What are the opening hours?

Monday 10am - 5pm Tuesday 10am - 5pm Wednesday 10am - 5pm Thursday 10am - 5pm Friday 10am - 5pm Saturday 10am - 5pm

Arappor - அறப்போர் இயக்கம், Satya plaza, 2nd Floor, No. 7, Drive Thirumoorthy Nagar Main Road, Nungambakkam, Chennai (2026)

Q: What is the address?

Satya Plaza, 2nd Floor, No. 7, Drive Thirumoorthy Nagar Main Road, Nungambakkam

16/06/2026

மாதா மாதம் ரூ 14 லட்சம் MDM குட்காவில் இருந்து லஞ்சம் வாங்கியதாக IT ரெய்டில் கண்டுபிடிக்கப்பட்டு பிறகு CBI இல் இந்த லஞ்ச ஊழலுக்காக குற்றப்பத்திரிக்கை தாக்கல் செய்யப்பட்ட குட்கா விஜயபாஸ்கர் எந்த கட்சியில் இணையப் போகிறார் ? MDM குட்கா மாதவ ராவ் அவர் இடத்தில் பிடிப்பட்ட ஆதாரங்கள் குறித்த விளக்கங்களை வருமான வரித்துறையில் வாக்குமூலமாக தெரிவித்ததை இங்கே காணலாம் ! சமூகத்தையே சீரழிக்கும் குட்காவை சட்டவிரோதமாக விற்பதற்கு லஞ்சம் வாங்கிய கொடூர முன்னாள் அமைச்சர் சேரும் கட்சி மேலும் சமூகத்தை சீரழிக்கும் !

16/06/2026

கட்சி உத்தரவை மீறி பேனர் வைப்பவர்களை கட்சியை விட்டு நீக்குவீர்களா?
சாலைகளில் பேனர் வைப்பது ஆபத்தானது என்று இதனால் தான் சொல்கிறோம். அது சட்டப்படியும் தவறு என்று மீண்டும் மீண்டும் சொல்லி வருகிறோம். நீதிமன்றமும் பல முறை பேனர் வைப்பதற்கு எதிராக உத்தரவுகளை பிறப்பித்துவிட்டது.

ஆனால் அதிமுக - திமுக ஆட்சிகளில் நடத்திய அதே நாடகத்தை தான் TVK ஆட்சியிலும் அரங்கேற்றி வருகிறார்கள். தலைமையில் இருந்து பேனர் வைக்க கூடாது என்று ஒரு அறிக்கையை பெயரளவுக்கு வெளியிட்டு விட்டு ஊர் முழுவதும் பேனர் வைத்து மக்களின் உயிருக்கு ஆபத்து ஏற்படுத்துவது இவர்களுக்கு ஒரு வழக்கமாகிவிட்டது.

சட்டத்தை மீறி பேனர் வைத்து பொது மக்கள் உயிருக்கு ஆபத்து ஏற்படுத்துகிறீர்களே உங்களுக்கு அறிவு இருக்கா என்றும் கேட்டு விட்டோம். பேனர் வைக்கும் சுயநல சமூக விரோதிகளே என்றும் சொல்லி விட்டோம். ஆனால் இந்த கொலைகார விளம்பர பிரியர்களுக்கு இதெல்லாம் கொஞ்சம் கூட உரைப்பது இல்லை.

சாலைகளில் பேனர் வைக்கும் TVK சுயநலவாதிகளே... அறிக்கை அளித்து ஊரை ஏமாற்றும் TVK பொதுச் செயலாளர் அவர்களே... இது எதையும் கண்டு கொள்ளாமல் அமைதி காக்கும் முதல்வர் அவர்களே...
என்று தணியும் இந்த கொலை வெறி பேனர் தாகம்..!!
TVK Vijay

15/06/2026

சென்னையின் வெள்ளத்தை தாங்கக்கூடிய பள்ளிக்கரணை சதுப்பு நிலத்தில், ராம்சார் நிலம் என்று அறிவிக்கப்பட்ட கட்டிடங்கள் கட்ட தடை செய்யப்பட்ட பகுதியில் மிகவும் துணிச்சலாக, உட்சபச்ச திமிர் கொண்டு, பல அரசு துறைகள் இணைந்து மோசடி செய்து ஒரு தனியார் நிறுவனத்திற்கு (Brigade Heights) 1250 வீடுகள் கட்ட அனுமதி கொடுத்துள்ளனர். அந்த நிறுவனமும் பாதுகாக்கப்பட்ட சதுப்பு நில பகுதியில் மணலை கொட்டி கட்டுமான வேலைகளை ஆரம்பித்து விட்டனர்.

இந்த மோசடியை செய்தவர்கள் மீது TVK அரசு இது வரை ஏன் நடவடிக்கை எடுக்கவில்லை..? அந்த இடத்தில் மோசடியாக கொடுக்கப்பட்ட cmda அனுமதி ஏன் ரத்து செய்யப்படவில்லை? இந்த நிறுவனம் கட்டும் வீடுகளை வாங்கி நாளை இந்த கட்டிடங்கள் இடிக்கப்பட்டால் பாதிக்கப்பட போகும் மக்களுக்கு TVK அரசு பதில் சொல்லுமா?

Chief Minister of Tamil Nadu

15/06/2026

🛑குளத்தை காணவில்லை!!🛑
சென்னை வளசரவாக்கத்தில் அழகான ஒரு குளம் இருந்தது. அதற்கு பெயர் சிவன் கோவில் குளம். அதிமுக ஆட்சிக் காலத்தில் முன்னாள் அமைச்சர் வேலுமணி பொறுப்பில் இருந்த போது அந்த குளத்தை மண் அடித்து நிரப்ப போட்ட திட்டத்தை அறப்போர் புகார் அளித்து தடுத்தது. இதையடுத்து அந்த குளத்தை தூர்வாரி சீரமைக்கிறோம் என்று ஒரு டெண்டர் போட்டு குளத்தின் அளவை சுருக்கி உள்ளே ஒரு கான்கிரீட் நீச்சல் குளத்தை கட்டிவிட்டார்கள். இது குறித்து அறப்போர் பல்வேறு புகார்கள் அளித்தும் எந்த வித நடவடிக்கையும் எடுக்கப்படவில்லை.

அடுத்து வந்த திமுக ஆட்சியில், முன்னாள் அமைச்சர் சேகர் பாபு கட்டுப்பாட்டில் இந்த குளம் வந்த பிறகு, நாங்க அதில் ஒரு மண்டபம் கட்ட போகிறோம் என்று டெண்டர் போட்டார்கள். அதையும் கண்டுபிடித்து புகார் அளித்து அறப்போர் இயக்கம் தடுத்து நிறுத்தியது. அதன் பிறகு திமுக ஆட்சியில் இந்த குளத்தை பற்றியே மறந்து விட்டார்கள்.

அறநிலைத்துறையின் கட்டுப்பாட்டில் இருக்கும் இந்த சிவன் கோவில் குளத்தை TVK அரசு காப்பாற்றுமா? இதன் உள்ளே கட்டப்பட்டுள்ள நீச்சல்குளத்தை அகற்றி முழு கொள்ளளவுக்கும் (20500 CUM) இந்த குளத்தை தூர்வாரி இந்த பகுதியின் நிலத்தடி நீர் பெருக TVK அரசு முயற்சி எடுக்குமா?
Chief Minister of Tamil Nadu TVK Vijay

15/06/2026

🛑CMDA அனுமதியை ரத்து செய்யுங்கள் - அறப்போர்.
கட்டுமானத்திற்கு தடை விதிக்கப்பட்ட ராம்சார் நிலத்தில் 2000 கோடி மதிப்புள்ள ஆயிரக்கணக்கான வீடுகளை கட்ட அனுமதி கொடுத்த முன்னாள் அமைச்சர் சேகர் பாபு மற்றும் அவருக்கு உடந்தையாக செயல்பட்ட அரசு ஊழியர்கள் மீது வழக்கு பதியப்பட்டு நடவடிக்கை எடுக்கப்படுமா?

தடை செய்யப்பட்ட ராம்சார் சதுப்பு நிலத்தில் கட்டிட அனுமதி கொடுத்த தன்னுடைய ஆட்சியின் சாதனையை பற்றி முன்னாள் முதல்வர் ஸ்டாலின் அவர்கள் விளக்கம் அளிப்பாரா?

TVK ஆட்சி பதவி ஏற்ற பிறகு brigade நிறுவனம் சிறிய சிறிய வேலைகளை செய்ய துவங்கி இருப்பதாக சொல்லப்படுவது குறித்து முதல்வர் விஜய் அவர்களுக்கு தெரியுமா? சம்பந்தப்பட்ட அதிகாரிகள் மற்றும் அமைச்சர்கள் இந்த இடத்தை ஆய்வு செய்து முதல்வரின் கவனத்திற்கு கொண்டு செல்வார்களா?

DMK ஆட்சியின் தவறுகளை TVK ஆட்சி தடுக்குமா? அல்லது அந்த தவறுகள் தொடர அனுமதிக்குமா?
Chief Minister of Tamil Nadu TVK Vijay CMDA Chennai

13/06/2026

சேகர் பாபு மீது விசாரணை பாயுமா?

பள்ளிக்கரணை சதுப்புநில ராம்சார் நிலத்திற்குள் பிரிகேட் நிறுவனத்திற்கு முறைகேடாக சட்டம் மற்றும் உச்சநீதிமன்ற ஆணைகளை மீறி கொடுக்கப்பட்ட கட்டுமான அனுமதியை உடனே ரத்து செய்ய வேண்டும் என்றும் கடந்த ஆட்சியில் நடந்த இந்த ஊழல் முறைகேடு மீது உடனே நடவடிக்கை எடுக்க வேண்டும் எனவும் கோரி அறப்போர் இயக்கம் முதல்வர் திரு விஜய் மற்றும் சம்பந்தப்பட்ட அதிகாரிகளுக்கு இன்றைய தினம் மனு அனுப்பி உள்ளது. மனுவை இத்துடன் இணைத்துள்ளோம்!

12/06/2026

முன்னாள் அமைச்சர் வைத்திலிங்கம் 27.9 கோடி லஞ்ச வழக்கில் புகார்தாரரான அறப்போர் இயக்கத்திற்கு closure report தர முதன்மை செஷன்ஸ் நீதிமன்றத்தில் மனு சமர்ப்பிக்கப்பட்டு உள்ளது. closure report எதிர்த்து Protest மனு போடும் உரிமை புகார்தாரரான நமக்கு இருப்பதால் நமக்கு முதலில் closure report தர கோரி உள்ளோம்.

இன்று லஞ்ச ஒழிப்பு துறையும் கூடுதல் விசாரணை செய்ய வேண்டி மனு சமர்ப்பித்து உள்ளது.

அமலாக்கத்துறையும் protest மனு சமர்ப்பித்து உள்ளது.

மனுக்கள் மீதான விசாரணை ஜூன் 29 ஆம் தேதிக்கு ஒத்திவைக்கப்பட்டு உள்ளது.

11/06/2026

சுமார் 100கோடிக்கும் மேலான மக்கள் பணத்தில் கட்டப்பட்ட கல்லூரி, நிர்வாகம் தனியார் கைவசம் செல்வதை வேடிக்கை பார்க்காமல் மீட்டெடுப்பீர்களா

BIM பற்றி மேலும் விவரங்கள் அறிய :
1. https://youtu.be/PNpwy-rLuxQ?si=rmYBQpdHsjMjbAmu

2. https://youtu.be/TOFGZ8pjVrk?si=y91SpqVSCtxcZB1_

11/06/2026

ஊழல் செய்த எதிர்க்கட்சி அரசியல்வாதியை கட்சியில் இணைத்து அவர் மீதுள்ள ஊழல் வழக்கை ரத்து செய்து அவரை தங்கள் கட்சி MLAவாக மாற்றிய இந்த நிகழ்வு மற்ற மாநிலங்களில் நடந்தால் இங்கு பொங்கல் வைப்பவர்கள், நமது மாநிலத்தில் நடக்கும் போது மயான அமைதியில் இருக்கிறார்கள்.

முன்னாள் MLA ஸ்டாலின் அவர்கள் செய்த இந்த அவமானகரமான செயல் குறித்து தொலைக்காட்சி விவாதங்களை பார்க்க முடியவில்லை. கட்சியில் இணைகிறேன் என்னுடைய ஊழல் வழக்கை ரத்து செய்யுங்கள் என்று டீல் போட்டு கட்சியில் இணைந்த திமுக MLA வைத்திலிங்கம் அவர்களை துணிவாக கேள்வி கேட்கும் பத்திரிக்கையாளர்களை பார்க்க முடியவில்லை. இந்த அசிங்கத்தை அமைதியாக கடந்து சென்று நார்மலைஸ் ஆக்கும் வேலையை திறம்பட செய்கிறார்கள்.

ஆனால் அறப்போர் இயக்கம் இந்த பிரச்சனையை இப்படியே விடப்போவதில்லை. நீதிமன்றம் செல்வோம். ஊழல் டீலிங் அரசியல்வாதிகளுக்கு எதிராக சட்டப்படி போராடுவோம்.
மேலும் விவரங்களுக்கு - https://youtu.be/DheLf0i1aIs

10/06/2026

நம் மாணவர்களுக்கு கல்வி கற்றுக் கொடுக்கும் ஆசிரியர் பயிற்சி கல்லூரிகளின் அவல நிலை நம்மை அதிர்ச்சிக்குள்ளாக்குகிறது. இத்தனை வருடங்களாக திமுக மற்றும் அதிமுக ஆட்சிகளில் ஆட்சியாளர்கள் எவ்வளவு அலட்சியமாக செயல்பட்டு இருக்கிறார்கள் என்பதற்கு உதாரணமாக நிற்கிறது தமிழ்நாடு ஆசிரியர் கல்வியியல் பல்கலைக்கழகம்.

இந்த பல்கலைக்கழகத்தில் இருக்கும் எத்தனை கல்லூரிகளில் முதல்வர்கள் இருக்கிறார்கள் என்ற தகவல் கூட இவர்களிடம் இல்லை. 2021ம் வருடம் எடுத்த கணக்கை இன்று வரை இணையதளத்தில் வைத்திருக்கிறார்கள். அறப்போர் இயக்கம் தகவல் அறியும் உரிமை சட்டம் வாயிலாக இந்த வருட தகவலை கேட்ட போது இணையதளத்தில் இருப்பது தான் எங்களுக்கு தெரிந்த தகவல் என்று கொஞ்சம் கூட கூச்சமே இல்லாமல் சொல்கிறார்கள். அதாவது, இன்றைய நிலை என்ன என்று யாருக்கும் தெரியாது.

இப்படிப்பட்ட ஒரு பல்கலைக்கழகத்தில் ரிஜிஸ்ட்ரார் அவருக்கு ஒரு துணை ரிஜிஸ்ட்ரார் என்று இருவர் எதற்கு வேலையில் இருக்கிறார்கள் என்றே தெரியவில்லை. ஒரு வேலையையும் செய்யாமல் வெட்டியாக பொழுது போக்கி சும்மா சம்பளம் வாங்கிக் கொண்டு இருக்கிறார்கள். விதிகளை பின்பற்றாத கல்லூரிகளை தொடர்ந்து செயல்பட அனுமதிக்க வேறு என்னவெல்லாம் வாங்குகிறார்கள் என்று தெரியவில்லை.

அறப்போர் இயக்கம் கடந்த இரண்டு வாரங்களாக இந்த பல்கலைக்கழகம் குறித்த புகாரை அரசுக்கு அனுப்பி, சமூக வலைத்தளங்களிலும் கேள்வி கேட்டுக் கொண்டு இருக்கிறது. ஆனால் இது வரை TVK அரசிடம் இருந்து எந்த ஒரு பதிலும் வரவில்லை.

முதலமைச்சர் விஜய் இந்த விஷயத்தில் நேரடியாக தலையிட்டு தமிழ்நாட்டு ஆசிரியர் பயிற்சி கல்லூரிகளை ஒழுங்குபடுத்த நடவடிக்கை எடுப்பாரா? திமுக அரசு convener committee உறுப்பினராக நியமித்த தனியார் பயிற்சி கல்லூரி முதலாளி பவானி கல்விக்குழும தாளாளர் நாராயணனை பதவியில் இருந்து அகற்றி ஆசிரியர் பயிற்சி கல்லூரியின் தரத்தை மேம்படுத்தும் அக்கறை கொண்ட ஒருவரை அந்த இடத்தில் நியமிப்பாரா?

Chief Minister of Tamil Nadu TVK Vijay

Arappor - அறப்போர் இயக்கம்

16/06/2026

16/06/2026

15/06/2026

15/06/2026

15/06/2026

13/06/2026

12/06/2026

11/06/2026

11/06/2026

10/06/2026

Address

Opening Hours

Telephone

Website

Alerts

Contact The Organization

Shortcuts

Share

Category

Monday	10am - 5pm
Tuesday	10am - 5pm
Wednesday	10am - 5pm
Thursday	10am - 5pm
Friday	10am - 5pm
Saturday	10am - 5pm