Maa - நகராட்சி மக்கள் குரல்

  • Home
  • India
  • Chennai
  • Maa - நகராட்சி மக்கள் குரல்
Directions

Maa - நகராட்சி மக்கள் குரல் VOICE of people in Tambaram, Pallavaram, Chromepet, Anakaputhur, Pammal, Perungalathur, Madambakkam.

19/09/2026

தாம்பரம் மாநகராட்சிக்குட்பட்ட மண்டலம் 2, குரோம்பேட்டை வார்டு 26இல் உள்ளது ராதா நகர் பிரதான சாலை. போக்குவரத்து அதிகமாக உள்ள சாலை.
இதில் பல கட்டிடங்கள் பேரழவுக்கு அனுமதி பெறுவதற்காக வாகனம் நிருத்தும் இடத்தை காண்பித்து அனுமதி பெற்று, பின்னர் அவற்றை வணிக பயன்பாட்டுக்கு மாற்றியுள்ளார்கள் இதனால் இவர்களது வாடிக்கையாளர்களின் வாகனங்கள் சாலையிலே நிறுத்தப்பட்டு போக்குவரத்து மற்றும் பாதசாரிகளுக்கு இடையூறு ஏற்படுத்துகின்றன.
அப்படி மாற்றப்பட்டுள்ள ஒரு கட்டிடம் தற்பொழுது மருத்துவமனையாக செயல்பட உள்ளது.
இந்தக் கட்டிடத்திற்கு குறைந்த அளவு கூட வாகன நிறுத்துமிடம் விடப்படவில்லை. ஆறு மாதங்களாக பலமுறை மாநகராட்சி நகரமைப்பு அலுவலர் மற்றும் ஆய்வாளர்களுக்கு புகார் அளித்த நிலையில், ஒரு அறிவிப்பு மற்றும் வழங்கிவிட்டு மேல் நடவடிக்கை (Lock & Seal) எதுவும் மேற்கொள்ளாமல் மௌனமாக இருக்கிறார்கள்.
நடவடிக்கை எடுக்காததற்கு காரணம் இதில் லஞ்ச பரிமாற்றம் உள்ளதோ என்ற சந்தேகம் எழுகிறது.
நகராட்சி நிர்வாகம் மற்றும் குடிநீர் வழங்கல் செயலர், நகராட்சிகளின் நிர்வாக இயக்குனர் மற்றும் லஞ்ச ஒழிப்புத்துறை தாம்பரம் மாநகராட்சி நகரமைப்பு பிரிவு அலுவலர்கள் எல்லோரையும் கண்காணிக்க வேண்டும் என்று கேட்டுக்கொள்கிறோம்.

https://www.facebook.com/share/v/1Bwy92xniU/

Chief Minister of Tamil Nadu
Arappor - அறப்போர் இயக்கம்
TN_maws
TN Municipal Administration
Tambaram Corporation
CMDA Chennai
Chengalpattu District

18/09/2026

இன்று காலை 7.45 மணி அளவில் இந்த தண்ணீர் லாரி, தாம்பரம் மாநகராட்சிக்கு உட்பட்ட குரோம்பேட்டை, அஸ்தினாபுரம் அரசு பள்ளியில் இருந்து நெமிலிசெரி செல்லும் சாலையில் சென்றது. பள்ளி மற்றும் வேலைக்கு செல்வோருக்கு இடையூராக சாலையை அடைத்து கொண்டு செல்கிறது. மிகுந்த ஒலி எழுப்பி ஹாரன் அடிக்கப்பட்டது. எதிர் திசையில் வருவோரை ஓட்டுநர் வசை பாடுகிறார்.
சரி,வண்டி நம்பரை பார்க்கலாம் என்றால்,வண்டி நம்பர் இல்லை.

பீக் அவரில் இப்படி செல்வதே தவறு. அதில், வண்டி நம்பர் இல்லாமல் ஓட்டுவது மிக தவறு.
சிட்லபாக்கம் காவல்துறையினர் தக்க நடவடிக்கை எடுக்க வேண்டும்.
Tamil Nadu Police
Cop Tambaram

கீழே காணப்படும் படங்கள், குரோம்பேட்டை, வார்டு 26 இல்ராதா நகர் பிரதான சாலையில் உள்ள J2 மண்டபம் மற்றும் அதன் அருகே உள்ள க...
09/09/2026

கீழே காணப்படும் படங்கள், குரோம்பேட்டை, வார்டு 26 இல்
ராதா நகர் பிரதான சாலையில் உள்ள J2 மண்டபம் மற்றும் அதன் அருகே உள்ள கட்டிடத்தில் செயல்பட்டு வரும் 3-4 உணவகங்கள் வெளியேற்றும் உணவு கழிவுகள் மற்றும் குப்பைகளால், தொடர்ந்து அந்தப் பகுதியில் பாதாள சாக்கடை அடைப்பு ஏற்பட்டு, பொதுமக்களுக்கு இடையூறு ஏற்படுகின்றது. அந்தப் பகுதியில் கட்டபொம்மன் தெரு சந்திப்பிலிருந்து வேலாயுதம் தெரு சந்திப்பு வரை உள்ள திறந்த வெளி மழை நீர் வடிகால் முழுவதுமாக மூடப்பட்டு அதில் உணவுக் கழிவுகள் நிறைந்து இருப்பதால் அந்த பகுதியில் துர்நாற்றம் வீசுகிறது.
தாம்பரம் மாநகராட்சியின் சுகாதாரத்துறை அதிகாரிகள் இந்தப் பகுதியை ஆய்வு மேற்கொண்டு, உணவகங்கள் மற்றும் மண்டபங்களுக்கு அறிவிப்பு வழங்கி அபராதம் விதித்தும், மழை நீர் வடிகாலை தூர்வாரி சீரமைக்க வேண்டும் என்பது இப்பகுதி மக்களின் வேண்டுகோளாக உள்ளது.

TN_maws
TN Municipal Administration
Tambaram Corporation
Chengalpattu District

07/09/2026

தாம்பரம் மாநகராட்சிக்குட்பட்ட மண்டலம் 2 கிரோம்பேட்டை, வார்டு 26 இல் உள்ளது ஸ்டேஷன் ரோடு.
இந்த சாலை 40 ஆண்டுகளாக மாநகராட்சியால் கடைகள் கட்டப்பட்டு சாலை ஆக்கிரமிக்கப்பட்டு சாலையின் அகலம் குறைந்துள்ளது குறிப்பிடத்தக்கது.
இந்த சாலையில் ஒரு அவசரத்துக்கு தீயணைப்பு வாகனமோ, ஆம்புலன்ஸோ குரோம்பேட்டை ரயில் நிலையத்தை அணுக முடியாத நிலை.
இந்நிலையில் தற்பொழுது அந்த சாலை மற்றும் 12' வீரபத்திரன் தெரு சந்திப்பில் ஒரு கட்டிடம், எந்த பக்கமும் இடம் விடாமல் வான்நோக்கி செல்வதை காண்கிறோம். இதற்கு மாநகராட்சி அனுமதி அளித்துள்ளதா, அல்லது அனுமதி பெறாமல் கட்டப்பட்டு வருகிறதா என்ற கேள்வி அப்பகுதியை கடந்து செல்லும் பலரிடம் எழுந்துள்ளதாக தெரிகிறது.
மாநகராட்சி ஆணையாளர் இந்த சாலையில் அமைக்கப்பட்டுள்ள கடைகளை அப்புறப்படுத்த மாமன்றத்தில் தீர்மானம் நிறைவேற்றிய பின்பும் இவற்றை ஏன் இன்னும் அப்புறப்படுத்தவில்லை என்று தெரிவிக்க வேண்டும்.
மாநகராட்சி நகரமைப்பு அலுவலர், இக்கட்டத்தை உடனடியாக ஆய்வு மேற்கொண்டு, மாநகராட்சி விதிகளின்படி அமலாக்க நடவடிக்கை மேற்கொள்ள வேண்டும் என்பது சமூக ஆர்வலர்களின் வேண்டுகோள்.

Chief Minister of Tamil Nadu
CMDA Chennai
TN_maws
TN Municipal Administration
Tambaram Corporation
Cop Tambaram
Tamilnadu Fire and Rescue Service (TNFRS)

தாம்பரம் மாநகராட்சிக்கு உட்பட்ட மண்டலம் 3, சிட்லபாக்கம் பகுதியில், வார்டு 34 இல் உள்ளது சிட்லபாக்கம் ஏரி. 2022இல் சென்ன...
06/09/2026

தாம்பரம் மாநகராட்சிக்கு உட்பட்ட மண்டலம் 3, சிட்லபாக்கம் பகுதியில், வார்டு 34 இல் உள்ளது சிட்லபாக்கம் ஏரி.
2022இல் சென்னை உயர்நீதிமன்றம் சிட்லபாக்கம் ஏரியின் ஆக்கிரமிக்கப்பட்ட பகுதிகளை அகற்ற உத்தரவிட்டது. அந்த உத்தரவின் ஒரு பகுதியாக நீர்வளத்துறை ஏரியின் கிழக்குப் பகுதியில் இரண்டு இடங்களில் ஆக்கிரமிப்புகளை அகற்றியது, மேற்கு பகுதியில் உள்ள ஆக்கிரமிப்புகள் அகற்றப்படவில்லை.
கிழக்குப் பகுதியில் ஆக்கிரமிப்பு அகற்றப்பட்ட பகுதியில், ஒரு இடத்தில் 20'x50' இடம் நீர்வளத்துறையால் ஒரு தனியாருக்கு குத்தகை விடப்பட்டு மீதமுள்ள பகுதியில் தற்போது தாம்பரம் மாநகராட்சி, வேலி அமைத்து, சிமெண்ட் கற்கள் பதித்து இருசக்கர வாகனங்கள் நிறுத்தும் இடமாக மாற்றி அமைத்துள்ளது.
சிட்லபாக்கம் 1வது பிரதான சாலை மற்றும் 2வது பிரதான சாலை சந்திப்பில் உள்ள ஆக்கிரமிப்பு அகற்றப்பட்ட பகுதியில், சாலை அமைத்து மழை நீர் வடிகால் அமைத்து, இதில் தாம்பரம் மாநகராட்சி சாலையோர பூங்கா மற்றும் இப்பொழுது ஒரு ராட்சத விளம்பர பதாகை அமைத்துள்ளது.
இப்படி நீர்நிலைப் பகுதிகளை எல்லாம் தொடர்ந்து தாம்பரம் மாநகராட்சி கபிலிகரம் செய்வது கண்டனத்துக்குரிய செயல்.
நீர் நிலை என்று வகைப்படுத்தப்பட்ட இடத்தை எப்படி நீர் வளத்துறை குத்தகைக்கு விட்டது?
குத்தகைக்கு விட அனுமதித்த அதிகாரி யார்?
தமிழ்நாடு அரசு, செங்கல்பட்டு மாவட்ட நிர்வாகம் மற்றும் நீர்வளத்துறை உடனடியாக, குத்தகைக்கு விடப்பட்ட இடத்தை குத்தகை ரத்து செய்து, தாம்பரம் மாநகராட்சி ஏற்படுத்திய ஆக்கிரமிப்புகளை அகற்றி சென்னை உயர்நீதிமன்ற உத்தரவுகளை நிலை நாட்ட வேண்டும்.
Chief Minister of Tamil Nadu
TN_maws
TN Municipal Administration
Chengalpattu District
Tambaram Corporation
Cop Tambaram

சென்னை மாநகராட்சியை அடுத்த, சென்னையை ஒட்டி, பெரிய இரண்டு மாநகராட்சிகள் தாம்பரமும், ஆவடியும்.ஆனால் தாம்பரம் மாநகராட்சி ஆவ...
27/08/2026

சென்னை மாநகராட்சியை அடுத்த, சென்னையை ஒட்டி, பெரிய இரண்டு மாநகராட்சிகள் தாம்பரமும், ஆவடியும்.
ஆனால் தாம்பரம் மாநகராட்சி ஆவடி மாநகராட்சியைவிட மக்கள் நல செயல்பாடுகளில் பின் தங்கியுள்ளது என்பது அப்பட்டமாக தெரிய வருகிறது.
கீழே உள்ள காணொளியில் நீங்கள் காணலாம் ஆவடி மாநகராட்சி ஆணையர் தினமும் சாலையில் இறங்கி, ஆக்கிரமிப்புகள் மற்றும் விதிமீறல் கட்டிடங்களுக்கு நடவடிக்கை எடுத்து வருவதை காண்கிறோம். (அப்பகுதியில் உள்ளவர்களிடம் கேட்டறியப்பட்டுள்ளது).
தாம்பரம் மாநகராட்சியில் பல புகார்கள் கொடுக்கப்பட்டும், இன்று வரை காந்தி சாலை, R.P. சாலை, ராதா நகர் பிரதான சாலை, குரோம்பேட்டை ஸ்டேஷன் சாலை, CLC ஒர்க்ஸ் சாலை, தர்கா சாலை,
P.V. வைத்தியலிங்கம் சாலை, பம்மல் நல்லதம்பி சாலை, பல்லாவரம் இந்திராகாந்தி பிரதான சாலை, இதில் எந்த சாலையிலும் ஆக்கிரமிப்பு அகற்றுவது தொடர்பாக ஒரு சிறு ஆணியை கூட இந்த மாநகராட்சி அதிகாரிகள் புடுங்கவில்லை என்பது நிதர்சனமான உண்மை. (மாநகராட்சி அலுவலகம் அருகே உள்ளதால் சண்முகம் சாலையில் அவ்வப்போது ஆக்கிரமிப்பு அகற்றும் நாடகம் அரங்கேற்றப்படுகிறது).
விதி மீறல் கட்டிடங்கள் மீது நடவடிக்கை எடுப்பது பற்றி, ஒன்றும் சொல்வதற்கில்லை எல்லா நிலைகளிலும் லஞ்சம் பெற்றுக் கொண்டு கண் மூடிக்கொண்டிருக்கும் அதிகாரிகள் தான் தாம்பரம் மாநகராட்சியில்.
ஆனால் தாம்பரம் மாநகராட்சி ஆணையாளரோ தினமும் ஆங்காங்கே ஒப்பந்த வேலைகளை பார்வையிட்டு, ரீல்ஸ் போட்டு வருவதை காண்கிறோம்.
தாம்பரம் மாநகராட்சி ஆணையாளரும் அதிகாரிகளும் மக்கள் நலன் சார்ந்த பணிகளை மேற்கொள்வதாக தெரியவில்லை. இது வருத்தத்துக்குரியது மற்றும் கண்டனத்துக்குரியது.

Chief Minister of Tamil Nadu
Chengalpattu District
CMDA Chennai
TN_maws
TN Municipal Administration
Cop Tambaram

26/08/2026

தாம்பரம் மாநகராட்சிக்குட்பட்ட எல்லா தெருகளிலும், கேபிள் டிவி இயக்குபவர்கள் (Cable TV Operator), இணைய சேவை நிறுவனங்கள்(Internet Service Providers), GI குழாய் கம்பங்கள் அமைத்து அதில் இணைய சேவை வடங்களை கட்டி (Internet Service Cables) எடுத்து செல்கின்றனர். இதில் எத்தனை நிறுவனங்கள் மாநகராட்சி அனுமதி பெற்றுள்ளது என்று தெரியவில்லை. அனுமதி வழங்கும் பொழுது எத்தனை தெருகளுக்கு வழங்கப்படுகிறது, ஒரு தெருவுக்கு எத்தனை கம்பம், எந்த இடத்தில் எல்லாம் கம்பம் அமைக்க கூடாது என்ற விதிமுறைகள் இந்த நிறுவனங்களுக்கு வழங்கப்படுகிறதா? இந்த விதிமுறைகளை எல்லாம் மாநகராட்சி அதிகாரிகள் மேற்பார்வையிடுகிறார்களா அல்லது ஆய்வு மேற்கொள்கிறார்களா என்றால், இல்லை.
எல்லா தெருகளிலும் திரும்பும் இடத்தில் Splay ஏரியாவில் கம்பங்கள் நடப்பட்டு இருக்கின்றன இவை போக்குவரத்துக்கு இடையூறாக உள்ளது. சில கம்பங்களில் இருந்து 4 - 7 இணைய வடங்கள் கட்டப்பட்டு இருக்கிறது. பெரும்பாலான இடங்களில் GI குழாய் கம்பிகளில் கட்டப்பட்டுள்ள வடங்கள், அருகிலுள்ள மின்வாரிய மின்கம்பங்களில் கட்டப்பட்டுள்ளது.
இதனால் சில நேரங்களில் கனரக பெரிய வாகனங்களில் இந்த வடங்கள் சிக்கிக் கொண்டு இழுக்கப்படுவதினால் GI குழாய் கம்பிகள் வளைந்து காணப்படுகின்றன.
இந்த இணைய சேவை நிறுவனங்களில் வேலை செய்யும் ஊழியர்கள் பழுது, சரி செய்த பின் பழுதடைந்த இணைய வடங்களை ஆங்காங்கே சாலையில் போட்டு செல்கின்றனர். இதனால் பல விபத்துகள் நேர்கின்றன.(வாகனங்களில் இணைய வடங்கள் சிக்கிக் கொண்டு வாகனங்கள் கீழே விழுகின்றன. வடங்கள் ஒரு பாதி மண்ணில் புதைந்து, மற்ற பாதையில் நடந்து செல்வோனின் கால்கள் சிக்கிக் கொண்டு கீழே விழுந்து விபத்து நேர்கிறது) மேலும் மின்கம்பங்களில் உள்ள தெரு விளக்குகள் மற்றும் வீட்டு இணைப்புகள் சேதமடைகின்றன. இந்த இணைய வடங்கள் எல்லா தெருக்களிலும், ஒரு ஒழுங்குமுறை இல்லாமல் தொங்கி கொண்டு இருப்பது, அசிங்கமாக தென்படுகின்றது.
மாநகராட்சி அதிகாரிகள் இந்தப் பிரச்சனைகளை தீர்க்க நடவடிக்கை எடுத்து, ஒரு நிரந்தர தீர்வை காண வேண்டும் என்று கேட்டுக்கொள்கிறோம்.

Chief Minister of Tamil Nadu
TN_maws
TN Municipal Administration
Tambaram Corporation
Chengalpattu District

24/08/2026

தாம்பரம் மாநகராட்சிக்கு உட்பட்ட, மண்டலம் 2, குரோம்பேட்டை, வார்டு 26, ராதா நகரில் உள்ளது தெற்கு தெரு.
இந்தத் தெருவில் ஒரு கட்டிடம், சுற்றி இடமேதும் விடாமல், வாகனநிறுத்தம் இல்லாமல், கடைகள் கட்டப்பட்டு வருகிறது.
இந்தக் கட்டிடத்தில் ஆழ்துளை கிணறு, கழிவுநீர் தொட்டி மற்றும் படிக்கட்டுகள் பொதுவெளியில், சாலையில் அமைக்கப்பட்டுள்ளது குறிப்பிடத்தக்கது.
மாநகராட்சியில் நகரமைப்பு அலுவலர் மற்றும் நகரமைப்பு ஆய்வர் உடனடியாக இந்தக் கட்டிடத்தில் ஆய்வு மேற்கொண்டு, கட்டிட விதிமுறைகளை அமல்படுத்த வேண்டும் என்று கேட்டுக்கொள்கிறோம்.
நகராட்சிகளின் நிர்வாக இயக்குனர் தாம்பரம் மாநகராட்சி நகரமைப்பு பிரிவு ஊழியர்கள் முறையாக செயல்படாமல் இருப்பதற்கு தகுந்த நடவடிக்கை மேற்கொள்ள வேண்டும் என்று கேட்டுக்கொள்கிறோம்.

Chief Minister of Tamil Nadu
CMDA Chennai
TN_maws
TN Municipal Administration
Tambaram Corporation
Chengalpattu District

தாம்பரம் மாநகராட்சி பகுதியில், வீட்டு எண்கள் பல தெருக்களில், ஒரே எண் மீண்டும் மீண்டும் பதிவு செய்யப்பட்டு இருப்பதை நாம் ...
18/08/2026

தாம்பரம் மாநகராட்சி பகுதியில், வீட்டு எண்கள் பல தெருக்களில், ஒரே எண் மீண்டும் மீண்டும் பதிவு செய்யப்பட்டு இருப்பதை நாம் காண்கிறோம்.
பல தெருக்களில் இந்த ஐந்து ஆண்டுகளில் பல மனைகள் இரண்டாக பிரிக்கப்பட்டு அதே கதவு எண் A, B என்று பதிவிடப்பட்டிருப்பதை காண்கிறோம். பல மனைகள், கட்டிட விதிகளை தவிர்ப்பதற்கு மனை உட்பிரிவு மேற்கொள்ளப்பட்டு அதற்கு ஒரு கதவு எண் கொடுக்கப்படுகிறது.
பல்லாவரம் துரைப்பாக்கம் ரேடியல் சாலையில் எந்த மனைக்கும் கதவு எண் கொடுக்கப்படவில்லை.
புதிதாக அமைக்கப்பட்டு வரும் விரிவாக்க பகுதி நகர்களின் தெருக்களில் கதவு எண்கள் அவரவர் விருப்பத்திற்கு பதிவு செய்து கொள்கின்றனர்.
தற்பொழுது மேற்கொள்ளப்பட்டு வரும் மக்கள் தொகை கணக்கெடுப்பில், இந்த முறைப்படுத்தப்படாத வீட்டு எங்களினால் பல குளறுபடிகள் நேரிட வாய்ப்புகள் அதிகம்.
தாம்பரம் மாநகராட்சி அதிகாரிகள் உடனடியாக தங்கள் கட்டுப்பாட்டில் உள்ள சாலை, தெருக்களின் மனை, வீட்டு எண்களை முறையாக வரிசைப்படுத்தி ஒழுங்குபடுத்த வேண்டும் என்பது பொதுமக்களின் வேண்டுகோளாக உள்ளது.

15/08/2026

தாம்பரம் மாநகராட்சிக்குட்பட்ட மண்டலம் 2, பழைய பல்லாவரம், வார்டு 21 இல் உள்ளது பெருமாள் நகர் ஐந்தாவது குறுக்கு தெரு.
இங்கு உள்ள பூங்கா, பராமரிப்பின்றி, குழந்தைகள் விளையாட்டு உபகரணங்கள் சேதமடைந்து கிடப்பதை காணமுடிகிறது.
மாநகராட்சி பகுதியில் பல பூங்காக்கள் இதே நிலைமையில் உள்ளது. ஆனால் சில பூங்காக்கள் பராமரிக்கப்பட்டு நல்ல நிலையில் இருந்தும் தேவையில்லாமல் அந்த பூங்காக்களுக்கு, மறு சீரமைப்பு என்ற பெயரில் பெரும் தொகை ஒதுக்கப்பட்டு, ஒப்பந்தம் கொடுத்து வேலை மேற்கொள்ளப்படுகிறது. (மண்டலம் 2, வார்டு 26, மறுசீரமைப்புத் தொகை 21.5 லட்சம்).
அதே சமயம் மாநகராட்சி பல இடங்களில் புதுப்புது பெயர்களில் (Pink Park, Sponge Park) பல லட்சங்கள் செலவில் பூங்காக்கள் அமைத்து வருவதை நாம் காண்கிறோம்.
தாம்பரம் மாநகராட்சி பராமரிப்பின்றி, உபகரணங்கள் சேதமடைந்து இருக்கும் பூங்காக்கள் மீது தன் பார்வையை திருப்பி அவ்வப்போது சிறு தொகைகளை செலவு செய்து அவற்றை முறையாக பராமரிக்க வேண்டும் என்பது பொதுமக்களின் வேண்டுகோளாக உள்ளது.

Chief Minister of Tamil Nadu
TN_maws
TN Municipal Administration
Tambaram Corporation

Address

Chennai
600044

Website

Alerts

Be the first to know and let us send you an email when Maa - நகராட்சி மக்கள் குரல் posts news and promotions. Your email address will not be used for any other purpose, and you can unsubscribe at any time.

Shortcuts

Share

Category