DONORiam

31/08/2026

💔 एका निष्पाप आत्म्याची करुण कहाणी, डहाणूकरांना सवाल आणि पोलीस प्रशासनाला विनंती... 💔

सुमन फुप्पु (सुमन आत्या) — ६५ वर्षांच्या एक कष्टाळू, स्वाभिमानी आणि अत्यंत प्रेमळ महिला. आमचे नाते कोणत्याही रक्ताच्या नात्यापेक्षा अधिक घट्ट आणि भावनिक होते. माझी पत्नी नेहमी त्यांच्या आजारपणात त्यांची काळजी घ्यायची आणि त्यांना रुग्णालयात घेऊन जायची. वडकुनमध्ये रोजंदारीवर काम करून त्यांनी स्वतःच्या कष्टाच्या कमाईतून आपले छोटेसे घर उभे केले होते. गेल्या जून महिन्यात मी जेव्हा डहाणूला आलो होतो, तेव्हा त्यांच्या याच घरात माझी पत्नी, मुलगी, शेजारची लहान मुले आणि मित्रांसोबत आम्ही सर्वांनी हसत-खेळत 'वडापाव पार्टी' साजरी केली होती.

पण २४ तारखेच्या त्या एका दुर्दैवी अपघाताने सर्वकाही हिरावून घेतले...

अपघातानंतर त्यांना खाजगी रुग्णालयात नेण्यात आले, तेथून वलसाड आणि नंतर वेदान्ता रुग्णालयात व्हेंटिलेटरवर हलवण्यात आले. मेंदू मृत (Brain Dead) झाल्यानंतर दोन दिवस मृत्यूशी झुंज देऊन अखेर त्यांनी अंतिम श्वास घेतला. ओल्या डोळ्यांनी मी व्हिडिओ कॉलवर त्यांची अंत्ययात्रा पाहिली... आज त्यांचे ते छोटेसे घर कायमचे शांत आणि रिकामे झाले आहे.

❓ माझा डहाणूच्या जनतेला एक सवाल:
त्या दुर्दैवी दिवशी नक्की काय घडले, याबद्दल अजूनही स्पष्टता नाही.

त्या दिवशी नक्की काय घडले होते?

या अपघातात चूक एका विनापरवाना अल्पवयीन (Minor) चालकाची होती की सुमन फुप्पुंची?

एक डहाणूकर म्हणून त्या दुर्दैवी दिवशी आपल्याच शहरात एका निष्पाप महिलेसोबत नक्की काय घडले, हे जाणून घेण्याचा अधिकार आपल्या सर्वांना आहे. जर आपण आज गप्प राहिलो, तर उद्या अशी घटना आपल्यापैकी कोणासोबतही घडण्याची भीती आहे.

🚨 डहाणू पोलीस व वाहतूक पोलिसांना आग्रही विनंती:
'डोनेरियम चॅरिटेबल असोसिएशन' (DONORIAM Charitable Association) च्या वतीने आम्ही डहाणू पोलीस ठाणे आणि वाहतूक पोलीस (Traffic Police) प्रशासनाला नम्र विनंती व आवाहन करतो:

अल्पवयीन चालकांवर कडक तपासणी: डहाणूतील शाळा, कॉलेजेस आणि मुख्य रस्त्यांवर विशेष तपासणी मोहीम राबवून अल्पवयीन (Minor) मुलांच्या वाहन चालवण्यावर तात्काळ बंदी घालावी व त्यांच्या पालकांवर कायदेशीर कारवाई करावी.

कडक रस्ते सुरक्षा व नाकाबंदी: शहरभर नियमित नाकाबंदी करून दुचाकी चालकांसाठी हेल्मेट सक्ती आणि वाहनांच्या वेगावर नियंत्रण ठेवण्यासाठी दंडात्मक कारवाई करण्यात यावी.

डोनेरियम चॅरिटेबल असोसिएशन चा संस्थापक म्हणून मी ही कहाणी अशीच शांत होऊ देणार नाही. सुमन फुप्पु सारख्या गरीब आणि निष्पाप नागरिकांचा जीव असा स्वस्त नाही!

12/04/2026