North Dhekiajuli Anchalik Committee ABSU

09/06/2026

सा -ढेकियाजुलि दख'रा दुलाराय बर' फरायसा आफाद।
खालार - 09 जुन 2026।

सा -ढेकियाजुलि दख'रानि सिंआव सुदेमजुलि गामियाव गोदानै लुबाय थानाय देहा फाहामसालिखौ दख'रा एबसुआ नायगिदिं हैयो।

09/06/2026

सा -ढेकियाजुलि दख'रा दुलाराय बर' फरायसा आफाद।
खालार - 09 जुन 2026।

सा -ढेकियाजुलि दख'रा दुलाराय बर' फरायसा आफादनि आवथायाव थानाय मुंख्लं खाम्फाखौ फोसावनाय हाबाफारिखौ दख'रानि बिबानगिरिजों लोगोसे गामिनि रायजो राजा बिथांमोनहा मावफुङो।

05/06/2026

सा-ढेखियाजुलि दख'रा दुलाराइ बर' फरायसा आफाद
बातासिपुर : ढेखियाजुलि रोड - सनितपुर
अक्ट : 5 जुन 2026।

दिनै सनितपुर जिल्ला दुलाराय बर' फरायसा आफादा सा-मिसामारि दख'रानि गलाय बर' गुदि फरायसालियाव 5 जुन मुलुगनां आबहावा सान फालिनायजों बिफां गायनाय लोगोसे समाज सांग्रांथि मेल लादों।

बे हाबाफारिखौ मासि लानानै सामलायो सनितपुर जिल्ला दुलाराय बर' फरायसा आफादनि आफादगिरि मानगोनां एनुस मसाहारि आरो गाहाइ नेहाथारी हरिचरन बसुमतारीया।

बे हाबाफारियाव गाहाय आलासि महरै बाहागो लानानै बिफां गायजेनो मानगोनां दुलाराइ बर' फरायसा आफादनि बुंथिगिरि अबिद नार्जारिया।

लोगोसे बाहागो लानो सनितपुर जिल्ला दुलाराय बर' फरायसा आफादनि बुंथिगिरि परेज बरमहिलारी, आदिम सर्गियारी, फैलाव बसुमतारी सा-ढेकियाजुलि दख'रानि सासे नेहाथारि दैमालु नार्जारी।

05/06/2026

सा-ढेकियाजुलि दख'रा दुलाराय बर' फरायसा आफाद।
अक्ट- 5 जुन, 2026।

सा-ढेकियाजुलि दख'रा दुलाराय बर' फरायसा आफादा दिनै 5 जुन ( मुलुगनां आबहावा) खौ लोब्बा लाखिनानै बातासिफुर मिलन गोजौ फरायसालिआव बिफां फुलि गाइनाय लोगोसे फरायसा सांग्रांथि हाबाफारि लानाय जायो।
दिनैनि बे बिफां गाइनाय हाबाफारिआव दख'रा आफादनि खावलायनाय लेखायै बिफांखौ गाइजेनो सनितपुर जिला दुलाराय बर' फरायसा आफादनि सोलोंथाइ नेहाथारि मानगोनां रिजय बसुमतारि बिथाङा।
हाबाफारि बायदियै दिनैनि मुलुगनां आबहावा सानजों लोब्बा लाखिनानै फरायसा सांग्रांथि लानाय मेलखौनो मासि लानानै सामलायो दख'रा आफादनि लोगो आफादगिरि मानगोनां एन्टनि नार्जारि बिथाङा आरो मेलखौ बेखेवनानै होयो दख'रा आफादनि आफादगिरि मानिजाथाव बिलाम बसुमतारि बिथाङा।
दिनैनि सांग्रांथि मेलावनो गाहाय आलासि महरै बाहागो लायो सनितपुर जिला दुलाराय बर' फरायसा आफादनि सोलोंथाय नेहाथारि मानगोनां रिजय बसुमतारि बिथांङा आरो जर'खा आलासि महरै बाहागो लानो हायो मिलन गोजौ फरायसालिनि गाहाय फोरोंगिरि लोगोसे सा-ढेकियाजुलि गुदि बर' थुनलाइ आफादनि आफादगिरि मानगोनां नबाब बसुमतारि बिथांङा ।
बे हाबाफारियावनो बाहागो लानो हाबावो हुग्राजुलि दख'रा दुलाराय बर' फरायसा आफादनि मावख' नेहाथारि बलेन दैमारि, बातासिफुर मिलन गोजौ फरायसालिनि लोगो फोरोंगिरि सुबिराम फाथगिरि लोगोसे दयाबथि सोरगियारि बिथांमोना।

03/06/2026

31/05/2026

सा -ढेकियाजुलि दख'रा दुलाराय बर' फरायसा आफाद।
खालार:- 31 मे 2026 ।

सनितपुर जिल्ला दुलाराय बर' फरायसा आफादनि 2 थि मावसमनि 2 थि मावफुं मेला सोनाब तेजपुर दख'रानि मावख'आव जाना थाङो।
सा -ढेकियाजुलि दख'रा दुलाराय बर' फरायसा आफादनिफ्राय बाहागो लायो आफादगिरि बिलाम बसुमतारि, सोलोंथाइ नेहाथारि निजोम ब्रह्म बिथांमोनहा।

21/05/2026

अक्ट - 21 मे 2026

21/05/2026

सा-ढेखियाजुलि दखरा बर फरायसा आफादनि बारग रां लाथुमगिरि गेरेमसा बसुमतारि बिथांनि आंगो बिफाया दिनै रूसारि जायो। बिथांनि नखराव सा-ढेखियजुलि दखराआफादनि जानानै बाहागो लाहैयो।

14/05/2026

सा-ढेखियाजुलि दख'रा दुलाराइ बर' फरायसा आफाद
बातासिपुर : ढेखियाजुलि रोड, सनितपुर-BTR
अक्ट : 14 मे 2026

सा-ढेकियाजुलि दख'रा दुलाराइ बर' फरायसा आफादनि सासे गोख्रों सुबुं फोनांजाब जोंसार बर'नि गोथार जुलियाव बाहागो लाहैयो थांनाय खालार :13 मे 2026।

बे गोथार जुलिआव बाहागो लायो दुलाराइ बर' फरायसा आफादनि बुंथिगिरि, सनितपुर जिला एबसुनि आफादगिरि एनुस मसाहारिया लोगोसे बिथांनि मावथि सोद्रोमा बिथांमोनहा।

सा-ढेकियाजुलि दख'रानि जानानै बाहागो लानो हायो आफादगिरि बिलाम बसुमतारी आरो गाहाइ नेहाथारि अनसुमा ब्रह्मजों लोगोसे गासैबो मावथि सोद्रोमा बिथांमोनहा।

Congratulations to jwngsar Boro.


.

12/05/2026

सा-ढेखियाजुलि दख'रा दुलाराइ बर' फरायसा आफाद
बातासिपुर : ढेखियाजुलि रोड, सनितपुर-BTR
अक्ट : 12 मे 2026

दिनै सा-ढेकियाजुलि दख'रा दुलाराइ बर' फरायसा आफादा फाख्रिगुरि बर' गुदि फरायसालिनि गेलेग्रा फोथाराव बर' बिमा सान फालिथाय हाबाफारिजों लोबबा लानानै सावराय मेल लादों।

बे हाबाफारियाव बाहागो लायो दुलाराइ बर' फरायसा आफादनि बुंथिगिरि मानगोनां अबिद नार्जारि, सनितपुर जिल्ला दुलाराय बर' फरायसा आफादनि आफादगिरि मानगोनां एनुस मसाहारी, लोगो बुंथिगिरि आदिम सर्गियारी आरो सुबुं फोनांजाब रादाय बसुमतारी, बर' बिमा गौथुमनि लेंथुमगिरि सुनिरा बसुमतारीया।

लोगोसे फाख्रिगुरि बर' गुदि फरायसालिनि फोरोंगिरि, फरायसा-फरायसुलिफोर आरो मोन द था गामिनि राइजो-राजाफोरा बाहागो लानानै बे हाबाफारिखौ जाफुंसार होयो।

बेनि थाखाय सा-ढेखियाजुलि दख'रा दुलाराइ बर' फरायसा आफादनि जानानै साबायखर बावहरदों।


.