Erodu Siragukal, vimal, sri gokulakkannan stores, 132, new majith Street, Erode (2026)

Q: What is the address?

Vimal, Sri Gokulakkannan Stores, 132, New Majith Street

15/09/2026

*🌴 பனை சார்ந்த பொருட்கள் தயாரிக்கிறீங்களா? உங்களுக்கான மேடை ஈரோட்டில் தயாராகிறது*

*பனை மக்கள் திருவிழா – 2026*

அக்டோபர் 10 & 11 (சனி, ஞாயிறு)
டெக்ஸ்வேளி வணிக வளாகம், கங்காபுரம், சேலம் - கொச்சி தேசிய நெடுஞ்சாலை, ஈரோடு

*ஒரு பகிர்வு(Share) = ஒரு பனை தயாரிப்பாளரை கொண்டு வர உதவி*

பனை மரத்திலிருந்து கிடைக்கும் இயற்கை சார்ந்த பொருட்கள் என்ன தயாரித்தாலும் இந்த விழாவில் விற்பனை அரங்கு அமைக்கலாம்.

🌴 பனங்கருப்பட்டி, பனங்கற்கண்டு உள்ளிட்ட பனை உணவுப் பொருட்கள்
🌴 பனை ஓலை கைவினைப் பொருட்கள்
🌴 பனை சார்ந்த அழகு மற்றும் ஆரோக்கியப் பொருட்கள்
🌴 புதுமையான பனை தயாரிப்புகள்

மேலும் இயற்கை வேளாண்மை மற்றும் மதிப்புகூட்டுப் பொருட்கள், இயற்கை உணவகங்கள் என இயற்கை சார்ந்த உற்பத்தியாளர்கள் அனைவரும் விற்பனை அரங்குகள் அமைக்கலாம்.

பனை சார்ந்த உற்பத்தியாளர்களுக்கே முன்னுரிமை வழங்கப்படும்.

மேலும் மாணவர்களுக்கும் பொதுமக்களுக்கும் நேரடியாகப் பார்த்துத் தெரிந்துகொள்ள...

கருப்பட்டி தயாரிக்கும் நேரடி செய்முறை

மண்பானை தயாரிக்கும் நேரடி செய்முறை

பனை சார்ந்த பொருட்கள் தயாரிக்கும் நேரடி செய்முறை

பனை மற்றும் இயற்கை சார்ந்த பொருட்கள் கண்காட்சி

என பல்வேறு நிகழ்வுகளையும் ஏற்பாடு செய்து வருகிறோம்.

சுமார் 10,000 மேற்பட்ட மக்கள் பங்கேற்கும் வகையில் ஏற்பாடுகள் நடைபெற்று வருகின்றன.

ஒரு முக்கியமான வேண்டுகோள்!

உங்களுக்குத் தெரிந்த பனை மற்றும் இயற்கை சார்ந்த பொருட்கள் தயாரிப்பாளர்கள், இயற்கை சார்ந்த சிறு தொழில் முனைவோர், மகளிர் சுயஉதவிக் குழுக்கள், கைவினைக் கலைஞர்கள் யாராவது இருந்தால்...

இந்தப் பதிவை அவர்களுக்கு உடனே அனுப்புங்கள், சமூக வலைதளங்களில் பகிருங்கள்...

WhatsApp குழுக்களில் பகிருங்கள்.

Facebook, Instagram போன்றவற்றில் நண்பர்களுக்கு பகிருங்கள்.

தமிழகம் மட்டுமல்ல! இந்தியாவின் எந்தப் பகுதியில் பனை சார்ந்த புதுமையான பொருட்கள் தயாரிப்பவர்கள் இருந்தாலும் எங்களுக்குத் தெரியப்படுத்துங்கள்.

விற்பனை அரங்கு அமைக்க கட்டணம் ₹2000 மட்டுமே...
(2 நாட்களுக்கும் சேர்த்து மதிய உணவு, எளிமையான தங்கும் வசதி உட்பட) மற்ற விவரங்கள் விண்ணப்பத்தில் உள்ளது.

*விற்பனை அரங்கு முன்பதிவுக்கு:*
ஏர்வளம் திவாகர் பிரசன்னா
+91 95009 51212

*மேலும் தொடர்புக்கு:*
செல்வ ராமலிங்கம்
+91 80501 95385
+91 63803 12729

விமல் கருப்பண்ணன்
தலைவர் – ஈரோடு சிறகுகள்
+91 97866 69999

*நிகழ்ச்சிக்கு நன்கொடை (Sponsor)* செய்ய விரும்பும் நிறுவனங்களும் தொடர்பு கொள்ளலாம்.

*Flex, Notice, Printing உள்ளிட்ட விளம்பர உதவிகளை செய்ய* விரும்பும் நிறுவனங்களும் வரவேற்கப்படுகிறார்கள்.

பனையைப் பற்றி அடுத்த தலைமுறைக்கு எடுத்துச் சொல்வோம்!

பனை சார்ந்த தொழில் முனைவோர்களுக்கு சந்தையை உருவாக்குவோம்!

தயாரிப்பாளர்களையும் மக்களையும் ஒரே மேடையில் இணைப்போம்!

*இந்தப் பதிவை ஒரு பகிர்வு (Share) செய்வதன் மூலம் ஒரு பனைப் பொருள் தயாரிப்பாளரை இந்தத் திருவிழாவிற்கு கொண்டு வர நீங்கள் உதவலாம்!*

நன்றி!

12/09/2026

MoU Nandha Engineering College உடன் புரிந்துணர்வு ஒப்பந்தம்

GREEN CAMPUS 360°
Live Segregation • Resource Recovery • Zero Waste

ஈரோட்டில் உள்ள பள்ளிகள், கல்லூரிகள், பல்கலைக்கழகங்கள், தொழிற்சாலைகள், நிறுவனங்கள் மற்றும் அரசு அமைப்புகளுக்கும் ஒரு அன்பான அழைப்பு…

நந்தா இன்ஜினியரிங் கல்லூரி மற்றும் Wonder Waste Management Solutions Private Limited
(Erodu Siragukal & Yaan Foundation) (ஈரோடு சிறகுகள் & யான் பவுண்டேஷன்) இணைந்து, கல்லூரி வளாகத்தில் ஒரு முழுமையான Bulk Waste Management & Live Waste Segregation System உருவாக்குவதற்கான புரிந்துணர்வு ஒப்பந்தம் 11.09.2026 வெள்ளிக்கிழமை கையெழுத்தானது.

எங்களுடைய நோக்கம் கல்லூரியில் சேரும் குப்பையை எடுத்துச் செல்வது மட்டும் அல்ல…

குப்பை உருவாகும் இடத்திலேயே அதை சரியாகப் பிரிக்கும் பழக்கத்தை உருவாக்குவதுதான்!

மக்கும் கழிவுகள்

இலை, தழை மற்றும் தோட்டக் கழிவுகளை தனியாக சேகரித்து மக்க வைப்பது.

உணவுக் கழிவுகள் மற்றும் காய்கறிக் கழிவுகளை தனியாக சேகரித்து முறையாக கையாள்வது.

கறி எலும்புகளை தனியாகவும், முட்டை ஓடுகளை தனியாகவும் சேகரித்து, தேவையான முறையில் பதப்படுத்தி பயனுள்ள பொருளாக மாற்றுவதற்கான முயற்சிகளை மேற்கொள்வது.

பிளாஸ்டிக் & Dry Waste

எண்ணெய் மற்றும் ஈரம் படிந்த பிளாஸ்டிக் கவர்களை தனியாகப் பிரித்து, பொருத்தமான மறுசுழற்சி வழிமுறைக்கு அனுப்புவது.

MLP – Multi Layered Plastics, எடை குறைவான பிளாஸ்டிக் கவர்கள் மற்றும் பிற Dry Waste பொருட்களை வகை வாரியாகப் பிரித்து, அவற்றை மறுசுழற்சி செய்யக்கூடிய நிறுவனங்களுடன் இணைப்பது.

ஆனால் இதைவிட முக்கியமான பணி ஒன்று இருக்கிறது…

மனிதர்களின் பழக்கத்தை மாற்றுவது

கல்லூரி தூய்மைப் பணியாளர்கள், பிற பணியாளர்கள், மாணவ–மாணவிகள் என ஒவ்வொரு பிரிவினருக்கும் தனித்தனியாக பயிற்சி மற்றும் விழிப்புணர்வு வழங்க இருக்கிறோம்.

Solid Waste Management தொடர்பான புதிய விதிமுறைகள், கழிவுகளை எவ்வாறு பிரிக்க வேண்டும், எதை எந்த தொட்டியில் போட வேண்டும், மறுசுழற்சிக்கு எப்படித் தயார்படுத்த வேண்டும் என்பதையும் நடைமுறையாக எடுத்துரைக்க இருக்கிறோம்.

இதன் முக்கியமான பகுதி:

LIVE WASTE SEGREGATION SYSTEM

வீட்டிலோ, வகுப்பறையிலோ, ஹாஸ்டலிலோ, கேன்டீனிலோ…

குப்பையை ஒன்றாகப் போட்டுவிட்டு பிறகு பிரிப்பது அல்ல; குப்பையை போடும்போதே சரியான வகையில் பிரித்துப் போட வேண்டும்.

இதைத்தான் ஒரு பழக்கமாக மாற்ற வேண்டும்.

இது ஓரிரு நாட்களில் முடியும் வேலை அல்ல…

ஓரிரு மாதங்களில் முடிந்துவிடும் திட்டமும் அல்ல.

பல வருடங்களாக பழகிய பழக்கத்தை மாற்ற வேண்டும். பல்லாயிரக்கணக்கான மாணவர்களுக்கு புரிய வைத்து, உணர வைத்து, தொடர்ந்து பயிற்சி கொடுத்து, அவர்களையே இந்த மாற்றத்தின் தூதுவர்களாக உருவாக்க வேண்டும்.

ஒரு மாணவர் கல்லூரியில் கற்றுக்கொள்ளும் இந்தப் பழக்கம், நாளை அவரது வீட்டிற்கும் சமூகத்திற்கும் சென்றடைய வேண்டும்.

அதுதான் இந்த MoU-வின் மிக முக்கியமான நோக்கம்.

*இறுதியில் நமது இலக்கு ஒன்றுதான்:*

*Green Campus – Minimum Waste – Maximum Recycling*

நந்தா இன்ஜினியரிங் கல்லூரியை பசுமையான, தூய்மையான, பொறுப்பான கழிவு மேலாண்மை கொண்ட கல்வி வளாகமாக மாற்றுவதுடன், அங்கு உருவாகும் கழிவுகளில் முடிந்தவரை அனைத்தையும் சரியான மறுசுழற்சி / மீட்பு வழித்தடத்திற்குக் கொண்டு செல்ல இணைந்து பணியாற்ற இருக்கிறோம்.

இதேபோன்று மேலும் சில பள்ளிகள் மற்றும் கல்லூரிகள் எங்களை அழைத்துள்ளன. அவர்களுடனும் விரைவில் புரிந்துணர்வு ஒப்பந்தங்கள் செய்து பணிகளைத் தொடங்க இருக்கிறோம்.

ஈரோட்டில் உள்ள பள்ளிகள், கல்லூரிகள், பல்கலைக்கழகங்கள், தொழிற்சாலைகள், நிறுவனங்கள் மற்றும் அரசு அமைப்புகளுக்கும் ஒரு அன்பான அழைப்பு…

உங்கள் வளாகத்திலும் குப்பையை வெறும் *அகற்றும் முறையிலிருந்து* மாற்றி,

உருவாகும் இடத்திலேயே பிரித்து – மீட்டு – மறுசுழற்சி செய்யும் முறைக்கு

கொண்டு வருவோம்.

ஒரு பள்ளி மாறினால் நூற்றுக்கணக்கான குடும்பங்கள் மாறும்.
ஒரு கல்லூரி மாறினால் ஆயிரக்கணக்கான இளைஞர்கள் மாறுவார்கள்.
இளைஞர்கள் மாறினால் நாளைய சமூகம் மாறும்.

இணைந்து செயல்படுவோம்…

குப்பையை வளமாக மாற்றுவோம்…

அடுத்த தலைமுறைக்கு தூய்மையான தமிழ்நாட்டை உருவாக்குவோம்.

Wonder Waste Management Solutions Private Limited
ERODU Siragukal | Yaan Foundation

11/09/2026

🌴 பனை சார்ந்த பொருட்கள் தயாரிக்கிறீங்களா? உங்களுக்கான மேடை ஈரோட்டில் தயாராகிறது

பனை மக்கள் திருவிழா – 2026

அக்டோபர் 10 & 11 – சனி, ஞாயிறு
டெக்ஸ்வேலி, கங்காபுரம், ஈரோடு

2 நாட்களுக்கான ஸ்டால் கட்டணம் வெறும் ₹2,000 மட்டும்

ஒரு Share = ஒரு தயாரிப்பாளரை கொண்டு வர உதவி

பனை மரத்திலிருந்து உணவுப் பொருட்கள், கைவினைப் பொருட்கள், அழகு சாதனப் பொருட்கள், வீட்டு உபயோகப் பொருட்கள், இயற்கை சார்ந்த புதுமையான பொருட்கள் என என்ன தயாரித்தாலும் இந்தக் கண்காட்சியில் ஸ்டால் அமைக்கலாம்.

🌴 பனங்கருப்பட்டி, பனங்கற்கண்டு உள்ளிட்ட பனை உணவுப் பொருட்கள்
🌴 பனை ஓலை கைவினைப் பொருட்கள்
🌴 பனை சார்ந்த அழகு & உபயோகப் பொருட்கள்
🌴 புதுமையான பனை தயாரிப்புகள்
🥥 தென்னை மரத்திலிருந்து தயாரிக்கப்படும் பல்வேறு பொருட்கள்

மேலும் மாணவர்களுக்கும் பொதுமக்களுக்கும் நேரடியாகப் பார்த்துத் தெரிந்துகொள்ள,

கருப்பட்டி தயாரிக்கும் நேரடி செய்முறை

மண்பானை தயாரிக்கும் நேரடி செய்முறை

பனை சார்ந்த பொருட்கள் தயாரிக்கும் நேரடி செய்முறை

குருவிக்கூடு சிறப்பு கண்காட்சி

என பல்வேறு நிகழ்வுகளையும் ஏற்பாடு செய்து வருகிறோம்.

சுமார் 7,000 முதல் 10,000 பேர் வரை பங்கேற்கும் வகையில் ஏற்பாடுகள் நடைபெற்று வருகின்றன.

ஒரு முக்கியமான வேண்டுகோள்!

உங்களுக்குத் தெரிந்த பனை, தென்னை சார்ந்த பொருட்கள் தயாரிப்பாளர்கள், சிறு தொழில் முனைவோர், மகளிர் சுயஉதவிக் குழுக்கள், கைவினைக் கலைஞர்கள் யாராவது இருந்தால்...

இந்தப் பதிவை அவர்களுக்கு உடனே அனுப்புங்கள்.

WhatsApp குழுக்களில் பகிருங்கள்.

Facebook நண்பர்களுக்கு Share செய்யுங்கள்.

தமிழகம் மட்டுமல்ல... இந்தியாவின் எந்தப் பகுதியில் பனை சார்ந்த புதுமையான பொருட்கள் தயாரிப்பவர்கள் இருந்தாலும் எங்களுக்குத் தெரியப்படுத்துங்கள்.

ஸ்டால் கட்டணம் – 2 நாட்களுக்கு ₹2,000 மட்டும்

ஸ்டால் முன்பதிவுக்கு:
திவாகர் – +91 95009 51212

மேலும் தொடர்புக்கு:
செல்வ ராமலிங்கம்
+91 80501 95385
+91 63803 12729

விமல் கருப்பண்ணன்
தலைவர் – ஈரோடு சிறகுகள்
97866 69999

நிகழ்ச்சிக்கு Sponsor செய்ய விரும்பும் நிறுவனங்களும் தொடர்பு கொள்ளலாம்.

Flex, Notice, Printing உள்ளிட்ட விளம்பர உதவிகளை Sponsor செய்ய விரும்பும் நிறுவனங்களும் வரவேற்கப்படுகிறார்கள்.

பனையைப் பற்றி அடுத்த தலைமுறைக்கு சொல்லுவோம்!

பனை சார்ந்த தொழில் முனைவோர்களுக்கு சந்தையை உருவாக்குவோம்!
தயாரிப்பாளர்களையும் மக்களையும் ஒரே மேடையில் இணைப்போம்!

இந்தப் பதிவை ஒரு Share செய்வதன் மூலம் ஒரு பனைப் பொருள் தயாரிப்பாளரை இந்தத் திருவிழாவிற்கு கொண்டு வர நீங்கள் உதவலாம்!

09/09/2026

🌴 பனையில இவ்வளவு பொருட்களா?
தேடித் தேடி எல்லாரையும் ஈரோட்டுக்கு கூட்டிட்டு வரப் போறோம்!

உங்களுக்கு பனை சார்ந்த பொருட்கள் தயாரிக்கிறவங்க யாராவது தெரியுமா?
தெரிஞ்சா அவங்க விவரத்தை எங்களுக்கு அனுப்புங்க!

கருப்பட்டி, பனங்கற்கண்டு மட்டும் இல்லீங்க…

பனை ஓலைப் பொருட்கள், நுங்கு பொருட்கள், பதநீர் சார்ந்த பொருட்கள், பனம்பழ உணவுகள், பனை நார் பொருட்கள், பனை மரத்தில் செய்யப்படும் பொருட்கள், பனை சார்ந்த Snacks, Sweets, Drinks, இயற்கை மற்றும் Eco-Friendly பொருட்கள்…

இன்னும் நமக்கே தெரியாத புதுமையான பனைப் பொருட்கள் எங்கெல்லாம் தயாரிக்கிறாங்களோ, அவங்களைத்தான் தேடிக்கிட்டு இருக்கோம்!

🌴 பனை மக்கள் திருவிழா – 2026
📍 டெக்ஸ்வேலி, ஈரோடு
அக்டோபர் 10 & 11

இந்த இரண்டு நாளும் பனைப் பொருட்கள் கண்காட்சி & விற்பனை அரங்குகள் அமைக்க இருக்கிறோம்.

தமிழ்நாடு மட்டுமில்ல… இந்தியாவுல எங்க இருந்தாலும் சொல்லுங்க!

உங்களுக்குத் தெரிந்த பனைப் பொருள் தயாரிப்பாளர் அல்லது விற்பனையாளர் இருந்தால்,

👉 பெயர்
👉 ஊர் / முகவரி
👉 மொபைல் எண்
👉 என்ன பனைப் பொருள் தயாரிக்கிறார்கள்?

இந்த விவரங்களை Comment-ல போடுங்க அல்லது WhatsApp-ல் அனுப்புங்க.

🌴 Stall கட்டணம் – 2 நாளுக்கும் ₹2,000 மட்டும்!

பெரிய வணிக நோக்கத்துக்காக இந்த விழாவை நடத்தலீங்க.

நிகழ்ச்சிக்கான இதர செலவுகளை சமாளிக்க மட்டுமே இரண்டு நாளுக்கும் சேர்த்து ₹2,000 என வைத்திருக்கிறோம்.

நம்ம நோக்கம் ஒன்றுதான்…

நுங்கு, பதநீர், கருப்பட்டி தாண்டி
“பனை மரத்துல இருந்து இவ்வளவு பொருட்கள் தயாரிக்க முடியுமா?”
என்று நம்ம பள்ளி, கல்லூரி மாணவர்களும் பொதுமக்களும் நேரில் பார்த்துத் தெரிஞ்சுக்கணும்.

பனையின் மதிப்பை அடுத்த தலைமுறைக்கு கொண்டு போகணும். 🌴

🙏 ஒரு உதவி செய்யுங்க… இந்தப் பதிவை Share பண்ணுங்க!

உங்கள் ஒரு Share மூலமா, ஏதோ ஒரு ஊர்ல இருக்கிற அரிய பனைப் பொருள் தயாரிப்பாளர் ஈரோட்டுக்கு வர வாய்ப்பு இருக்கு!

மேலும் விவரங்களுக்கு:
விமல் கருப்பண்ணன்
தலைவர் – ஈரோடு சிறகுகள்
97866 69999
செல்வ ராமலிங்கம்

+918050195385

🌴 பனையைப் பார்ப்போம்…
பனையைப் பற்றி தெரிஞ்சுக்குவோம்…
பனைப் பொருட்களை அடுத்த தலைமுறைக்கு கொண்டு போவோம்!

07/09/2026

இவ்வளவு பொருட்களா? பனையிலிருந்து நேரில் பார்க்க ஈரோட்டுக்கு வாங்க

பனை மக்கள் திருவிழா 2026

See the list

பனையில் இப்படியெல்லாம் தயாரிக்கிறார்களா?
அந்த தயாரிப்பாளர்களை தேடித் தேடி அழைத்து வர இருக்கிறோம்

முடிந்தவரை அதிகமான பனை சார்ந்த புதுமையான தயாரிப்புகளை ஒரே இடத்தில் மக்களுக்கு அறிமுகப்படுத்த முயற்சி தொடங்கியுள்ளோம்.

பனை என்றாலே நுங்கு, பதநீர், கருப்பட்டி, பனை ஓலைப் பொருட்கள் மட்டும்தான் நமக்கு உடனே நினைவுக்கு வரும்.

ஆனால் இந்தியாவின் பல பகுதிகளிலும் பனையை வைத்து உணவு, ஆரோக்கியம், கட்டுமானம், இயற்கைப் பொருட்கள், தொழில்நுட்பம் என பல புதுமையான தயாரிப்புகள் உருவாக்கப்படுவதாக அறிந்து வருகிறோம்.

அப்படிப்பட்ட தயாரிப்பாளர்கள் எங்கிருந்தாலும் அவர்களை கண்டறிந்து, தொடர்புகொண்டு, முடிந்தவரை இந்த பனை மக்கள் திருவிழாவிற்கு அழைத்து வந்து மக்களுக்கு அறிமுகப்படுத்த வேண்டும் என்பதுதான் எங்களுடைய முயற்சி.

*நாங்கள் தேடி அழைக்க விரும்பும் தயாரிப்புகள்:*

உணவு & ஆரோக்கியம்

1. கருப்பட்டி Kombucha / Probiotic Drinks
2. கருப்பட்டி Biscuits & Digestive Bites
3. பனங்கிழங்கு Protein / Energy Bar
4. பதநீர் Sparkling Drink
5. கருப்பட்டி Ice Cream & Vegan Palm Milk
6. Palm Sap Vinegar, Syrup & Sauce
7. Gluten-Free பனங்கிழங்கு மாவு
8. பெண்கள் & குழந்தைகளுக்கான Palm Sugar Nutrition Powder
9. பனை Chocolate
10. பனை Halwa & Barfi
11. பனங்கிழங்கு / பனை முளைப்பொடி
12. Probiotic Palm Jaggery Products
13. பதப்படுத்தப்பட்ட நுங்கு & Nungu Cup Drinks
14. பனம்பழம் / நுங்கு Jam
15. நீண்ட நாட்கள் கெடாமல் பதப்படுத்தப்பட்ட பதநீர்

பனை ஓலை & Eco-Friendly Products

16. பனை ஓலை Disposable Straws
17. பனை ஓலை கழிவிலிருந்து Handmade Paper
18. Visiting Cards & Wedding Invitations
19. பனை ஓலை Food Packaging, Plates & Containers
20. Pen Stand & Laptop Bags
21. Fashion Handbags & Accessories
22. Palm Leaf / Fibre Blended Yarn & Fashion Products

கட்டுமானம் & Interior Products

23. Palm Leaf Roof Tiles
24. Bio-Composite / Partition Boards
25. Palm Fibre Acoustic Panels
26. Thermal Insulation Products

இயற்கை & தினசரி பயன்பாடு

27. இயற்கை Palm Soaps
28. Palm Fibre Door Mats
29. Palm Fibre Toothbrush & Industrial Brushes
30. Palm Fibre Sanitary Pads & Baby Diapers
31. Palm Fibre Pet Products

விவசாயம், தொழிற்துறை & புதிய தொழில்நுட்பம்

32. Palm Shell Biochar
33. Water Purifier / Air Filter பயன்பாட்டிற்கான Activated Carbon
34. Palm Kernel Oil Biofuel / Biodiesel
35. நவீன பனைமரம் ஏறும் கருவிகள்
36. Automatic / Smart Neera Tapping Technology

*இந்தப் பதிவு முதலில் தயாரிப்பாளர்களுக்கான அழைப்பு!*

மேலே குறிப்பிட்ட பொருட்களில் ஏதேனும் ஒன்றை நீங்கள் தயாரிக்கிறீர்களா?

அல்லது இதைவிட புதுமையான பனை / பனை ஓலை / பனை நார் / பனம்பழம் / பனங்கிழங்கு / பதநீர் / கருப்பட்டி சார்ந்த Value Added Product தயாரிக்கிறீர்களா?

தமிழ்நாடு மட்டுமல்ல... இந்தியாவில் எங்கு இருந்தாலும் எங்களைத் தொடர்பு கொள்ளுங்கள்.

மேலும் இதுபோன்ற பொருட்களை தயாரிக்கும் நிறுவனம், Startup, SHG, FPO, கைவினைக் கலைஞர் அல்லது தனிநபர் யாரையாவது உங்களுக்குத் தெரிந்தால், இந்தப் பதிவை அவர்களுக்கு அனுப்பி எங்களுடன் இணைத்து விடுங்கள்.

இன்றிலிருந்தே இப்படிப்பட்ட தயாரிப்பாளர்களை கண்டறிந்து தொடர்புகொண்டு அழைக்கும் பணியை தொடங்குகிறோம்.

*பொதுமக்களுக்கு ஒரு முக்கிய தகவல்:*

மேலே பட்டியலிட்டுள்ள அனைத்து பொருட்களும் கண்காட்சியில் கண்டிப்பாக இடம்பெறும் என்று இப்போதே நாங்கள் உறுதி கூறவில்லை.

முடிந்தவரை அதிகமான தயாரிப்பாளர்களை நேரடியாக அழைத்து வந்து, அவர்களுடைய உண்மையான தயாரிப்புகளை கண்காட்சிப்படுத்துவதற்கான முயற்சியைத்தான் மேற்கொண்டு வருகிறோம்.

யார் யார் பங்கேற்கிறார்கள், என்னென்ன தயாரிப்புகள் உறுதியாக இடம்பெறுகின்றன என்ற தகவல்களை உறுதி செய்யப்பட்ட பிறகு தொடர்ந்து அறிவிப்போம்.

பொதுமக்களே… நீங்களும் வாருங்கள்!

பனை என்பது நமது பாரம்பரியம் மட்டுமல்ல...

அடுத்த தலைமுறைக்கான உணவு, தொழில், வேலைவாய்ப்பு, இயற்கை பாதுகாப்பு மற்றும் புதிய தொழில்நுட்பத்திற்கான மிகப்பெரிய வாய்ப்பு என்பதை ஒன்றாக அறிந்து கொள்வோம்.

அக்டோபர் 10 & 11, 2026
Texvalley, ஈரோடு

பனை மக்கள் திருவிழா – 2026

தயாரிப்பாளர்களை தேடுகிறோம்…
புதுமைகளை ஒன்றிணைக்கிறோம்…
முடிந்தவரை மக்களின் பார்வைக்கு கொண்டு வருகிறோம்…

பனை மற்றும் ஈஞ்சபனை தயாரிப்பு பொருட்கள் மட்டும் கண்காட்சியில் ஸ்டால் போட விரும்புவர்கள் அழைக்கவும்

செல்வ ராமலிங்கம்
+916380312729

விமல் கருப்பண்ணன்
ஈரோடு சிறகுகள் தலைவர்
9786669999

01/09/2026

*மூளை வளர்ச்சி குறைபாடு உள்ள குழந்தைகளுக்கு திறன் போட்டி செப்டம்பர் 6 ஆம் தேதி*

*அவர்களுக்கும் திறமை இருக்கிறது… அதை உலகிற்கு காட்ட ஒரு வாய்ப்பு hகொடுப்போம்*

மாநில அளவிலான சிறப்பு குழந்தைகளுக்கான திறன் போட்டி & விழிப்புணர்வு நிகழ்ச்சி – “BEYOND THE LIMIT 2026”

Autism மற்றும் மூளை வளர்ச்சி சார்ந்த சிறப்புத் குழந்தைகள் என்றால், அவர்களால் முடியாது என்று அர்த்தமல்ல…

அவர்களுக்குள்ளும் பல திறமைகள் இருக்கின்றன.
அதை கண்டறிந்து, ஊக்கப்படுத்தி, அனைவரின் முன்னிலையிலும் வெளிப்படுத்த ஒரு மேடை வேண்டும்.

அந்த நோக்கத்துடன், 2½ வயது முதல் 18 வயது வரை உள்ள சிறப்புத் தேவைகள் கொண்ட குழந்தைகளுக்காக மாநில அளவிலான திறன் போட்டி நடத்தப்படுகிறது.

இந்த சிறப்பான முயற்சியை குழந்தைகள் உளவியலாளர் சைக்காலஜிஸ்ட், intermational montessori teacher training institute ன் மாவட்ட இயக்குனர் டாக்டர் கிருத்திகா முன்னெடுத்து நடத்துகிறார்.

இந்த நிகழ்ச்சியை சிறப்பாக நடத்துவதற்கு நந்தா சித்தா மருத்துவ கல்லூரி, Rotary Club of Erode North, ஈரோடு சிறகுகள் உள்ளிட்ட அமைப்புகள் இணைந்து உதவி செய்து வருகின்றன.

குழந்தைகள் தங்களுக்குள் இருக்கும் தனித்திறமைகளை வெளிப்படுத்த பல்வேறு போட்டிகள் நடைபெற உள்ளன.

தமிழகம் முழுவதிலும் இருந்து குழந்தைகள் இதில் கலந்து கொள்ள இருக்கிறார்கள். வெளியூர்களிலிருந்து வரும் குழந்தைகள் மற்றும் அவர்களுடன் வருபவர்களுக்கான செப்டம்பர் 5ஆம் தேதி தங்குமிடம் உள்ளிட்ட ஏற்பாடுகளும் செய்யப்படுகின்றன.

செப்டம்பர் 6ஆம் தேதி காலை நந்தா வளாகத்தில் குழந்தைகளுக்கான திறன் போட்டிகள் நடைபெற்று, அன்று மதியம் 3 மணிக்கு நடைபெறும் பரிசளிப்பு விழாவில் வெற்றி பெறும் அமைச்சர் பெருமக்கள் மற்றும் மாவட்ட அதிகாரிகள் குழந்தைகளுக்கு விருதுகளும் பரிசுகளும் வழங்கப்பட உள்ளார்கள்.

உங்களால் ஒரு குழந்தையின் திறமையை வெளிச்சத்திற்கு கொண்டு வர முடியும்!

உங்கள் குடும்பத்தில், நண்பர்கள் வட்டத்தில் அல்லது உங்களுக்குத் தெரிந்தவர்களில் Autism / சிறப்புத் தேவைகள் கொண்ட குழந்தைகள் இருந்தால், தயவுசெய்து இந்த தகவலை அவர்களின் பெற்றோரிடம் கொண்டு சேருங்கள்.

அவர்களை பதிவு செய்து இந்தப் போட்டியில் கலந்து கொள்ள ஊக்கப்படுத்துங்கள்.

அதே நேரத்தில், இந்த மாநில அளவிலான நிகழ்ச்சியை சிறப்பாக நடத்துவதற்கு பல அமைப்புகள், நிறுவனங்கள், தொழிலதிபர்கள் மற்றும் நல்ல உள்ளங்களின் உதவியும் தேவைப்படுகிறது.

வெளியூர்களிலிருந்து வரும் குழந்தைகளுக்கான தங்குமிடம், உணவு, போட்டி ஏற்பாடுகள், பரிசுகள் மற்றும் நிகழ்ச்சி செலவுகள் என பல தேவைகள் உள்ளன.

ஒருவர் முழுச் செலவையும் ஏற்க வேண்டியதில்லை.
பல நல்ல உள்ளங்கள் சிறு சிறு உதவிகளாக இணைந்தாலே, இந்தக் குழந்தைகளுக்காக மிக அழகான ஒரு நிகழ்ச்சியை நாம் உருவாக்க முடியும்.

பணம் மட்டுமல்ல உங்களால் இயன்ற பொருள் உதவி, உணவு உதவி, பரிசுப் பொருட்கள் அல்லது நிகழ்ச்சிக்குத் தேவையான வேறு உதவிகளையும் வழங்கலாம்.

ஒரு குழந்தை மேடையில் நின்று தனது திறமையை வெளிப்படுத்தும்போது கிடைக்கும் அந்த மகிழ்ச்சிக்கு நாமும் ஒரு காரணமாக இருப்போம்.

பதிவு / உதவிக்கு

டாக்டர் கிருத்திகா குழந்தைகள் உளவியல் நிபுணர்
96293 05734

விமல் கருப்பண்ணன்
தலைவர்
ஈரோடு சிறகுகள்
97866 69999

பெஸ்ட் சிவகுமார்
செயலாளர்
ஈரோடு சிறகுகள்
98427 29229

அவர்களுக்கு அனுதாபம் வேண்டாம்…
அவர்களின் திறமையை வெளிப்படுத்த ஒரு வாய்ப்பும், நமது ஊக்கமும் போதும்.

BEYOND THE LIMIT 2026
திறமைக்கு எல்லைகள் இல்லை… வாய்ப்புகள் மட்டுமே தேவை!

30/08/2026

பனை மக்கள் திருவிழா – 2026ஈச்சம்பனையும் சேர்த்து… நம்ம மண்ணுக்கான ஒரு பெரிய திருவிழா!

*7,000 to 10,000 பேர் கலந்து கொள்ள ஏற்பாடு செய்து கொண்டிருக்கிறோம்

இடம்: டெக்ஸ்வேலி, ஈரோடு மாவட்டம்

அக்டோபர் 10 & 11 – சனி, ஞாயிறு

பள்ளி, கல்லூரி நிர்வாகத்தினரே…
நம்ம பிள்ளைகளைக் கூட்டிட்டு வாங்க… நம்ம பாரம்பரியத்தை நேர்ல காட்டுங்க

*பனங்கருப்பட்டி, பனங்கற்கண்டு எப்படி தயாரிக்கிறாங்க?*

*மண்பானை, மண்சட்டி எப்படி செய்றாங்க?*

*பனை ஓலையில பொம்மை, தட்டு உள்ளிட்ட பொருட்கள் எப்படி செய்றாங்க?*

இதையெல்லாம் *புத்தகத்துல படிக்கிறது வேறங்க…*
நம்ம கண்ணு முன்னாடியே நேர்ல செஞ்சு காட்டுறதை பார்க்கிறது வேறங்க

அதுக்காகத்தாங்க இந்த பனை மக்கள் திருவிழா!

ஈரோடு மாவட்டம் டெக்ஸ்வேலியில் அக்டோபர் 10, 11 இரண்டு நாளும் மிகப் பெரிய அளவுல இந்த விழாவை பனைவரம் அறக்கட்டளை டெக்ஸ்வேலி ஈரோடு சிறகுகள் மற்றும் பல அமைப்புகள் இணைந்து நடத்த ஏற்பாடு செஞ்சுட்டு இருக்கோம்.

100-க்கும் மேற்பட்ட ஸ்டால்கள்!
பனை மற்றும் ஈச்சம்பனையிலிருந்து தயாரிக்கப்படும் பல்வேறு பொருட்கள், பாரம்பரிய உணவுப் பொருட்கள், கைவினைப் பொருட்கள் என நிறைய விஷயங்களை ஒரே இடத்துல பார்க்கலாம்.

இதுல இன்னொரு முக்கியமான விஷயம் என்னன்னா…

பனங்கருப்பட்டி, பனங்கற்கண்டு தயாரிப்பதை நேர்ல செஞ்சு காட்டப் போறாங்க.

மண்ணை வைத்து பானை, சட்டி எப்படி உருவாக்குறாங்கன்னு நேர்ல செஞ்சு காட்டப் போறாங்க.

பனை ஓலையில பொம்மை, தட்டு உள்ளிட்ட கைவினைப் பொருட்களை எப்படி செய்றாங்கன்னும் நேர்ல பார்க்கலாம்.

நம்ம பிள்ளைகளுக்கு இதெல்லாம் தெரியணுங்க…

பனை மரத்துல இருந்து இவ்வளவு பொருட்கள் கிடைக்குதா?

நம்ம முன்னோர்கள் இவ்வளவு அறிவோட வாழ்ந்திருக்காங்களா?

அப்படின்னு அடுத்த தலைமுறை தெரிஞ்சுக்கணும்.

அதனால ஈரோடு மாவட்டம் மட்டுமில்லங்க…

கோவை, திருப்பூர், நாமக்கல், சேலம், கரூர் உள்ளிட்ட சுற்றுவட்டார மாவட்டங்களில் இருக்கிற பள்ளி, கல்லூரி நிர்வாகத்தினரும் தங்களுடைய மாணவ, மாணவிகளை அழைச்சுட்டு வாங்க.

இது வெறும் கண்காட்சி மட்டும் இல்லங்க…
நம்ம மண்ணையும், நம்ம பாரம்பரியத்தையும், பனை மரத்தையும் அடுத்த தலைமுறைக்கு கொண்டு போற ஒரு முயற்சி.

இந்த நிகழ்ச்சிக்கு முக்கியப் பிரமுகர்கள், அரசு அதிகாரிகள், பல்வேறு துறை ஆராய்ச்சியாளர்கள், பனை மரத்துக்காக தொடர்ந்து செயல்பட்டு வரும் அமைப்புகள் மற்றும் சமூக ஆர்வலர்களையும் அழைக்க இருக்கோம்.

இந்த விழாவை நாங்க மட்டும் நடத்த முடியாதுங்க… நீங்களும் கை கொடுங்க!

இது ஏதோ ஒரு பெரிய நிறுவனம் நடத்துற வணிக நிகழ்ச்சி இல்ல.

பனை மரம் காப்பாத்தணும்…
ஈச்சம்பனை வளரணும்…
பனை சார்ந்த தொழில் செய்றவங்க வாழணும்…
நம்ம பாரம்பரியம் அடுத்த தலைமுறைக்கும் போய்ச் சேரணும்…

இந்த எண்ணத்தோட பலரும் ஒண்ணா சேர்ந்து இந்த விழாவை நடத்துறோம்.

அதனால உங்களால முடிஞ்ச உதவியை பொருளாகவோ, சேவையாகவோ செய்து இந்த விழாவோட நீங்களும் இணையலாம்.

எங்களுக்கு தேவையான உதவிகள்:

• முன் நுழைவு வளைவு அமைப்பு உதவி
• LED திரை உதவி
• மேடை அமைப்பு உதவி
• மேடை அருவாப் பெட்டி வடிவமைப்பு உதவி
• நாற்காலிகள் உதவி
• ஒலி அமைப்பு உதவி
• குடிநீர் உதவி
• வீடியோ கேமரா / வீடியோ பதிவு உதவி
• பனை விதைகள் உதவி
• தன்னார்வலர்களுக்கான உணவு உதவி
• VIP மொமெண்டோ உதவி
• பங்கேற்பாளர்களுக்கான மொமெண்டோ உதவி
• பங்கேற்பாளர்களுக்கான சான்றிதழ் உதவி
• டிஜிட்டல் மார்க்கெட்டிங் உதவி
• சமூக ஊடக விளம்பர உதவி
• செய்தித்தாள் விளம்பர உதவி
• தொலைக்காட்சி / சேனல் விளம்பர உதவி
• LED திரை வாகனம் உதவி

இதுல ஏதாவது ஒரு உதவியை நீங்கள் ஏற்றுக்கிட்டாலே எங்களுக்கு பெரிய பலமுங்க!

ஒருத்தரால பெரிய தொகை கொடுக்கணும்னு அவசியம் இல்ல…

ஒருத்தர் தண்ணீர் கொடுக்கலாம்…
ஒருத்தர் உணவு கொடுக்கலாம்…
ஒருத்தர் நாற்காலி கொடுக்கலாம்…
ஒருத்தர் விளம்பர உதவி செய்யலாம்…
ஒருத்தர் பனை விதைகள் கொடுக்கலாம்…
ஒருத்தர் தன்னார்வலரா வந்து வேலை செய்யலாம்…

ஆளுக்கு ஒரு கை கொடுத்தா… நம்ம பனைக்காக ஒரு பெரிய விழாவை நடத்திக் காட்டலாமுங்க!

அக்டோபர் 10, 11 இரண்டு நாளும் குடும்பத்தோட வாங்க…

பள்ளி, கல்லூரி மாணவர்களைக் கூட்டிட்டு வாங்க…

பாருங்க… தெரிஞ்சுக்கோங்க…
நம்ம பாரம்பரியத்தை அடுத்த தலைமுறைக்கும் கொண்டு போங்க.

பனை காப்போம்

பனைத் தொழிலை வளர்ப்போம்!

பனை சார்ந்த மக்களின் வாழ்வாதாரத்தை உயர்த்துவோம்!

நம்ம பாரம்பரியத்தை அடுத்த தலைமுறைக்கு கொண்டு சேர்ப்போம்!

பனை மக்கள் திருவிழா – 2026

டெக்ஸ்வேலி, ஈரோடு

அக்டோபர் 10 & 11 – சனி, ஞாயிறு

தொடர்புக்கு
செல்வ ராமலிங்கம்
+916380312729

விமல் கருப்பண்ணன்
ஈரோடு சிறகுகள்
தலைவர்
9786669999

24/08/2026

வெலிங்டன் கண்டோன்மென்ட் போர்டில் – Solid Waste Management Rules, 2026 சிறப்பு பயிற்சி & விழிப்புணர்வு

TNIUS பயிற்சியாளராக நாங்கள்

இந்திய ராணுவ வீரர்கள் உட்பட பல்வேறு துறையினருக்கு குப்பை மேலாண்மை குறித்து விழிப்புணர்வு வழங்கிய நிகழ்வில் பங்கேற்றது எங்களுக்கு கிடைத்த பெருமையான வாய்ப்பு.

நீலகிரி மாவட்டம், ஊட்டி குன்னூர் Wellington Cantonment Board பகுதியில், Solid Waste Management Rules, 2026 குறித்த சிறப்பு விழிப்புணர்வு மற்றும் பயிற்சி நிகழ்ச்சி நடைபெற்றது.

இந்தப் பயிற்சிக்காக ஊட்டி குன்னூர் வெலிங்டன் கண்டோன்மென்ட் நிர்வாகத்தின் கீழ் செயல்படும் பல்வேறு பிரிவுகளைச் சேர்ந்தவர்கள் ஒருங்கிணைக்கப்பட்டிருந்தனர்.

*குறிப்பாக,*

D2D Garbage Collection Field Workers – 60 பேர்

Conservancy Truck Employees – 18 பேர்

Trenching Ground Employees – 4 பேர்

Bulk Waste Generators பிரதிநிதிகள் – 16 பேர்

Merchant Association பிரதிநிதிகள் – 2 பேர்

Ex-Board Members – 10 பேர்

Worship Places பிரதிநிதிகள் – 10 பேர்

Office Staff, Nominated Members, Health Staff & Engineering Staff – 12 பேர்

Schools பிரதிநிதிகள் – 20 பேர்

மொத்தம் 142 பேர் மற்றும் பொதுமக்கள்

என பல்வேறு துறைகளைச் சேர்ந்தவர்கள் இந்நிகழ்ச்சியில் பங்கேற்க ஏற்பாடு செய்யப்பட்டிருந்தது.

மேலும் இந்திய ராணுவ வீரர்கள், ராணுவ அதிகாரிகள் மற்றும் Wellington Cantonment Board நிர்வாகத்தினர் உள்ளிட்டோரும் பங்கேற்ற இந்நிகழ்ச்சி, குப்பை மேலாண்மையை ஒரே ஒரு துறையின் பணியாக பார்க்காமல், அனைத்துத் தரப்பினரையும் ஒன்றிணைத்து செயல்படுத்த வேண்டிய சமூகப் பொறுப்பு என்பதை எடுத்துரைக்கும் வகையில் அமைந்தது.

பயிற்சியில்,

குப்பைகளை மூலத்திலேயே தரம் பிரித்தல் *(அதாவது குப்பையை சேகரிக்கும் போதே தனித்தனியாக பிரித்து விட வேண்டும் இதனால் எளிதில் மறுசுழற்சிக்கு கொண்டு செல்ல முடியும் இதுதான் எங்களுடைய முதல் திட்டமே)*

மக்கும் கழிவுகளை உரமாக்குதல் மக்கும்

*(குப்பைகளிலும் சில வகைகள் உண்டு. அதையும் தனியாக பிரித்தால் மேலும் உரமாக்குவதற்கு சுலபமாகும்)*

Bulk Waste Generators-ன் கடமைகள் மற்றும் பொறுப்புகள்

Solid Waste Management Rules, 2026-ன் முக்கிய அம்சங்கள்

உள்ளாட்சி அமைப்புகளின் பங்கு மற்றும் பொறுப்புகள்

Zero-Waste Community உருவாக்குவதற்கான நடைமுறைகள்

ஆகியவை குறித்து விரிவாக எடுத்துரைக்கப்பட்டன.

பொதுமக்களிடம் மட்டும் விழிப்புணர்வு ஏற்படுத்துவது போதாது;

குப்பை உருவாகும் இடத்திலிருந்து அதை சேகரிப்பவர்கள், எடுத்துச் செல்பவர்கள், நிர்வாகம் செய்பவர்கள், நிறுவனங்கள், வணிகர்கள், பள்ளிகள், வழிபாட்டுத் தலங்கள் என அனைவரும் *ஒரே சங்கிலியாக இணைந்தால்தான்* முழுமையான குப்பை மேலாண்மை சாத்தியமாகும் என்பதே இப்பயிற்சியின் முக்கிய நோக்கமாக அமைந்தது.

நாம் தொடர்ந்து பள்ளி–கல்லூரி மாணவர்கள், பொதுமக்கள், உள்ளாட்சி பிரதிநிதிகள் மற்றும் பல்வேறு நிறுவனங்களிடம் கொண்டு சென்று கொண்டிருக்கும் குப்பை மேலாண்மை விழிப்புணர்வு பயணம், இன்று வெலிங்டன் கண்டோன்மென்ட் பகுதியில் இந்திய ராணுவ வீரர்கள் மற்றும் பல்வேறு துறையினரிடமும் சென்றடைந்திருப்பது எங்கள் குழுவுக்கு மிகுந்த மகிழ்ச்சியும் பெருமையும் அளிக்கிறது.

இந்த சிறப்பான வாய்ப்பை வழங்கிய *TNIUS Director & Faculty Members, Wellington Cantonment Board CEO, Chief Commander மற்றும் ஒட்டுமொத்த Wellington Cantonment Board நிர்வாகத்தினருக்கும் எங்களது மனமார்ந்த நன்றிகள்.*

மேலும் இப்பயணத்தில் இணைந்து ஈரோடு சிறகுகள்,யான் பவுண்டேஷன், மெய்ப்பொருள் டிரஸ்ட், JCI Coimbatore Marutham உள்ளிட்ட அனைவருக்கும் நன்றிகள்.

*குப்பையை தரம் பிரிப்பது ஒரு பணி அல்ல…*
*அது நம் அன்றாடப் பழக்கமாக மாற வேண்டும்*

குப்பையை தரம் பிரிப்போம்…
மறுசுழற்சியை அதிகரிப்போம்…
தூய்மையான, பசுமையான இந்தியாவை உருவாக்குவோம்

விமல் கருப்பண்ணன்
ஈரோடு சிறகுகள் தலைவர்
9786669999

திரு பெஸ்ட் சிவகுமார் செயலாளர்ஈரோடு சிறகுகள்
செயலாளர்
9842729229

Waste management team

Karthi
+919865290870

Divya
+919786435383

Yaan foundation
+917373065656

18/08/2026

ஹோட்டல் உரிமையாளர்கள் சங்கத்தின் சந்திப்பு |ஈரோடு பவானி பவிஸ் பார்க்கில

நாமக்கல் ஹோட்டல் உரிமையாளர்கள் சங்கம் & 5 பள்ளிகளில் விரைவில் விழிப்புணர்வு

ஈரோடு மாவட்ட ஹோட்டல் உரிமையாளர்கள் சங்கத்தின் வருடாந்திர சந்திப்பு நிகழ்வு நேற்று திங்கட்கிழமை 17.8.26 அன்று, அரங்கம் நிறைந்த கூட்டத்துடன் சிறப்பாக ஈரோடு பவிஸ் பார்க் ஹோட்டலில் நடைபெற்றது.

இதில் தமிழ்நாடு ஹோட்டல் உரிமையாளர்கள் சங்கத்தின் பொறுப்பாளர்கள் மற்றும் பல்வேறு நிர்வாகிகள் சிறப்பு அழைப்பாளர்களாக கலந்து கொண்டனர்.

இந்த நிகழ்வில், ஈரோடு சிறகுகள் மற்றும் யான் பவுண்டேஷன் இணைந்து செயல்படுத்தி வரும் Waste Management Solutions குறித்து விளக்கி விழிப்புணர்வு ஏற்படுத்த எங்களுக்கும் அழைப்பு வழங்கப்பட்டது.

நமது பொறுப்பாளர் திரு. கார்த்திகேயன் அவர்கள், ஹோட்டல்களில் உருவாகும் கழிவுகளை எவ்வாறு முறையாக பிரித்து, மறுசுழற்சிக்கு அனுப்புவது என்பது குறித்து மிகத் தெளிவாக எடுத்துரைத்து விழிப்புணர்வு ஏற்படுத்தினார்.

ஈரோடு மாவட்ட ஹோட்டல் உரிமையாளர்கள் சங்க நிர்வாகிகள், *தொடர்ந்து உங்களுடன் இணைந்து பயணிப்போம்* என்று தெரிவித்ததுடன், நமது பணியை பாராட்டி சால்வை அணிவித்து கௌரவித்தனர்.

மேலும், நாமக்கல் ஹோட்டல் உரிமையாளர்கள் சங்கம் சார்பில் விரைவில் Waste Management Solutions குறித்த விழிப்புணர்வு மற்றும் பயிற்சி வழங்க வருமாறு அழைப்பு விடுத்துள்ளனர்.

அடுத்த மாதம் ஒரு தேதியை முடிவு செய்து, *ஒரே நாளில் நாமக்கல்லில் உள்ள 5 பள்ளிகளில் மாணவர்களுக்கு* கழிவு மேலாண்மை மற்றும் மறுசுழற்சி குறித்து விழிப்புணர்வு ஏற்படுத்தும் பணியையும் மேற்கொள்ள இருக்கிறோம்.

ஹோட்டலை சுத்தமாக வைத்திருக்க வேண்டும் என்று ஹோட்டல் உரிமையாளர்கள் விரும்புகிறார்கள்.

ஆனால் ஒரு ஹோட்டலை உண்மையாகவே தூய்மையாகவும், *Zero Waste* நோக்கிலும் கொண்டு செல்ல இன்னும் மூன்று தரப்பினரின் ஒத்துழைப்பு மிகவும் முக்கியம்.

1. வாடிக்கையாளர்கள்

தங்களுக்கு தேவையான அளவு உணவுகளை மட்டும் ஆர்டர் செய்து, உணவு வீணாவதை தவிர்க்க வேண்டும்.

2. தூய்மை பணியாளர்கள்

சுத்தம் செய்யும்போது மக்கும் கழிவு, மக்காத கழிவு என தனித்தனியாக பிரித்து சேகரித்து, மறுசுழற்சி செய்யக்கூடிய பொருட்களை முறையாக பிரித்து அனுப்ப உதவ வேண்டும்.

3. சமையல் கலைஞர்கள் மற்றும் இதர பணியாளர்கள்

காய்கறிகளை வெட்டும்போது கிடைக்கும் கழிவுகளை தனியாகவும், சமையலின்போது உருவாகும் உணவு கழிவுகளை தனியாகவும், மளிகைப் பொருட்கள் வரும் பிளாஸ்டிக் கவர்களை தனியாகவும் சேகரித்து வைத்தால், அவற்றை முறையாக மறுசுழற்சிக்கு அனுப்ப முடியும்.

நமது பழக்கவழக்கங்களை ஒரே நாளில் மாற்ற முடியாது.

ஆனால் கொஞ்சம் கொஞ்சமாக நமது பழக்கத்தை மாற்றிக் கொண்டால், நமது வீடு சுத்தமாகும்… நமது ஹோட்டல் சுத்தமாகும்… நமது ஊர் சுத்தமாகும்… இறுதியில் நமது நாடே சுத்தமாகும்.

இதற்காகத்தான் ஈரோடு சிறகுகள் மற்றும் யான் பவுண்டேஷன் தொடர்ந்து பல்வேறு கட்டங்களில் விழிப்புணர்வு மற்றும் பயிற்சிகளை வழங்கி வருகிறது.

மறுசுழற்சிக்கு செல்லக்கூடிய பொருட்களை சேகரித்து, அவற்றை முறையாக மறுசுழற்சிக்கு அனுப்புவது உள்ளிட்ட பல்வேறு திட்டங்களையும் தொடர்ந்து செயல்படுத்தி வருகிறோம்.

இந்த மாற்றத்தை உருவாக்க எங்களுக்கு மக்களின் ஒத்துழைப்புதான் தேவை.

நாம் அனைவரும் இணைந்து செயல்பட்டால்… குப்பை என்பது பிரச்சனை அல்ல; அது ஒரு வளம்!

ஈரோடு சிறகுகள் | யான் பவுண்டேஷன்

விமல் கருப்பண்ணன்
ஈரோடு சிறகுகள் தலைவர்
9786669999

திரு பெஸ்ட் சிவகுமார் செயலாளர்
ஈரோடு சிறகுகள்
செயலாளர்
9842729229

Waste management team

Karthi
+919865290870

Divya
+919786435383

Yaan foundation
+917373065656

17/08/2026

காங்கேயம் மாரத்தான் & கோபிசெட்டிபாளையம் கபடி போட்டி…சிறப்பு அழைப்பாளர்களாக ஈரோடு சிறகுகள்

காங்கேயம் பகுதியில் பல்வேறு சமூக அமைப்புகள் இணைந்து, வருடா வருடம் மிகப்பெரிய அளவில் நடத்தி வரும் காங்கேயம் மாரத்தான் போட்டியில், ஈரோடு சிறகுகள் அமைப்பிற்கு சிறப்பு அழைப்பு வழங்கப்பட்டது.

அழைப்பை ஏற்று நிகழ்ச்சியில் கலந்து கொண்டு, நிகழ்ச்சி ஏற்பாட்டாளர்களுக்கு வாழ்த்துகளைத் தெரிவித்தோம்.

அதேபோல், சென்னிமலை கபடி தங்கவேல் தலைமையில், தமிழக அளவில் கோபிசெட்டிபாளையத்தில் நடைபெற்ற கபடி போட்டியிலும் ஈரோடு சிறகுகள் சிறப்பு அழைப்பாளர்களாக கலந்து கொண்டோம்.
நம்மை வாழ்த்தி கௌரவப்படுத்தினார்கள்

போட்டியில் களம் காணும் இரு அணிகளுக்கும் வாழ்த்துகளைத் தெரிவித்ததுடன், அங்கு திரண்டிருந்த நூற்றுக்கணக்கான கபடி வீரர்களையும் சந்தித்து வாழ்த்துகளை தெரிவித்தோம்.

மேலும், ஈரோடு சிறகுகள் அமைப்பின் சமூக சேவைகள் மற்றும் தொடர்ந்து செய்து வரும் பணிகள் குறித்தும் அவர்களிடம் எடுத்துரைத்தோம்.

சமூக சேவையில் ஈடுபடும் எங்களை அழைத்து, அன்புடன் கௌரவித்த நல்ல உள்ளங்கள் அனைவருக்கும் ஈரோடு சிறகுகள் சார்பில் மனமார்ந்த நன்றிகள்

விமல் கருப்பண்ணன்
தலைவர் ஈரோடு சிறகுகள்
9786669999

பெஸ்ட் சிவகுமார்
செயலாளர் ஈரோடு சிறகுகள்
9842729229

Erodu Siragukal

15/09/2026

12/09/2026

11/09/2026

09/09/2026

07/09/2026

01/09/2026

30/08/2026

24/08/2026

18/08/2026

17/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request