15/03/2025
“ਹੋਲੀ ਕੀਨੀ ਸੰਤ ਸੇਵ ॥ ਰੰਗੁ ਲਾਗਾ ਅਤਿ ਲਾਲ ਦੇਵ ॥”
ਹਰ ਸਾਲ ਦੀ ਤਰਾਂ ਇਸ ਵਾਰ ਵੀ ਮਿਤੀ 14 ਮਾਰਚ,2025 ਨੂੰ ਹੌਲਾ ਮਹੱਲਾ ਦੇ ਅਵਸਰ ਤੇ ਚੜਦੀਕਲਾ ਨਿਸ਼ਕਾਮ ਸੇਵਕ ਟ੍ਰਸਟ (ਰਜਿ.) ਫਰੀਦਾਬਾਦ ਵੱਲੋਂ ਗੁਰਦੁਆਰਾ ਸ੍ਰੀ ਨੌਰੰਗ ਪੰਚਾਇਤੀ ਨੰਬਰ 2 NIT ਵਿਖੇ ਆਯੋਜਤ ਕੀਤੇ ਗਏ ਪੋ੍ਗਰਾਮ ਵਿੱਚ ਆਏ ਹੋਏ ਬੁਲਾਰਿਆਂ ਨੇ ਸੰਗਤਾਂ ਨਾਲ ਵਿਚਾਰਾਂ ਕਰਦੇ ਹੋਏ ਹੋਲੀ ਵਰਗੇ ਤਿਹਾਉਰਾਂ ਤੇ ਕੱਚੇ ਰੰਗਾਂ ਅਤੇ ਨਸ਼ਿਆ ਵਰਗੀਆਂ ਸਮਾਜਿਕ ਬੁਰਾਇਆਂ ਤੋਂ ਬਚਣ ਦਾ ਸੰਦੇਸ਼ ਦਿੱਤਾ ਅਤੇ ਦੁਨਿਆਂ ਵਿੱਚ ਧਰਮ ਅਤੇ ਮਜ਼੍ਹਬ ਦੇ ਨਾਂ ਤੇ ਹੋ ਰਹੇ ਦੰਗੇ ਫ਼ਸਾਦਾਂ ਵਾਰੇ ਸਚੇਤ ਕੀਤਾ ਅਤੇ ਕਿਹਾ ਇਹ ਸਬ ਗੰਦੀ ਰਾਜਨੀਤੀ ਅਤੇ ਪੁਜਾਰੀ ਸ੍ਰੇਣੀ ਦੀ ਦੇਣ ਹੈ ।ਅਗਰ ਸਾਰੀ ਦੁਨਿਆ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਵਿਚਾਰਧਾਰਾ “ਏਕ ਪਿਤਾ ਏਕਸ ਕੇ ਹਮ ਬਾਰਕ”ਨੂੰ ਅਪਣਾ ਲਵੇ ਤਾਂ ਸਾਰੀ ਮਨੁੱਖਤਾ ਵਿੱਚ ਅਮਨ ਕਾਇਮ ਹੋ ਸਕਦਾ ਹੈ ।
ਬੁਲਾਰਿਆਂ ਵਲੋਂ ਇਸ ਗੱਲ ਤੇ ਵੀ ਜ਼ੋਰ ਦਿੱਤਾ ਗਿਆ ਕਿ ਅਸੀਂ ਅੱਜ ਅਪਣੇ ਦਸਵੰਧ ਦਾ ਸਹੀ ਇਸਤੇਮਾਲ ਕਰਦੇ ਹੋਏ ਬਚਿਆਂ ਦੀ ਪੜਾਈ ਵੱਲ ਧਿਆਨ ਦਈਏ ਕਿਉਕਿ ਅੱਛਾ ਸਮਾਜ ਸਿਰਜਨ ਦੇ ਲਈ ਸਮਾਜ ਦਾ ਪੜ੍ਹਿਆ ਲਿਖਿਆ ਹੋਣਾ ਬਹੁਤ ਜਰੁਰੀ ਹੈ ਅਤੇ ਪੜਾਈ ਦੇ ਨਾਲ ਬਚਿਆਂ ਨੂੰ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਵਿਚਾਰਧਾਰਾ ਨਾਲ ਵੀ ਜੋੜਿਆ ਜਾਵੇ ਤਾਂ ਕੇ ਬੱਚੇ ਪੜਾਈ ਕਰਦੇ -ਕਰਦੇ ਅੱਛੇ ਇਨਸਾਨ ਵੀ ਬਣ ਸਕਣ ।
ਵੀਰ ਭੁਪਿੰਦਰ ਸਿੰਘ ਜੀ ਨੇ ਸੰਗਤਾਂ ਨਾਲ ਸ਼ਬਦ ਵਿਚਾਰ ਕਰਦੇ ਹੋਏ ਸਮਝਾਇਆ ਕਿ ਕਿਵੇਂ ਗੁਰਸਿੱਖ ਨੇ ਗੁਰੂ ਦੇ ਸ਼ਬਦ ਨਾਲ ਆਪਣੇ ਮਨ ਨੂੰ ਰੰਗਣਾ ਹੈ ।
ਪੋ੍ਗਰਾਮ ਦੀ ਅਰੰਭਤਾ ਚੜਦੀ ਕਲਾ ਨਿਸਕਾਮ ਸੇਵਕ ਟ੍ਰਸਟ (ਰੱਜੀ.) ਦੇ ਬੱਚਿਆਂ ਜਸਪ੍ਰੀਤ ਕੌਰ , ਮਨਪ੍ਰੀਤ ਕੋਰ ਅਤੇ ਸਾਥੀਆਂ ਨੇ ਗੁਰਬਾਣੀ ਕੀਰਤਨ ਕਰਦੇ ਹੋਏ ਕੀਤੀ ।
ਬੱਚੀ ਹਰਜਸ ਕੌਰ ਨੇ “ਦਰਸ਼ਨ ਸਿੰਘ “ਅਵਾਰਾ” ਦੀ ਕਵਿਤਾ ਰਾਹੀ ਕੌਮ ਨੂੰ ਹਲੂਣਾ ਦਿੱਤਾ ਕੇ ਕਿਵੇਂ ਅੱਜ ਅਸੀਂ ਫਿਰ ਵਿਪਰ ਬਾਦ ਦੇ ਖਾਰੇ ਸਮੁੰਦਰ ਵਿੱਚ ਗ਼ਲਤਾਨ ਹੋ ਗਏ ਹਾਂ ।
ਇਸੇ ਤਰਾਂ ਅੱਜ ਦੇ ਪ੍ਰੋਗਰਾਮ ਵਿੱਚ ਛੋਟੇ - ਛੋਟੇ ਬੱਚਿਆਂ ਨੇ ਵੀ ਛੋਟੀਆਂ ਛੋਟੀਆਂ ਪੇਸ਼ਕਾਰੀਆਂ ਦਵਾਰਾ ਸੰਗਤਾਂ ਨੂੰ ਗੁਰਮਤਿ ਦਾ ਸੰਦੇਸ਼ ਦਿੱਤਾ , ਬੱਚਿਆਂ ਦੇ ਇਸ ਸਾਰੇ ਪ੍ਰੋਗਰਾਮ ਦੀ ਤਿਆਰੀ ਬੀਬੀ ਗੁਰਪ੍ਰੀਤ ਕੋਰ ਦੁਆਰਾ ਬਹੁਤ ਹੀ ਸੁਚੱਜੇ ਢੰਗ ਨਾਲ ਕਰਵਾਈ ਗਈ ।
ਅੱਜ ਦੇ ਇਸ ਪ੍ਰੋਗਰਾਮ ਵਿੱਚ ਵੀਰ ਮੇਜਰ ਸਿਘ ,ਵੀਰ ਸੁਖਦੇਵ ਸਿੰਘ , ਬੀਬੀ ਗੁਰਪ੍ਰੀਤ ਕੋਰ ਅਤੇ ਬੀਬੀ ਜਤਿੰਦਰ ਕੋਰ ਜੀ ਨੇ ਸੰਗਤਾਂ ਨਾਲ ਵਿਚਾਰਾਂ ਦੀ ਸਾਂਝ ਕੀਤੀ ।
ਪ੍ਰੋਗਰਾਮ ਦੀ ਸਮਾਪਤੀ ਭਾਈ ਗੁਰਸਾਹਿਬ ਸਿੰਘ ਜੀ “ਸੁਰਮਾ” ਅਤੇ ਬੀਬਾ ਗੁਰਸਿਮਰ ਜੀਤ ਕੋਰ ਜੀ ਨੇ ਸ਼ਬਦ ਗਾਇਨ ਕਰਦੇ ਹੋਏ ਕੀਤੀ ।
ਫਰੀਦਾਬਾਦ ਦੀਆਂ ਸਮੁਹ ਪ੍ਰਬੰਧਕ ਕਮੇਟੀਆਂ ਨੇ ਵੱਧ ਚੜ ਕੇ ਇਸ ਪ੍ਰੋਗਰਾਮ ਨੂੰ ਸਫਲਾ ਕਰਨ ਵਿੱਚ ਅਪਣਾ ਅਪਣਾ ਯੋਗਦਾਨ ਪਾਇਆ ਜਿਸ ਵਿੱਚ ਗੁਰਦਵਾਰਾ ਸ੍ਰੀ ਨੌਰੰਗ ਪੰਚਾਇਤੀ ਤੋਂ ਵੀਰ ਅਸੋਕ ਜੀ ਅਤੇ ਸਾਥੀ,ਸਿੰਘ ਸਭਾ ਨੰਬਰ 1 ਤੋਂ ਸ. ਮਨਜੀਤ ਸਿੰਘ ਅਤੇ ਉਨਾਂ ਦੇ ਸਾਥੀ ,ਸ. ਰਵਿੰਦਰ ਸਿੰਘ “ਰਾਣਾ”, ਸ. ਨਰਿੰਦਰ ਸਿੰਘ “ਕੰਗ “ਅਤੇ ਉਨਾਂ ਦੇ ਸਾਥੀ ਸੈਕਟਰ 15-16 ਤੋਂ ਸ. ਚਰਨਜੀਤ ਸਿੰਘ , ਬੀਬੀ ਬਲਦੇਵ ਕੋਰ, ਬੀਬੀ ਅਮਰੀਕ ਕੋਰ ਜੀ ਅਤੇ ਉਨਾਂ ਦੇ ਸਾਥੀ, ਸੈਕਟਹ 22-23 ਤੋਂ ਸ. ਜਸਵੀਰ ਸਿੰਘ ਅਤੇ ਸਾਥੀ, ਇੰਦਰਾ ਕਲੋਨੀ ਤੋਂ ਪ੍ਰਬੰਧਕ ਕਮੇਟੀ ਦੇ ਵੀਰ ਅਤੇ ਡਬੂਆ ਕਲੋਨੀ ਸੈਕਟਰ 50 ਤੋਂ ਸ. ਕੁਲਦੀਪ ਸਿੰਘ , ਸ. ਸੰਤੋਖ ਸਿਘ, ਸ. ਦਵਿੰਦਰ ਸਿੰਘ ਸ. ਅਮਰਜੀਤ ਸਿੰਘ ਸ. ਹਰਜੀਤ ਸਿੰਘ , ਸੈਕਟਰ 8-9 ਤੋਂ ਸ. ਗੇਜਾ ਸਿੰਘ ਜੀ ਨੇ ਪ੍ਰੋਗਰਾਮ ਵਿੱਚ ਉਚੇਚੇ ਤੋਰ ਤੇ ਪਹੁੰਚ ਕੇ ਹਾਜ਼ਰੀ ਲਗਾਈ । “
“ਚੜਦੀ ਕਲਾ ਸੇਵਾ ਦਲ” ਫਰੀਦਾਬਾਦ ਦੇ ਵੀਰਾਂ ਨੇ ਸੂਗਰ ਅਤੇ ਬੀ. ਪੀ. ਚੈੱਕ ਐਪ ਕੈਂਪ ਦਾ ਆਯੋਜਨ ਕੀਤਾ ।
ਵੀਹ ਪਰਮਿੰਦਰ ਸਿੰਘ “ਦਿੱਲੀ” ਨੇ ਸੰਗਤਾਂ ਨੂੰ ਸੇਹਤ ਦੇ ਵਾਰੇ ਜਾਗ੍ਰਿਤ ਕੀਤਾ ।
ਚੜਦੀਕਲਾ ਨਿਸ਼ਕਾਮ ਸੇਵਕ ਟ੍ਰਸਟ (ਰਜਿ.) ਫਰੀਦਾਬਾਦ ਦੇ ਪ੍ਰਬੰਧਕ ਵੀਰ ਸ. ਸਿੰਘਾਰਾ ਸਿੰਘ , ਸ. ਨਿਰਮਲ ਸਿੰਘ , ਸ. ਰਣਜੀਤ ਸਿੰਘ ਸ. ਹਰਦੀਪ ਸਿੰਘ , ਸ.ਰਿਸਪਾਲ ਸਿੰਘ ਅਤੇ ਸਾਥੀਆਂ ਨੇ ਪ੍ਰੋਗਰਾਮ ਨੂੰ ਸਫਲਾ ਬਨਾਉਣ ਲਈ ਵਿਸ਼ੇਸ਼ ਯੋਗਦਾਨ ਦਿੱਤਾ ।
ਲੰਗਰ ਦੀ ਸੇਵਾ “ਪੰਥ ਖਾਲਸਾ ਸੇਵਕ ਜਥਾ” ਨ. 1 ਦੇ ਵੀਰਾਂ ਨੇ ਨਿਭਾਈ ।
ਸਟੇਜ ਸਕੱਤਰ ਦੀ ਸੇਵਾ ਸ. ਸੁਰਿੰਦਰ ਸਿੰਘ ਨੇ ਸੁਚੱਜੇ ਢੰਗ ਨਾਲ ਨਿਭਾਈ ।
ਸੰਗਤਾਂ ਨੇ ਸਾਰੇ ਪ੍ਰੋਗਰਾਮ ਦਾ ਭਰਪੂਰ ਆਨੰਦ ਮਾਣਿਆ ।
ਪ੍ਰੋਗਰਾਮ ਦੀਆਂ ਕੁਝ ਝਲਕੀਆਂ ਤਸਵੀਰਾਂ ਰਾਹੀਂ :—
