Champanath Institute of Technology 'CIT'

01/01/2024

ଇଂରାଜୀ ନବବର୍ଷର ହାର୍ଦ୍ଦିକ ଶୁଭକାମନା

14/10/2023

31/08/2023

କ୍ୟାମ୍ପସ୍ ଚୟନରେ ସଫଳ ସିଆଇଟିର ୨୦ ଛାତ୍ରଙ୍କୁ ସମ୍ବର୍ଦ୍ଧନା

ଆଠଗଡ଼ ଉପଖଣ୍ଡର ଶୀର୍ଷ ମାନ୍ୟତାପ୍ରାପ୍ତ ଘରୋଇ ଆଇଟିଆଇ ଚମ୍ପେଶ୍ବରସ୍ଥିତ ଚମ୍ପାନାଥ ବୈଷୟିକ ଶିକ୍ଷାନୁଷ୍ଠାନ(ସିଆଇଟି) କ୍ୟାମ୍ପସ୍ ଚୟନରେ ପୁଣି ଏକ ରେକର୍ଡ଼ କରିଛି । ଦ୍ବିତୀୟ ପର୍ଯ୍ୟାୟ ଚୟନରେ ମନୋନୀତ ୨୦ ଜଣ ଛାତ୍ରଙ୍କୁ ଅନୁଷ୍ଠାନ ତରଫରୁ ସମ୍ବର୍ଦ୍ଧିତ କରାଯିବା ସହ ବିଦାୟକାଳୀନ ଶୁଭେଚ୍ଛା ଜ୍ଞାପନ କରାଯାଇଛି। ସିଆଇଟି ସମ୍ମିଳନୀ କକ୍ଷରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ନିଯୁକ୍ତି ପ୍ରଦାନକାରୀ ସଂସ୍ଥା ହିମତ ସିଂହକା ଲାଇନେନ୍ସର ଓଡ଼ିଶା ମୁଖ୍ୟ ଚିତ୍ତରଞ୍ଜନ ଦାଶ, କଟକ ଜିଲ୍ଲା ମୁଖ୍ୟ ଲକ୍ଷ୍ମୀକାନ୍ତ ଦାଶଙ୍କ ସହିତ ସିଆଇଟି ସମ୍ପାଦକ ରବୀନ୍ଦ୍ର କୁମାର ପଣ୍ଡା, ଚମ୍ପାନାଥ ଆଇଟିସି ଅଧ୍ୟକ୍ଷ ବିକ୍ରମ ବେହେରା, କୋଷାଧ୍ୟକ୍ଷ ଗୋକୁଳ ଚନ୍ଦ୍ର ପଣ୍ଡା ଓ କ୍ଲର୍କ ସନ୍ତୋଷ କୁମାର ମହାନ୍ତି ପ୍ରମୁଖ ଉପସ୍ଥିତ ଥିଲେ। ଅନୁଷ୍ଠାନର ସଂପାଦକ ଶ୍ରୀ ପଣ୍ଡା ଓ ଅଧ୍ୟକ୍ଷ ଶ୍ରୀ ବେହେରା ନବନିଯୁକ୍ତ ଛାତ୍ରମାନଙ୍କୁ ବୃତ୍ତିଗତ ଜୀବନରେ ଶ୍ରେଷ୍ଠ ପ୍ରଦର୍ଶନ କରି ସିଆଇଟିର ନାଁ ରଖିବା ପାଇଁ କହିଥିଲେ। ବିଦାୟକାଳୀନ ସମ୍ବର୍ଦ୍ଧନା ପରେ ନବନିଯୁକ୍ତ ଛାତ୍ରମାନେ କର୍ମସ୍ଥଳୀ କର୍ଣ୍ଣାଟକର ହାସନରେ ଥିବା ହିମତ ସିଂହକା ଲାଇନେନ୍ସ ଅଭିମୁଖେ ଯାତ୍ରା କରିଛନ୍ତିି। କାର୍ଯ୍ୟକ୍ରମ ଆୟୋଜନରେ ଚମ୍ପାନାଥ ଆଇଟିସିର ସମସ୍ତ କର୍ମଚାରୀ ତଥା ସିଆଇଟିର ସଦସ୍ୟ ସହଯୋଗ କରିଥିଲେ।

25/08/2023

ଓଡ଼ିଶା କୃଷି ଓ ବୈଷୟିକ ବିଶ୍ଵବିଦ୍ୟାଳୟର ୬୨ତମ ପ୍ରତିଷ୍ଠା ଦିବସରେ ସି.ଆଇ.ଟି ଦ୍ଵାରା ସଙ୍ଗଠିତ "ମା ପ୍ରଗଳା କୃଷକ ଉତ୍ପାଦକ କମ୍ପାନୀ ଲିଃ" (F.P.O) କୁ ଛତୁ ଓ ରେଶମ ଚାଷ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ସମ୍ମାନ ପ୍ରାପ୍ତ ହୋଇଛି। ମାନ୍ୟବର କୃଷି ଓ ପଶୁପାଳନ ମନ୍ତ୍ରୀ, ଓଡ଼ିଶା ଶ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ ଉକ୍ତ F.P.O ର ନିର୍ଦ୍ଦେଶକ ଶ୍ରୀ ବିକ୍ରମ ବେହେରାଙ୍କୁ ମାନପତ୍ର ପ୍ରଦାନ କରିଛନ୍ତି।

09/08/2023

ସିଆଇଟିରେ ସ୍ବକଳ୍ପ ତାଲିମ୍ କାର୍ଯ୍ୟକ୍ରମ ଉଦ୍‌ଘାଟିତ ଚମ୍ପେଶ୍ୱର, ୯/୮:
ଓଡ଼ିଶା ଦକ୍ଷତା ବିକାଶ ପ୍ରାଧିକରଣ (ଓଏସ୍‌ଡିଏ) ଦ୍ବାରା ପରିଚାଳିତ ସ୍କିଲ୍ଡ ଇନ୍‌ ଓଡ଼ିଶା ଅନ୍ତର୍ଗତ 'ସ୍ବକଳ୍ପ' ତାଲିମ୍ କାର୍ଯ୍ୟକ୍ରମ ଆରମ୍ଭ ହୋଇଛି। ଚମ୍ପେଶ୍ବରସ୍ଥିତ ଚମ୍ପାନାଥ ବୈଷୟିକ ଶିକ୍ଷାନୁଷ୍ଠାନ(ସିଆଇଟି) ସମ୍ମିଳନୀ କକ୍ଷରେ ଆୟୋଜିତ ଉଦ୍‌ଘାଟନୀ କାର୍ଯ୍ୟକ୍ରମରେ ମୁଖ୍ୟବକ୍ତା ବରିଷ୍ଠ ସାମ୍ବାଦିକ ବିଦ୍ୟାଧର ପଣ୍ଡା ନିଜ ଅଭିଭାଷଣରେ ସଙ୍କଳ୍ପ ବଳରେ ସ୍ବକଳ୍ପ ପ୍ରକଳ୍ପ ସଫଳ ହେବ ବୋଲି ମତ ଦେଇଥିଲେ। ଯୁବପୀଢୀ ନିଷ୍ଠାପର ଉଦ୍ୟମ କଲେ ଅସାଧ୍ୟ ସାଧନ ହୋଇ ପାରିବ ବୋଲି ସମ୍ମାନୀତ ଅତିଥି ବିଶିଷ୍ଟ ଶିକ୍ଷାବିତ କୁଳମଣି ବାରିକି ମତ ରଖିଥିଲେ଼। ସହଯୋଗୀ ସଂସ୍ଥା ଗ୍ରାମ ଉତ୍‌ଥାନର ଦୁଇ ବୈଷୟିକ ଅଧିକାରୀ ବ୍ରିଜେଶ ଦାଶ ଓ ଗୁରୁ ପ୍ରସାଦ ମହାନ୍ତି ଉପସ୍ଥିତ ଯୁବ ଉଦ୍ୟୋଗୀଙ୍କୁ ମାର୍ଗଦର୍ଶନ କରାଇଥିଲେ। ପରବର୍ତ୍ତୀ ପର୍ଯ୍ୟାୟରେ ୨୬ ଦିନ ଧରି ତାଲିମ ଚାଲିବ ଏବଂ ଉତ୍ତୀର୍ଣ୍ଣ ଯୁବକଯୁବତୀଙ୍କୁ ୬ ମାସ ପର୍ଯ୍ୟନ୍ତ ବୈଷୟିକ ସହାୟତା ଯୋଗାଇ ସଫଳ ଉଦ୍ୟୋଗୀରେ ପରିଣତ କରାଯିବ ବୋଲି ସୂଚନା ଦେଇଥିଲେ। ସିଆଇଟି ସମ୍ପାଦକ ରବୀନ୍ଦ୍ର କୁମାର ପଣ୍ଡା ଅତିଥିମାନଙ୍କୁ ପ୍ରଥମେ ଆନୁଷ୍ଠାନିକ ଭାବେ ସ୍ବାଗତ କରିବା ସହ ଶେଷରେ ଧନ୍ୟବାଦ ଅର୍ପଣ କରିଥିଲେ। ଉଦ୍‌ଘାଟନୀ କାର୍ଯ୍ୟକ୍ରମରେ ୬୦ରୁ ଅଧିକ ଯୁବକଯୁବତୀ ଯୋଗ ଦେଇଥିଲେ। ଚମ୍ପାନାଥ ଆଇଟିସି ଅଧ୍ୟକ୍ଷ ବିକ୍ରମ ବେହେରାଙ୍କ ସମେତ ଶେଷଦେବ ଭଟ୍ଟ, ଶ୍ରୀକାନ୍ତ ଦାସ, ମନୋଜ ପଣ୍ଡା, ସୁର ନାରାୟଣ ବାରିକ, ପ୍ରାଣକୃଷ୍ଣ ଭୋଳ, ଦୁଃଖବନ୍ଧୁ ଦାସ, ରମେଶ ଚନ୍ଦ୍ର ଓ କୁବେର ଗୋଛି ପ୍ରମୁଖ କାର୍ଯ୍ୟକ୍ରମ ଆୟୋଜନରେ ସକ୍ରିୟ ସହଯୋଗ କରିଥିଲେ।