தொழில்முனைவோர்களை ஊக்குவிக்க சர்வதேச அளவில் செயல்படும் அமைப்பு டை ( TiE - The Indus Entrepreneurs). இதன் சென்னைப் பிரிவு டை சென்னை. டை சென்னையில் 600-க்கும் மேற்பட்ட உறுப்பினர்களும் 175-க்கும் மேற்பட்ட சிறப்பு உறுப்பினர்களும் உள்ளனர். தொழில்முனைவை ஊக்குவிக்க சென்னையில் மட்டுமல்லாமல் தமிழக அளவில் பல நடவடிக்கைகளை டை சென்னை செயல்படுத்தி வருகிறது.
ஒவ்வொரு மாதமும் பல நிகழ்ச்சிகளை டை சென்னை நடத்தி வருக
ிறது. டை சென்னை பிரத்யேகமாக நடத்துவது மட்டுமல்லாமல், பிற அமைப்புகளுடன் இணைந்தும் நிகழ்ச்சிகளை நடத்தி வருகிறது.
புதிய தொழில்முனைவோர்களை உருவாக்குவது, ஏற்கெனவே இருக்கும் தொழில்முனைவோர்களுக்கு ஆலோசனை வழங்குவது, புதிய நிறுவனங்களுக்கு நிதி திரட்டுவதில் உதவுவது உள்ளிட்ட பல பணிகளில் டை சென்னை ஈடுபட்டுவருகிறது.
தொழில்முனைவோர்கள், பெரு நிறுவனங்களின் தலைவர்கள், முதலீட்டாளர்கள் என பலதரப்பட்டோரும் தங்களது வெற்றி வழிகளை டை நிகழ்வுகளில் பகிர்ந்து கொள்கின்றனர். 2014-ம் ஆண்டு முதல் சர்வதேச அளவில் செயல்படும் சிறந்த அமைப்பாக டை சென்னை விளங்குகிறது. தொடர்ந்து நடத்தப்படும் சிறந்த நிகழ்ச்சிகள், புதிய உறுப்பினர்களின் எண்ணிக்கை உயர்ந்து வருவது போன்றவை டை சென்னை பெற்றுவரும் அங்கீகாரத்துக்கு சான்றாக விளங்குகின்றன.
