17/09/2026
ഈ പടത്തിൽ കാണുന്നത് PWD ചേർത്തല ഭാഗത്ത് അടുത്തെയിടെ Patch work ചെയ്ത ഒരു section ആണ്.
പഴയ റോഡ് കണ്ടാലറിയാം. മൂന്ന് നാല് വർഷങ്ങൾക്ക് മുൻപു BMBC ചെയ്തു road മാർക്കിങ്ങും ഒക്കെ ചെയ്തു good condition ആക്കിയ road ആണ്.
പ്രശ്നം അതല്ല. PWD യുടെ ലോകത്തിൽ road maintenance എന്ന് പറയുന്നത് വീണ്ടും ഇപ്പോ ഉള്ള പ്രതലത്തിൽ വീണ്ടും ഒരു layer add ചെയ്യുക എന്നുള്ളതാണ്.
ഇങ്ങനെ ചെയ്യുന്നതിന്റെ പ്രശ്നം എന്താണ്? റോഡ് പൊങ്ങും. അപ്പോൾ ഇരു വശങ്ങളിലും ഉള്ള പറമ്പുകൾ വീടുകൾ ആദിയായവ റോഡിനെ അപേക്ഷിച്ച് താഴ്ന്ന പ്രദേശങ്ങൾ ആകും.
PWD യുടെ റോഡുകളിൽ ഡ്രൈനേജ് ഇല്ലാത്തത് കൊണ്ട് മഴ സമയത്ത് റോഡിൽ വീഴുന്ന വെള്ളം പറമ്പുകളിലേക്ക് ഒഴുകും. പറമ്പുകളിൽ വെള്ളപ്പൊക്കം ഉണ്ടാകും.
അപ്പോൾ പിന്നെ ഇങ്ങനെ അല്ലെങ്കിൽ എങ്ങനെയാണ് റോഡ് maintenance ചെയ്യേണ്ടത്? വികസിത രാജ്യങ്ങളിലും പല ആഫ്രിക്കൻ രാജ്യങ്ങളിലും ചെയ്യുന്ന രീതി പറയാം.
road maintenance വേണ്ട റോഡുകളിൽ അവർ ചില ടെസ്റ്റുകൾ ചെയ്യും. ഈ വർഷം traffic loading എത്രയുണ്ട് എന്നും അടുത്ത ഇരുപത് വർഷം എത്ര ലോഡിംഗ് വരും എന്ന് കണ്ടു പിടിക്കും. അത് വച്ച് അവർ remaining life of റോഡ് pavement കണ്ടു പിടിക്കും. റോഡിന് അത്യാവശ്യം remaining life ഉണ്ടെങ്കിൽ പ്രതലം മാത്രമാണ് കേടായതെങ്കിൽ അവർ പ്രതലം ഒരു 25 to 40 cm ഇളക്കി മാറ്റി അടിവശം compact ചെയ്യും. എന്നിട്ട് ഈ ഇളക്കി മാറ്റിയ മെറ്റീരിയൽസ് പുതിയ മെറ്റീരിയൽസ്മായി മിക്സ് ചെയ്തു പുതിയ പ്രതലം ചെയ്യും. ഇങ്ങനെ ചെയ്യുന്ന പ്രതലം ഇപ്പോ ഉള്ള പ്രതലത്തിന്റെ top level ഇൽ നിന്നും ഒരു mm പോലും മുകളിലേക്ക് പോകില്ല. റോഡ് പൊങ്ങുകയും ഇല്ല.
റോഡിനെ പൊക്കാതെ road maintenance ചെയ്യാൻ മുകളിൽ പറഞ്ഞതിൽ കൂടാതെ പല വിധ ടെക്നോളജികൾ ഉണ്ട്. പക്ഷേ അതൊക്കെ ചെയ്യാൻ PWD നല്ല engineering depth ഉള്ള organisation ആയി മാറണം.
ലോകത്തെ ഒട്ടുമിക്ക രാജ്യങ്ങളിലും ഇപ്പോ ഇമ്മാതിരി layer add ചെയ്തു റോഡിന്റെ പൊക്കം കൂട്ടി maintenance ചെയ്യാറില്ല. ഉദാഹരണത്തിന് UK യിൽ കഴിഞ്ഞ 25 വർഷങ്ങളിലെ road maintenance നോക്കിയാൽ ഒരു മില്ലിമീറ്റർ പോലും അവർ road പൊക്കിയിട്ടില്ല.
Kerala PWD യുടെ ഇപ്പഴത്തെ reckless road maintenance രീതിയുടെ ദൂഷ്യവശങ്ങൾ പലതാണ്.
പറമ്പ് താഴ്ന്നു കഴിയുമ്പോൾ ആൾക്കാർ കിഴക്കൻ പ്രദേശങ്ങളിൽ നിന്നും കുന്നുകൾ ഇടിച്ച് ഗ്രാവൽ ഇറക്കും. പറമ്പ് പൊക്കും.
പുതിയ വീട് വയ്ക്കുന്നവർ PWD യുടെ ഈ കലാപരിപാടി അറിയാവുന്നത് കൊണ്ട് അടുത്ത 50 കൊല്ലം PWD road പൊക്കിയാലും പറമ്പ് താഴാത്ത രീതിയിൽ പറമ്പിനെ പൊക്കും. എന്നിട്ട് സ്വന്തം പറമ്പിൽ വീഴുന്ന മഴവെള്ളം കുത്തിയൊലിപ്പിച്ച് റോഡിലേക്ക് ഇറക്കി വിടും. വീണ്ടും road പൊളിയും.
PWD recycling technology ഉപയോഗിക്കാത്തത് കൊണ്ട് ഇപ്പോ ഉള്ള രീതിയിൽ maintenance ചെയ്യാൻ അത്രയും materials കൂടുതൽ വേണ്ടി വരും. അതിന് വീണ്ടും കിഴക്കൻ പ്രദേശങ്ങളിൽ ഉള്ള പാറമലകൾ പൊട്ടിക്കണം. വീണ്ടും പരിസ്ഥിതി ആഘാതം.
ഒരു ശരിയായ economic analysis നടത്തിയാൽ PWD യുടെ ഇപ്പോഴത്തെ റോഡ് maintenance രീതി സർക്കാരിന് ആയിരക്കണക്കിന് കോടികൾ നഷ്ടം ഉണ്ടാക്കുന്ന പരിപാടി ആണെന്ന് മനസ്സിലാകും. കൂടാതെ significant environment impact ഉം.
ഈ സർക്കാർ ചെയ്യേണ്ടത് PWD യെയും അവരുടെ supply chain ന്റെയും capacity build ചെയ്യുക എന്നുള്ളതാണ്.
ഇതിന് കേരളത്തിന് പുറത്ത് മറ്റു സംസ്ഥാനങ്ങളിലേക്ക് നോക്കിയിട്ട് കാര്യമില്ല. മറ്റ് വികസിത രാജ്യങ്ങൾ road maintenance എങ്ങനെ ആണ് ചെയ്യുന്നത് എന്ന് മനസ്സിലാക്കുക. Selected PWD engineers നെ എല്ലാ വർഷവും ഈ രാജ്യങ്ങളിലേക്ക് പഠനത്തിന് വിടുന്നതും നല്ലതായിരിക്കും.
