12/12/2022
*Winter Carnival 2022 Opening Ceremony*
11th December 2022:
Mipui nghâkhla le ngaiven hlaw bêk bêk Children's Home Saikot chun, hung tlung ding tarik 12-19 December 2022 hin WINTER CARNIVAL a buotsai nawk dinga, hi thil hi hlimhlawp bâwl le nuom chênna el ni lovin Fahra le Riengvai hai ta dinga sum zawngna a buotsai a ni hlak. Hi thuziek tiemtu hai po po ngaina taka thang dinga fiel ei nih.
Opening Prongram vawizân (12-12-2022) zan dar 6 a hmang ni'ng a tih.
Carnival hawngna le inhlânna Rev Ros infimate (Manager Emeritus) in nei a t'a, Chief Guest Rev. Damkhawlien Senior Pastor RPCNEI, Guest of Honour Pu Lalhriet Famhoite Social Worker, WINTER CARNIVAL hawng zâna hin inhnelna tam tak um a t'a, Restaurant khawm um bawk a tih. Chun Geljang Resorts Playpark Fun Rides hai sponsor na'n an Resorts a mi po po puitling le naupang inhnelna hung thawlâwm an tih. Chun hi zân hin Kanghling Father, Rebecca Lungtau Hmar, Lalneihlim Joute, The Hmars Hrangchal le mi dang dangin rimawi tieng rawngbawlna nei an tih.
Zân danga hai khawm Artiste tam tak Manipur el nilo Mizoram le Assam a'nthawk hung an tih. Program tan a ni hma a'nthawk Winter Carnival chibai bûkna na-in mi tlâwmngai tam takin fahra hai ta ding tiin thilpêk an lo inhlân tawl tah.
"Ei Pathien le Pa mithmua sakhaw biek dân inthieng le, suol thrangnaw chu hihi a nih: fahra le hmeithaihai an rimsik laia kan" Jk. 1: 27a
*Save a child*
