ਰਿਤਸਰ ਸਾਹਿਬ ਨੂੰ ਭਾਰਤ ਦੀਆਂ ਵੱਖ-ਵੱਖ ਬੰਦਰਗਾਹਾਂ ਨਾਲ ਸਿੱਧਾ ਜੋੜਿਆ ਜਾ ਰਿਹਾ ਹੈ, ਇਹ ਸਾਰੇ ਰੋਡ ਦੋਹਾਂ ਪਾਸਿਆਂ ਤੋਂ ਬੰਦ ਹੋਣਗੇ ਤੇ 2023-24 ਤੱਕ ਪੂਰੇ ਕਰਨ ਦਾ ਟੀਚਾ ਮਿੱਥਿਆ ਗਿਆ ਹੈ ,
1 - ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ ਗੁਜਰਾਤ ਦੇ ਸਮੁੰਦਰ ਨੇੜਲੇ ਸ਼ਹਿਰ ਜਾਮਨਗਰ ਤੱਕ 1257 ਕਿਲੋਮੀਟਰ ਲੰਮਾ ਚਾਰ ਲੇਨ ਐਕਸਪ੍ਰੈਸ ਵੇਅ ਬਣਾਇਆ ਜਾ ਰਿਹਾ ਜਿਸਨੂੰ ਭਵਿੱਖ ਵਿੱਚ ਛੇ ਲੇਨ ਵੀ ਕੀਤਾ ਜਾਵੇਗਾ, ਇਸ ਤੇ 80 ਹਜ਼ਾਰ ਕਰੋੜ ਰੁਪਏ ਖਰਚੇ ਜਾ ਰਹੇ ਹਨ, ਇਸ ਰੋਡ ਤੇ ਤਿੰਨ ਵੱਡੀਆਂ ਤੇਲ ਰਿਫਾਈਨਰੀਆਂ ਨੇ,

2 - ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ ਦਿੱਲੀ 407 ਕਿਲੋਮੀਟਰ ਚਾਰ ਲੇਨ ਐਕਸਪ੍ਰੈਸ ਵੇਅ ਬਣ ਰਿਹਾ ਜਿਸ ਉਪਰ 35 ਹਜ਼ਾਰ ਕਰੋੜ ਖਰਚ ਆਵੇਗਾ, ਇਸਨੂੰ ਭਵਿੱਖ ਵਿੱਚ ਅੱਠ ਲੇਨ ਕੀਤਾ ਜਾਵੇਗਾ, ਦਿੱਲੀ ਤੋਂ ਮੁੰਬਈ 1380 ਕਿਲੋਮੀਟਰ ਸਿੱਧਾ ਅੱਠ ਮਾਰਗੀ ਐਕਸਪ੍ਰੈਸ ਵੇਅ ਹਾਈਵੇ ਬਣ ਰਿਹਾ ਜਿਸਨੂੰ ਭਵਿੱਖ ਵਿੱਚ 12 ਮਾਰਗੀ ਕੀਤਾ ਜਾਵੇਗਾ, ਇਸ ਉਪਰ 90 ਹਜ਼ਾਰ ਕਰੋੜ ਖਰਚ ਆਵੇਗਾ, ਇਸ ਤਰ੍ਹਾਂ ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ ਦਿੱਲੀ ਚਾਰ ਘੰਟੇ ਤੇ ਮੁੰਬਈ 16 ਘੰਟੇ ਦਾ ਸਫ਼ਰ ਹੋਵੇਗਾ,

3 - ਸ੍ਰੀ ਅੰਮ੍ਰਿਤਸਰ ਸਾਹਿਬ ਤੋਂ ਕਲਕੱਤਾ 1839 ਕਿਲੋਮੀਟਰ ਉਦਯੋਗਿਕ ਕੋਰੀਡੋਰ ਜਿਸਦੇ ਉਪਰ ਵੱਡੇ ਉਦਯੋਗਿਕ ਕੇਂਦਰ ਵਿਕਸਿਤ ਕੀਤੇ ਜਾਣਗੇ ,

ਇਸ ਤਰ੍ਹਾਂ ਸ੍ਰੀ ਅੰਮ੍ਰਿਤਸਰ ਸਾਹਿਬ ਹਿੰਦ ਮਹਾਂਸਾਗਰ, ਬੰਗਾਲ ਦੀ ਖਾੜੀ ਤੇ ਅਰਬ ਸਾਗਰ ਦੇ ਕੰਢੇ ਬਣੀਆਂ ਬੰਦਰਗਾਹਾਂ ਨਾਲ ਵੱਡੇ ਮਾਰਗਾਂ ਰਾਹੀਂ ਸਿੱਧਾ ਜੁੜਨ ਜਾ ਰਿਹਾ ਐ, ਇਹਨਾਂ ਹਲਾਤਾਂ ਵਿੱਚ ਪੰਜਾਬ ਦੀ ਜ਼ਮੀਨ ਤੇ ਦੁਨੀਆਂ ਦੇ ਵੱਡੇ ਸਰਮਾਏਦਾਰਾਂ ਦੀ ਨਜ਼ਰ ਹੈ ਤੇ ਪੰਜਾਬ ਭੂ-ਰਾਜਨੀਤੀ ਦੇ ਹਿਸਾਬ ਨਾਲ਼ ਮਹੱਤਵਪੂਰਨ ਖਿੱਤਾ ਬਣ ਕੇ ਉਭਰੇਗਾ, ਪੰਜਾਬ ਦੇ ਵਾਰਸ ਭਵਿੱਖ ਪ੍ਰਤੀ ਸੁਚੇਤ ਹੋ ਕੇ ਫ਼ੈਸਲੇ ਲੈਣ , ਪੰਜਾਬ ਦੇ ਕਿਸਾਨ ਤੇ ਵਪਾਰੀ ਖ਼ਾਸ ਧਿਆਨ ਦੇਣ ।

10/09/2023

ਪਿੰਡ ਸਿਧਾਣਾ ਵਿੱਚ ਚਿੱਟੇ ਨੂੰ ਰੋਕਣ ਲਈ ਪਹਿਰੇ ਤੇ ਖੜ੍ਹੇ ਕਮੇਟੀ ਮੈੰਬਰ ਦਾ ਕਤਲ ਹੋ ਗਿਐ ਤੇ ਇਹ ਕਤਲ ਨਸ਼ਾ ਵੇਚਣ ਵਾਲਿਆਂ ਵੱਲੋੰ ਕੀਤਾ ਦੱਸਿਆ ਜਾ ਰਿਹਾ ।ਕਿੱਥੇ ਤਾਂ ਇਹ ਸਵਾਲ ਸਰਕਾਰ ਨੂੰ ਹੋਣੇ ਚਾਹੀਦੇ ਸੀ ਕਿ ਨਸ਼ਾ ਰੋਕਣ ਵਿੱਚ ਸਰਕਾਰ ਬੁਰੀ ਤਰ੍ਹਾਂ ਨਾਕਾਮਯਾਬ ਰਹੀ ਹੈ ਤੇ ਜੇ ਹੁਣ ਲੋਕਾਂ ਨੇ ਆਪਣੇ ਪੱਧਰ ਤੇ ਪਿੰਡਾਂ ਵਿੱਚ ਪਹਿਰਾ ਦੇਣਾ ਸ਼ੁਰੂ ਕੀਤਾ ਤਾਂ ਨਸ਼ੇੜੀ ਤੇ ਨਸ਼ਾ ਵੇਚਣ ਵਾਲੇ ਬੰਦੇ ਮਾਰਨ ਤੱਕ ਪਹੁੰਚ ਗਏ ।ਸਰਕਾਰ ਤਾਂ ਲੱਗ ਰਿਹਾ ਜਿਵੇੰ ਹੋਵੇ ਹੀ ਨਾ ਪੰਜਾਬ ਵਿੱਚ ਕਿਤੇ ।ਉੱਤੋੰ ਹੱਦ ਕੀਤੀ ਪਈ ਐ ਲੋਕਾਂ ਨੇ ਚਾਪਲੂਸੀ ਵਾਲੀ ਯਾਰ ਕਿਸੇ ਦੇ ਘਰ ਦਾ ਜੀਅ ਚਲਾ ਗਿਆ ਤੇ ਖਬਰਾਂ ਬਣ ਰਹੀਆਂ ਨੇ ਫਲਾਣਾ ਪਹੁੰਚਿਆ ਮੌਕੇ ਤੇ ,ਫਲਾਣੇ ਦੇ ਨਿਕਲੇ ਅੱਥਰੂ ।ਯਾਦ ਰੱਖਿਓ ਇਹ ਬਿਮਾਰੀ ਜੇ ਨਾ ਰੁਕੀ ਤਾਂ ਇਹ ਲੋਕਾਂ ਨੂੰ ਘਰਾਂ ਚ ਵੜ ਕੇ ਮਾਰਨਗੇ ਤੇ ਪਹਿਰੇ ਲਾ ਕੇ ਇਹ ਬਿਮਾਰੀ ਕਦੇ ਨਹੀੰ ਰੁਕਣੀ ਇਹ ਤਾਂ ਰੁਕੇਗੀ ਜੇ ਸਰਕਾਰ ਚਾਹੇ ਨਹੀੰ ਤਾਂ ਹਿੱਸੇ ਪੱਤੀ ਲੈ ਕੇ ਸਭ ਏਵੀੰ ਹੀ ਚਲਦਾ ਰਹਿਣਾ ਤੇ ਲੋਕ ਲੜ ਲੜ ਕੇ ਮਰਦੇ ਰਹਿਣਗੇ

09/09/2023

ਬੇਹੱਦ ਚਿੰਤਾਜਨਕ :ਮੋਰੋਕੋ 'ਚ ਮਚੀ ਤਬਾਹੀ,6.8 ਤੀਬਰਤਾ ਦੇ ਭੂਚਾਲ ਕਾਰਨ 296 ਲੋਕਾਂ ਦੀ ਹੋਈ ਮੌਤ