Amardeep Samaj , Ghoom

21/08/2026

🙏🌼 " अन्त्येष्टि शुद्धिकार्य (घेवा) मा उपस्थितिको लागि हार्दिक निवेदन " 🌼🙏

हाम्री परम आदरणीय अतिप्रिय आमा स्व. डोमा तामाङ - को आत्माको चीर शान्तिको कामना गर्दै आयोजना गरिएको "अन्त्येष्टि शुद्धिकार्य (घेवा)" मा उपस्थित भई दिवङ्गत आत्माप्रति श्रद्धाञ्जली अर्पण गरिदिनुहुन सम्पूर्ण आफन्तजन, इष्टमित्र, तथा शुभचिन्तकहरूमा सविनय अनुरोध गर्दछौँ ।

स्थान : वालुङ किदुक भवन, घुम रेलवे स्टेशन नजिक, घुम हिल कार्ट पथ ।

मिति : 25 अगस्ट 2026 , मङ्गलवार ।

ॐ मणि पद्मे हु !

शोकाकुल परिवार :

सोनम तामाङ (छोरा), पासाङ तामाङ (बुहारी), निमा लमु तामाङ (छोरी), छोकी तामाङ (नातिनी) एवं सम्पूर्ण तामाङ परिवार ।

15/08/2026

“It's not how much we give but how much love we put into giving.” – Mother Teresa
घुमको अमरदीप समाजद्वारा झण्डोत्तोलन र वृद्धाश्रममा सहयोग वितरणसहित मनाइयो ८०औं स्वतन्त्रता राष्ट्रिय पर्व

घुम क्षेत्रको ऐतिहासिक तथा अग्रणी सामाजिक संस्था अमरदीप समाज, घुम जरुल हट्टा (मगर गाउँ) ले भारतको ८०औं स्वतन्त्रता दिवस दुई चरणको विशेष कार्यक्रम आयोजना गरी राष्ट्रिय भावना र सामाजिक उत्तरदायित्वका साथ सम्पन्न गरेको छ। कार्यक्रमको पहिलो चरणअन्तर्गत बिहान समाजले गाउँको खेल प्रांगणमा औपचारिक रूपमा राष्ट्रिय झण्डोत्तोलन कार्यक्रम सम्पन्न गर्यो। समाजका अध्यक्ष रोशन कुमार ठकुरी लगायत कार्यकारिणी समितिका पदाधिकारीहरू र साधारण सदस्यहरूको विशेष उपस्थिति रहेको उक्त कार्यक्रममा गाउँका वरिष्ठ सदस्य तथा भारतीय सेनाका पूर्व सैनिक श्री सी.बी. हिङमाङको बाहुलीबाट राष्ट्रिय झण्डा फहराइएको थियो।

झण्डोत्तोलनपश्चात् उपस्थित सम्पूर्णले एकताको साथ एक स्वरमा राष्ट्रिय गान र 'वन्दे मातरम्' को सामूहिक गायन गरेका थिए ।
अमरदीप समाजले विगतका वर्षहरूमा स्वतन्त्रता दिवसलाई अत्यन्तै भव्य र विस्तृत रूपमा मनाउँदै आएको लामो इतिहास छ। यद्यपि, हाल समाजको सामुदायिक भवनको निर्माण कार्य भइरहेको र मैदान व्यस्त रहेको कारण यस वर्षको कार्यक्रमलाई छोटो तर गरिमामय रूपमा झण्डोत्तोलनमा सीमित गरिएको समाजले जनाएको छ ।

स्वतन्त्रता दिवसको खुसीयालीलाई समाजका असहाय वर्गसँग बाँड्ने उद्देश्यले दिउँसोको सत्रमा समाजका कार्यकारिणी सदस्यहरू खरसाङको रोहिणीस्थित वृद्धाश्रम पुगेका थिए। त्यहाँ उनीहरूले आश्रितहरु अनि वयोज्येष्ठ नागरिकहरूलाई भेटघाट अनि भलाकुसारी गर्दै समय व्यतीत गरे अनि समाजको तर्फबाट भोजन, खाद्यान्न तथा दैनिक उपभोग्य अत्यावश्यक सामग्रीहरू वितरण गर्दै सामाजिक सेवाको उत्कृष्ट उदाहरण प्रस्तुत गरे। स्वतन्त्रता दिवसलाई यसरी मानवीय सेवासँग जोडेर मनाउने समाजको यस कदमले सबैलाई भावुक र उत्साहित बनाएको थियो।
कार्यक्रमलाई सम्बोधन गर्दै अमरदीप समाजका अध्यक्ष रोशन कुमार ठकुरीले भारतीय स्वतन्त्रता संग्राममा वीर शहीदहरूले, विशेष गरी गोर्खा शहीदहरूले पुर्‍याएको अतुलनीय र गौरवशाली योगदानको स्मरण गरे। उनले सम्पूर्ण नागरिकहरूलाई स्वतन्त्रताको भावना, सामाजिक उत्तरदायित्व र राष्ट्रिय अखण्डतालाई आत्मसात् गर्दै एकजुट रहन आह्वान गरे। समाज र व्यक्तिगत सचेत प्रयासहरू मार्फत राष्ट्रको सेवा गर्न सकिने कुरामा उनले विशेष जोड दिए। कार्यक्रमको दुवै सत्रमा उपस्थित सम्पूर्ण सदस्यहरू, स्थानीयवासी र वृद्धाश्रमका आश्रितहरूलाई मिठाई , फलफूल तथा भोजन वितरण गरिएको थियो ।

उल्लेखनीय रुपमा सन् १९५६ मा स्थापित अमरदीप समाज घुम क्षेत्रको सबैभन्दा पुरानो सामाजिक संस्थाहरूमध्ये एक हो। स्थापनाकालदेखि नै यस संस्थाले विभिन्न सांस्कृतिक, सामाजिक तथा सामुदायिक गतिविधिहरूमा सक्रिय र नेतृत्वदायी भूमिका निर्वाह गर्दै आइरहेको छ भने सामाजिक उत्तरदायित्व र सांस्कृतिक एकीकरणको क्षेत्रमा यस संस्थाको समृद्ध र गौरवशाली इतिहास रहेको छ ।

15/08/2026

05/08/2026

"अन्तिम दाह संस्कार बारे जानकारी"

अमर दीप समाजका वयोज्येष्ठ अग्रज सदस्या अनि घुम जरुल हट्टा (मंगर गाउँ ) निवासी श्रीमती डोमा तामाङ ( रेल्वे केन्टिन सोनामको आमा ) को आज 5 अगस्ट 2026 को दिन निधन भएको दु:खद खबर बारे सर्वसाधारणमा अवगत गराउदै वहाँको अन्तिम दाह संस्कार ( FUNERAL ) शुक्रबार , 7 अगस्ट 2026 को दिन घुम यिगा छोलिङ गुम्बामा अवस्थित शवदाह गृहमा सम्पन्न हुने यथासमय बिहान 8 :30 बजे वहाँको निवासबाट पार्थिव शरीर शवयात्राको निम्ति निकालिने अनि शवयात्रा प्रस्थान गर्ने सबै-सम्पुर्णमा जानकारी गराउन चाहन्छौं ।

त्यसर्थ टाढा-नजीक रहेका आफन्तजन , परिवारलाई चिन्नुहुने सबै आत्मीय शुभचिन्तकहरू, मित्रहरू तथा अन्य संबंधित सम्पुर्णलाई दिवंगत आत्माको चिरशान्तिको कामना गर्दै श्रद्धाञ्जली अर्पण गर्नको निम्ति उपस्थित भइदिन हुन हार्दिक विनम्र अनुरोध गर्दछौं ।

।। ॐ मणि पद्मे हु ।।

सविनय विनित :-
सोनाम तामाङ - छोरा
पासाङ तामाङ - बुहारी
निमा लमु तामाङ - छोरी
छोकी तामाङ - नातिनी
एवं सम्पुर्ण शोकाकुल तामाङ परिवार ।।

19/07/2026

अमर दीप समाज जरुल हट्टा ( मंगर गाउँ ) घुमका गाउँवासीद्वारा साउने संक्रान्ति पालन गरिएको समाचार आजको हिमालय दर्पण नेपाली दैनिकमा प्रकाशित भएको छ ।