YMCA Budhanoor

15/08/2026

പൊതിച്ചോറ് വിതരണം

ബുധനൂർ വൈഎംസിഎയുടെ ഹംഗർ ഫ്രീ പ്രോജക്ടിന്റെ ഭാഗമായി പേരിശ്ശേരി ശാന്തിതീരം, പുലിയൂർ കാൽവറി എന്നിവിടങ്ങളിൽ പൊതിച്ചോറ് വിതരണം നടത്തി.

വൈഎംസിഎ പ്രസിഡണ്ട് ശ്രീ. വർഗ്ഗീസ് ഡാനിയേൽ, പ്രാർത്ഥനാ യോഗം കോർഡിനേറ്റർ ശ്രീ. ടി. പി. മാത്യു, ജോയിന്റ് സെക്രട്ടറി ശ്രീമതി ഓമന ജേക്കബ്, ട്രഷറർ ശ്രീ. ജേക്കബ് എബ്രഹാം, വൈഎംസിഎ അംഗം ഷാരോൺ സൈമൺ വർഗീസ് എന്നിവർ വിതരണത്തിന് നേതൃത്വം നൽകി.

വൈഎംസിഎ ഡയറക്ടർ ബോർഡ് അംഗവും ഹംഗർ ഫ്രീ പ്രോജക്ടിന്റെ കോർഡിനേറ്ററുമായ ശ്രീമതി ഷെറിൻ സാറാ സൈമൺ ആവശ്യമായ ക്രമീകരണങ്ങൾ നടത്തി.

പൊതിച്ചോറും ആവശ്യമായ സാമ്പത്തിക സഹായങ്ങളും നൽകി ഈ സ്നേഹപദ്ധതിയോട് സഹകരിച്ച എല്ലാ നല്ലവരായ വ്യക്തിത്വങ്ങൾക്കും ബുധനൂർ വൈഎംസിഎയുടെ പേരിൽ ഹൃദയത്തിന്റെ ഭാഷയിൽ നന്ദിയും സ്നേഹവും അറിയിക്കുന്നു.

നിങ്ങളുടെ ഒരു പൊതിച്ചോറ്… ഒരാളുടെ വിശപ്പ് അകറ്റുന്ന സ്നേഹത്തിന്റെ കൈത്താങ്ങാണ്.

15/08/2026

സ്വാതന്ത്ര്യദിനാഘോഷം 2026

ബുധനൂർ വൈഎംസിഎയുടെ ആഭിമുഖ്യത്തിൽ സ്വാതന്ത്ര്യദിനാഘോഷം മദർ മേരി സെൻട്രൽ സ്കൂളിൽ സംഘടിപ്പിച്ചു. ആഘോഷത്തിന്റെ ഭാഗമായി ബുധനൂർ വൈഎംസിഎ പ്രസിഡണ്ട് ശ്രീ. വർഗ്ഗീസ് ഡാനിയേൽ ദേശീയപതാക ഉയർത്തി. തുടർന്ന് ദേശീയഗാനം ആലപിച്ചു.

വൈഎംസിഎ വൈസ് പ്രസിഡണ്ട് ശ്രീമതി ഓമന ജേക്കബ് സ്വാതന്ത്ര്യദിന സന്ദേശം നൽകി.

വൈഎംസിഎ ഡയറക്ടർ ബോർഡ് അംഗവും യൂത്ത് ഫോറം കൺവീനറുമായ ശ്രീ. സാം ജേക്കബ് എല്ലാവർക്കും കൃതജ്ഞത രേഖപ്പെടുത്തി.

വൈഎംസിഎ ഡയറക്ടർ ബോർഡ് അംഗം ശ്രീ. ബാബു ഡാനിയേൽ, വൈഎംസിഎ അംഗം ഷാരോൺ സൈമൺ വർഗീസ് എന്നിവരും ചടങ്ങിൽ പങ്കെടുത്തു.

രാജ്യത്തിന്റെ സ്വാതന്ത്ര്യത്തിനായി പോരാടിയ ധീരദേശാഭിമാനികളെ അനുസ്മരിച്ചും രാജ്യത്തിന്റെ പുരോഗതിക്കായി ഒരുമിച്ച് പ്രവർത്തിക്കാനുള്ള പ്രതിജ്ഞ പുതുക്കിയും ആഘോഷം സമാപിച്ചു.

11/08/2026

ഭവന സന്ദർശനം

ബുധനൂർ വൈഎംസിഎ പാലിയേറ്റീവ് കെയറിന്റെ നേതൃത്വത്തിൽ ബുധനൂർ പഞ്ചായത്തിലുള്ള നാല് രോഗികളുടെ ഭവനങ്ങൾ സന്ദർശിച്ച് രോഗികളുടെ ക്ഷേമം അന്വേഷിക്കുകയും അവർക്കായി പ്രാർത്ഥന നടത്തുകയും ചെയ്തു.

തുടർന്ന് പരുമല ആശുപത്രിയിൽ ചികിത്സയിൽ കഴിയുന്ന മറ്റൊരു രോഗിയെയും സന്ദർശിക്കുകയും, ബുധനൂർ വൈഎംസിഎ പാലിയേറ്റീവ് കെയറിന്റെ ചികിത്സാ സഹായം കൈമാറുകയും ചെയ്തു.

റവ. ഫാദർ സൈമൺ വർഗീസ് കണ്ണങ്കരേത്ത് അച്ചന്റെ നേതൃത്വത്തിൽ നടന്ന ഭവന സന്ദർശനത്തിൽ വൈഎംസിഎ പ്രസിഡന്റ് ശ്രീ. വർഗീസ് ഡാനിയേൽ, ട്രഷറർ ശ്രീ. ജേക്കബ് എബ്രഹാം, ജോയിന്റ് സെക്രട്ടറി ശ്രീമതി ഓമന ജേക്കബ്, ഡയറക്ടർ ബോർഡ് അംഗവും യൂത്ത് ഫോറം കൺവീനറുമായ ശ്രീ. സാം പി. ജേക്കബ്, സീനിയർ സിറ്റിസൺസ് കൺവീനർ ശ്രീ. ജോസഫ് തുണ്ടിയിൽ എന്നിവർ പങ്കെടുത്തു.

09/08/2026

ബുധനൂർ വൈഎംസിഎയുടെ ആഗസ്റ്റ് മാസത്തെ പ്രതിമാസ പ്രാർത്ഥനാ യോഗം നടത്തി

ബുധനൂർ വൈഎംസിഎയുടെ 2026 ആഗസ്റ്റ് മാസത്തെ പ്രതിമാസ പ്രാർത്ഥനാ യോഗം ആഗസ്റ്റ് 9 ഞായറാഴ്ച വൈകിട്ട് 6.30ന് ബുധനൂർ കൊച്ചാലുംമൂട്ടിൽ ജോയ് വില്ലയിൽ ബിജോയ് തോമസിന്റെ ഭവനത്തിൽ വച്ച് നടത്തി.

വൈഎംസിഎ പ്രസിഡന്റ് ശ്രീ. വർഗീസ് ഡാനിയേൽ അധ്യക്ഷത വഹിച്ചു. പ്രതിമാസ പ്രാർത്ഥനാ യോഗത്തിന്റെ കോർഡിനേറ്റർ ശ്രീ. ടി.പി. മാത്യു ഏവർക്കും സ്വാഗതം ആശംസിച്ചു. ഗാനശുശ്രൂഷയ്ക്കും വേദവായനയ്ക്കും ശേഷം റവ. ഫാ. ഷിജോ തോമസ് വചനശുശ്രൂഷ നിർവഹിച്ചു.

ബുധനൂർ വൈഎംസിഎ മുൻ പ്രസിഡന്റ് റവ. ഫാ. സൈമൺ വർഗീസ് കണ്ണങ്കരേത്ത് വൈഎംസിഎയുടെ പ്രവർത്തനങ്ങളെക്കുറിച്ച് വിശദീകരിക്കുകയും സംഘടനയുടെ ഭാവി പ്രവർത്തനങ്ങളിൽ 30 വയസ്സിന് താഴെയുള്ള യുവജനങ്ങളുടെ പ്രാതിനിധ്യം ഉറപ്പാക്കേണ്ടതിന്റെ ആവശ്യകതയെക്കുറിച്ച് ഉദ്ബോധിപ്പിക്കുകയും ചെയ്തു.

ബി.എസ്.സി. കമ്പ്യൂട്ടർ സയൻസ് പരീക്ഷയിൽ ഉന്നത വിജയം നേടിയ കൊച്ചാലുംമൂട്ടിൽ ജോയ് വില്ലയിൽ ജസ്റ്റിൻ തോമസ് ബിജോയെ യോഗത്തിൽ മൊമെന്റോ നൽകി അനുമോദിച്ചു.

തുടർന്ന് ബിജോയുടെ മകൾ കെസിയയ്ക്ക് സമ്മാനമായി ലഭിച്ച ₹10,000 വൈഎംസിഎയുടെ പ്രവർത്തനങ്ങൾക്കായി സംഭാവന നൽകി. ഈ സ്നേഹപൂർവ്വമായ സംഭാവനയ്ക്ക് ബിജോയിയുടെയും കുടുംബത്തിന്റെയും പേരിൽ ബുധനൂർ വൈഎംസിഎയുടെ നന്ദിയും കടപ്പാടും അറിയിച്ചു.

റിപ്പോർട്ട് അവതരണത്തിന് ശേഷം ബുധനൂർ വൈഎംസിഎ ജോയിന്റ് സെക്രട്ടറി ശ്രീമതി ഓമന ജേക്കബ് ഏവർക്കും കൃതജ്ഞത രേഖപ്പെടുത്തി.

റവ. ഫാ. സൈമൺ വർഗീസും റവ. ഫാ. ഷിജോ തോമസും ചേർന്ന് സമർപ്പണ പ്രാർത്ഥനയ്ക്ക് നേതൃത്വം നൽകി. തുടർന്ന് ആശീർവാദത്തോടെ യോഗം പര്യവസാനിച്ചു.

13/07/2026

ബുധനൂർ വൈഎംസിഎ യുടെ 2026 ജൂലൈ മാസത്തെ പ്രാർത്ഥനാ യോഗം 12-7-26 ഞായറാഴ്ച വൈകിട്ട് ആറര മണിക്ക് ബുധനൂർ പാലത്തുംപാട്ട് ശ്രീ P. D. തമ്പിയുടെ ഭവനത്തിൽ വൈഎംസിഎ പ്രസിഡണ്ട് ശ്രീ വർഗ്ഗീസ് ഡാനിയേലിൻ്റെ അധ്യക്ഷതയിൽ നടത്തപ്പെട്ടു. വൈഎംസിഎ പ്രതിമാസ പ്രാർത്ഥനാ യോഗത്തിൻ്റെ കോർഡിനേറ്റർ ശ്രീ ടി.പി മാത്യു ഏവർക്കും സ്വാഗതം ആശംസിച്ചു. പാട്ട്, വേദവയനക്ക് ശേഷം ശ്രീ മാത്യു യോഹന്നാൻ വചന ശുശ്രൂഷ നിർവഹിച്ചു. റിപ്പോർട്ട് അവതരണത്തിന് ശേഷം ബുധനൂർ വൈഎംസിഎ സെക്രട്ടറി ശ്രീ ജേക്കബ് കെ വർഗീസ് ഏവർക്കും കൃതജ്ഞ രേഖപ്പെടുത്തി. വചന ശുശ്രൂഷ നിർവഹിച്ച ശ്രീ മാത്യു യോഹന്നാൻ സമർപ്പണ പ്രാർഥനക്ക് നേതൃത്വം നൽകി. ആശിർവാദത്തോടെ യോഗം പര്യവസാനിച്ചു

20/06/2026

14/06/2026

ബുധനൂർ വൈഎംസിഎ യുടെ പ്രതിമാസ പ്രാർത്ഥനാ യോഗം ഇന്ന് 14-6-2026 ഞായറാഴ്ച തോനക്കാട് കോയിക്കൽ തെക്കേതിൽ വർഗീസ് ചാക്കോയുടെ ഭവനത്തിൽ വെച്ച് നടത്തപ്പെട്ടു. പ്രാർത്ഥനാ യോഗത്തോട് അനുബന്ധിച്ച് 3 വൈഎംസിഎ അംഗങ്ങളുടെ പ്രതിഷ്ഠാ ശുശ്രൂഷയും , 2026- 2027 വർഷത്തെ പുതിയ 4 ഭാരവാഹികളുടെ പ്രതിഷ്ഠാ ശുശ്രൂഷയും നടത്തപ്പെട്ടു. പ്രതിഷ്ഠാ ശുശ്രൂഷയ്ക്ക് വൈഎംസിഎ മുൻ നാഷണൽ ബോർഡ് അംഗം ശ്രീ തോമസ് ചാക്കോയും ബുധനൂർ വൈഎംസിഎ മുൻ പ്രസിഡൻ്റും ആയ റവ.ഫാദർ സൈമൺ വർഗീസ് കണ്ണങ്കരേത്തും നേതൃത്വം വഹിച്ചു. തുടർന്ന് Plus 2 പരീക്ഷയിൽ ഉന്നത വിജയം കരസ്ഥം ആക്കിയ ജോയൽ പി എബ്രാഹം, ലയാ മറിയം ഗീവർഗീസ് എന്നിവരെ മൊമെൻ്റോ നൽകി അഭിനന്ദിച്ചു. ബുധനൂർ വൈഎംസിഎ പ്രസിഡണ്ട് ശ്രീ വർഗീസ് ഡാനിയേൽ ഇന്ന് ഗാന്ധി ഭവൻ ദേവാലയത്തിൽ നടത്തപ്പെട്ട ആദിവാസി ഗോത്ര വിഭാഗത്തിൽ പെട്ട പത്തു പേരുടെ സമൂഹ വിവാഹത്തിൽ ബുധനൂർ വൈഎംസിഎ അംഗങ്ങൾ പങ്കെടുക്കുകയും വൈഎംസിഎ യുടെ പേരിലുള്ള ഉപഹാരം നൽകിയതായി ഉള്ള വിവരം അറിയിച്ചു. ഡയറക്ടർ ബോർഡ് തീരുമാനപ്രകാരം ഈ മാസം മുതലുള്ള പൊതിച്ചോറ് വിതരണം പേരിശ്ശേരി ശാന്തി തീരത്തും , പുലിയൂർ കാൽവരിയിലും നൽകുന്നതിനുള്ള തീരുമാനം എടുത്തതായി അറിയിച്ചു. ബുധനൂർ വൈഎംസിഎ യുടെ പ്രോജക്ട് ആയ വൃക്ഷ തൈ വിതരണ പദ്ധതിയുടെ ആദ്യ വിതരണം ജൂൺ 5 ലോക പരിതസ്ഥിതി ദിനത്തോട് അനുബന്ധിച്ച് നടത്തപ്പെട്ടതായി പ്രഖ്യാപിച്ചു. റവ ഫാദർ സൈമൺ വർഗീസ് കണ്ണങ്കരേത്തു പുതിയ ഭരണ സമിതി അംഗങ്ങൾക്ക് ആശംസകൾ അറിയിച്ചു. തുടർന്ന് വൃക്ഷ തൈ വിതരണ പദ്ധതിയുടെ കോർഡിനേറ്റർ ബിജു എഡ്വേർഡിനെ അഭിനന്ദിച്ചു . ഇന്ന് നടന്ന പ്രാർഥന യോഗത്തിൽ ശ്രീമതി എലിസബത്ത് സാമുവേൽ വചന ശുശ്രൂഷ നടത്തി . ശ്രീ തോമസ് പി ആർ സമർപ്പണ പ്രാർഥനക്ക് നേതൃത്വം നൽകി. ആശിർവാദത്തോടും ലഘുഭക്ഷണത്തോടും കൂടി യോഗം അവസാനിച്ച്

05/06/2026

ലോക പരിസ്ഥിതി ദിനാഘോഷവും വൈ. എം സി . എ സ്ഥാപക ദിനാഘോഷവും ബുധനൂർ മാർ മേരി സെൻട്രൽ സ്‌കൂളിൽ നടന്നു.

04/06/2026

YMCA Budhanoor

24/05/2026

2026-2027 Director Board Members
ബുധനൂർ വൈഎംസിഎ യുടെ മൂന്നാമത് പൊതുയോഗം 2026 മെയ് ഇരുപത്തിനാലാം തിയതി വൈകിട്ട് നാലുമണിക്ക് ബുധനൂർ മദർ മേരി സെൻട്രൽ സ്കൂളിൽ വെച്ച് നടത്തപ്പെട്ടു. ബുധനൂർ വൈഎംസിഎ പ്രസിഡണ്ട് റവ. ഫാദർ സൈമൺ വർഗീസ് കണ്ണങ്കരേത്ത് അധ്യക്ഷത വഹിച്ചു. വന്നു ചേർന്ന എല്ലാ വൈഎംസിഎ അംഗങ്ങൾക്കും അധ്യക്ഷൻ സ്വാഗതം ആശംസിച്ചു. അധ്യക്ഷ പ്രസംഗത്തിന് ശേഷം 2025 - 2026 ലെ വാർഷിക റിപ്പോർട്ടും 2025- 2026 സാമ്പത്തിക വർഷത്തിലെ വരവ് ചിലവ് കണക്കുകളും അവതരിപ്പിച്ചു. തുടർന്ന് 2026 -2027 ലെ പുതിയ ഭാരവാഹികളെയും വൈഎംസിഎ പ്രോജക്ട് കോഓർഡിനേറ്റർമാരെയും തിരഞ്ഞെടുത്തു. ശ്രീ വർഗീസ് ഡാനിയേൽ പ്രസിഡൻറ്, ശ്രീ വിൽസൺ ജേക്കബ് വൈസ് പ്രസിഡണ്ട്, ശ്രീ ജേക്കബ് കെ വർഗീസ് സെക്രട്ടറി, ശ്രീമതി ഓമന ജേക്കബ് ജോയിൻ്റ് സെക്രട്ടറി, ശ്രീ ജേക്കബ് എബ്രഹാം ട്രഷറർ. ചടങ്ങിൽ ഡിഗ്രി പ്ലസ്2 പരീക്ഷകളിൽ ഉന്നതവിജയം കരസ്ഥമാക്കിയ വൈഎംസിഎ അംഗങ്ങളുടെ കുട്ടികൾക്ക് മമെൻ്റോ നൽകി അനുമോദിച്ചു. സമർപ്പണ പ്രാർഥനക്ക് ശേഷം പൊതുയോഗം അവസാനിച്ചു