https://www.facebook.com/1144031598792963/

Sri Sathgurunathan Ayyappa Seva Sangham-SSASS, 10/16, Sriram, First Floor, 21st Street, Nanganallur, Chenna/61, Chennai (2026)

03/09/2026

காயத்ரி மாதாவிற்கான தியான ஸ்லோகம்

அக்ஷர குண்டிகா ஹஸ்தாம் ஸுத்த ஸ்படிக நிர்மலாம்
ஸர்வ வித்யாமயீம் வந்தே காயத்ரீம் வேத மாதரம்

யோ தேவ: ஸவிதாஸ்மாகம் தியோ தர்மாதி கோசரா:
ப்ரேரயத் தஸ்ய யத் பர்க்கஸ் – தத்வரேண்ய முபாஸ்மஹே

02/09/2026

விடுதிகள்

நம்பி வந்தேன் சன்னதியில் நன்மை தர வேண்டுமென்றே ;
பாடி வந்தேன் உன் பெயரைப் பாக்கியம் மிகத் தந்தருள்வாய் !
பெற்றோரைப் போலே என் பிழை பொறுத்து ஆதரிப்பாய் !
விஸ்தார மணிமார்பா! வெள்ளைக்கல் ஆதிபனே!

உன்னை நம்பும் எங்களுக்கு ஒரு வினையும் வாராதென்று
நினைத்திருந்து காலமெல்லாம் ஏங்குதையா என் மனதும் !
ஓங்கி எனது மனம் ஒன்று பத்து நூறாகும்
சங்கைக் கொண்டு திரு ஆரியங் காவையாவே !

ஐயா உன் சன்னதியில்
நம்பிவந்தேன் ஆண்டவனே !
அக்ஷணமே வந்துதவும் சபரிமலை சாஸ்தாவே !
ஆதியந்தம் இல்லாத அற்புதனே குரு நமக்கு ;
வேத ஒளியாம் சபரி மெய்யனுமாம் ஆண்டவனே !

(குளத்தூர் பஞ்சகம்)

31/08/2026

ஸ்ரீ ஞான சாஸ்தா

சாந்தம் சாரத சந்த்ர காந்தி வதனம்
சந்த்ராபி ராமானனம் |
சந்த்ரார்கோபம காந்தகுண்டலதரம்
சந்த்ராவதாதாம் சுகம் ||
வீணாம் புஸ்தக அக்ஷ சூத்ர வலயம்
வ்யாக்யான முத்ராம் கரை: |
பிப்ராணம் கலயே ஸதா ஹ்ருதி மஹா
சாஸ்தாம் ஹி வாக் ஸித்தயே ||

28/08/2026

காயத்ரி ஜபத்தினை மனம் ஒன்றிச் செய்ய....

காயத்ரி ஜபத்தின்போது மனம் அலையாமல் இருப்பது பற்றி முன்பு நண்பர் ஆர்விஎஸ்
Venkatasubramanian Ramamurthy கேட்ட கேள்விக்கான வழிகாட்டலாக அப்போது இதைப் பதிவிட்டிருந்தேன். யாவருக்கும் உபயோகமாக இது இருக்கலாம் என்பதால் மீண்டும் இங்கு பதியலாயிற்று.

கீழே படத்தில் கண்டவிதம், ‘ஓம்’ எனும் எழுத்தை ஐந்து பகுதிகளாகப் பிரித்து, அவற்றை காயத்ரி உச்சாடனத்தின் ஐந்து பதங்களாக,மனதில் வரையும் வழிமுறை இது.

கண்களை மெல்ல மூடிக் கொள்ளுங்கள்.
நிர்மலமான வெளிர்நீல ஆகாயமாக மனவெளியை பாவனை செய்து கொள்ளுங்கள்.
இந்த ஆகாயத்தில்தான் நீங்கள் காயத்ரியை சீராக வெண்மேகம் கொண்டு வரையப் போகிறீர்கள்.

மன வானை எவ்வளவு விரிக்கமுடியுமோ அவ்வளவு விரிவாக்கிக் கொள்ளவும். அதில் நீலவானமன்றி பிறிதொரு வஸ்து இல்லை.

உச்சாடனமாக இல்லாமல், பொங்கும் ஒலிவடிவாக ‘ஓம்’ என்று பிரணவ சப்தத்தால் முதலில் அந்த நீலவானை நிரப்பவும். தலையை சற்றே அண்ணாந்து வைத்துக் கொள்ளவும்.

படத்தில் கண்டபடி காயத்ரியின் முதல் பதமாக ‘ஓம்’ உச்சரித்தபடி வெண்மேகத் துணுக்குகளால் ஓங்காரத்தின் சுழியத்தை வரையவும்.
படத்தில் காட்டிய எல்லைகள் படி நிதானமாக காயத்ரி மந்திரத்தைப் பதம் பதமாக வரைதலைத் தொடரவும்.

ஒரு காயத்ரி முடிக்கும் போது ஒரு ஓம் வரைந்திருப்பீர்கள்.

மீண்டும் நிர்மல வான உருவகம். மீண்டும் மேகங்கொண்டு வரைதல் எனத் தொடரவும் . ஒன்று முடிந்து அடுத்த காயத்ரி தொடங்கும்போது முதலில் வரைந்த ஓம் கலைந்து வானில் ஐக்கியமாகட்டும். அடுத்த வரைதல் தெளிந்த வானில்.

முனைப்பு கூடும்வரை வேண்டுமானால் காயத்ரி மந்திரத்தை மனதில் வரைதலோடு ,
வலது பவித்ர விரல்கொண்டு, காற்றில் வரையலாம். சிலநாட்களில்
மனம் சலனமின்றி வரையத் தொடங்கியதும் விரலுக்கு வேலையில்லை.

செய்யும் காயத்ரியை எண்ணுவதில்கூட மனம் செலுத்தாமல், ஓரிரு நாட்கள் மனதில் வரையும் காயத்ரியிலேயே முனைப்பை வைக்கவும். விரைவில், நம் உள்மனம் இதற்குப் பழகிவிடும்.

சற்று பழகியபின், வரையும் போது காயத்ரியை உச்சரிப்பாகத் தொடராமல், ஒரு ஒலி அதிர்வாக மட்டும் தொடரவும். கரமாலையாக எண்ணிக்கையும் தொடரலாம்.

‘ஓம்’ வரைதலை எவ்வளவு விஸ்தீரணம் அகலமாக்க இயலுமோ, அவ்வளவு பெரிதாக நாளாவட்டத்தில் முயலவும்.

இந்தப் பயிற்சியில், மனம் அலைதல் விடுத்து காயத்ரியில் ஒன்றிவிடும்.
ஒன்றுதல் கைவரப் பெற்றபின் வானம் வானத்திலும் மேகம் மேகத்திலும் கரைந்து காயத்ரி உங்களிலும் கரைந்து நிரம்பும்.
காயத்ரி மாதா உங்களைக் காக்கட்டும்🙏💐

(ஓவியம்: அன்பு நண்பன் தேவா)
நிறைந்த அன்பும் ஆசீர்வாதங்களும்

மோகன்ஜி

பிகு: ஐம்பது வருடங்களுக்குமுன் எனக்காக மேற்கொண்ட பயிற்சி இது. ஜபத்தில் மனம் லயிப்பதில்லை என்று சொல்லும் நண்பர்களுக்கு இதை மேற்கொள்ளுமாறு சொல்வது வாடிக்கை. பலன் இருப்பதாகவே அவர்கள் சொன்னதுண்டு. முயற்சித்துப் பார்க்கவும்.

எப்போதும் நான் சொல்லும் ‘ஆன்மீக விஷய’ முத்தாய்ப்பு தான். மறுகரை சேரவே படகுப் பயணம். கரையை அடைந்ததும் படகைச் சுமந்து செல்ல வேண்டாம். அதை ஒரு முளையில் கட்டி வைத்தால் போதும்

26/08/2026

ஆவணி அவிட்டமும் காயத்ரி ஜபமும்

முன்பு எப்போதோ அடியேன் பதிவிட்டது தான் இது. இந்த சந்தர்ப்பத்தில் உங்கள் சிந்தனையைத் தூண்டும் என்று மறுபடியும் பதிகிறேன்.🌺🌼☘️

அன்பர்களுக்கு ஆவணி அவிட்ட நன்னாளின் ஆசிகள்/வாழ்த்துகள்/நமஸ்காரங்கள்.

உபாகர்மா என்பது தொடக்கம் எனப் பொருள்படும். ஆவணி மாதத்தில் அவிட்ட நட்சத்திரம் கூடிய நன்னாளில் நான்முகனுக்கு வேதம் உபதேசமானது.

வேதமோதுதலின், உபாசனையின் தொடக்கம் இந்நாளில் தான். அந்த வேதமே பிரமாணம். அந்தத் தொடக்கத்தினை வருடம்தோறும் கொண்டாடி , அறிந்தும் அறியாமலும் செய்த பாவங்களை க்ஷமிக்கப் பிரார்த்தனை செய்து, திவ்யமான பிரம்ம தேஜஸைப் புதுப்பித்துக் கொள்ளும் வைபவமே உபாகர்மாவின் உபயோகம்.

பழைய பூணுலை மாற்றும் ஒரு சடங்காக, மந்திரங்களை வேகவேகமாக காதில் வாங்கியும் வாங்காமலும் கேட்டு முணுமுணுத்து விட்டு, பட்டுவேட்டி சரசரக்க பூணுல் மாற்றிக் கொள்வதில் எந்தப் பெருமையும் இல்லை.

நித்யகர்மானுஷ்டானமான சந்தியாவந்தனம் செய்யாமல் விட்டுப்போன அன்பர்களும் இன்றைய நாளை ‘தொடக்கமாக’ ஏற்று சந்தியாவந்தனம், காயத்ரி ஜபம் முதலானவற்றை செய்ய வேண்டும் எனப் பிரார்த்திக்கிறேன்.

காயத்ரி ஒரு மாபெரும் ரட்சை.
உச்சாடனம் செய்பவருக்கான துளைக்க முடியாத பாதுகாப்பு வளையம்.
காயத்ரி, மந்திரங்களின் மாதா.

சந்தியாவந்தனம் செய்யாது, எவ்வளவோ திரவியம் தருவித்து ஹோமங்களும் இதர பூஜைகளும் செய்தாலும், அவற்றால் எந்த பூஜாபலனும் ஏற்படாது. ‘அன்னையை பட்டினி போட்டுவிட்டு அன்னதானம் செய்தது போல’ என்பார்கள்.

சந்தியாவந்தனம் காயத்ரி செய்வதற்கான யோக்யதாம்ஸம் இருந்தும், செய்யாமல் இருப்பது எவ்வளவு பொறுப்பற்ற செயல்?
அது லோகரக்ஷனைக்காக அந்தணன் செய்யவேண்டிய தலையாய கடமை.

இன்னும் சொல்லவொன்றுண்டு.
காயத்ரி முதலாக எந்த ஜபத்தையும்
‘எண்ணி’ச் செய்தால்தான் பலனுண்டு.
இதில் ‘எண்ணி’க்கு இரண்டு அர்த்தம்.
சொல்லப்படும் ஜபத்தின் எண்ணிக்கையினை கணக்கு வைத்தல்;
இன்னொன்று, ஜபிக்கும் போது வேறு சிந்தனைகள் இன்றி, அந்த ஜபத்தில் மனம் குவித்து தியானிக்கப்படும் சொரூபத்தினை மனதில் எண்ணி சலனமற்றிருத்தல்.

காயத்ரி ஜபிக்கும்போது, எண்ணும் கைகளை வஸ்திரத்தினால் மறைத்துக் கொண்டு செய்வதற்கு பல காரணங்கள் உண்டு.

பொதுவாகச் சொல்லப்படும் காரணம் ‘எண்ணிக்கையை வெளியில் தெரியும் வண்ணம் செய்தால் துர்தேவதைகள் அந்த ஜப பலன்களை ஈர்த்துக் கொள்ளும் அல்லது தடுக்கும்’ என்பது.

பல நேரம் என் கண்களில் படுவது ‘இன்று 108 எண்ணினேன்; நான் பத்து நாட்களாக ஆயிரத்தெட்டாக்கும்!’ போன்ற டிக்ளரேஷன்கள். செய்யும் ஜபத்தின் எண்ணிக்கை வெளியில் தெரியாது மறைத்தல்போல, ஜபத்தின் கணக்கையும் வெளியில் சொல்வதும் முறையல்ல. தனக்கு ஒரு ஜபம் இருப்பதையே வெளியில் சொல்லலும் சாஸ்திர சம்மதம் அற்றது. கடமையை பெருமையாக்கலாகாது. இனி அந்தத் தவறை செய்யாமல் இருப்போம்.

‘இன்று காயத்ரி ஜபம். இன்றேனும் 1008 எண்ணு!’ என்று தரப்பட்ட சலுகை.

காயத்ரி எண்ணிக்கை வசதிக்காக பத்து சோழிகள், காசுகள், அல்லது வசதியிருந்தால் பத்து வைரம் கூட பக்கத்தில் வைத்துக் கொள்ளுங்கள்.
கரமாலை என்று விரல் கணுக்களை ஒரு சுற்றுக்கு 20 என ஐந்து சுற்றை நூறாக்கி எண்ணும் முறை அறிவோம் தானே? ஒரு நூறு எண்ணி முடித்தவுடன், எடுத்து வைத்த பத்து சோழிகளில் அல்லது காசுகளில் ஒன்றை அகற்றி இன்னொரு பக்கம் வையுங்கள். இப்படியாகத் தானே பத்தும் அக்கரை சேர மீதி எட்டை விரல் விட்டு எண்ணினால் போச்சு!

நாளைக் காலை வெற்றிகரமாக 1008 எண்ணிவிட்டு, 'ஆனந்தம் ஆனந்தம் ஐயப்பா! இனி அடுத்த வருஷம் தானே ஐயப்பா!' என்று ஆனந்தப் பள்ளு பாடவேண்டாம்.
மாலையே மீண்டும் சந்தியோடு நூற்றியெட்டு காயத்ரி கண்டிப்பாகச் செய்யவும்.

இனியேனும் தினமும் சந்தியும் காயத்ரியும் தினமும் செய்ய உறுதி கொள்ளவும். விடாமல் தொடரவும்.
மனம் ஒன்றி காயத்ரி ஜபிக்கும் ஒரு வழிமுறையை சாயங்காலம் சொல்கிறேன்.

சர்வே ஜனா சுகினோ பவந்து.
காயத்ரி மாதா கடாக்ஷம் பரிபூரணம்.

மோகன் ஜி

26/08/2026

எட்டும் பத்தும்

எட்டும் பத்துமாய் அமைந்த படி
கிட்டும் சொர்க்கமாய் ஏற்றும்படி
சொட்டும் நெய்க்குளி நிகழ்ந்தபடி
முட்டும் சரணம்வான் கூரைமுடி

பதினெட் டெனும் எண் பவித்ரம்
துதிசெய் கீதை அத்தியா யங்கள்
விதிசெய் பாரதப் போர் தினங்கள்
அதிசபரி சூழ்ந்த அரண் மலைகள்

நவைபுரி ராவண வதமான நாட்கள்
சுவை மிகுபுராணப் பெரு வரிசை
அவை போற்றும் பெரும் சித்தர்கள்
இவை யாவும் பதினெட்டு என்றாகும்

படிக்கொரு தெய்வம் அதிபதி
அடிக்கொரு ஆசியும் வருநிதி
குடிதனைக் காக்கும் குணநிதி
முடியேந்தி வந்திட நல்கதி

பூதமைந்தும் புலனைந்தும் குண
பேதமூன்றும் கோசமைந்தும் சேர
பதினெண் படியாம் பகவான் படை
பதினெட் டாயுதம் படியான துமாம்.

சத்தியமான பொன்னுபடி பதினெட்டு
நித்தியமும் நினைந்திட நன்மையுண்டு
புத்தியிற் நற்சிந்தை உதித்தலுண்டு
எத்திசையும் புகழ் மேவும் வாழ்வுமுண்டு

மோகன் ஜி

22/08/2026

தேஜோமண்டல மத்யகம் த்ரிணயனம் திவ்யாம் பராலங்க்ருதம்
தேவம் புஷ்ப ஸரேக்ஷúகார்முக லஸந் மாணிக்ய பாத்ராபயான்
பிப்ராணம் கரபங்கஜை: மதகஜஸ்கந்தாதிரூடம் மஹா
சாஸ்தாரம் ஸததம் நமாமி வரதம் த்ரைலோக்ய ஸம்மோஹனம்

21/08/2026

பக்தியி னாலே – இந்தப்
பாரினி லெய்திடும் மேன்மைகள் கேளடீ!

சித்தந் தெளியும் – இங்கு
செய்கை யனைத்திலும் செம்மை பிறந்திடும்,

வித்தைகள் சேரும் – நல்ல
வீர ருறவு கிடைக்கும், மனத்திடைத்

தத்துவ முண்டாம் – நெஞ்சிற்
சஞ்சலம் நீங்கி உறுதி விளங்கிடும்

(மஹாகவி பாரதியார்)

19/08/2026

ஒன்றென்றிரு!
தெய்வம் உண்டென்றிரு !

18/08/2026

உனையன்றி துணை உண்டோ?
உபாபதி மகிழ் உத்தமனே!

எனையாளும் கண்கண்ட தெய்வமே!
என்றும் என்னோடிரு ஸ்வாமியே!

(படத்துக்கு நன்றி கல்யாண் அண்ணா)

Sri Sathgurunathan Ayyappa Seva Sangham-SSASS

03/09/2026

02/09/2026

31/08/2026

28/08/2026

26/08/2026

26/08/2026

22/08/2026

21/08/2026

19/08/2026

18/08/2026

Address

Website

Alerts

Shortcuts

Share

Category

Listing takedown request